Eftir Blóðbankann kíkti ég á Röggu og lillababy og spjallaði við þau aðeins og fékk að knúsa ungann aðeins. Svo næst var það afar hugguleg strætóferð uppá Skaga þar sem að strákarnir biðu tilbúnir í Vesturförina. Við lögðum af stað um 7 leytið og vorum komin á tjaldsstæðið í Tungudal um miðnætti.

Fengum alveg ÆÐISLEGAN stað og þarna má sjá hvað það var heimilislegt og kósý hjá okkur, liðsfélagar strákanna mættu snemma á föstudeginum og áttum við okkar eigið notalega skot á tjaldstæðinu. Spennan magnaðist heilmikið við komu liðsfélaganna og var farið að skipuleggja leikina og útbýta búningum en strákarnir voru í Trauma-Team styrktir af 112 neyðarlínunni. Sem var bara fyndið :) Slökkvilið Ísafjarðar var svo mætt á föstudagskvöldið til að bleyta vellina vel og vandlega enda ekki hægt að spila mýrarbolta á þess að hafa mýri.

Svo rann aðaldagurinn upp, leikar hófust klukkan 10 um morgunin og piltarnir löbbuðu af stað í rigningu og kulda í átt að frumraun sinni í Mýrarbolta. Þegar maður er að fara að keppa í jafn krefjandi sporti og Mýrarbolta þá er nauðsynlegt að hita vel upp, hita lungun með tóbaksreyk og mallann með bjór ummmummm!

Strákarnir spiluðu 3 leiki, tvo fyrstu án þess að fá pásu á milli og svo fengu þeir pásu í einn leik fyrir þann síðasta. Og pásan var velkomin því að ég held að engann þeirra hafi grunað hversu BRJÁLAÐ þetta yrði.

Magnús stóð sig frábærlega í markinu og vann svo hinn eftirsótta titill Drullugasti leikmaður mótsins, verðskuldaður sigur eins og sjá má á þessarri mynd. Fyrstu 2 leikirnir fóru 2-0 og svo 1-0 en strákarnir létu það ekkert á sig fá enda voru þeir virkilega góður sérstaklega í seinni leiknum og þetta 1-0 var virkilega tæpt. Í pásunni var farið inní risatjald að hlýja sér og þá hittum við leikmenn síðasta liðsins sem að strákarnir áttu að keppa við og varð okkur um leið ljóst að þetta yrði eins og slagur milli kettlings og tígrisdýr. Greyin voru soldið mikið fullir og einn leikmaðurinn mætti ekki til leiks því að hann þurfti að drepast, sem hann og gerði...á jörðinni, drulluskítugur og berfættur undir teppi :)

Virkilega hressandi og ég held að þessi mynd sé bara totally ljósmynd mótsins hahahaha!! Síðasti leikurinn fór easy 3-0 fyrir Trauma-Team og strákarnir voru skítugir en ánægðir með daginn.
GO TRAUMA-TEAM

Eftir þetta var bara farið í sund þar sem strákarnir voru heila eilífð að moka drullunni af sér og svo var bara borðað og farið heim í tjald að drekka bjór. Nonni og Stefán mættu svo ferskir til leiks okkur til endalausrar skemmtunar.

Þórir og Ármann í annarlegu ástandi :)

Frændurnir kátir að venju ;)

Daginn eftir var þetta það fyndnasta ever en svona lagað getur gerst þegar að fólk tjaldar með bjór í hönd og vantar nokkrar súlur :þ

Kvennaliðin voru algjör snilld í boltanum og voru allar í rosalegum búningum og alveg óhræddar við að skíta sig VERULEGA út meira að segja eftir að leiknum var lokið.

Síðasti leikur strákanna fór svo 1-0 en Trauma-Team voru ótrúlega flottir, liðið sem þeir kepptu við Triton Ivanov héldu svo áfram og unnu mótið. Óli og Atli voru ótrúlega sætir og skítugir og var svo bara farið og skolað af sér í ískaldri ánni!!!

Hraustir strákar!!! Eftir sturtu var svo haldið heim á leið og við Óli héldum svo áfram að skemmta okkur með Nonna og Þóru og komum heim 4:30 í morgun. Svo var bara stórþvottur í morgun einar 6 vélar eftir ferðina... við erum brjálaðar hetjur! Nú get ég bara ekki meir og ætla að skríða upp í sófa og slaka...