Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Nýlegir póstar

It´s facebook...

Back to school...

What to say, what to say?

Eldri póstar

miðvikudagur, júlí 27, 2005

Some people

Það er ekki hægt annað en að tapa sér yfir sumu fólki! Eins og fólki sem finnst gaman að missa stjórn á skapi sínu við blásaklaust fólk, þegar maður vinnur við einhvers konar afgreiðslu þá lendir maður ítrekað í þess háttar vitleysingum. Ég hef aldrei komið dónalega fram við afgreiðslufólk því að mér finnst það út í hött. Ég hef hins vegar lent í að ausið er yfir mig fúkyrðum og skömmum út af einhverju sem ég get ekkert gert að. Til að mynda lenti ég í konu í fyrradag sem að virtist fullviss um það að ég bæri ábyrgð á hjúskaparlögum á Íslandi og það væri mér að kenna að eftir að hún giftir sig verður hún að skila skattframtali með manninum sínu. Eina sem ég hugsaði var aumingja maðurinn sem er að giftast þessu skassi! Þegar ég var unglingur var ég að vinna í sjoppu þar sem að trylltur maður kom reglulega til að ausa úr skálum reiðar sinnar út af hinum ýmsu málefnum, ég þá 17 ára stóð með fingurinn á neyðarhnappinum tilbúin fyrir hvað sem er. Fólkið í ræktinni á það til að reiðast yfir ýmsu, opnunartímum, stundarskrá og verði, allt mér að kenna. Svo er sumt fólk bara weird eins og ein sem að rétt áðan tapaði sér yfir því að ég vildi ekki framlengja kortinu hennar, hún var ekki búin að mæta í 3 mánuði því að hún mátti ekki vera að því og ég var bara ömurleg að gefa henni ekki þessa 3 mánuði tilbaka. Pælið í öllu reiða fólkinu þarna úti, tifandi tímasprengjur. Mér finnst rangt af fólki að leyfa sér að missa stjórn á skapi sínu á svona óviðeigandi hátt, þó að þú hafir átt erfiðann dag þá gefur það þér ekki leyfi að eyðileggja daginn fyrir öðrum. Sumt fólk er einfaldlega fífl.

- Játaði Karen

Of taxes and other things

Hirkalega er ég ánægð með góða veðrið, hver þarf sólarströnd þegar sólin ætlar allt að grilla hérna heima. Í vinnunni minni þá fáum við alltaf klukkutíma í mat þegar veðrið er svona gott og það er alveg til þess að láta mann elska sólina ennþá meira. Fór í matartímanum í gær og lá í sólbaði með Rakel í Öskjuhlíðinni ótrúlega huggó, skemmtum okkir vel að blaðra um strákamál sem er alltaf gaman.
Spurning um að vera bara heima um helgina og halda bara partý í staðin fyrir að veltast um í tjaldi í rigningunni. Hvernig væri það?? Þeir sem ætla að vera í bænum endilega látið mig vita ef ykkur langar að drekka frá ykkur allt vit og trylla nágranna mína!!
Beið spennt að athuga í morgun hvort að það gæti verið að Herra Skattmann hafði tekið alltof mikla peninga af mér í fyrra og væri ólmur í að endurgreiða mér, en ég reyndist ekki svo heppin, í staðin þá skulda ég honum fúlgu, heilar 98.- kr, pælið í því! Það er samt mun skárra en þegar hann sagði mig skulda sér 700.000 hérna um árið, það var nú meira leiðinda málið. Ótrúlega rólegt í vinnunni þessa dagana og ég er bara að slaka. Er að vinna í kjallaranum eða dýflissunni þessa viku og þar er kalt og gott í staðin fyrir djúpsteikingarpottinn í afgreiðslunni sem sýgur úr manni lífsviljann, ekkert að gera og ég elska það. Svo eru konurnar hérna svo mikil krútt að klukkan tíu á hverjum morgni streyma þær hérna niður í kjallara og ég fæ að flissa á meðan þær taka morgunleikfimina á Rás 2 af mikilli alvöru. Yndislegt að vera til!

