Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • föstudagur, júlí 30, 2004


    Holiday

    Já ég fer í fríið, míns ætlar bara að skella sér í útilegu um helgina, stefnan er tekin á Vík í Mýrdal og ég er satt að segja afar spennt. Vonandi hef ég einhverjar krassandi sögur af drykkju og djöfulskap eftir helgina. Planið er að koma aftur í bæinn á sunnudag og þá ætla hinir hörðustu að djamma meira, það er óvíst hvort að ég verð í þeim hópi, eða kannski djammleysi síðustu mánaða hafi dregið svo úr úthaldinu að ég verði bara ónýt en mér finnst það ekkert svo líklegt. Að minnsta kosti er ég spennt að vera að fara í fyrstu útileguna síðan í ágúst 2000. Það er svo langt síðan ég gerði eitthvað skemmtilegt að tilhugsunin um að fá mér í glas olli mikilli kátínu klukkan 6 í morgun og ég sá mig tilneydda til að skoða heimasíðu átvr og skoða allt áfengið sem að mig langar að drekka. Dásamlegt ;)
    En vitið þið hvað er ekki dásamlegt SILFURSKOTTUR, þær eru alls ekki dásamlegar. Nágranni okkar kom og tilkynnti okkur í fyrradag að hún og hennar fjölskylda þyrfti að vaða silfurskottur upp að hnjám til að fara á klósettið. Við sögðum henni að við hefðum einmitt mætt einni slíkri hjá okkur sem okkur fannst alveg nóg og vorkenndum við konunni ofsa mikið. Það var undireins hringt á meindýraeyði sem er as I write að eitra heima og vonandi ekki að gramsa í óhreina tauinu mínu í leiðinni.En ég ætla pottþétt að telja nærbuxurnar mínar þegar ég kem heim og athuga hvort það vantar nokkrar. Sem betur fer er ég að vinna til 14 annars væri ég bara heimilislaus og yrði að sitja niðri á Austurvelli með bjór í brúnum bréfpoka. Sem gæti verið gaman í betra veðri.
    Það er sagt að þeir sem að leggja stund á mannfræði verði stundum pínu svona Aktivistar eða róttæklingar ég hef svo sem alltaf haft þetta í mér en það hefur magnast undanfarið og til dæmis í morgun er ég búin að útbúa 3 bréf til eftirfarandi óþekku kalla Ariel Sharon -Ísrael, Sher Bahadur Deuba -Nepal, Omar Hassan Ahmad al-Bashir -Súdan. Já og biðja þá að vinsamlegast að hætta að brjóta á mannréttindum fólks eða amk koma í veg fyrir gróf brot á þegnum landa sinna. Ef þið viljið vita meira um hvað er að gerast í þessum löndum þá endilega kíkið Amnesty því að hvert bréf skiptir máli.
    Jæja en ég er farin í frí og er búin að ákveða að ég ætla að hafa það HRIKALEGA gott um helgina og ég óska ykkur þess sama.


    Hér er hún skotta fyrir ykkur sem þekkið hana ekki.

    - Játaði Karen


    miðvikudagur, júlí 28, 2004


    Just call me Big Mama!

    Ég er loksins orðin móðir, eða svona næstum því. Ég fékk upphringingu um daginn og konan í símanum sagði mér að barnið sem að ég hafði beðið um væri komið og hana vantaði rétt heimilisfang til að senda það til mín. Ég leiðrétti ranga heimilisfangið og beið spennt við bréfalúguna í 3 daga. Loksins í fyrradag gerðist það. Ég fékk barnið mitt sent. Barnið mitt, eða "fósturdóttir" mín heitir Judith og er 7 ára. Foreldrar hennar eru látnir úr Aids og hún og systkini hennar búa hjá frænda sínum. Fyrir 950 kr á mánuði get ég greitt fyrir Judith í skóla og alla læknisþjónustu. Ég fékk senda mynd af henni og hún er yndisleg lítil stúlka. Um leið og ég sá myndina þá tók hjartað á mér nokkur aukaslög, og mér finnst alveg ótrúlegt að ég geti gert henni og fjölskyldu hennar lífið auðveldara fyrir minni pening á mánuði en ég myndi eyða í eina bíóferð.
    ABC Barnahjálpin

