Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • mánudagur, október 31, 2005


    Storytelling time

    Þá er komið að því ljósin mín að segja ykkur ferðasöguna!
    Strax eftir vinnu á föstudag lögðum við í hann, veðrið var ekki alveg með okkur í liði og á köflum var bara blindbylur. En við komumst samt sem áður klakklaust á leiðarenda á mettíma. Við tékkuðum okkur inn á hið glæsilega Hótel Selfoss en stoppuðum stutt við því að Humarinn kallaði á okkur frá Stokkseyri. Við Fjöruborðið er ótrúlega krúttlegur staður og maturinn Jesús minn góður, við borðuðum okkur til óbóta. Ekki skemmdi það fyrir að við vorum lengst af alein á staðnum og fengum því óskipta athygli þjónanna og snögga afgreiðslu. Þetta verður kvöldmatur sem að verður seint sleginn út. Eftir matinn héldum við aftur á Selfoss og þrátt fyrir leiðindaveður var eitthvað djammstuð í mannskapnum. Pakkhúsið sem er local pöbbinn varð fyrir valinu. Þar var (stórhljómsveitin) Úlfur að spila, greyin voru svo vondir að ég var eina manneskjan sem klappaði fyrir þeim (af samúð) og á endanum voru þeir hættir að taka pásu á milli laga því þetta var orðið svo vandræðalegt. Selfoss hefur alið margann undarlegan manninn og þeir voru allir mættir á Pakkhúsið á föstudagskvöldið. Mér skildist á Óla og Svabba að það væri skylda að lenda í slagsmálum á djamminu á Selfossi og tókst mér það næstum því. Á leiðinni á litlu stúlkna herbergið varð ég fyrir afar drukknum gaur sem greip í mig og var með leiðindi, hann var heppinn að dyraverðirnir voru fljótir að grípa inn í því að ég var að gera mig tilbúna að stökkva upp, skalla hann og mölbrjóta á honum... hnéskelina. Laugardagurinn fór í algera afslöppun og í mínu tilfelli í að sofa eins og pokarotta. Fyrir utan smá skrepp til að næra okkur þá svaf ég allann laugardaginn, og vaknaði með andfælum kl hálf sex, og árshátíðin átti að byrja sjö. Hið ómögulega tókst samt sem áður og við vorum bæði alveg glimrandi fín kl korter fyrir sjö. Óli var reyndar tilbúinn á minna hálftíma en það er annað mál. Árshátíðin var ótrúlega vel heppnuð, maturinn mjög góður og skemmtiatriðin flott (sérstaklega eitt), Steinn Ármann var veislustjóri og fyrst var það gaman en seinna um kvöldið langaði okkur að fara með hann út á bílastæði og banka hann aðeins þar til að ekkert væri eftir nema skeggið. Skemmtilegast var þó að sjá Norðurálsbandið spila og ég missti mig alveg og tók trylltu grúppíuna á þetta. Enda ekki annað hægt :)
    Afskaplega velheppnað kvöld og skemmtilegt og sunnudagurinn svo tekinn í að sofa meira og meira, borða mikið, mikið og horfa á hryllingsmyndir. Ummmmmmmm

    - Játaði Karen


    föstudagur, október 28, 2005


    The second coming!

    Fórum að sjá Dúndurfréttir II the Son of Dúndurfréttir í gærkvöldi, og hér kemur sagan.

    Ungfrú Ulrich og Rokkarinn fara á tónleika


    Þetta var eitt að þessum kvöldum þegar Móðir Náttúra gerir allt sem í hennar valdi stendur til að halda manni inni og undir sæng. Vindurinn gnauðaði í hverri glufu, myrkrið var svart eins og heit tjara og tunglið skein sínu kalda, beitta ljósi sem minnti helst á kjötexi slátrarans. Ungfrú Ulrich stóð við stofugluggan og beið, ljósin af götunni settu undarlega skugga á andlit hennar. Stundin var að renna upp...


    Did I scare ya?