- Játaði Karen

mánudagur, júlí 25, 2005

New week

Helgin búin, var alltof fljót að líða! Ekki það að þær eru nú yfirleitt alltof fljótar að líða, ég er enn að bíða eftir að finna vinnu þar sem ég vinn 2 daga og er í fríi 5 daga. Það væri mun notalegra! Næsta helgi er þó aðeins lengri og nú er komið að því að velta sér upp úr því hvort maður eigi að leggja land undir fót og fara eitthvað um Versló eða hvort eigi að slaka á í bænum. Mig langar reyndar soldið að skella mér eitthvað, aðeins á Sigló til dæmis og koma svo heim á sunnudeginum og eiga einn dag í bænum, það er hálfvonlaust að fara ekki í eina útilegu í sumar. Veit ekki hvað ég geri. Ég hlýt að ná að ákveða mig í vikunni. Var í fríi um helgina og var bara að leika mér allan tímann, ótrúlega cozy. Fór svo í bíó í gær með hrikalega myndarlegum manni og sá Sin City. Myndin var rosa fín enda ekki við öðru að búast af elskunni honum Robert Rodriguez sem kann að ná til manns. Var að lesa í blaðinu að það sé skortur á O mínus blóði í blóðbankanum þannig að ég ætla að skella mér í hádeginu og láta dæla úr mér hálfum lítra eða svo. Meira en ár síðan ég gaf síðast blóð þannig að það hlýtur að vera orðið í lagi með magnið, búin að vera að safna.
Þið sem eruð í O blóðflokki ættuð að rúlla ykkur niður í blóðbankann.

- Játaði Karen

fimmtudagur, júlí 21, 2005

Teenagers

Flestir tala um unglingsárin sem erfiðann tíma, og margir hafa neikvæðar skoðanir gagnvart unglingum. En ekki ég, mér finnst unglingar algerar dúllur og það er fátt sem mér finnst krúttlegra en unglingakærustupör. Ég var í smá göngu seint í gærkvöldi og sá þá sætt par um 16 ára að kyssast rétt hjá háskólabíóinu. Ég þeyttist umsvifalaust 14 ár aftur í tímann og mundi eftir því hvað mér fannst hrikalega gaman að vera unglingur. Þegar að lífið var einfalt miðað við í dag en maður var engu að síður að kafna úr dramatík af því að maður var unglingur. Maður var endalaust skotin í einhverjum strák og fór í bíó oft í viku til að sitja í myrkrinu og kela yfir myndinni. Og þar sem að maður var enn svo saklaus þá voru bara kossar og kelerí, sko maraþon kossar og kelerí. Þetta var það eina sem maður hafði áhyggjur af og velti sér endalaust uppúr. Mér finnst ég og vinkonur mínar hafa verið ótrúlega frábærir unglingar, liggjandi upp í rúmi heima hjá hvor annarri og talandi um stráka, hlæjandi og skrækjandi og jafnvel verandi svo mikil krútt að við breyttum söngtextum til að koma inn nöfnum þeirra sem við vorum skotnar í þannig varð t.d lagið Johnny angel úr Mermaids að Ívar angel til heiðurs Ívars sundkappans frá Vestmannaeyjum og ekki má gleyma smellinum hennar Paulu Abdul Rush, Rush sem varð að Ralph, Ralph sumarið ´91 í Lúxemborg. Bara yndislegt! Ég man eftir mörgu dramatísku augnabliki þegar ég sór að ég myndi aldrei elska neinn eins og ég "elskaði" hinn eða þennan og að vissu leyti þá var það rétt, ég var jafn skotin í öllum þessum yndislegu strákum sem trylltu mig 13-15 ára, en ég mun aldrei aftur upplifa þessa tilteknu tilfinningu að vera ástafanginn unglingur því það er engu öðru líkt.

