Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • miðvikudagur, janúar 31, 2007


    Out for a stroll

    Ég veit að Óli er ekki sannfærður en eftir að ég varð fullorðin í fyrradag þá hef ég skilið mikilvægi þess að klæða sig vel og eftir veðri. Ég var ekki svo klár á því á mínum yngri árum. Á leiðinni í vinnuna í dag varð mér hugsað til vetursins 1991-1992, fyrir mér verður það alltaf frostaveturinn mikli. Ekki af því að það var svo kalt heldur af því að ég var svo cool að ég gat ekki klætt mig vel.
    Þennan vetur gengu við vinkonurnar ekki í fötum sem ekki voru úr gallaefni. Annað en gallaefni var óbjóður. Að setja á sig húfu var ekki ásættanlegt en trefill og vettlingar sluppu stundum í gegn.
    Úlpur voru ekki í boði og var það helst til of mikið að ætlast til þess að Levi´s einn héldi hita á kroppnum. Gallabuxur Levi´s 501 ekkert annað, Nike strigaskór, bolur og hettupeysa og svo Levi´s gallajakki og út í kuldann.
    Ég fæ gæsahúð af tilhugsuninni. Mig minnir að ég hafi verið kvefuð allan þennan vetur en ég var mjög flott gella. Svona frostbitnar gengum við vinkonurnar um ganga Hagaskóla, gallaefnið frosið fast við lærin en bros á vör.
    Gott að maður er eitthvað búin að læra, núna fer ég bara út í frostið í sokkabuxum og stuttu pilsi.


    - Játaði Karen


    þriðjudagur, janúar 30, 2007


    Just catching a few z´s

    Zzzzzzzzzzzzzz!
    Hvernig er hægt að fara upp rúm kl 22 og sofa vel og vandlega, en vera þreyttari þegar maður vaknar kl 7 morgunin eftir. Óli þurfti að dekstra mig fram úr í morgun en ég mótmælti kröftuglega að vera látin fara á fætur.
    Búin að vera hálf hauslaus í vinnunni í dag en tengi það samt frekar þeim framkvæmdum sem eru í gangi, enda límlyktin allt að kæfa og manni hálf ómótt bara. Er dauðfegin að vera í kjallaranum þar sem loftið er betra og ekki eins mikill djöfulgangur.
    Það er verið rífa upp alla afgreiðsluna hér á bæ og gera nýtt og fallegt.
    Síðan þetta hófst þá hef ég verið haldin sterkri þörf að fá að taka í kúbein hjá smiðunum og hjálpa þeim að rífa niður innréttingar. Ég held að það sé heilmikil útrás fólgin í því að fá að rífa niður veggi og brjóta alla og bramla. Ekki það að ég sé haldin einhverri innri reiði sem þarf að losa, mér finnst þetta bara spennó.
    Hugsa að mér fyndist það skemmtilegt í ca 4 mínútur og svo væri ég búin að fá nóg.
    Það hanga uppi nýjar teikningar af afgreiðslunni og ég er búin að vera hvetja samstarfskonur mínar til að breyta þeim aðeins, hef meira að segja boðist til að lána þeim til þess blýant. Mér finnst vanta sárlega bar og heitan pott í afgreiðsluna og jafnvel nokkur hengirúm fyrir okkur þreyttu ríkisstarfsmennina.
    Þær eru samt bara gungur og þora því ekki, ætli ég endi ekki með því að verða að breyta þessum teikningum sjálf. En þá verður þeim sko ekki boðið á barinn eða í hengrúmin.


    - Játaði Karen


    mánudagur, janúar 29, 2007


    Magical me!

    Það er ekki óalgengt að maður gangi með ýmsa órökrétta ótta í maganum. Ég er til dæmis frekar hrædd við töframenn. Kannski þetta sé bara gamla góða dæmið um að óttast það sem maður skilur ekki og ég skil EKKI töfra. Við horfðum á þáttinn T.H.E.M Totally.Hidden.Extreme.Magic á föstudag og það rifjaði upp fyrir mér hvað töframenn FRÍKA mig út! Ég skil ekki hvernig þeir gera þessi töfrabrögð og þess vegna finnst mér þeir bara soldið hræðilegir as in þeir hræða mig.
    En ekki það að neitt af þeim (THEM) hafi komist í hálfkvist við David Blaine, en hann er náttúrulega svakalegasti töframaður ever, nafni hans Copperfield og tígriselskendurnir Roy og Sigfried eru bara eins og trúðar miðað við hann.
    Eftir að ég hafði séð David Blaine komst ég að þeirri niðurstöðu að þetta eru ekki töfrabrögð sem hann er að gera... nei alls ekki. David Blaine þarf ekki að beita brögðum því að hann er bara göldróttur í alvörunni, og ef ég trúði á svoleiðis þá myndi ég bara að segja að hann sé annaðhvort búin að selja kölska sál sína....eða hann er bara SATAN!! Það er ekki eins og hann geti bara gert ótrúlega hluti með spilum en hann lætur þyngdaraflið ekki stoppa sig, lætur grafa sig, frysta sig, drekkja sér og ekkert bítur á hann = he is the Devil! En engu að síður mjög svo flottur gaur!
    Eina manninum sem tekst að vera í flokki með David Blaine er snillingurinn Darren Brown hann er örugglega ekkert bara rosa klár sálfræðingur og sérfræðingur í að lesa fólk. Hann les bara í alvörunni hugsanir, já ég er viss um að ef að David Blaine er kölski þá er Darren Brown amma hans eða að minnsta kosti frændi sonar frænku móðurbróðurs hans í þriðja ættlið. Ekki spurning!
    Annar flottur gaur!
    Ég ætla að senda Morgan Spurlock bréf og biðja hann að senda mig til Vegas í 30 daga til að yfirstíga ótta minn við Töframenn.
    Who´s with me???