    Við vorum mætt í Austurbæjarbíó um hálf átta í gærkvöldi og fannst mér einhvern veginn mun fleiri á þessum tónleikum heldur en þeim á þriðjudaginn. Veit ekki hvort að það er rétt en stemmingin var amk mun rokkaðari. Ég taldi mig undirbúna undir frábæra sýningu en ég sé það núna að ég vissi ekki neitt! Þetta var svo geðveikt að ég var bara orðlaus. Gæsahúðin lét ekki á sér standa og við upphafstónana skrapp húðin á mér saman um 2 númer og hárin á hnakkanum risu. Þvílík sæla. Og svona gekk þetta og magnaðist með hverju lagi sem þeir tóku. Hámarkinu var svo náð þegar þeir tóku Child in time, það var eins og einhver hefði gengið berserksgang á hjartanu á mér með Buffhamri, ég var orðin svo svakalega meyr. Svo meyr að þegar strákurinn sem sat við hliðina á mér opnaði kókdós fyrir bróður sinn þá fékk ég kökk í hálsinn!!!
    Frábær upplifun :)

    Svo er Selfoss árshátíðarhelgin runnin upp og er allt ready fyrir ferðina og við ætlum beint út úr bænum eftir vinnu, ég get varla beðið. Þó að veðrið minni helst á dapra Rússneska verðlaunamynd þá er alltaf hægt að dúlla sér bara inná herbergi með DO NOT DISTURB á hurðinni heheheh.
    Þið megið búast við svo sætum sögum eftir helgina að í ykkar sporum myndi ég hita upp insúlín sprauturnar því að þið eigið eftir að verða sykursjúk!

    Á öðrum nótum þá er ég að hugsa um láta fólk þéra mig, alltaf þegar bankar og lögfræðingar senda til okkar skjöl þá fylgja þeim æðisleg bréf sem hljóma svona einhvern veginn " Vér leyfum oss að senda yður þetta blablabla með ósk um að þér sjáið um blabla þeirra sem skjótast" Ógeðslega gaman og Oss þætti vænt um ef þér sjáið yður fært um að ávarpa oss á þennann máta hér eftir :)or something less weird.
    Þéringar eru líka æðisleg leið til að sýna ósvífni með því að þúa fólk sem maður vill hrella. Múhahahaha

    - Játaði Karen


    fimmtudagur, október 27, 2005


    On the road again!

    Brjálaður Baðhúsdagur hjá mér í gær, alein með móttökuna og símsvörun fyrir öll húsin, en ég smellti mér bara í skikkjuna og tók Ofurkvendið á þetta og það bjargaðist. Svona er þetta þegar allar þessar plágur eru að ganga og allir liggja heima í sóttkví. Yndislegur Andskoti!
    Annars er Óli búin að gjörspilla mér með því að koma alltaf til mín þegar ég er að loka húsinu og var það heljarinnar mál fyrir mig í gær að príla upp um allt að loka gluggum og hurðum. Það er erfitt að vera Stubbalína. Svo í tilefni þess að það var brunagaddur úti þá lét ein pían (með Kái) mig missa af strætó þannig að ég fékk í kaupbæti að labba heim í frostinu. Tók mig rúman klukkutíma að þiðna.
    En núna er ég kát og heit og byrjuð að gíra mig upp fyrir a) Dúndurfréttir part II og svo b) Rómantíska ástarhelgi á Selfossi (tíhíhí). Tilbúin með allar græjur fyrir árshátíðina, alveg ótrúlega gaman. Held að það muni ekki fara illa um mann á Hótel Selfossi ;) Svo er bara Koben þarnæstu helgi og ég var að frétta það frá honum Orra að þessa helgi sem við skvísurnar verðum úti sé helgin sem Jólabjórinn verður "kynntur" í Danaveldi og er það víst brjáluð stemming. Happy happy joy joy!
    Þvílíkt lítið að gera í vinnunni í dag og greinileg teikn á lofti um samdrátt í húsakaupum og lánastarfssemi bankanna og ekki ætla ég að væla yfir því enda fínt að fá smá afslöppun svona öðru hvoru.
    Og svo slaka,slaka,slaka ........... og svo Kyssa mig!

    - Játaði Karen


    miðvikudagur, október 26, 2005


    The Filthiest

    12 Hlutir sem þú vilt ekki vita!!


    1) Eftir eins tíma sundferð hefur þú komist í snertingu við hálfan lítra af þvagi.

    2) Á meðaldegi kemst þú í óbeina snertingu við 15 tippi, t.d. við að taka í hurðarhúna.

    3) Árleg neysla meðalmanneskju á skyndibitamat inniheldur 12 kynfærahár.

    4) Á einu ári gleypir þú 14 skordýr í svefni.

    5) Á einu ári heilsar þú með handabandi 11 konum sem hafa nýlega "snert sig" og gleymt að þvo sér um hendurnar.

    6) Á einu ári heilsar þú með handabandi 6 körlum sem hafa nýlega "snert sig" og gleymt að þvo sér um hendurnar.

    7) Flestir karlmenn þvo alls ekkert á sér hendurnar eftir að hafa verið á klósettinu. Veltu því fyrir þér næst þegar þú ert á barnum og færð þér hnetur úr skálinni á barborðinu.