- Játaði Karen

miðvikudagur, júlí 20, 2005

Sunshine and lollypops

Loksins er sumarið komið og það er ekki seinna vænna. Ég ætla beint út í sólina að leika mér eftir vinnu og á litla frænda pantaðann seinni partinn. Það er fátt skemmtilegra að gera í sólskininu en að djöflast með litla barninu og trylla hann. þar sem að ég átti óvænt frí í gærkvöldi fór ég niður í bæ með snáðann, við fórum í strætó í Hljómskálagarðinn og lékum okkur þar í rúma 2 tíma. Hápunktur dagsins var þegar Ágúst Smári sá Lóu vappa um í grasinu og tók á rás eftir henni gargandi "vea góu vi hann, vea góu, koddu koddu"! Ég dó úr hlátri, aumingja Lóan slapp með skrekkinn þegar í miðjum eltingarleik hún mundi eftir því að hún kann að fljúga. Ég huggaði stubbinn með því að segja honum að við skyldum finna eitthvað annað dýr til að vera góð við. Og við vorum heppin því að við hittum 3 hunda og Ágúst Smári fékk að vera afskaplega góður við þá alla. Svo fórum við í enn eina strætóferð og Karen endaði á því að bjóða frænda upp á Batman ís og Kókómjólk. Frábær dagur og ekki spurning um að endurtaka leikinn í dag. Frænka gamla var hins vegar svo búin á því að hún steinsofnaði í sófanum og vaknaði ísköld seint og síðar meir.
Þó að það sé vissulega næg húsverk sem bíða manns og ræktin mætir ekki í sig sjálf þá fyndist mér bara synd og skömm að missa af þessum góðviðursdögum sem eru fáir og langt á milli þeirra. Svo allt svoleiðis fær að sitja á hakanum næstu daga á meðan ég sprikkla í sólinni og hjálpa frænda á Lóuveiðum.

- Játaði Karen

þriðjudagur, júlí 19, 2005

Cut the fat

Feit í dag, ekki gaman, skrópaði í ræktinni í morgun til að geta sofið í auka klukkutíma. Nú neyðist ég til að skella mér í pump eftir vinnu til að lækna mig af feitunni. Þetta er stórskrítið miðað við hvað ég var slinky mjó í gær. Það sýnir best af öllu að þetta spurning um viðhorf. Ég er alveg dottin inn í Biggest loser þættina og horfi yfirleitt á þá á sunnudögum sem eru nammidagar og nýt þess að borða óhollt á meðan ég horfi á þau púla og borða sellerí... how sick am I??? Eða kannski bara evil and twisted???

- Játaði Karen

mánudagur, júlí 18, 2005

Video killed the radio star!

Átti ósköp notalega helgi, slökun og svo skírn hjá Röggu og Sævari. Litli stubbur fékk það glæsilega nafn Arnþór í virkilega huggulegri heimaskírn á Vesturgötunni. Eftir skírnina kíkti ég á mömmu og hamaðist í litla frænda í nokkra klukkutíma en hann var einmitt svo heppinn að vera komin í gistingu hjá ömmu. Restin af helginni var bara slökun og huggulegheit. Svo að sjálfsögðu tekið á því í morgun og hamast af dýrslegum krafi á skíðavélinni. Þegar hamsturinn er massaður svona fast þá finnst mér mikilvægt að það sé góð tónlist spiluð undir, þar sem að ég á ekki Ipod eða neitt svo fínt þá verð ég að treysta á tónlistarstöðvarnar sem að Baðhúsið býður upp á. Úrvalið var einstaklega fínt í morgun og hef ég uppgötvað nýja ást, ég er búin að vera spennt fyrir Queens of the stone age síðan okt 2003 en núna er ég bara orðin soldið sjúk í þá og þeir eru komnir á People to do listann hehehehehe!! Á meðal tónlistarmyndbandanna sem ég horfði á var líka fullt af skrítnum R&B myndböndum hvað er málið með þetta, einn svartur rappari sem rífur sig úr að ofan ca 5 sec inn í lagið og svo eru svona 10 gaurar fyrir aftan hann að kinka kolli og sýna bling bling, húðflúr og vöðva. Það er það eina sem þeir leggja til, svo að ógleymdum herskara mismikið eða lítið klæddra kvenmanna sem skaka sig við taktinn og hrista það sem mamma gaf þeim. Það mætti alveg gera enn eina mannfræði rannsóknina á þessu.
Svei mér þá!