    - Játaði Karen


    föstudagur, janúar 26, 2007


    Friday

    I don't care if Monday's blue

    Tuesday's grey and Wednesday too

    Thursday I don't care about you

    It's Friday i'm in love



    Monday you can fall apart

    Tuesday Wednesday break my heart

    thursday doesn't even start

    It's Friday I'm in love

    The Cure



    Þetta er sannarlega ódauðleg speki :)
    Já haldiði að við smáfjölskyldan séum ekki á leiðinni til Benidorm eftir 78 daga að hugsa sér!!!
    Óli er svo mikill snillingur, hvað er skemmtilegra en að fá upphringingu í vinnuna og fá að heyra að það sé búið að bóka ferð í sól og sumaryl. Hann kann sko að gleðja þessi elska.
    Hlynur er að koma í dag og fær þá sjálfur þessar líka skemmtilegu fréttir og býst ég sterklega við að hann muni klífa veggina af spennu og ánægju.
    Hlakka til að sjá svipinn á honum!!
    Búið að vera stanslaust brjálæði í vinnunni hjá mér og ég hef sjaldan verið jafn önnum kafin eins og í dag. En það er í góðu lagi því að dagurinn er búinn að æða áfram og áður en ég veit af verð ég búin að vinna og farin að labba heim í þokunni.
    Það sést varla á milli húsa fyrir þoku sem að ég er viss um að Óli er hæstánægður með enda er það hans uppáhaldsveður. Ég er ekki alveg jafn hrifin enda finnst mér best að sjá amk hvert ég er að fara...og helst handa minna skil!
    Svo taka nú við spennandi tímar og æsispennandi framhaldsnám en ég er skráð í diplómanám í þróunarfræði. Ætla að byrja á því og sjá svo hvort ég bæti ekki aðeins við bara og klára masterinn enda er diplóman að fullu metin í M.A!
    Er að taka áfanga núna sem ég er rosalega spennt fyrir en hann heitir Stríðsátök og friðarferli og þó að vinnuálagið sé frekar mikið þá hef ég sjaldan verið eins spennt fyrir námsefni eins og ég er fyrir þessu.
    Annars held ég að Þróunarfræðin sé almennt bara eins og sniðin fyrir mig og mikil tilhlökkun í mér að takast á við hana.
    Afskaplega sæl og glöð í dag!
    Góða helgi ya´ll!!


    - Játaði Karen


    fimmtudagur, janúar 25, 2007


    I´m lovin it



    Við erum á leiðinni......

    - Játaði Karen


    miðvikudagur, janúar 24, 2007


    Raindrops keep falling....

    Labbaði í morgun, skildi ekkert í því afhverju það var svona dimmt, en það vill sem sagt gerast þegar hérumbil allur snjórinn er farinn. Það var langtum betra að ganga í morgun því að leiðin var vel greið og krákustígarnir sem þurfti að þræða á milli snjóskaflanna orðnir að almennilegum götum. Að því tilefni ætla ég að ganga heim líka :)
    Ég mætti reyndar einhvað perralegum kalli sem var að sniglast um túninu hjá Valsvellinum, leist ekki á hann og var farin að munda pokann með ab mjólkinni tilbúin að slá hann í rot með morgunmatnum mínum. En hann hafði vit á að vera ekki að messa við Miss Ulrich.It´s a long walk back to Eden honey so don´t sweat the small stuff.
    Kannski ég bregði mér svo bara aftur í verslunarleiðangur en ég held að nauðsynlegt sé að eyða aðeins meiri pening á útsölunum. Óli er búin að finna upp einhverja reikniformúlu sem að sýnir manni fram á að þegar maður sparar sér mikinn pening með því að versla ódýrt þá verður maður að versla meira....eða eitthvað í þá áttina?!?
    Þið getið bara skoðað þessa formúlu hjá honum. Ég er viss um að þetta er rétt hjá honum og hyggst fara að kaupa mér þægilega skó og Guð einn veit hvað annað!!
    Ég var líka að bóka sumarbústað í gær og er planið að skella sér ásamt fríðu föruneyti aðra helgina í febrúar. Ohhhh það verður sweet, grilla, pottast og SLAKA.