    - Játaði Karen


    mánudagur, júlí 26, 2004


    Miss Fatty McBlubberpants

    Vaknaði í morgun svo veik, svo helsjúk, ég var með feituna á háu stigi. Leit niður, What...???? Er hvalur undir sænginni minni, en nei þetta var bara skrokkurinn á mér!! Staulaðist fram úr og kjagaði inn á bað, nú var ástandið svart. Við hvert skref skvettist spikið í allar áttir. Það var aðeins eitt til ráða. Nú varð ég bara að skella mér í ræktina undireins. Ég tróð mér í æfingafötin með skóhorni, fór inn í eldhús til að byrja daginn rétt. Já hefja daginn með svalandi glasi af rauðrófusafa. Rauðrófusafi bragðast eins og nýkreist og fersk MOLD og af því að hann bragðast eins og illskan þá er hann vitanlega rosalega hollur fyrir mann. Ég drakk safann og kúgaðist og hryllti mig í ca 2 mínútur og dreif mig svo í gymmið. Eftir 40 mín á þrekstiganum hafði ég sigrast hér um bil á feitunni og leið mun betur. Fór heim og lærði og lærði og get nú sagt ykkur 2000 hluti sem þið viljið alls ekki vita um Prímata.
    Svo var kominn tími til að haska sér í vinnuna, ég ákvað að labba til að vera enn minna feit, vandinn var bara sá að ég var soldið sein og þurfti að flýta mér. Á sumrin er erfitt að flýta sér upp Laugaveginn, það er fullt af fólki sem þjáist af Road-Rage sem einkennist af því að það sýnir mikla reiði þegar það keyrir og bölvar mikið og sýnir jafnvel fingurinn. Ég er ekki ein af þeim, ég hins vegar er með Walking-Rage og verð vitlaus ef að fólk flækist fyrir mér á göngu. Mig langaði mikið að meiða alla túrhestana sem voru á Laugaveginum, langaði að lemja þá til óbóta með þeirra eigin bakpokum, og ekki gleyma eldgömlu túrhestunum sem að görguðu á Guð og Jesú til skiptist yfir einhverjum sætum Lunda póstkortum. Ef að hugsanir gætu drepið þá hefði verið blóðbað á Laugaveginum um fimmleytið í dag og liggjandi eins og hræviði um allt krambóleraðir bakpokar og sundurrifin Lunda póstkort. Ég þyrfti kannski að vinna í þessu ;)

    - Játaði Karen


    laugardagur, júlí 24, 2004


    Really

    Temptress
    You are a temptress


    Which Ultimate Beautiful Woman are You?
    brought to you by Quizilla

    Stelpur tékkið á þessu þvílíkt sætar myndir, og stákar þið megið svo sem skoða líka ;)

    - Játaði Karen

    Obsessed much??

    .:Obsessed much???:.
    Þegar ég ferðast með strætó sit ég alltaf í sama sætinu, og ef einhver situr þar fyrir verð ég frekar súr og sendi þeim illt auga. Þegar ég geng eða keyri eitthvert fer ég alltaf sömu leið, í flestum mínum daglegu athöfnum fylgi ég einhvers konar mynstri sem að mér finnst ómissandi. En á meðan ekkert af þessu truflar líf mitt á einhvern hátt þá telst þetta ekki vera árátta. Það er á meðan ég fer ekki af límingunum yfir því að einhver sitji í sætinum "mínu" í leið 4 þá blessast þetta. Við erum flest með einhverja svona sérvisku, það gefur bara lífinu lit. Mín undarlegasta sérviska er sú að ef ég er úti að ganga með einhverjum og byrja að ganga hægra meginn við hann þá verð ég að ganga hægra meginn við hann allann tímann. Ef að við skiptum um stað þá verður mér óglatt og finn fyrir mikilli vanlíðan. Yfirleitt leyfa þeir sem vita af þessu mér bara að hafa mína hentusemi en ef ég er að labba með einhverjum sem ég þekki lítið og er ekki tilbúin að láta stimpla mig sem loony þá fer ég laumulega að því að skipta um stað án þess að gera úr því mikið mál. Annað sem sumir myndu eflaust líka kalla sérvisku en ég kalla Phobiu er mín sjúklega lofthræðsla, og eins og það sé ekki nóg þá er líka lafhrædd við öll há mannvirki. Soldið asnalegt ég veit það. En þetta eru mínar phobiur Acrophobia, Altophobia, Batophobia, Hypsiphobia eða Hyposophobia. Gaman,gaman,gaman!
    Tékkaðu á hvaða phobiur þú ert með.