Við Soffía erum búnar að vera duglegar að leika uppáhaldsleikinn okkar upp á síðkastið, leikurinn heitir "Hvorn viltu" og gengur út á að bjóða hvor annarri upp á val á milli 2 ógeðsbarna, ég er eingöngu að segja frá þessu til að hefna mín á Soffíu sem með sínu sjúka hugmyndaflugi hefur velgt mér undir uggum alltof oft með einhverjum vibba. Hún til dæmis veit að það eru ekki margir karlmenn sem ég er með jafn mikið ógeð á og David "face only a blind mother could love" Caruso, ég hef algeran viðbjóð á honum, well Soffía fékk mikið út úr því að heyra mig segja "ok, ok ég tek helvítið hann Caruso en hann verður að vera með hauspoka og teipaðann túlla", þetta tókst henni að fá mig til að segja þegar hún lét mig velja á milli hans og Gröðu moldvörpunnar Ron Jeramy. Það gleður hennar litla hjarta þegar hún fær að heyra mig segjast vilja eitthvað algert ógeð.

Ok en honestly, hvorn vilt ÞÚ??

- Játaði Karen

föstudagur, júlí 15, 2005

Bonnie

Which Family Guy character are you?

- Játaði Karen

þriðjudagur, júlí 12, 2005

Hide and don´t speak

Í stað þess að massa það í Body pump í gær féll ég í freistni og eyddi kvöldinu í að glápa á bíó með Soffíu. Á matseðlinum var ljúfengur kjúlli og svo ógeðsmyndin Hide and seek. Hræddi úr mér líftóruna og voru ósjaldan rekin upp barnsleg óp af ótta. Well þið sem ekki hafið séð myndina skulið hætta að lesa núna.......
ok eruð þið farin?

Jæja sem sagt myndin hræddi mig alveg hrikalega, og minnti mig á Secret Window eftir Stebba my love. Ojbara það er eitthvað óneitanlega skelfilegt við það að vera á flótta undan einhverju ógeði og komast svo að því að maður er sjálfur ógeðið. Þetta er svo scary! Ég man sérstaklega eftir einni smásögu sem hét að mig minnir Indian summer eftir Kónginn, þar er morðingji laus á skólalóð og ungar konur hverfa og finnast höfuðlausar í þokunni. Aðal söguhetjan er strákur sem er lafhræddur og lendir í því að koma að einni stúlkunni dáinni. Mörgum árum síðar er svipað ástand í veðráttunni og þokan leggst yfir bæinn og þá kemst stráksi að því að það var hann sjálfur sem var morðinginn þegar hann þorir ekki að opna skottið á bílnum sínum því að hann veit hvað eða öllu heldur hver er þar inni. NASTY! Ég man þegar ég las þessa sögu fyrst þá var ég í sumarbústað með fyrrverandi og ég sver það ég starði trylltum augum á hann á meðan hann svaf fullviss um að ég myndi vakna hauslaus.

- Játaði Karen

mánudagur, júlí 11, 2005

Filthy monday!