    - Játaði Karen


    þriðjudagur, janúar 23, 2007


    Hell on Heals

    Ég fór í Kringluna í gær sem er svo sem ekki frásögufærandi nema það að ég fór BEINT eftir vinnu sem er heldur ekki fréttnæmt nema ég fór á háhæluðum stígvélum sem ég var búin að trampa á í 8 klukkutíma. Nú hugsið þið kannski "en Karen þú vinnur á skrifstofu, þú situr á þínum fagurmótaða bossa allan daginn." Ef þið hugsið þetta þá hafið þið rangt fyrir ykkur. Já ég vinn á skrifstofu, nei ég sit ekki á bossanum allan daginn. Þessa viku er ég að taka á móti skjölum sem koma í bankapósti, þá er ég í kjallaranum og allt sem mig vantar eins og ljósritunarvél, fax, lögfræðingar eru á hæðinni fyrir ofan. Það þýðir mikið tramp upp og niður stiga allan daginn.
    En svona er það bara í lífinu.
    Þegar ég var búin að taka hring í Kringlunni þá kom Óli að hitta mig.
    Við Óli erum rosalega góð hvort við annað og hugsum í mörgum tilfellum betur um hvort annað heldur en um okkur sjálf. Við löbbuðum um Kringluna hlið við hlið, kligg klogg kligg klogg small í skónum mínum. "Karen þú þarft að fá þér þægilegri skó" segir elskan mín. "En Óli ég er ekki lesbía" svaraði ég um hæl. Án þess að ég ætli að vera með einhverja sleggjudóma þá hefur sú skilgreining Helga vinar míns á lesbíum sem konum í þægilegum skóm í sér talsvert sannleikskorn.
    Ég þekki margar lesbískar konur, frænkur, og kunningjakonur, yndislegar stúlkur allar en ég hef bara séð eina þeirra í eitt skipti á hælum.
    Ég skildi ekkert í þessarri vitleysu í honum Óla, þegar maður er 160 cm á hæð þá er maður þakklátur fyrir alla hækkun sem maður getur smeygt undir hælinn á sér. Þægindi eru ofmetin!!
    Óli myndi líklegast ekki skilja það, honum finnst sínir skór svo þægilegir að ég bíð eftir því að hann vilji sofa í þeim. Svo er hann ekki hæðarheftur eins og ég.
    Vitið þið um einhverja konu sem finnst í alvörunni gott að ganga í háum hælum?
    Ég þekki ekki eina!!
    Þegar við komum loksins heim eftir 11 tíma á hælunum, þá var ég komin með heitann þreytuverk í bakið og hljómfagran æðaslátt í iljarnar. Eins leiðinlegt og mér finnst að viðurkenna að aðrir en ég hafi rétt fyrir sér þá er ég búin að setja hælana á hilluna...amk í bili :)

    - Játaði Karen


    mánudagur, janúar 22, 2007


    We can be Heroes...

    Just for one day...
    Horfðum á fyrstu fimm þættina af Heroes í gær!!
    Hrikalegt þegar maður dettur inn á og inn í svona spennandi þætti!!!
    En í kjölfar þess að eyða kvöldinu í að horfa á fólk með ofurkrafta þá fór ég að velta fyrir mér hvaða ofurkrafts ég óska mér.
    Ekki myndi það henta mér að fljúga, eins lofthrædd og ég er, það er lítið stórfenglegt við það að geta flogið ef maður liðast um á maganum eins og ánamaðkur
    5 cm frá jörðu. Að sjá inn í framtíðina líst mér illa á, ég vil heldur að morgundagurinn verði bara áfram leyndó. Svo er ég svo mikill pottormur að ég myndi að sjálfsögðu kíkja á lottótölur næstu viku og notfæra mér það, þá er maður ekki lengur ofurhetja...heldur skúrkur.
    Ég hef lítið við það að gera að vera sterk eins og Súperman eða Hulk, ef ég þarf að láta lyfta einhverju þungu þá á ég til þess afskaplega sterkann og hraustann kærasta þannig að ég hefði lítið gagn eða gaman að því að rölta um lyftandi jeppum og öðru hlunkadóti. Hvað með að geta gert sig ósýnilega, það gæti nú verið spennandi.
    Þá gæti ég laumast inn í búningsklefa karla í vesturbæjarlauginni og líklegast hrökklast aftur út, gargandi "my eyes, my eyes ARE BURNING"! Ekkert sexý eða spennó við að standa inn í búningsklefa með öllu félagi eldri borgara...BERÖSSUÐU!
    Ekki gæti ég hugsað mér að geta lesið hugsanir fólks, sveiattan nei takk. Ég vil varla vita hvað ég er að hugsa hvað þá annað fólk.
    Nei ég held að ég haldi mig við þann hæfileika sem á best við mig... að breyta súrefni í koltvísýring!! Það geri ég afskaplega vel!