    8) Í meðalbrúðkaupi hefur þú hundrað möguleika á að smitast af frunsu frá einum gestanna.

    9) Þú andar daglega að þér hálfum lítra af endaþarmsgasi frá öðrum.

    10) Tannlæknar telja að tannburstar verði að vera í a.m.k. tveggja metra fjarlægð frá klósettskálinni til að sýklar í loftinu frá skálinni festist ekki á burstunum.

    11) Þú eyðir sex mánuðum lífs þíns á klósettinu.

    12) Ef þú nagar neglurnar innbyrðirðu meira magn sýkla en ef þú sleiktir hreina klósettskál.


    Ætla heim í langa sjóðandi sturtu og þvo mér með KLÓR!!!!
    Feel so Dirty!

    - Játaði Karen

    Busted

    Dúndurfréttur voru ekkert smá flottir í gær, það var bara einn galli, ég er ótrúlega þreytt í húðinni. Ef þið trúið mér ekki þá skuluð þið prófa að vera með gæsahúð stanslaust í 2 tíma, IT STINGS MOTHER!! Þetta var svo mögnuð upplifun og strákarnir voru svo flottir að mér fannst ég nýsest niður þegar að kominn var tími til að halda heim. Ég get varla beðið eftir að fara aftur að sjá þá á morgun. Eftir tónleikana var maður eiturhress þó að klukkan væri að ganga 11 og gerðumst við svo metnaðarfull að sækja okkur myndefni á næstu leigu. Spennumyndin Sahara varð fyrir valinu. Byrjunin var góð, miðjan var góð og endirinn var mjög góður. En ég gæti samt ekki sagt ykkur um hvað myndin fjallar því að ég sá byrjunina og sofnaði, vaknaði og sá miðjuna og sofnaði og sá svo endinn og sofnaði. Ótrúlega gaman!!
    En nú kemur aðalatriðið, ég fékk uppfyllta eina fantasíu sem lengi hefur kraumað í mér í nótt. Að liggja afskaplega fáklædd undir sæng þegar aðvífandi kemur einkennisklæddur karlmaður með talstöð....af svölunum!!! Þeir sem vilja heyra alla sólarsöguna verða að suða í Rokkaranum en ég vara ykkur við þessi saga er ekki ætluð lesendum yngri en 16 ára og ekki viðkvæmum sálum þar sem að hún inniheldur nekt, ástarsenur og ókvæðisorð hehehehehe!!!! So Hafrún my dear sorry :Þ


    - Játaði Karen


    þriðjudagur, október 25, 2005


    Sjibby

    Oh my God, það er mikið búið að ganga á síðan síðast, ég fór í þrusu skemmtilegt þrítugsafmæli á laugardaginn hjá henni Hafrúnu skutlu. Endalaust fjör, mikið drukkið af rósavíni og mikið tekið af myndum. Hafrún og Vala sem héldu afmælið saman fengu þá snilldar hugmynd að setja einnota myndavélar á öll borð og má búast við að af mínu borði komi heilmikið af djörfum myndum. Ég er samt búin að aðvara afmælisbarnið að það sé eins gott að þessar myndir rati ekki á netið því að þá er mér að mæta.
    Við Ari litli brósi hennar Hafrúnar náðum strax vel saman enda hefði hann ekki getað verið meira áberandi Rokkari þó að hann hefði haft Rock´n´roll brennimerkt á ennið á sér. Við stóðum saman og hótuðum að leggjast út á götu ef að Scooter ógeðsbarn yrði ekki tekinn úr spilun. Þessi hótun var ekkert mjög áhrifarík þar sem að lítil umferð var á Smiðjuveginum, en það mátti reyna. Eftir afmælið var kíkt í bæinn í fylgd Önnu og Öldu Lilju. Við fórum inn á Pravda sem var stútfullur af útlendingum sem skörtuðu silfurlituðum plastarmböndum. En við slepptum við að bíða í röð eins og sauðsvartur almúginn því að Baðhúsið í samstarfi við brjóstaskorur kom okkur inn á gestalista. Það var samt ótrúlega spez stemming í bænum og mikil "örvænting" í loftinu. Ragga vinkona var einhvern tímann að tala um það að því ástfangnari sem maður er því fleiri gaurar reyna við mann á djamminu. Örvænting er nefnilega geðveikur turn off en fólk sem að er greinilega alsælt með ástarlífið og tekur lítið eftir fólkinu í kringum sig verður fyrir vikið afskaplega girnilegt. Ég er ekki frá því að það hafi eitthvað verið til í þessu hjá henni! Ég var komin heim um 4 og vaknaði eldhress í hádeginu á sunnudag. Svo var killer dinner hjá Óla og Hlyn um kvöldið sem var alveg til að þurrka út minnstu leifar af þynnku. Gærdagurinn var líka viðburðaríkur enda eins og flestir vita var kvennafrídagurinn í gær, við hjá embættinu lögðum niður vinnu kl 14:08 og skunduðum í bæinn þar sem að ég í gargaði Áfram stelpur í kór með 49.999 öðrum konum :) Kósy chill hjá mömmu með frændaskottið í gærkvöldi, kjúlli og Survivor. Svo í kvöld fer ég að sjá DÚNDURFRÉTTIR með Rokkaranum mínum, í fyrsta sinn og er vægast sagt spennt eins og grjón!!
    Fun comences NOW!!