    - Játaði Karen


    föstudagur, júlí 23, 2004


    Wet´n´wild

    Blautur dagur, ég hljóp í strætó eins og hundur á sundi, óð bókstaflega fljót til að komast. Sat í chillinu með annarri stelpu í strætó bara róleg. En um leið og við komum niðrí bæ fylltist vagninn af túrhestum. Greyin litlu holdvot með stóru bakpokana sína, illa til reika og almennt mjög brjóstumkennanleg. Kliður af þýsku, sænsku og ensku fyllti eyru mín og mér leið eins og ÉG væri í útlöndum. Við tvær íslensku brostum kumpánalega hvor til annarar, það er gaman að túrhestunum. Ég sem innfæddur Íslendingur er alltaf jafn hissa á að fólk komi hingað í sumarfrí. Já ég veit að við erum mest spes í öllum heimi en samt, á eitthvað erfitt með að fatta hvernig einhverjum dettur í hug að eyða sumarfrínu sínu hér í stað þess að fara suður á bóginn og ná sér í smá sólskin og kokteila. En kannski er ég bara ekki nógu mikill Rebel til að vilja eyða sumarfrínu mínu í einu dýrasta landi í hinum frjálsa heimi og svo má ekki gleyma að þrátt fyrir ágætt veður í sumar þá face it við bjóðum ekki beinlínis upp á bikíni veður og hvítar strandir. Og ég ætla ekki að gerast svo djörf að voga mér að kalla blessaða Nauthólsvíkina alvöru strönd. En engu að síður Guð blessi túrhestana og alla þeirra velkomnu peninga. Ég held að Íslands sé staður sem þú heimsækir þegar þú ert búin að fara allt annað, búinn með sólarlanda og stórborgapakkann og þá geturðu sáttur setið í Bláa Lóninu og sagt við sjálfan þig "Now I´ve seen everything".

    - Játaði Karen


    fimmtudagur, júlí 22, 2004


    I WANNA

    Komið alltof langt síðan að ég gerði eitthvað af mér. Búin að vera að gera ekkert nema að vinna og núna langar mig bara að djamma og djúsa en það verður að bíða aðeins lengur. En eigi síðar en um Versló mun ég vera einhvers staðar sótölvuð og snarbiluð. Alveg eins og kisi litli nema sleppa sígó því að ég geri ekki svoleiðis :)

    - Játaði Karen


    miðvikudagur, júlí 21, 2004


    This just in ...

    Í fréttum er þetta helst.
    Hí á þig Davíð Oddson, stórvirkjanir fara illa með náttúru og dýralíf, big surprise. Og svo fréttin sem að fékk mig til að staldra pínu lengur við, snaræði lögreglumanns bjargar lífi konu í USA. Sá einhver þessa frétt, þetta náðist allt á filmu löggan að elta bíl sem ekur á ofsahraða, skyndilega stöðvast bílinn á miðri brú og út stekkur kona sem reynir að kasta sér fram af brúnni en löggan rétt nær að grípa hana í fallinu. Greyið Löggi þarf svo að berjast við konuna til að koma henni upp þar sem að hún reynir að sleppa frá honum og kasta sér fram af. Það var óhugnalegt að horfa á konuna sem virtist svo tryllt og um leið hugsaði ég, hvað getur hafa komið fyrir hana, hvaða vandi er svo hræðilegur að þetta er lausninn. Ég get svo auðveldlega sett mig í spor t.d Palestínsku stúlkunnar sem gerði sjálfsmorðsárás eftir að hafa misst alla fjölskylduna sína, get ímyndað mér að í sömu sporum væri ég til alls vís. Þannig að ég get á sama hátt skilið að fólk geti lent í aðstæðum þar sem að þau geta bara ekki hugsað sér að halda lífinu áfram. Hinsvegar er það undarlega að það er ekki eingöngu fólk sem að hefur misst allt eða upplifað skelfilega sorg sem sviptir sig lífi. Oftar en ekki er það kornungt fólk með endalausa möguleika í framtíð sinni. Fólk sem að á fjölskyldu og vini, fólk sem er elskað. Og ÞAÐ er óendalega dapurt.