    Ég er þarna alveg aftast þriðja frá hægri....flottir leggir :)

    - Játaði Karen


    sunnudagur, janúar 21, 2007


    Speedy....

    Ef að vikan er fljót að líða þá er það ekkert miðað við hvað helgin er fljót að líða, vá maður blikkar og það er kominn sunnudagur. En ég er sko búin að standa við það sem ég ætlaði mér um helgina, í gær var sofið rúmlega fram yfir hádegi, verið á náttfötunum allan daginn, bakaðar sjúklega góðar haframjölskökur og horft á HRYLLINGSMYNDIR!!!
    Þegar ég stakk upp á við myndum horfa á hrylling þá leist Óla bara vel á það, held samt að hann hafi kannski séð eftir því þegar ég byrjaði að hrökkva í kút á mínútu fresti og eitt (lítið) hræðsluöskur slapp meira að segja út á milli varanna á mér.
    Það er ekkert eðlilegt hvað það er yndislegt að slaka svona algerlega á og gera ekki neitt. Ekki oft sem að það stendur til boða og því um að gera að nota tækifærið þegar það gefst.
    Janúar bara að verða búinn, febrúar er nú alltaf svo stuttur, mars er ágætur og páskarnir eru snemma í apríl, ég hérumbil finn lyktina af vorinu. Janúar og febrúar eru yfirleitt HANDAKRIKI ársins að mínu áliti en þeim eru fyrirgefin leiðindin þegar þeir eru fljótir að líða.
    Áður en við vitum af verða krókusarnir yndislegu vorboðarnir farnir að bora hausunum sínum upp úr snjónum. Ég get varla beðið!

    En á dagskrá í dag er að halda áfram að slaka og njóta þessa fallega sunnudags...kannski maður klæði sig og taki göngutúr eða kannski bara hreiðri um sig upp í sófa með kaffi og góða bók, ekkert leiðinlegt við það.


    - Játaði Karen


    föstudagur, janúar 19, 2007


    Gimme gimme gimme.....

    I need, I need, I need!!!!
    Enn kominn föstudagur, ljúfa líf!
    Ég nennti ómögulega á fætur í morgun og nennti enn síður að labba í vinnuna. Elskan mín er svo yndislegur að hann tók bara aukaferð og skrapp úr vinnunni til skutla prinsessunni sinni í vinnuna.
    Við hjónaleysin erum sammála um að ekkert verði gert um helgina nema að slappa af og ég væri sko til í að vera á náttfötunum eiginlega alla helgina. Enda lítið spennó að dandalast úti í þessum fimbulkulda sem ríkir hér þessa dagana.
    En ég þarf kannski að nota helgina í að laga ritgerðina mína til, það er ef ég heyri einhvern tímann í lífinu frá leiðbeinandanum mínum.
    En þetta tekur víst allt sinn tíma og ég að sjálfsögðu að KAFNA úr óþolinmæði :)

    Það hefur varla farið framhjá ykkur mínir heittelskuðu, dyggu lesendur að ég held afskaplega mikið upp á rithöfundinn Stephen King.
    Ég er búin að lesa bækurnar hans síðan ég var eiginlega of ung fyrir hans bókmenntir. Mér finnst hann alltaf jafn mikill snillingur. Núna er skjár 1 byrjaður að sýna þætti sem eru unnir eftir smásögum eftir hann og ég bíð spennt eftir kvöldinu í kvöld og þætti númer 2. King er nefnilega alveg einstakur þegar það kemur að smásagnagerð. Margar af uppáhaldsbókunum mínum eftir hann eru smásagnabækur.
    Ég dáist svo að fólki sem að hefur svona vald yfir orðum og getur skrifað svona magnaðar skáldsögur. Ég hef í alvörunni reynt að halda fyrir augun þegar ég hef verið að lesa King bækur, þær geta sko hrætt mann :þ
    Ohhh ég hlakka til í kvöld, popp og peruvatn, Stebbi Kóngur og Óli....... allt uppáhalds hahahahahha!!!



    SNILLI!!

