Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • miðvikudagur, febrúar 28, 2007


    Easy fella....

    Í fyrsta sinn held ég bara í lífinu sem ég hef ekki tíma til að blogga í vinnunni. Þessi dagur var snarbrjálaður og ég var farin að senda sumum bankastarfsmönnum ansi kaldar kveðjur og var óvenjulega höst við eina unga sem vissi ekki hvað sneri upp né niður á því sem hún vildi fá afgreitt. Ég bætti henni það upp með elskulegheitum seinna um daginn en stelpugreyið var gjörsamlega að taka mig á taugum í allan morgun. En svona er þetta þegar maður vinnur sem opinber starfsmaður, maður fær að vera tekin á taugum og kallaður fasisti og þannig er það bara. Ég get þó þakkað fyrir að vinna ekki hjá skattinum :þ
    Held að ég hafi sjaldan hlakkað eins til að viku muni ljúka og mikið ósköp verð ég fegin á föstudaginn um 4...þó að við taki stórbakstur og afmælishöld þá verður það bara róandi eftir vikuna sem ég er búin að eiga í vinnunni.
    Óli búinn að vera að vinna í allt kvöld, árshátíð hjá unglingunum í skólanum hans og Óli og nokkrir aðrir starfsmenn tróðu meira að segja upp öllum til mikillar ánægju. Hann spilaði á trommur aldrei þessu vant sem segir bara hversu fjölhæfur minn heittelskaði er :D
    Þegar kötturinn er úti leika mýsnar sér á borði og í tilefni þess að ég hafði íbúðina út af fyrir mig þá.......tók ég til og þvoði þvott!!!
    Spennó ekki satt???
    Við erum svo heimilisleg við Óli, var reyndar mjög krúttlegt þegar kom upp hjá okkur ágreiningur í gærkvöldi... ekki um neitt alvöru heldur hvernig á að elda kjötbollur. Það var sem sagt ekki gert eins á okkar heimilum. Hversu heppin er maður í lífinu þegar ágreiningsefnin á heimilinu eru ekki alvarlegri en kjötbollur.
    Yndislegt ekki satt?

    Finnst þessi mynd svo krúttleg, man ekki til þess að hafa nokkurn tímann verið svona glöð og veltilhöfð þegar ég þvæ þvott!

    - Játaði Karen


    þriðjudagur, febrúar 27, 2007


    Rising sun!

    Það léttist sérlega lundin þegar hækkar sól, því er ekki hægt að neita! Dagarnir lengjast og minna á að sumarið er handan við hornið. Reykjavík er eins falleg og hægt er að vera á svona björtum vordögum og eftir flutninga í vinnunni nýt ég útsýnisins óspart og dáist að Hallgrímskirkju og Landspítalanum í sólskininu. Þetta er ekta gluggaveður þar sem að maður vill sitja inni og horfa út um glugga, ekki standa úti og horfa inn og óska þess að manni væri ekki svona kalt.
    Við hjónaleysin vorum boðin í mat til Ragnheiðar og Hilmars í gær ásamt henni Möggu minni. Afskaplega skemmtileg kvöldstund, góður matur og mikið hlegið.
    Alveg eins og góð mataboð eiga að vera :)
    Í kvöld er svo Heroes kvöld með Nonna frænda og er tilhlökkunin mikil hér á bæ, alltaf gaman að hitta Nonna og alltaf gaman að horfa á Heroes, þetta gæti því ekki verið öllu skemmtilegra!!
    Verkefnaskil í skólanum og svo er bara að fara að undirbúa aðalatriðið en elskan hann Hlynur á afmæli á fimmtudag og verður slegið upp mikilli veislu um helgina til að fagna þeim merka viðburði. Þó að það sé ansi langt síðan ég missti barnatennurnar þá man ég hvað það er gaman að eiga afmæli þegar maður er barn og er æsispennt að halda villt og tryllt barnaafmæli....

    - Játaði Karen


    mánudagur, febrúar 26, 2007


    Frozen from the eyes down!