    Guilt and regret are my two inbred brothers
    Guilt and regret how I hate them both, from the bottom of my heart.
    Sentenced

    - Játaði Karen


    mánudagur, júlí 19, 2004


    The truth hurts!



    Act now or forever hold your peace; don't talk about how bored you are, or how much you hate your job, or how amazingly meaningless your life seems if you're not willing to try to set yourself free.

    CrimethInc


    - Játaði Karen


    sunnudagur, júlí 18, 2004


    PARTÝ

    Þvílíka stuðið í gærkvöldi, fór í brjálað partý með vinnufélögunum og komst að því að ein sem ég vinn með á þvílíka magnið af heitum, single vinum og tvo sjóðheita bræður líka. Það var rosa gaman, spilað á gítar, drukkið, sungið meira, drukkið meira, dansað tryllt um öll gólf, drukkið og svo enduðum við öll í heita pottinum á nærfötunum í brjáluðum perraskap og skemmtilegheitum. Skreið heim undir morgun með 3 símanúmer og rosa sogblett á hálsinum.




    Já ef ég get ekki lifað skemmtilegu lífi þá ætla ég bara að ljúga því að líf mitt sé spennandi. Já ef þetta væri aðeins satt!
    Raunin er sú að ég eyddi kvöldinu að skemmta Ágústi Smára og horfði svo á Interview with a Vampire með mömmu og fór svo að lúlla. En í huganum ætla ég að halda mér við slutty party með lauslátum heitum folum. Því að það er mikið skemmtilegra.

    - Játaði Karen


    laugardagur, júlí 17, 2004


    Happ happ happy

    Og þau lifðu hamingjusöm til æviloka... eða hvað?
    Hamingjan er ekki viðvarandi ástand amk ekki fyrir eðlilegt fólk. Án efa voru prinsinn og prinsessan hamingjusöm á brúðkaupsdaginn en hvað með þegar lengri tími er liðinn. Þegar prinsessan er hætt að nenna að raka á sér lappirnar og prinsinn er hættur að fara afsíðis til að prumpa og lætur það bara flakka fyrir framan sína heittelskuðu. Svo má ekki gleyma því að fyrir hvert ár sem þau eyða saman styttist forleikurinn um eina mínútu. Ekki það að hamingjan sé fólgin í þessu. Hamingjan er augnablik þar sem að allt er fullkomið! Síðast þegar ég var hamingjusöm var 11 júní. Ég kom heim úr vinnunni ógeðslega þreytt og morkin, fór strax inná baðherbergi og lét renna í heitt bað og skellti í það einni Thalgo baðbombu og þá varð vatnið fallega blátt eins og sjór, svo kveikti ég á fullt af kertum og smellti geisladisk með Eve Cassidy á fóninn og að lokum náði ég mér í Vodka Blue inn í ísskáp.
    Þegar ég renndi mér ofan í baðið, drakk kaldann bláann drykk ofan í heitu bláu baði og hlustaði á Blues við kertaljós upplifði ég andartak af algerri sælu og hamingju.
    Kannski málið sé að við eigum ekki að vera að eltast við hamingjuna sem eitthvað langtímadæmi, lifum SÁTT til æviloka og upplifum hamingjuna í augnablik öðru hvoru.