    - Játaði Karen


    fimmtudagur, janúar 18, 2007


    These boots were made for walking....

    Reynis Péturs heilkennið komið aftur yfir mig, LABBI LABBI LABB út um allt en kann samt ekkert í stærðfræði?? Spezzzz.....
    Ég labbaði heim úr vinnunni í gær og labbaði í vinnuna í dag og ætla að labba heim á eftir. Það er fátt eins skemmtilegt og að labba í stuttu pilsi í -6 stiga gaddi en svo kappklædd að ofan að það sést varla nema í augun :þ
    En ég smellti lærunum bara í örbylgjuna og þau þiðnuðu á nó tæm!
    Það er stundum ekki tekið út með sældinni að vera prinsessa.
    Ég bíð enn spennt eftir að heyra frá leiðbeinanda mínum og upplifi þetta svolítið eins og að bíða eftir því að einhver segi manni kannski að barnið manns sé ljótt og að maður sé frekar léleg móður :/
    Ekki alveg það skemmtilegasta en eðlilegt að verkefnið standi manni ansi nærri hjarta, miðað við vinnuna á bak við.
    Lítið annað að segja er bara í startholunum að klára dæmið og bíð spennt eins og grjón.

    - Játaði Karen


    þriðjudagur, janúar 16, 2007


    Bye Bye

    Var að senda ritgerðina á leiðbeinandann minn!! Hún er öll að verða tilbúin og ég bíð spennt eftir sérfræðiáliti á hvað má gera betur.
    Þó að ég sé búin að vera með fingurnar límda á lyklaborðið núna í viku þá er mér samt sem áður ekki búið að finnast þetta leiðinlegt eða einhver kvöð. Það sýnir bara hvað það er mikilvægt að velja sér efni sem að maður hefur áhuga og ástríðu fyrir!
    Hlakka samt til þegar ég set síðasta punktinn á dýrið og er alveg alveg búin.
    Kíkti í saumó í gær sem var stuð að venju og mikið bla bla bla fram á nótt eða hérumbil. Beta þessi elska vippaði fram afar þjóðlegum kræsingum eftir pöntun og var boðið meðal annars upp á pönnsur, heitt súkkulaði og Royal búðing en það verður ekki mikið þjóðlegra en það.
    En núna er viku skrififríð mitt á enda og á morgun er það bara vinna vinna vinna. En ég er algerlega sátt við það og hlakka bara soldið til að munda stimpilinn og skrifræðið á nýjan leik. Enda ekki seinna vænna að losa líka aðeins um pósthólfið mitt en það er eflaust orðið BLINDFULLT af tilboðs auglýsingum á Viagra. Einhver þarna úti hefur áhyggjur af því að það sé eitthvað lágt á mér risið?!?!?!
    Maður skyldi ætla að tölvumiðstöð dóms og kirkjumálaráðuneytisins væri með nógu öfluga síu til að halda svona drasli frá mínum ofurviðkvæmu augum. En nei ég er á hverjum degi ónáðuð og spurð hvort að ég sé eitthvað feimin í svefnherberginu og mér ráðlagt að taka litla pillu og koma HENNI skemmtilega á óvart í kvöld.
    Það er sem sagt verið að villast á mér og miðaldra karlmanni með risvandamál en það er svo sem hægt að verða álitin eitthvað verra :þ svo ég græt það ekki!
    Annnars er þetta bara same old lífið er dásamlegt, stútfullt af ást og hamingju.
    Er hægt að biðja um meira.... ég held ekki!



    Blue love pills for everyone!!