    - Játaði Karen


    laugardagur, október 22, 2005


    Perfect!

    Búin að eiga hina fullkomnu æfingaviku, 6 æfingar allt rpm og pump til skiptis, djö.. massa gella, veit ekki lengur hvar harðsperrurnar enda né byrja. Er alveg búin á því eftir vikuna, vakna á hverjum morgni mun þreyttari en ég fer að sofa á kvöldin. En það er víst ekkert elsku mamma með það, því að mín er bara að fara í RISA 30 ára afmæli í kvöld og er planið að vera snælduóð og koma ekki heim fyrr en undir morgun :) Hafrún þykist ætla að fá magadans sýningu í afmælisgjöf og spyr mig ítrekað hversu ölvaða hún þurfi að gera mig til að ég láti það eftir henni.
    Það minnir mig á ótrúlega skemmtilegt kvöld í Chania sumarið 2003. Þetta var í lok júní, ég var í afskaplega reiðu skapi og ákvað að fara út að skemmta mér. Þar sem að elskan hún Hanna Ulrika vinkona var í kærastafarbanni þá sagði ég screw it ég fer bara ein enda var það lítið mál þar sem að ég þekkti liggur við hvern einasta barþjón í bænum. Kvöldið endaði sem sagt með því að ég og ein indæl grísk stúlka dönsuðum upp á barnum á Nota Bene klúbbnum við Tyrkneska eurovision lagið, og svo var reglulega kveikt í barnum, very Coyote Ugly stemming. Í fyrstu var ég treg að príla upp á barinn en stelpan sem hét María dældi í mig áfengi þar til að ekki var aftur snúið. Brjálæðislega skemmtilegt kvöld þar sem að Dj-inn var meira að segja kominn út á dansgólf. Sá gaur var nú með fyndnari gaurunum sem við Soffía hittum á Krít en hann taldi sig svaka góðann í ensku og kom alltaf með svo skemmtilegar línur eins og " I drank 5 gallons of beer" með þvílíkt Amerískum hreim. Drepfyndið!
    Watch the bar on fire

    - Játaði Karen


    föstudagur, október 21, 2005


    You´re not putting me into the cooler

    Ógeðslega er kalt úti, 2 stiga frost börnin góð so bundle up :)
    Var einmitt að rifja upp í gærkvöldi eina fyrstu minningu mína en hún tengist einmitt kulda. Einhvern veginn finnst mér eins og það hafi verið mikið kaldara í gamla daga og miklu oftar snjór. Maður fékk meira að segja nokkra frídaga í skólanum vegna veðurs, sem var best í heimi. En svo ég segi ykkur nú frá þessarri minningu minni, þá man ég að mamma var að fara með mig í leikskólann og var að klæða mig fyrir ferðina, leikskólinn var í ca 2 mínútna fjarlægð og þangað brunaði mamma með mig á snjóþotu. Ég man eftir að vera alveg kappklædd, í snjógalla, lopapeysu, með bankaræningjahettu og í vettlingum með bandi. Vettlingar með bandi eru í raun ekkert nema spennitreyja fyrir lítil börn og hef ég haft óbeit á þeim alla tíð síðan. Þarna stóð ég og ekki sást í neitt nema augun og smá sneið af bollukinnum og hvað gerir mamma....hún MAKAR júgursmyrsli á andlitið á mér. Ég man eftir því hvað mér fannst þetta mikill vibbi. Þetta er ekkert annað en child abuse. Reyndar er skiljanlegt að maður hafi þurft að vera svona vel klæddur, því að sökum þess hversu vel klæddur maður var þá var ekki sjéns að hreyfa sig til að halda á sér hita. Eitt skiptið datt ég af snjóþotunni á leið heim af leikskólanum og mamma sagði að ég hafi bara legið kyrr eins og lítill rauður krossfiskur í snjónum. Hugsið ykkur meðferð á saklausu litlu barni!!