Sit í vinnunni og ekki neitt að gera, þreytt og illt í endajaxlinum mínum, ætli maður geti framkvæmt Harakiri með bréfahníf? Ef þessi dagur fer ekki að vera búinn þá get ég líklegast svarað því seinna í dag.
Á leiðinni í vinnu á morgnanna geng ég í gegnum undirgöngin á miklubrautinni. Mér líka ekki undirgöng og hefur aldrei líkað þau, enn síður undirgöng með dularfullum hurðum sem Guð má vita hvað leynist á bak við. Well ég sem sagt fer þessi undirgöng á hverjum morgni og er alltaf jafn spennt að sjá afrakstur næturinnar. Grafitti listamenn og Reykjavíkurborg standa nefnilega í æsispennandi stríði í þessum undirgöngum. Á hverri nóttu koma einhver ungmenni og krota allt út og morgunin eftir mæta einhverjir galsvaskir starfsmenn borgarinnar og mála allt klabbið hvítt aftur. Hvorugur aðilinn ætlar að láta sig í þessu stríði og hef ég endalaust gaman af því. Ótti minn við undirgöng nær ekki að halda mér frá þessu. Málið er það að sem mannfræðinemi þá finnst mér grafitti mjög heillandi og lít ég á þetta sem list og tjáningarform. Allt frá flottum grafitti myndum og "tag" alveg að smá kroti þar sem stendur Dísa loves Nonni eða Stína píka , þetta er allt jafn áhugavert fyrir mér. Mér finnst að veggjakrotið eigi að fá að vera, þetta er áhugaverður hluti af unglingamenningu og mér finnst gaman að skoða þetta. En ég virði og skil afstöðu þeirra sem upplifa veggjakrotið sem sjónmengun og spjöll og þess vegna verð ég bara að hneykslast aðeins á starfsháttum borgarinnar í baráttunni við veggjakrotið. Hvaða tilgang heldur fólk að það hafi að mála allt hvítt og setja upp appelsínugul skilti þar sem tíundað er að veggjakrot sé brot á lögum og þeir sem verði uppvísir að því að stunda veggjakrot verði refsað í samræmi við það! Hvað á þetta að gera nákvæmlega, þetta eru innantómar hótanir sem að krotararnir vita að verður ekki staðið við. Það er enginn að fylgjast með göngunum þannig að það eina sem ávinnst með þessu er að á hverjum degi fá veggjakrotararnir fallega hvíta veggi sem garga á að láta skreyta sig. Væri ekki skynsamlegra að standa við stóru orðinn, setja Koppa Kralla (Das politzei) á vaktina og láta þá bössta listamennina í miðjum klíðum, henda þeim í tukthúsið og rífa mömmu og pabba á lappir til að sækja gríslingana og afhenda þeim í kaupbæti himinháa sekt, því eitthvað hlýtur öll þessi hvíta málning að kosta. Svo væri líka hugmynd að láta afbrotamennina þrífa allt krotið af með Cilit Bang það myndi kenna þeim lexíu. Þetta hefði allt eflaust meiri áhirf en vælukjóalegt skilti sem segir við ungmenninn óó þetta má ekki, skamm!! En fyrir mitt leyti vona ég að þetta stríð haldi áfram og ég fái áfram að njóta listarinnar á leið í vinnu.

- Játaði Karen

fimmtudagur, júlí 07, 2005

Athöfn á Lækjartorgi í dag kl 17:00

Amnesty International fordæmir sprengjuárásirnar í Lundúnum sem hafa
kostað almenna borgara lífið og sært fjölda fólks alvarlega. Heimildir
herma að sprengjur hafi sprungið á sex neðanjarðar-lestarstöðvum og einni
strætisvagnastöð.
Árásir á almenna borgara eru aldrei réttlætanlegar. Árásin sem beindist að
almennum borgurum á leið til vinnu sýnir algjört virðingarleysi gagnvart
mannhelgi. Þeir sem ábyrgð bera á árásunum verða að svara til saka í
réttarhöldum sem samræmast alþjóðlegum viðmiðum.
Árásin ber upp á sama dag og minningarathöfn um Peter Benenson stofnanda
Amnesty International fer fram í St.Martins-in the Fields kirkjunni í
Lundúnum. Ákall hans um samstöðu með öllum þeim sem sæta
mannréttindabrotum er brýnt í dag sem alla daga.
Íslandsdeild Amnesty International hvetur almenning til að koma á
Lækjartorg kl. 17.00 í dag til að sýna samstöðu með fórnarlömbum árásanna
í London, standa vörð um mannréttindi, minnast Peter Benenson og heiðra
þær hugsjónir sem hann barðist fyrir.
Fólk er hvatt til að taka með sér kerti og tendra þau.