    - Játaði Karen


    sunnudagur, janúar 14, 2007


    Sweet sunday afternoon

    Kósý helgi :)
    Eins og varla hefur farið framhjá nokkrum manni þá ætlar snjórinn allt að keyra í kaf hérna. Að því tilefni fóru Óli og Hlynur aðeins að bardúsa í snjónum í gær vopnaðir sleða og svo kappklæddir að þeir voru vart þekkjanlegir. Ég er auðvitað svo ótrúlega mikil húsmóðir að ég vippaði mér í bakstur og voru bakaðir kanelsnúðar með uppskrift frá tengdamömmu sem runnu ljúflega niður. Hlynur krútt KLÁRAÐI svo snúðana og borðaði hálfa plötu á móti mér og pabba sínum. Við Óli störðum bara á barnið sem sporðrenndi hverjum snúðnum á fætur öðrum.
    Ég fór svo í mat til hennar Möggu minnar sem einkenndist eins og alltaf af afbragðsgóðum félagskap og svo hverjum stórréttinum á fætur öðrum.
    Ég held að Magga eigi eftir að gefa út matreiðslubók....sem þið ættuð að kaupa en ég ætla bara að fá uppskriftirnar frá elsku vinkonu minni fríkeypis :þ
    Ég endaði svo kvöldið í þrítugsafmælisboði og kom ekki heim fyrr en Óli var að hugsa um að senda skátana eftir mér, enda auðvelt að týna dvergvöxnum konum í snjósköflum.
    Ég er svo bara búin að lesa og skrifa eins og gefur að skilja en gaf mér samt í dag tíma til að kíkja með elskunni minni í bíó. Við fórum að sjá myndina Apocolypto sem var ROSALEG. Ég var með kökkinn í hálsinum, tárin í augunum og óglatt til skiptis eiginlega alla myndina en ekki láta það hafa áhrif á ykkur ég er með algert dúfuhjarta og þess vegna ekkert að marka. Myndin var sem sagt algert konfekt, og hefur eitthvað fyrir alla, húmor, spennu, rómantík og fullt af stinnum indíána bossum. Gerist bara ekki mikið betra.
    Búið að vera fínt að vera í fríi í vinnunni og geta bara einbeitt mér að ritgerðinni sem vex og dafnar með hverjum deginum. Er meira að segja að hugsa um að taka mér aðeins meira frí og klára kvikindið bara alveg.
    Finnst ykkur það ekki ljómandi hugmynd??


    - Játaði Karen


    föstudagur, janúar 12, 2007


    Murder she wrote!

    Enn halda skrifin áfram, neverending story einhvern veginn!!
    Ég er búin að vera á kafi í greinum um misrétti,ofbeldi og misnotkun á konum og er að verða pínu illt í sálinni. Mest fer það með mig að lesa um umskurð kvenna, þvílíkur hryllingur og sú staðreynd að enn í dag sé verið að gera þetta við 2.000.000 stúlkur og konur árlega er skelfilegt. Svo ekki sé talað um að ein af hverjum þremur deyr eftir aðgerðina. Lífstíð sýkinga, sársauka og sálrænna kvala bíða þeirra sem lifa þetta af og samt er þetta látið viðgangast. Eins og svo margt annað sem er svona rótgróið í menningu þá er erfitt að fá fólk til að hætta. Þegar bann var sett við umskurði að mig minnir í Senegal þá tók fólk sig til og umskar ALLAR stúlkur daginn sem að lögin áttu að taka gildi. Umskurður er algegnastur í Afríku og Arabíu en finnst þó hjá innflytjendum um allan heim sem neita að láta af þessu þrátt fyrir að það sé lögbrot í landinu sem þeir búa í. Umskurður kvenna minnir mikið á reiringu fóta í Kína sem var ekki bannað fyrr en 1911 og hafði þá verið stundað í 1000 ár. Gert til að tryggja meydóm og trúfestu konunar. Umskurðurinn tryggir að auðvelt sé að sjá ef að stúlkan er ekki óspjölluð og einnig með því að draga úr kynhvötinni þar sem að kynlíf veldur skelfilegum sársauka og ómögulegt er að fá fullnægingu. Stúlkur sem voru með reirða fætir gáta illa gengið og var því auðvelt að stjórna því hvert þær fóru og hvað þær gerðu.
    Á Íslandi er búið að setja lög sem banna umskurð kvenna en það kemur að því að svona mál kemur upp hér á meðan þetta telst eðlilegur hluti menningar vissra hópa þá mun þetta ekki hætta.
    Mér finnst svo sorglegt að líf konu sé svo lítið metið að það er þess virði að ein af hverjum þremur deyji til að halda í sið sem að mismunar og kvelur konur.


    Segjum NEI við ofbeldi gegn konum



    - Játaði Karen


    fimmtudagur, janúar 11, 2007


    I wonder

    Hvar var þessi snjór þegar ég pantaði hann um jólinn?? Er ekki alveg að skilja hvað hann er að vilja hérna núna. Ekki það að hann sé ekki fallegur, hann er mjög fallegur en þegar að jólin eru búin þá á vorið bara að koma strax... þannig eru reglurnar í minni bók að minnsta kosti. Er í fríi í vinnunni til að leggja lokahönd á b.a ritgerðina mína, búin að vera dugleg í dag og náði rúmlega markmiðinu sem ég setti mér áður en ég fór í háttinn í gær og það þýðir að ég fæ að slaka á og leika mér í kvöld :) Maður verður að hafa skýr markmið annars kemst maður ekkert áfram í lífinu!
    Óli greyið er búinn að vera lasinn alla vikuna, hann er nokkuð viss um að þetta sé svarti dauði en ég held að það gæti verið malaría... svei annars maður á ekki að grínast með svona. Hann er ekki þægasti sjúklingur í heiminum og berst kröftuglega á móti því að láta hjúkra sér. En ég fæ þó að troða í hann c-vítamíni sem ég hef tröllatrú á. Annars er ég bara súper-fly, hress og kát. Skellti mér í pumpið með Ragnheiði elskulegu í gær og var tekið vel á því, og það er varla sá vöðvi sem ekki hefur yfir einhverju að kvarta í dag en það er bara ansi ljúft. Ekkert betra en að píska kroppinn aðeins áfram, bara svona pínu :)
    Hlynur baby að koma til okkar á morgun og það er alltaf gaman, og lífið bara ansi ljúft.