    The tools of torture

    - Játaði Karen


    fimmtudagur, október 20, 2005


    Shoot the messenger

    Hef einhverja rosa undarlega tilfinningu fyrir því að það sé eitthvað í bígerð, eitthvað að fara að gerast sem er ekki gott. Hafið þið lent í þessu, kannski er ég bara að ímynda mér þetta eða kannski er ég bara þreytt og leið en ég er með óþægilega tilfinningu sem ég get einhvern veginn ekki leitt hjá mér. Rosa skrítið!!
    I´ll keep ya posted ef eitthvað ömurlegt gerist!

    Var svo svakalega þreytt í gærkvöldi að ég svaf eins og grjót og dreymdi þvílíka bullið og vesenið.
    Vaknaði og hugsaði með mér "afhverju er kók ekki C-vítamín bætt?" Ekki spyrja mig afhverju ég fór að pæla í því?

    Þessi vika alveg að verða búin en mér er búið að finnast hún alltoooof löng því að ég hef gengið með þá flugu í höfðinu að það sé föstudagur síðan á þriðjudag. Þannig að ég verð mjög fegin á morgun þegar föstudagurinn kemur loksins.

    Empty

    Do you feel something missing
    Deep from inside
    Like a subtle kind of sorrow
    And you cant place it

    I ve had this hurting before
    I ve had this hurting before
    All that I try
    Don t get me by
    I m only empty the more

    Dead Soul Tribe

    - Játaði Karen


    miðvikudagur, október 19, 2005


    People are strange

    "People are strange when you´re a stranger"
    Er að láta mér leiðast í vinnunni og Aníta sagði mér að kíkja inn á þetta blogg sem er hjá einhverri konu sem við þekkjum ekkert og vitum ekkert um.... nema að hún er brjálæðislega fyndin. Búin að hlæja frá mér allt vit og geðheilsu.
    Skoðið þið endilega Aprílgabb sögurnar hennar!!

    - Játaði Karen

    Sneaky like a Ninja

    Vaknaði kl 05:55 í morgun til að mæta í ræktina, til að raska ekki ró elskunnar minnar ætlaði ég að vera ótrúlega hljóðlát og laumuleg þegar ég skreið á fætur, það tókst ekkert rosa vel. Þar sem að ég er algerlega náttblind þá rak ég mig í allt sem á vegi mínum varð með tilheyrandi dynkjum og stunum, var næstum búin að brjóta glas og detta um gítartösku, ferlega gaman. Ninja skírteinið mitt hlýtur að hafa týnst í póstinum. En ég mætti sem sagt í Pump til hennar Hildar kl 06:30 í morgun og djö.. var það erfitt. Kroppurinn mótmælti harðlega þessarri meðferð á jafn ókristilegum tíma og reyndi ítrekað að sofna yfir æfingunum. Ég er svo að vinna til 22:30 í kvöld og býst við að vera ansi dauð þá sérstaklega þar sem að ég var ekkert að fara snemma að sofa í gærkvöldi. Það var Amnesty fundur og svo kíktum við Óli í bíó að sjá Wallace & Gromit sem er alger snilld. 5 tíma svefn í nótt en so what ég sef bara þegar ég er orðin gömul kona. En það er einmitt þannig sem að ég sé elli mína fyrir mér, sofandi í ruggustólnum í engu nema flókaskóm :) það er nema þegar tunglið er fullt en þá ætla ég nefnilega að smyrja mig með hunangi og dansa nakin í tunglsljósinu til að viðhalda unglegu útliti. Hver er með mér???


    Ok en hvað er kaldhæðni ef ekki þetta

    Ég er búin að liggja upp í rúmi að borða súkkulaði með krónískt mjónuheilkenni!
    Ég byrja að mæta að krafti í gymmið og ég fæ Feituna!

    Held að ég verði bara að leggjast í rúmið og súkkulaðið og vona að ranghugmyndirnar og ofskynjanirnar komi aftur!