    "Karen það er kalt úti" sagði elskan mín í morgun þegar hann kvaddi mig. Hann hefur voðalegar áhyggjur af því að mér verði kalt á morgungöngunni minni. Ég arkaði kappklædd af stað en að segja að það sé kalt úti er ekki alveg nægilegt til að lýsa þeim fimbulkulda sem nístir í dag.
    En ég hélt ótrauð áfram göngunni og hafði hugann við sjóðheita kaffibollann sem biði mín í vinnunni. Því ber þó ekki að neita að undir lokin voru lærin á mér orðin afskaplega framandi og var ég farin að hallast að því að frostbitið væri banvænt!
    Það segir líka nokkuð að um leið og ég gekk inní vinnuna þá mætti ég Rocky Balboa og hann hengdi frosna skrokkinn á mér upp og notaði sem boxpúða...
    Það var ekki mjög þægilegt en djö... heldur hann sér flottum kallinn!


    Mánudagur enn eina ferðina, löngu, löngu búin að segja upp áskriftinni á þessum degi en samt er ennþá verið að senda mér hann. Alveg merkilegt! Það gerir mánudaginn þó aðeins skárri að ég átti mjög skemmtilega helgi. Fór á föstudag og hitti Möggu mína og við hristum Pina Colada og skoðuðum útskriftaferðarmyndirnar. Hlógum þar til við grétum yfir því hvað maður var eitthvað "lekker" þarna 1997!!! Á laugardaginn var okkur boðið í útskriftarveislu og eins og alltaf var mikið fjör á Skaganum. Miðað við hvað það var mikið fjör hjá mér alla helgina þá er ég alveg í merkilega góðu formi í dag. Kannski er það vegna þess að öllu gærkvöldinu var eytt í að leika sófakartöflu. NICE!!!!


    - Játaði Karen


    föstudagur, febrúar 23, 2007


    A rose by any other name

    would smell as sweet by any other name...
    Mér finnst Skaginn æðislegur, mér finnst alltaf gaman að koma þangað og fullt af mínu uppáhaldsfólki er þaðan. Mér finnst svo gaman þar að ég er að hugsa um að fara þangað að leika um helgina!!! Eitt af því sem ég hef nú áður talað um hér er hversu gaman ég hef að viðurnefnunum sem að fólk á Skaganum hefur. Ein samstarfskona mín bjó lengi á Skaganum, maðurinn hennar er þaðan og sonur þeirra býr þar. Hún hefur voða gaman að því að segja mér frá hinum og þessum viðurnefnum og í morgun kom hún með algera perlu handa mér.
    Hún sagði mér frá systrum sem eru kallaðar í sitthvoru lagi Hálft heimsins yndi en þegar þær eru saman Allt heimsins yndi. Sigga, þú kannski kannast við þessar konur??
    En ástæðan fyrir því að þær ganga undir þessum nöfnum er vegna þess að þær eru svo lífsglaðar og jákvæðar. Ég yrði sko glöð með að vera þekkt sem heimsins yndi hálft eða allt!!
    En ég er í alveg ljómandi góðu skapi í dag, sólin skín, morgungangan var frábær, Hlynur er að koma og allt er eins og blómstrið eina... og það er kominn FÖSTUDAGUR!! Þó að ég þurfi aðeins að læra um helgina þá breytir það því ekki að föstudagur er gleði.
    Það verður líka gott að komast í helgarfrí enda búið að vera geðveikt að gera í vinnunni í vikunni og sjaldan sem að við höfum skilað ríkinu álíka upphæðum. Sem er bara gaman ekki satt!!!
    Það hefði sko ekki verið leiðinlegt að vera á prósentum þessa vikuna ;)

    En tala dagsins er talan 50, það er falleg tala hún hljómar vel, ég vil syngja óð til tölunar 50 í dag!!!



    Afhverju??



    Nú af því að það eru 50 dagar í BENIDORM!!!


    Ég ætla að hafa það ótrúlega gott um helgina, en þið?


    - Játaði Karen


    fimmtudagur, febrúar 22, 2007


    Return of the Boyfriend

    Yndislegt að vera búin að heimta elskuna mína úr helju!!
    Eftir að hann kom heim í gær þá hafði ég óstjórnlega löngun til að elta hann á röndum og standa svo nálægt honum að hann var í basli með að athafna sig við nokkurn hlut. Hann sýndi þessu þó mikinn skilning og leyfði mér bara að vera límd á sig.
    Hlynur krútt var hjá okkur í nótt og var ofsalega kátur og hress, hann er undanfarin mánuð eða svo búin að vera duglegur að tilkynna manni hversu margir dagar eru í afmælið hans og svo þegar að Þóra mágkona kíkti í heimsókn í gærkvöldi þá kvaddi hann með óskalista um afmælisgjafir. Meiri rúsínan!!
    Það er nú ekki nema vika í dag í að drengurinn verði 8 ára þannig að það er ósköp eðlilegt að hann sé vel spenntur.