    Hafið það gott í snjóbylnum lömbin mín.

    - Játaði Karen


    þriðjudagur, janúar 09, 2007


    Coulda woulda shoulda

    Hefði kannski ekki..... átt að grenja svona undan Mannfræðikenninga II prófinu!
    Var að fá úr því og fékk 8 :)
    Það er frekar súrealísk tilfinning að vera sannfærður um að hafa rétt náð ef maður hefur þá náð og fá svo svona háa einkunn.
    En ég er ekki að kvarta síður en svo, og niðurstaðan sem sagt augljós. Prófið var erfitt + ég fékk hátt = ég er geðveikt klár :þ



    - Játaði Karen


    mánudagur, janúar 08, 2007


    Playtime

    Við Ágúst Smári uppáhald fórum saman í smá skemmtiferð í gær, kappklædd trítluðum við í strætó sem er náttúrulega það skemmtilegasta í heiminum og barnið réð sér varla fyrir kátínu! Fórum í bæinn að kíkja á endurnar, sem eru vel svangar þessa dagana, við vorum fljótlega umkringd og voru gæsirnar sérlega spenntar fyrir lillanum þar sem að hann var í heppilegri hæð til að ræna af honum brauðinu.
    Ein gekk meira að segja svo langt að hún nartaði aðeins í hann í leiðinni.
    Honum varð þó ekki meint af því og hló bara og skríkti.
    Við kíktum aðeins í heimsókn til Möggu og Péturs Thors og lágum í kasti yfir gæsavídeóinu hennar Lóu sem er gargandi snilld... besta atriðið var þegar hún mótmælti og vældi í Kringlunni og harðneitaði að kaupa tvær sítrónur!
    Hún er meira krúttið!
    Eftir heimsóknina var farið aftur í kuldagalla og út að brölta í kuldanum en það er með ólíkindum hvað drengurinn getur verið skemmtilegur, og reyndi hann ítrekað að fá frænku sína til að renna sér niður rennibraut eða rúlla sér niður brekkur.
    Þegar ég sagði honum að ég væri ekki í kuldabuxum og gæti ekki verið með í þessu þá stakk hann strax upp á að ég færu bara úr úlpunni og renndi mér á henni. Ekki vandamál á þeim bænum!
    En þetta var æðislega gaman og við vorum bæði með eplakinnar og vel þreytt þegar við héldum heim á leið.
    Nauðsynlegt að vera dugleg að fara út að leika sér í kuldanum, bætir, hressir og kætir :)

    - Játaði Karen


    föstudagur, janúar 05, 2007


    The cursed and the damned

    Það er aldeilis þjóðlegar deilur sem komu upp í Otradalnum í desember...

    "Á dögunum slátraði Þorvaldur bóndi tveimur kálfum en hausinn á öðrum skóf hann og setti á níðstöngina. Á hana eru rist þessi mergjuðu orð: "Hér set ég upp níðstöng og sný þessu níði að Óskari Björnssyni. Sný ég þessu níði á landvættir þær er land þetta byggja, svo að allar fari þær villu vegar. Engi hendi né hitti sitt inni, fyrr en þær reka Óskar Björnsson úr landi eða gangi að honum dauðum." Undirritað Þorvaldur Stefánsson, Otradal". (visir.is)

    Þarna er Þorvaldur að hefna sín á nágranna sínum, vegna þess að hann ók yfir hvolpinn hans.
    Alveg merkilegt hvað fólki dettur í hug að gera! Mér finnst ógeðslegt að óska einhverjum svona ills, alveg sama þó að lítill hvolpur liggji í valnum.
    Allir þeir sem hafa á einhvern hátt kynnt sér galdra eða hið yfirnáttúrulega ættu að vita að ekkert gott getur komið af því að óska öðrum svona ills.
    Óskar þessi er búinn að kæra nágranna sinn fyrir morðhótanir eftir að stöngin var reist.
    Svona endæmis vitleysa þekkist í all flestum menningarheimum, margir trúa á illa augað t.d á Grikklandi, á Haiti er Voodoo stundað og þar er hægt að senda illa guði að þeim sem að manni er illa við.
    En eins og með flest annað svona þá virkar þetta bara ef að maður trúir á það.
    Þó að maður hafi lent í ýmislegu á lífsleiðinni þá hef ég aldrei hatað nokkra manneskju og aldrei óskað þeim sem ég reiðist nokkurs ills, mér finnst það bara fáranlegt. Ef að þeir sem hafa misst alla ástvini sína, orðið fyrir nauðgunum og svívirðingum, upplifað hluti sem að ég og þú myndum aðeins þekkja í martröðum okkar, ef að þetta fólk getur fundið fyrirgefningu í sínu hjarta þá er það fráleitt að óska einhverjum dauða útaf nágrannaerjum.