    - Játaði Karen


    föstudagur, júlí 16, 2004


    NEMO


    Nemo has been found


    - Játaði Karen

    I´m pretty sure he´s asian

    Lífið var svo erfitt að ég ákvað að missa vitið og sannfærði sjálfan mig um að ég væri sítróna og skemmti mér við að hoppa í og úr gin og tónik. (Ford Prefect )
     
    Hélt að ég væri pínu rugluð í morgun með nettar ofskynjanir þegar ég gekk út Hagamelinn með stírur í augum og haltrandi eins og gimp (ennþá með harðsperrur). Ég mæti yfirleitt ekki sálu á þessum morgungöngum mínum kl 05:30 en yfirleitt á ekki við um daginn í dag. Ég gekk framhjá litlum asískum manni í brúnköflóttri skyrtu sem var á fullu að sveifla handleggjunum og gerandi einhverjar leikfimiæfingar Falun Gong style! Ég nuddaði augun og hristi hausinn en litli kínamaðurinn hélt ótrauður áfram að sveifla sér! Ég gekk forviða áfram og var þess fullviss að þetta atvik myndi marka allan daginn og að dagurinn yrði stórfurðulegur, so far er ýmislegt skrítið búið að henda t.d var ég ein hérna til 06 :30 en yfirleitt eru um 10 manns að æfa á þeim tíma, einn áreiðanlegasti kennari sem ég þekki svaf yfir sig og ég er búin að vera að rembast við að skrifa þetta síðan 07:00 en það hefur alltaf brenglast hjá mér. Já og svo það allra skrítnasta, það var sætur strákur að reyna við mig!! Geri aðrir betur fyrir hádegi á föstudegi. En trúið mér þessi dagur verður eftirminnanlega furðulegur.



    - Játaði Karen


    fimmtudagur, júlí 15, 2004


    Enough already!

    Ok hvað er ykkar álit á þessu?? Sko undanfarnar nætur er mig búið að dreyma bara vinnuna og endalaust vesen, það vantar nefnilega svo nuddara og ég er greinilega farin að taka það vel inn á sálina. Ég er nefnilega að nudda alla nóttina þó að ég sé ekki nuddari. T.d í nótt var ég fyrst að skoða nýja líkamsræktarstöð sem að Baðhúsið var að kaupa og svo var ég að fara til Koben að nudda Hákon prins sem by the way er prins í Noregi ekki Danmörku!!!!! Hversu crazy getur maður orðið. Amk það sem ég er að pæla, finnst ykkur ekki að maður eigi að vera á launum ef maður eyðir nóttinni í vinnunni þó að það sé bara í draumi. Soldið boring. Ég er ekki búin að vera nógu dugleg að æfa undanfarið og tók hressilega á því bæði á þriðjudag og í morgun, skellti mér í Bopypump og er að drepast úr harðsperrum og geng eins og Helgi myndi segja eins og kærastinn hafi átt afmæli í gær. Gretti mig og styn við það að beygja mig og þarf að slaka mér niður í sæti eins og kasólétt kona. NEYÐARLEGT!! Svo er saumó í kvöld og ég bíð spennt eftir að klukkan slái átta. Var að vonast til að geta gabbað einhverja saklausa mey til að vinna fyrir mig um helgina en það eru allir að fara pjattlast eitthvað út á land :( Bít í það súra epli og hangi í vinnunni um helgina sem og aðra daga.
    Ef að þið þekkið einhverja nuddara sem eru að leita sér að vinnu með fallegu og skemmtilegu fólki (mér) þá endilega látið mig vita ;)

    Væri alveg til í að nuddast aðeins utan í honum.

    - Játaði Karen


    mánudagur, júlí 12, 2004


    Sail on!