- Játaði Karen

miðvikudagur, júlí 06, 2005

Wax on Wax off

Þið hafið eflaust orðið varar við þá tísku síðustu ár að konur fari í brazilískt vax, fyrir ykkur sem ekki vitið hvað það er þá er um að ræða vax þar sem að skaparhárin eru öll tekin af, eða í mesta lagi skilið eftir smá hárrönd! Hvaðan haldið þið að þessi tíska hafi sprottið, kannski úr kláminu?? Það verða að sjálfsögðu allar konur að ráða því sjálfar hvað þær gera við sinn líkama. En þá verð ég að spyrja fyrir hvern er verið að gera þetta. Mér skilst að þetta sé virkilega sársaukafullt, hvað þá óþægindin þegar hárið byrjar að vaxa aftur. Og þá skiptir engu hvort það er vaxað eða rakað. Ef að við konurnar værum einar í heiminum myndum við þá gera þetta? Satt að segja myndi ég alls ekki gera þetta fyrir sjálfa mig og ef að einhver karlmaður bæði mig um það eða gæfi í skyn að hann fílaði þetta þá færi ég að hafa miklar áhyggjur. Hversvegna myndi fullorðinn karlmaður vilja að maður væri hárlaus eins og barn. Að fá hár á kynfærin er hluti af því að verða kynþroska bæði hjá körlum og konum. Ætti það að hafa hár þá ekki að vera kynæsandi?? Ekki það ég er ekki að segja að við þurfum að vera með dredda niður á hné en afhverju að vera hárlausar? Það er með þetta eins og allt í lífinu við verðum að gera það á eigin forsendum. Hugsið ykkur það er fullt að konum þarna úti sem ganga með þá flugu í höfðinu að karlmanni finnist hún ekki æsandi nema hún sé hárlaus, og tilbúin að gera allt eins og konur í kláminu. Eru konur þá ekki í raun að nauðga sjálfum sér, eru þær undir því yfirskini að halda karlmanni ánægðum að þvinga sjálfa sig til að gera eitthvað sem stríðir gegn þeim sjálfum. Vilja þær vera með manni sem lætur þeim finnast þær þurfa að vera annað en þær eru? Ég veit um konur sem eru að kafna úr karlrembu, ég vona að þær sjái ljósið!

- Játaði Karen

þriðjudagur, júlí 05, 2005

Cretan Delight

Ég er búin að vera að hugsa geðveikt mikið um Krít og Grikkland síðustu daga, fæ alltaf smá svona heimþráar sting öðru hvoru. Málið er að fullt af fólki út báðum vinnunum mínum er að fara til Chania og allir að spyrja mig út allt þar svo að ég er tvímælalaust með hugann þarna suður frá. Það var ýmislegt undarlegt sem maður upplifði þarna áráttuflagara, voru til dæmis ný tegund karlmanna fyrir mér. Þegar maður gekk inn á skemmtistað og sá gauranna bókstaflega rífa af sér baugfingurinn til að ná af sér giftingarhringnum. Aðal pikkup línan var Where are you from? og annað álíka vibbalegt. Karlfauskurinn sem ég vann hjá 2001 var til dæmis með eina unga sænska í takinu og hélt að við skildum ekki hvað var í gangi þegar hann var að perrast við hana í símann á meðan konan hans var ekki við. Ég þurfti að fara með honum á skattstofuna þegar ég var búin að vera að vinna hjá þeim í svona 10 daga, lord help me, varð að sitja aftan á hjólinu hjá honum og var allan tímann að hugsa um að allir héldu nú að ég væri unga hjásvæfa þessa kalls sem leit út eins og afi minn, ekki nóg með það, á þessum tíma var Karen soldið "stærri" en í dag svo að við það að setjast klofvega á helv..hjólið reif ég klaufina á pilsinum mínu og mátti þakka fyrir að vera ekki með rassinn hangandi út hjá skattinum. Ef ég man rétt þá vakti þetta tiltekna atvik mikla kátínu hjá Soffíu.

Þarna er kallinn með sína frú!!
Hann var vibba kall alltaf með allan mat sem hann át fastann í yfirvaraskegginu.

- Játaði Karen

mánudagur, júlí 04, 2005

Stick a fork in me...I´m done!