    - Játaði Karen


    þriðjudagur, október 18, 2005


    My flesh and blood

    Ég er mikil fjölskyldu manneskja, enda er það ekki skrítið því að fjölskyldan mín er æðisleg. Við erum svo fá að við erum fyrir vikið mun nánari. Maður velur sér vini og maka en fjölskyldan tilheyrir manni hvort sem manni líkar betur eða verr. Sem betur fer þá líkar mér það afskaplega vel. Ég hitti í sumar frænkur mínar Margréti og Steinunni sem hafa verið búsettar erlendis í mörg ár, og var það þvílíkt gaman og sérstaklega þegar sú yngri Steinunn byrjaði að rifja upp hversu ömulegar við stóru stelpurnar vorum við hana og Hönnu systur mína. Það var alltaf verið að þvinga okkur Möggu að leyfa lillunum að vera með sem endaði alltaf á því að ég var prinsessan, Magga prinsinn og Hanna og Steinunn fengu að vera börnin sem voru ekki fædd og áttu að bíða hjá Guði, sem var yfirleitt leikinn af ömmu. Síðan gleymdum við okkur í æsispennandi leiknum sem var öðru hvoru truflaður af banki og spurningunni "Er míns ekki að fara að fæðast." Og þetta var ekki það versta, ef við vorum að leika í Playmo þá fengu lillurnar aldrei að leika með neitt nema kalla sem vantaði hárið á. Ég sver það ég er ennþá með samviskubit þegar ég hugsa til þess hvað ég gat verið mikil ótukt við litlu systur mína. Ég man það svo vel þegar ég var eitthvað að hata systur mína fyrir að vera óþolandi þegar ég var unglingur og mamma sagði við mig að ég skyldi ekki láta svona því að eftir nokkur ár þá ættum við eftir að vera bestu vinkonur og alltaf vera að kíkja í kaffi saman, ég var sko viss um að það yrði kaldur dagur í helvíti þegar ég færi að hanga með systur minni ótilneydd. Það kom svo í ljós að þetta litla kvikindi sem að stalst í fötinni mín og makeupið og gerði mig brjálaða er ein besta vinkona mín í dag.
    Ég fann þetta ljóð eftir hana Margréti frænku mína á www.poetry.com og ákvað að deila því með ykkur.
    I kinda like it :)

    As I cross the world

    As I cross the world
    I collect love from the ocean floor
    And ask the waves to bring it a shore.
    Then the wind will pick it up gently
    And deliver it at your door.

    I'll make the nights brighter
    Were ever in the world you are.
    I'll send you a guardian angel
    or even a shining star.

    I open the arms of heaven
    so you can rest there for a while,
    I wrap you in the rainbow
    Just to see you smile.

    I'll surround you with flowers
    As the raindrops kiss your face.
    I will be there to hold your hand
    On all the sunny days

    I love you I whisper I love you
    as the mountains echo your name.
    You are in my heart always
    As I cross the world in the summer rain.


    Margret Margretardottir jr

    Copyright ©2005 Margret Margretardottir jr

    - Játaði Karen


    mánudagur, október 17, 2005


    Get Sealed

    Heyrði soldið ógeð í strætó á leiðinni í vinnuna, norskir vísindamenn hafa komist að því að SELALÝSI er allt að 10 sinnum öflugra en t.d þorskalýsi og núna er hægt að kaupa þetta selalýsi í búðum í Noregi.



    Í alvörunni þetta finnst mér alger vibbi.
    Byrja daginn á skammt af Selinum Snorra!

    - Játaði Karen

    Swing low sweet chariot

    Búin að vera ógeðslega veik í næstum því heila viku, fékk einhverja háls,barka höfuðbólgu!! Nasty shit, er enn kvefuð og heyri ekki í steríó því að ég er með endalausar hellur fyrir eyrunum en annars er allt að koma. Mætti í vinnuna í morgun þar sem að ég þurfti að rekja sjúkrasöguna og heyra gamansögur af því hvernig ég hljómaði þegar ég hringdi mig inn veika. Fólk með bólginn barka vekur víst kátinu samstarfsfólks míns.
    Ekki það að ég geti kvartað mikið undan þessum veikindum þar sem að ég var með þvílíka fyrirtaks hjúkrun. Óli sá mér fyrir heitum drykkjum, verkjalyfjum, skemmtiatriðum og endalausri ástúð og umhyggju sem er einmitt það sem manni vantar þegar maður á jafn bágt og ég átti. Og ekki skemmdi DVD safnið hans fyrir heldur.
    Þegar maður er búin að vera rúmfastur svona lengi þá er ótrúlegt hvað það gleður mann þegar maður má loksins fara út, kíkti aðeins á kaffihús í gær og var að missa mig yfir öllu fólkinu sem þar var og var afskaplega upptekin af öllu sem það gerði.
    Það sem er leiðinlegast við að vera veikur er tíminn sem það tekur að "jafna" sig eftir veikindin og hef ég því ákveðið að sleppa því bara og láta sem ég hafi bara ekkert verið lasin og skella mér í líkamsræktar-suicide eftir vinnu. Mér líður eins og ég sé fyllt með hlaupi og lin eins og búðingur.
    I´m a Jellybaby...