    Ég er rosa hrifin af heimildarmyndum, eiginlega alveg æst í þær. Ef ég væri með fjölvarpið myndi ég bara horfa á Discovery, Animal Planet og National Geographic. Ég horfði á heimildarþátt í gærkvöldi um síldarævintýrið, og þótti bara gaman. Ég er komin af sjómönnum, líffræðilegur faðir minn er skipstjóri, pabbi var háseti, mamma þerna í mörg ár, afi bryti og háseti, langafi skipsstjóri, móðurbræður mínir vélstjóri, skipstjóri og bryti. Næstelsti bróðir mömmu vann á sjó og dó á sjó, hann drukknaði. Karlarnir á sjó, konurnar í fiski það er mín ættarsaga. Þegar mamma var 10 ára var hún sett upp á trékassa svo að hún gæti saltað síld í tunnu. Og vann þar til að hún var úrvinda af þreytu, ég tek það fram að það voru ekki skyldmenni mín sem að voru að kvelja hana heldur var hún í sveit. 15 ára var hún að vinna við að "fletja" síld sem ég hef ekki hugmynd hvað er, en þá var unnið í 40 mín pása í 20 mín, það mátti ekki vinna lengur í einu af einhverri ástæðu. Í þessum pásum hljóp mamma til ömmu til að hjálpa henni að salta og skera síld í tunnur. Konurnar fengu greidda fyrir hverja tunnu sem þær söltuðu og fengu þær síldarmerki sett í stígvélin sín eitt fyrir hverja tunnu sem þær síðan skiptu fyrir peninga í lok dagsins. Í eitt skipti sofnaði mamma á gólfinu við að klæða sig úr ullarsokkunum eftir langann vinnudag. Ég ætla að skammast mín til að hætta að kvarta undan löngum vinnudegi, þar sem að það er mitt val og ég er pottþétt ekki í neinni erfiðri vinnu líkamlega svo er víst. Fólkið mitt hefur alltaf verið duglegt að vinna en fátækt. Elsti bróðir hennar mömmu hætti í skóla og fór að vinna 12 ára við að grafa skurði. Þegar ég útskrifaðist úr menntaskóla var ég sú fyrsta í fjölskyldunni. Eins og mamma segir sumir fæðast með silfurskeið í munninum aðrir með einnota plastskeið en það sem skiptir máli á endanum er hvernig þú lifir lífinu.

    - Játaði Karen


    sunnudagur, júlí 11, 2004


    Lazy Girl!


    - Játaði Karen


    föstudagur, júlí 09, 2004


    DISTURBING!!

    Nýja auglýsingin frá Umferðastofu er alger horror, ég hélt að það væri ekki hægt að slá út "HEPPINN" auglýsingu VÍS en nú er búið að slá öll met! Fyrir ykkur sem ekki hafið séð þessa auglýsingu (Lucky you) þá byrjar hún að á að sýna litla stelpu sem brosir framan í myndavélina svo verður allt grátt og við sjáum mynd af andliti stelpunnar á götunni, og hún er greinilega dáin, gatan er allstaðar með myndum af fólki sem er dáið og svo að lokum sést bíll keyra hratt yfir og "Hægðu á þér" birtist í horninu. AWFUL!!! Það sem er verst við þetta er að ég er viss um að svona auglýsingar hafa bara áhrif á okkur sem að keyrum ekki of hratt eða full. Hinir sem að auglýsingunum er beint til, þeim er alveg sama. Ég man eftir því að einn kunningi minn sem að átti mótorhjól sagði, að einhvern tímann var hann að keyra út á landi á ofsahraða að sjálfsögðu og sá skilti sem stóð á Hraðann eða Lífið og það varð til þess að hann gaf bara enn meira í. Sumu fólki er nefnilega ekki viðbjargandi. Eftir þessa auglýsingu og reyndar að horfa á 2 þætti af Kingdom Hospital eðal Stephen King vibba eins og hann gerist bestur þá var ekki við öðru að búast en að dreyma illa. Og viti menn ég var með hræðilegar martraðir í alla nótt. En mér var nær :) Ef að ég ætti að hætta að fíla Stebba Kóng af því að ég fékk martröð þá hefði ég bara lesið eina bók eftir hann. Fyrsta bókin sem að ég las eftir hann var Bókasafnslöggan og ég hef verið svona 13 ára. Eftir það var ég hooked og hef lesið flest sem að hann hefur gefið út. Þetta 14 ára ástarsamband er enn spennandi og ég fæ ekki nóg af þessarri elsku. Ég veit að hann telst ekki myndarlegur á venjulegum mælikvarða but I think he is HOT.