    Ég held ógurlega dugnaðinum áfram og labbaði heim í gær, 35 mín af pilates árla í morgun, labbaði í vinnu og ætla að labba heim. Karen Pétur göngugarpur með meiru. Verð orðin lipur eins og kálfur og spretthröð eins og folald áður en ég veit af.
    Þýðir ekkert annað þegar maður stefnir á Reykjavíkurmaraþon í ágúst........ JÁ EINMITT hahahaha, þessi var helvíti góður!

    Búin að stunda það aðeins uppá síðkastið að opna útidyrahurðina og ganga í flasið á hinum og þessum og hræða úr sjálfri mér líftóruna. Um daginn opnaði ég hurðina til að fara út með ruslið, gargaði, missti pokann og greip fyrir hjartað. Aumingja nágranni okkar sem var í þann mund að hringja dyrabjöllunni var ekkert minna brugðið. Í morgun var það blaðberinn sem fékk mig í fangið, ég skrækti, hann hrökk í kút þvílík dramatík í morgunsárið á Eggertsgötunni, mig langaði að slá hann utan undir með Dagskrá vikunnar fyrir að bregða mér svona. Þarf að koma mér upp gægjugati svo að ég verði ekki gráhærð fyrir aldur fram.. og svo ég geti njósnaði í leyni um nágrannanna!!!


    Eftir Pilates....

    - Játaði Karen


    miðvikudagur, febrúar 21, 2007


    A pat on the back!!

    Ég er búin að vera alveg hreint ótrúlega dugleg síðasta sólarhring.... ég er búin að vera grasekkja því að Óli er búinn að vera að vinna við að passa 15 ára unglinga í skíðaferð. Greyið Óli segi ég nú bara. En ég er búin að nýta tímann vel og vaknaði eldsnemma í gær gerði Pilates æfingar, mætti á fund um öryggismál í vinnunni, vann eins og drýsildjöfull enda vitlaust að gera. Færði nokkra TUGI milljóna inn í ríkissjóð, fór svo heim og þreif þar til ég gat ekki meir.
    Mér finnst best að þrífa ein, ekki mikið fyrir samvinnuna vil frekar bara gera þetta allt ein og fá frið til þess. Tók meira að segja fiskabúrið í gegn sem er svona líka glampandi fínt í dag.
    Farin upp í rúm um 22 leytið enda gjörsamlega uppgefin. Vaknaði svo snemma aftur í morgun gerði djöfullegar power yoga æfingar sem ég er ekki að ráða við :þ skilaði bílnum út í skóla svo að Óli komist heim í dag og labbaði í vinnuna. Dugnaðurinn hérumbil að drepa mann :)
    Var búin að gleyma því að það er Öskudagur í dag þar til að ég mætti ca 12 strák á hjóli í Sollu Stirðu búning!! Ég man þegar þetta fara í búðir og syngja fyrir sælgæti byrjaði. Þá fórum við vinkonurnar af stað og metnaðurinn var slíkur að við vorum ekki bara með söng heldur vorum við með bakraddir og dansara!!! Þá bjó maður sér til búning með hjálp frá mömmu auðvitað og ekki má gleyma öskupokunum sem voru nældir í saklausa vegfarendur, já og slá köttinn úr tunnunni. Ég held að þetta sé farið að líkjast meira Ameríska Halloween núorðið en það er svo sem bara gaman líka.
    En ég vona að þið hafið það gott í dag og munið að það er ekki nema 2 vinnudagar í helgi, ég ætla persónulega bara að sitja hérna innheimta opinber gjöld og njóta þess að vera með harðsperrur!