    - Játaði Karen


    laugardagur, október 08, 2005


    Close but no doughnut

    To shave or not to shave that is the question!

    Alltaf gaman að vinna með fullt af snyrtifræðingum, við Ragga snyrti vorum að spjalla áðan og af því að ég er svo pen þá var ég með annann fótinn upp á afgreiðsluborði. Í leiðinni meðan Ragga dáðist að kálfavöðvunum strauk hún yfir fótinn, "varstu að koma úr vaxi?", "Nei ég raka....."
    Það næsta sem ég vissi var ég að ranka við mér á gólfinu í banvænum Beauty Headlock.
    "Karen ég trúi þér ekki, það er stranglega bannað að raka!!!!"
    Það er sem sagt illa séð að raka sig, en mig grunar að það sé því að þá fá þær ekki að njóta þess að sletta á mann sjóðandi vaxi og rífa svo hárin af með rótum.
    Mig grunar að snyrtifræðingar séu allir haldnir kvalalosta á háu stigi.
    "Ragga ég hef ekki þolinmæði til að bíða meðan þetta vex og vera eins og eitthvað grátbölvað stingublóm á meðan" Kvartanir mínar mættu lítilli samúð, það þykir bara ekki fínt að raka sig í dag.

    Annars lítur þessi laugardagur út fyrir að verða ekki skemmtilegur, vantar eina dömu í móttökuna, og við erum að búa okkur undir að taka á móti 47 konum í pott og gufu. Mig grunar sterklega að ég muni ekki losna á tilskyldum tíma og það er aldrei gaman
    :(


    - Játaði Karen


    föstudagur, október 07, 2005


    Skin&Bone

    Captains Log Stardate
    Föstudagur 7.október 2005

    Kæra dagbók, ég hef greinst með alvarlegan og vonandi ólæknandi sjúkdóm, KRÓNÍSKT MJÓNUHEILKENNI! Ég hef oft þurft að kljást við bæði feituna og ljótuna en þetta er alveg nýtt fyrir mér. Ég er hrædd um að kannski mæti ég bara aldrei aftur á æfingu því að ég er svo svakalega hot, og ég er tilneydd til að raða í mig súkkulaði til að reyna að verða jafn sæt að innan og utan. IT´S MADNESS!! Og ég vona að þetta sé bráðsmitandi ;)

    Rosalega leggst þessi vetur annars vel í mig, ég er svoleiðis að drukkna í skemmtilegum uppákomum, afmæli, árshátíðir, Koben, sumarbústaðir, jólahlaðborð og þetta er bara það sem búið er að negla niður núna, hver veit hvað kemur svo á óvart.
    Ég er að komast að því hversu fínt það getur verið að vinna fyrir ríkið, núna er verið að senda okkur á fullt af spennandi námskeiðum í boði þín kæri skattborgari( Takk takk elskurnar) , ég ætla að fara að kynna mér Lögræðismál og annað sem ég verð rosa dugleg að fræða ykkur um sem er Stjórnsýslulög, upplýsingalög og lög um persónuvernd og meðferð persónuupplýsinga. Finnið þið spennuna... Loftið er rafmagnað.
    Síðasta föstudagskvöldvaktin mín í kvöld og ég er að missa mig af gleði, er svo glöð að ég er fyllilega sátt við að vera vinna frameftir á morgun. It´ll be great!

    - Játaði Karen


    miðvikudagur, október 05, 2005


    Baa Baa Black sheep

    Jesús góður, ég ætlaði að fara að blogga einhver leiðindi um að ég sé gigtveik gömul kona og illt alls staðar en í staðinn ætla ég að sýna ykkur þetta ef þetta er ekki bara með því fyndnasta sem á vegi mínum hefur orðið þá veit ég ekki hvað. Búin að liggja fram á lyklaborðið og gráta úr mér augun úr hlátri en það er einmitt rosa professional svona í vinnunni. Screw it það sannar bara að ríkisstarfsmenn hafa húmor (og púls).
    Góða skemmtun!