    - Játaði Karen


    miðvikudagur, janúar 03, 2007


    The 6 second woman

    Vissuð þið að það tekur 6 sekúndur að standast freistingu. Ef þú getur meðvitað haldið aftur af því að stinga upp í þig sælgæti eða kveikja þér í sígarettu í 6 sekúndur þá nærðu hérumbil alltaf stjórn á þér. Þetta er gott að vita fyrir okkur sem erum að reyna að kúpla okkur út úr konfekt og smákökuáti. Ég var rosa dugleg í gær og fór í ræktina, borðaði myoplex og vínber, og lax í kvöldmat en eftir það þá byrjaði gotteríspúkinn að grenja úr hungri! Macintoshið byrjaði að kalla á mig ofan af skáp og áður en ég vissi af sat ég með það í fanginu og gramsaði eftir uppáhaldsmolunum. Einmitt þegar ég var með lúkurnar fullar og tryllingsglampa í augunum kemur Óli fram og sér mig og segir "Karen 6 sekúndur, 6 sekúndur."
    Ég leit á hann illum augum og svaraði þessarri hjálplegu athugasemd hans með því að væna hann um að borða alla uppáhaldsmolana mína.
    Þegar ég var búin að renna niður 4 molanum þá setti ég lokið skömmustulega á og spurði Óla hvort hann væri til í að setja þetta einhvers staðar hátt upp þar sem stubburinn ég næði ekki til.
    Hann vildi það ekki, enda betra að þjálfa bara sjálfsstjórnina upp á nýtt :)
    Á deit við Pumpdrottinguna eftir vinnu og ætla að taka ærlega á því, reka sykurpúkann út með OFBELDI!



    Vík frá mér Satan!!!

    - Játaði Karen


    þriðjudagur, janúar 02, 2007


    Happy new year!

    Komið nýtt ár :)
    Rosalega leggst 2007 vel í mig, held að það verði afbragðsgott ár.
    Búið að vera mikið fjör síðustu daga ársins, þann 29 des var hún Lóa mín gæsuð ærlega af okkur vinkonunum og því var 30 des tekin í mikla afslöppun.

    Við byrjuðum á smá slökun í Baðhúsinu þar sem tekið var á móti dömunni með köldum bjór í heitri laug. Við drifum okkur svo allar í Magadanshúsið þar sem við lærðum 5 dansa og tókum svo smá sveiflu í Súludansi hehe þær myndir fá ekki að fylgja!!!


    Þarna er KönguLóa litla að versla 2 sítrónur í Hagkaup....Í KRINGLUNNI!!



    Brúðarkjóll úr KLÓSETTPAPPÍR



    Komin með brjálaðar gervineglur, gerviaugnhár, risa eyrnalokka og glimmer í hárið :)

    En því miður vantar mynd af því þegar hún fór og fékk húðflúr á upphandlegginn, HJARTA sem stóð Þröstur inní... en þetta var ekki permanent bara svona sem þvæst af með sápu :þ



    Á gamlársdag buðum við Óli stelpunum og Helga vini okkar, mökum og börnum í Brunch sem var frábært og þetta verður gert að árlegum viðburði enda ótrúlega skemmtilegur endir á árinu.


    Hérna eru Ragga og Arnþór hress og kát mæðginin



    Nokkrir gestanna að spjalla og borða.

    Ég var svo hjá mömmu um kvöldið í góðum félagsskap og var farið á brennu og sprellað. Óli og Hlynur voru á Skaganum og komu svo að hitta mig strax eftir miðnætti og enduðum við smáfjölskyldan nýársnótt í rólegheitum.
    Ég fór svo í æðislegan göngutúr á nýársdag tók alveg 90 mínútur í að labba og gera upp gamla árið í huganum og ég held að hafi aldrei verið eins spennt fyrir nýju ári eins og þessu.
    Go 2007 :)

    Eins yndisleg og jól og áramót voru þá verð ég að viðurkenna að ég er fegin að vera að komast aftur í mína venjulegu rútínu, fór í ræktina í morgun og til að vera ennþá duglegri þá labbaði ég í vinnuna, svo verður fiskur í matinn og snemma í háttinn.
    Fastir liðir eins og venjulega.

    - Játaði Karen