    - Játaði Karen


    þriðjudagur, febrúar 20, 2007


    Nivea´s pearly pits

    Oftar en ekki þegar maður fer á ferðalag þá gleymist eitt og annað. Eitt af því sem að gleymdist á leiðinni til Köben var deodorant eða undirhandasvitalyktaeyðir eins og minn heittelskaði kallar það. Ég skellti mér því í Matas sem er snyrtivöruverslun og fann mér uppáhaldsmerkið mitt Nivea til að versla. Ég er frekar nýjungagjörn og þegar ég rak augun í vöru sem ég hafði ekki prófað áður var forvitnin vakin. Fallega bleikt stifti og góður ilmur.... SOLD!!!
    Þegar ég kom svo heim til Lóu og fór í langþráða sturtu þá fór ég að skoða aðeins betur hvað ég hafði keypt. Pearl extract???? Bíddu nú við... á ég að maka einhverju perlu kuski undir hendurnar á mér. Sko talandi um að kasta perlum fyrir svín hahaha!!
    Það er fátt sem segir að maður sé smart eins og glitrandi handakriki.
    Þegar við vorum komin heim þá rifjaðist upp fyrir mér auglýsing fyrir þessa vöru, þar sem að hálfnakinn gaur lá dáleiddur í handakrikanum á einhverri stúlku og fullvissaði hana um að handakrikinn væri uppáhaldsstaðurinn hans á kroppnum hennar. Þegar ég var komin upp í rúm með hendurnar teygðar upp fyrir höfuð spurði ég elskuna mín "Óli finnst þér handakrikinn á mér aðlaðandi" en svarið sem ég fékk var "mér finnst hann að minnsta kosti ekkert óaðlaðandi"
    Ok hann lá sem sagt ekki dáleiddur í krikanum en mér fyndist það líka bara skrítið, en ég kvarta ekki lyktin er góð engu að síður :þ


    - Játaði Karen


    mánudagur, febrúar 19, 2007


    Ahhh so lovely

    Nú skuluð þið setja ykkur í stellingar til að lesa langt langt blogg!
    Mikið rosalega áttum við yndislega helgi í Kaupmannahöfn, föstudagurinn byrjaði mjög snemma en ég var vakin með kossum af ofurspenntum Óla kl 03:15!!
    Óli vildi vera mættur snemma til að hafa nægan tíma í fríhöfninni, en Leifsstöð er með falskar auglýsingar og þó að farþegar séu óspart hvattir til að mæta snemma þá er ekki byrjað að tékka inn fyrr en 2 tímum fyrir brottför.

    En það var allt í lagi eins og sést á myndinni þá vorum við fyrst í röð og það var bara ljómandi :)Við fengum okkur svo bara morgunmat og morgunbjór í rólegheitunum og flugið gekk vel þó að Drakúla greifi hefði verið flugstjóri. En það var þvílíkt fyndið þegar flugstjórinn fór að tala, hann var einhvers staðar frá Austur-Evrópu og við biðum eftir því að hann tilkynnti "Dis is yur captin speakin... I wanz to drink yu blad, but fist we sell yu Duty free!!" Um leið og við lentum var brunað niðrí bæ, smá frændahittingur hjá Óla, töskurnar settar í geymslu og henst niður á Strikið, við versluðum óvenjulítið í þessari ferð enda gafst vart tími til þess. Lóa mín kom svo og hitti okkur og við fórum heim með henni.

    Eftir það var aðeins kíkt í Fisketorvet og keyptir nokkrir hlutir, og þá var okkur eiginlega öllum lokið. Skriðum heim til Lóu og Þrastar, en var ekki til setunar boðið því að næst á dagskrá var út að borða á Grískan stað sem heitir Akropolis. Lóa vildi endilega að ég léti nú ljós mitt skína og talaði grísku... sem ég gerði og var það bara gaman. Maturinn var fínn, en þjónustan ömurleg og ég var á tímabili orðin hrædd um að mér væri farið að förlast í grískunni og hefði óvart sagt eitthvað ljótt um mömmu þjónsins :þ


    En eins og sést þá létum við það ekki skyggja á gleðina. Enda varla annað hægt en að skemmta sér vel með elsku ástarfuglunum mínum Lóu og Þresti. Eftir matinn var farið heim að borða fullt af ís og þrátt fyrir boð um pókerspil og skemmtilegheit þá gátum við Óli ekki haldið augunum opnum öllu lengur. Á laugardagsmorgun buðu Lóa og Þröstur okkur í Brunch á Café Sommerfuglen sem var ótrúlega kósý og flott. Og enn hélt átið áfram ;)