    - Játaði Karen


    þriðjudagur, október 04, 2005


    The season to be MERRY

    Er dottin í jólaskapið börnin góð, reyndar óvenju seint í ár en það er vaninn að vera búin að læða jólaplötu amk einu sinni á fóninn fyrir ágúst. Ég vil meina að þetta óviðeigandi jólaskap mitt í dag sé O.C að þakka en það var einmitt jólaþáttur í gær. Já er orðin O.C fan en ég hef afsökun "Peer pressure is a motherfucker"!
    Langar sjúklega að stinga af úr vinnunni til að hlusta á Nat King Cole jólaplötuna mína og baka smákökur. Vorum að ræða það að gefa í skóinn í vinnunni í síðustu viku og ég skemmti öllum með sögum af henni móður minni sem krafðist þess að gefa mér í skóinn þar til ég var 18 ára gömul. Hún gat ekki hugsað sér að mismuna okkur systkinunum þannig að ég fékk í skóinn fram á fullorðinsaldur. Mér fannst það ekkert leiðinlegt! Ég verð pottþétt brjáluð jólamamma, slettandi skyri og nagandi kerti til að sannfæra börnin um að Kæri Jóli sé á sveimi. Það var svo gaman að trúa á jólasveininn og ég gleymi því aldrei hvað ég varð fyrir miklum vonbrigðum þegar ég sá mömmu læða í skóinn minn 23.desember 1985. Við systkinin fengum alltaf rosa flott í skóinn því að pabbi var á sjónum og keyptu fullt af smádóti til að gleðja okkur í nafni Sveinka. Komminn var komin upp í mér jafnvel á þeim unga aldri og spurði ég mömmu oft út í það afhverju vinir mínir á neðri hæðinni fengju mandarínur og suðusúkkulaði en ég eitthvað rosa fínt dót í skóinn. Ég var ótrúlega stillt barn og fékk aldrei kartöflu í skóinn, ég fékk hinsvegar einu sinni bréf frá Sveinka þar sem hann sagði mér að fara fyrr í háttinn, því var hlýtt. Litli frændi minn tók samt skemmtilega á kartöflu málinu þegar hann vakti mömmu sína snemma morguns alsæll með kartöfluna og heimtaði að hún yrði soðinn og borðaði hana svo með bestu lyst. Snillingur!

    - Játaði Karen


    mánudagur, október 03, 2005


    Lean and GREEN

    P.A.R.T.Y cause I got to mister

    Rosalega skemmtileg helgi hjá Ungfrú Ulrich, ég fékk óvænt frí á föstudagskvöld, það var afmælisboð hjá Þórði sem er kærasti mömmu Óla og ég var búin að gefa upp alla von að ég kæmist vegna þess að enginn gat unnið fyrir mig. En þegar ég mætti upp í Baðhús þá beið mín óvæntur glaðningur, Aníta elskulega ætlaði að vinna fyrir mig!! Litla "mágkona" mín var einmitt sjálf á leið á Skagann og allt gekk eins og ég hefði pantað það uppúr bækling um skemmtileg kvöld. Brjálæðislega góður matur a la Mamma Rokk, við erum að tala um að tilhugsunin um eftirréttinn er ennþá að trylla mig, svo var bara spjallað og hlegið og munu seint gleymast áhugaverðar og drepfyndnar umræður um gæði klósettpappírs. Við kíktum svo á næturlífið á Mörkinni og mér fannst það æðislega gaman enda aldrei komið þangað áður, ég verð þó að segja að ég er enn forviða yfir flengingunni sem ég fékk frá bláókunnugri dömu og hafði ég miklar áhyggjur af því að á bossanum á mér yrði svarblátt handafar. Í alvörunni hver gerir svona??? Á laugardaginn var svo partý hjá vinnunni, það var hin ágætasta skemmtun og gaman að fara með kærastann að sýna öllum og munaði minnstu að Óli þyrfti að standa upp á stól og snúa sér í hringi til að stelpurnar gætu skoðað hann vel og vandlega. Eftir drykkjuleiki sem ég er sannfærð um að við unnum var ákveðið að kíkja í bæinn með Lísu og hitta Þóru systur(Óla) og Nonna frænda(Óla). Það var allt stappað enda útborgunardagur hjá flestum, við kíktum samt inn á nokkra staði og ég fékk að smakka Fljúgandi töfrateppi sem var nokkuð góður drykkur. Ég komst líka að því að það er engum takmörkum sett hversu lengi maður getir verið að ganga niður Laugaveginn ef að Herra ÞEKKIR ALLA Í HEIMINUM er með manni, ótrúlega fyndið að geta ekki tekið fleiri en 2 skref þegar einhver heyrðist orga Óli, Óli og upphófust fagnaðarlæti mikil. Þóra og Nonni voru að hafa af því áhyggjur að þar sem að við Óli værum nýkomin úr líkamsræktarpartýi þá hefðu við breytt um lífstíl og var aðalgrínið það að við myndum vilja taka sunnudagsþynnkumatinn út á Grænum Kosti, því að það er ekkert sem að hressir jafnvel og sveitt Kjúklingabaunabuff með Hummus hahahahahaha. Þetta gerði algerlega útaf við mig og ég ligg enn í kasti!

    - Játaði Karen