Guð á himnum hvað ég er gjörsamlega búin á því eftir helgina! Ég held að það sé nokkuð víst að sama hversu mikið ég reyni að afneita því þá eru árin að færast yfir mig. Einu sinni gat ég djammað marga daga í röð, mætt í vinnu ósofin og það sá ekki á mér. Í dag lít ég út eins og Zombie, og líður enn verr. Samtals síðan á aðfaranótt föstudags þá er ég búin að sofa í tæpa 10 tíma. Ég átti sem sagt deit á föstudag sem var nú alveg ágætt nema deitið mitt reyndist vera hin mesti skúrkur og var honum tilkynnt að mér þætti leitt að ég kæmi ekki til með að hringja þar sem að ég ætlaði mér að týna númerinu hans sem fyrst. Laugardagurinn fór í slökun ekki svefn og svo var tekið á því aftur af miklum krafti í fylgd Soffíu á laugardaginn. Þið sem þekkið söguna um Dr Jekyll and Mr Hyde hefðuð haft gaman af því að hitta mig á laugardaginn því að ég var snælduvitlaus og Soffía í mestu vandræðum með að halda mér á mottunni. Við fórum á Hressó, Pravda, 11, og Sólon, á Pravda vildi ég kaupa drykk og sagði svo við Soffíu, "Hey stöndum hérna og störum dólgslega á dansgólfið" sem við og gerðum, mér skilst að ég hafi verið með usla á laugarveginum m.a með því að garga á fólk og spyrja það hversu hátt það væri. Inn á 11 trylltist ég endanlega og hápunktinum var náð þegar ég opnaði hurðina og sagði við dyravörðinn " Heyrðu ég og vinkona mín erum eina fallega fólkið hér inni, nennirðu að senda einhverja sæta stráka hérna inn." Ég var sjálf búin að reyna að opna hurðina og slaka einhverjum folum inn en fólkinu í röðinni fannst það ekkert svo fyndið. Á leiðinni í leigubílaröðina vopnaðar Hlölla þá var ítrekað farið í að áreita saklausa vegfarendur og ungviði(sjá ungviðið hjá Soffíu) og botninum var náð þegar ég vildi fara að slást í leigubílaröðinni og var meira að segja að reyna að fá Soffíu til að slást við mig og velta okkur upp úr blómabeði. Snilldardjamm en ég er alvarlega lurkum lamin eftir helgina og þrái að komast upp í rúm að sofa í hausinn á mér. There is no rest for the wicked og bara 5 dagar í næsta djamm en það verður skrallað á írskum dögum á skaganum næstu helgi.

- Játaði Karen

föstudagur, júlí 01, 2005

The CLAW

Þá er ungfrú Ulrich byrjuð að brýna klærnar fyrir átök helgarinnar. Það skal svoleiðis tekið á því enda sjaldan sem maður lyftir sér upp.. (Hóst,ræsk,hóst)eða eitthvað svoleiðis. Ég bíð spennt eftir að vinnudeginum ljúki svo ég geti byrjað gleðina. Annars er ég með æsispennandi fréttir... mín bara að verða amma!!! Hvað haldiði!!! Litlu sniglarnir mínir sem ekki alls fyrir löngu skriðu um hálfglærir og glænýjir hafa stökkbreyst og farnir að fjölga sér. Þetta er því miður ekki gott mál fyrir mig þar sem að ég er með algeran ÓBJÓÐ (ógeð-viðbjóð) á sniglaeggjum I mean looked at IT

Þetta er bara Nasty, ég ligg upp í rúmi og það vill svo óheppilega til að ég sé einmitt eggin þaðan og mig hryllir við. En ég reyni að minna mig á að bráðum fæ ég í staðinn fyrir þetta alien looking filth, litla sæta glæra sniglaunga ;) Svo eru Hvað er á seiðin mín orðin myndaleg líka svo þau fara eflaust brátt að hrygna. Það blómstrar semsagt ástalífið á Laugarnesveginum og eins gott að húsfreyjan gleymi ekki pillunni hahahahahaha.

- Játaði Karen