    Eftir það var komið að kveðjustund og við Óli héldum af stað í heimsókn til Siggu og Þórðar. Rosa gaman að sjá þau og við ákváðum að vera ekkert að rembast við að fara eitthvað að stússast á laugardeginum. Nutum bara góðs félagsskapar. Svo var komið að því að borða meira ótrúlegt en satt og við fórum niðrá Jernbanegade 4 á veitingahúsið Reef n´beef til að byrja Áströlsku stemminguna. En hvað er meira viðeigandi en að fara á tónleika með Ástralskri hljómsveit með magann fullan af krókudíl og kengúru??? Maturinn var æðislegur, þjónustan frábær og eftirrétturinn Ógleymanlegur!!!

    DEATH BY CHOCOLATE hét rétturinn og stóð svo sannarlega undir nafni. Hér má sjá fyrir og eftir myndir.

    Fyrir Karen

    Eftir Karen

    Ég rétt náði að halda aftur af mér að sleikja ekki diskinn þetta var hvert öðru betra.
    Næsti réttur á matseðli dagsins var hljómsveitin Wolfmother. Ekki amalegur réttur það!!
    Það var reyndar slæmt hversu miklar takmarkanir voru settar á hvað maður mátti hafa með sér en ég þurfti því miður að skilja AK-47 árásarriffilinn minn eftir heima...hans var sárt saknað.

    Tónleikarnir voru alveg fyrirtak alveg á topp 3 listanum sem ég hef farið á um ævina!! Eftir þá var bara haldið heim til tengdó að lúlla, með smá Hjálp við erum týnd detour en þeir sem þekkja mig vita að það er ekki hægt að fara með mér til útlanda eða nokkuð yfirleitt án þess að aðeins sé villst á leiðinni. Sofið í flugvélinni á heimleiðinni og rétt svo vaknað til að taka við ÆÐISLEGRI gjöf frá elskunni minni.
    A thing of beauty is a joy forever!
    Þetta er ferðasagan að mestu, ég amk get ekki skrifað meir í bili.












    - Játaði Karen


    fimmtudagur, febrúar 15, 2007


    Fly on the wings of love

    Tæpur sólarhringur í að við Óli verðum í flugvél á leið til Baunalands, er ekki alveg búin að átta mig á því en það fer örugglega að sökkva inn eigi síðar en eftir vinnu í dag þegar farið verður í að pakka og ganga frá fyrir ferðina.
    Annars vona ég bara að það sé ekki vont veður í Köben því að ég er komin í sumarskap.

    Í tilefni þess að í gær var ástardagurinn mikli þá færði elskan mín mér fallegan blómvönd, ég kunni vel að meta það enda veit ég fátt yndislegra en að eiga falleg blóm í vasa. Ég fór og verslaði gott í matinn og Óli grillaði. Namm gott að grilla og ég komst bara í sumarskap í myrkrinu.

    Þegar við komum heim frá Köben verða ekki nema 8 vikur í Benidorm...8 vikur það er sko ekki neitt. Og þegar við komum heim frá Benidorm þá verður bara komið sumar!!

    Dásamlegt :)


    - Játaði Karen


    mánudagur, febrúar 12, 2007


    Back to Basics

    Gamla rútínan að hellast yfir mann, vinna, læra ........ FARA TIL ÚTLANDA MEÐ ELSKUNNI MINNI!!!!
    Já það er kannski ekki alveg í rútínunni en skemmtilegt :)

    Eftir 3 daga verðum við turtildúfurnar á leið til Köben að leika okkur, núna þegar allt er frágengið með frí og annað þá er farinn að laumast í mig ferðahugur mikill. Ég hvet Óla óspart til að fara í nuddið sem ég gaf honum í jólagjöf til að hann verði vel slakur fyrir ferðina... eða í búðunum :þ

    Ferðin er skipulögð hér um bil alveg, en það eru kannski ca 37 mínútur lausar á laugardeginum til að slæpast. En þegar það er um svona stutt stopp að ræða þá er nauðsynlegt að skipuleggja sig vel.

    Lóa mín fór heim til sín í gær en helgin var morgunmatur, brunch, kaffi og dinner hingað og þangað um bæinn til að við vinkonurnar gætum hist sem allra oftast.

    Það minnti þó á gamlar góðar stundir þegar að Lóa mín bauð í Brunch en fékk hana Karen sína í pönnukökubakstur. Við rifjuðum upp þá gömlu daga þegar að Lóa bauð mér í mat en ég fékk alltaf að elda. Meiri grallarinn hún Lóa litla.

    En hún er yndi þannig að ég hef yndi af því að vera henni innan handar í eldhúsinu þegar hún biður mig.

    Til hvers eru vinkonur annars??



    Ummm pancakes :þ

    - Játaði Karen


    föstudagur, febrúar 09, 2007


    A load of BS!!

    Ef þið eruð að hugsa um að eyða peningunum ykkar í samtöl við framliðna þá myndi ég mæla sterklega með að þið kíkið á vídeóin sem hér fylgja.
    Þar er verið að sýna nákvæmlega hvernig miðlar fara að og hvernig svikum þeirra er háttað. Ég fór að hugsa um þetta eftir að ég las bloggið hennar Lilju Sifjar í gær. Ég hef einu sinni farið til miðils og var á frekar undarlegum stað í lífinu þegar ég fór, ef ég hlusta á spóluna í dag þá er aðeins örfá atriði sem hún náði rétt. En mig langaði til að trúa henni. Ég trúi því að til sé fólk sem hefur þennann merkilega hæfileika en það fólk myndi aldrei rukka þig fyrir að koma til þín skilaboðum frá ástvinum eða það er mín trú. Þegar ég var 21 árs og hélt að ég vissi alveg hvernig framtíð mín liti út hitti ég mann sem sagðist þurfa að tala við mig. Hann hafði ýmislegt að segja um framtíð mína og jafnvel það sem var að plaga nætursvefn minn og flest sem hann sagði hefur ræst. Þessi ókunnugi maður sem ég hitti á kosningavöku!! Þegar hann var búinn að segja það sem hann þurft þá kvaddi hann mig og enn í dag þá finnst mér ótrúlegt að þetta hafi gerst. En kannski var hann bara klár í þessu cold reading og var í raun bara að athuga hvort að hann gæti séð mig uppí hjá sér í framtíðinni. Það hefur svo sem ýmislegt verið reynt til þess :þ en kannski og bara kannski þurfti hann í alvörunni að koma þessum skilaboðum til mín. Það kemur líklegast aldrei í ljós en ég ætla engu að síður ekki aftur að eyða tíma mínum og peningum í að láta einhvern svindla á mér.

    Penn&Teller Bullshit

    Darren Brown how mediums work


    Ég sé, ég sé LÉTTARA veski í framtíð þinni!!!

    - Játaði Karen


    fimmtudagur, febrúar 08, 2007


    Thankful

    Það koma hjá manni tímabil þar sem maður gerir sér grein fyrir því hversu blessaður maður er í lífinu. Hafið þið horft í kringum ykkur á fólkið sem elskar ykkur og virkilega skilið hversu mikið manni hefur verið gefið. Það er frekar mögnuð tilfinning. Á mestu gleðistundunum og á erfiðustu sorgartímum þá er það sama yndislega fólkið sem annað hvort samgleðst manni af öllu hjarta eða veitir manni styrk og huggun.
    Þegar maður áttar sig á þessu þá hvolfist yfir mann þakklæti fyrir að eiga svona góða að, það er ómetanlegt.

    Lóan mín er á landinu og eins og alltaf er það skemmtilegur glaðningur, hún verður hérna fram á sunnudag svo líða 4 dagar og þá ætla ég til hennar. En Óli yndið mitt er að bjóða mér til Koben yfir helgi og er mikil tilhlökkun í gangi. Óli er reyndar miklu spenntari en ég og er eiginlega soldið að spila út en það er ofsalega krúttlegt. Það verður frábært að hitta Siggu og Þórð og að sjálfsögðu Lóu og Þröst líka. Kíkja í búðir, fara út að borða og hafa það notalegt.
    Fyrsta utanlandsferðin okkar saman og ágæt upphitun fyrir Benidormferðina sem styttist óðum í en 65 dagar eru ekki lengi að líða.


    - Játaði Karen