    Break me off a piece of that, Wroawww!

    - Játaði Karen


    fimmtudagur, júlí 08, 2004


    Time for a change!

    Það er alveg merkilegt hvað maður getur stundum verið vitlaus. Alltaf að gefa öðrum góð ráð en of vitlaus til að taka þeim sjálfur. Stundum þarf einhver sem að þykir vænt um mann að segja manni til syndanna. Lenti í því morgun og er afar þakklát. En nóg um það :) Vaknaði 4:30 morgun og skutlaði henni Öldu Lilju upp á flugvöll, en hún er á leið í brúðkaup í Englandi. Á leiðinni heim átti ég vægast sagt erfitt með að halda mér vakandi, brunandi á litla Yarisnum hennar Öldu. Fékk að leggja mig í 1 1/2 tíma og er núna að vinna. Ótrúlega rólegt og notalegt. En á öðrum nótum, afhverju eru svona margir SÆTIR strákar HOMMAR, afhverju, þetta er bara óréttlátt. En í dag er rólegur dagur, stuttur og þægilegur og einmitt það sem þarf fyrir átök næstu daga. Ummmmmmm


    Þessi er t.d pottþétt koddbítur shame shame!

    - Játaði Karen


    miðvikudagur, júlí 07, 2004


    Sick Sick I Say

    Jamm mikið gagn að þessum lækni, ekki nóg með það að hann lumar ekki á skyndilausn handa mér þá vill hann að næst þegar ég lendi í KASTI (blóðsykurfall) þá á ég að haul ass upp á heilsugæslu svo hægt sé að mæla mig. Yeah right líklegt! Hmm ekki minn dagur :(

    - Játaði Karen

    Your SICK and I´m gonna tell

    Er óttalega andlaus og asnaleg, búin að vera ferlega slöpp síðan á mánudag og ætla að hringja í lækninn minn og heimta skyndilausn því að þetta er grautfúlt.
    En að skemmtilegri efnum, hún Soffía á afmæli í dag loksins orðin 21 árs og nokkra mánaða ;)
    eða eitthvað svoleiðis. Til hamingju með daginn elskan og hafðu það nú gott á afmælisdaginn sem og alla daga.

    - Játaði Karen


    mánudagur, júlí 05, 2004


    Why GOD Why!

    Afhverju á fólk ketti, og afhverju leyfir þetta kattarfólk dýrunum sínum að fara út á nóttinni og slást í garðinum mínum með tilheyrandi hávaða. Þegar Karen litla þarf að vakna klukkan 5 þá eiga engir kettir að vera að slást í garðinum. Hrökk upp, með hjartsláttartruflanir við hljóð sem minnti á barnsgrát. Tók mig nokkrar sekúndur að fatta að það var ekki barn að orga út í garðinum mínum, nei þetta voru ógeðskisur! Þetta var heldur betur ömurlegt því að ég neyddist til að hlusta á þetta því að ég nennti ómögulega að fara á fætur og kasta einhverju ÞUNGU og helst ODDHVÖSSU í átt að kvikindunum sem að trufluðu nætursvefn minn. Ekki misskilja mig ég er mikill dýravinur, bara ekki vinur þessara tilteknu kattafjanda. Nú þegar ég er búin að fá útrás fyrir gremju mína þá ætla ég að segja aðeins frá helginni. Ég var á því að eiga rólegt laugardagskvöld. Well ekki svo rólegt á endanum, í raun endaði það eins og flest sem ég kem nálægt í tómri vitleysu. Við vorum semsagt 4 í rólegheitum heima hjá Ragnheiði snyrtifræðing þar sem að hún og vinkona hennar Ragnheiður voru búnar að elda fyrir okkur dýrindismat. Við Unnur mættum þarna eftir vinnu og kvöldið tók hægt af stað. Já svo má ekki gleyma að nefna að Unnur kom með fullann poka af víni sem að hún hafði unnið. Eftir matinn byrjuðum við að tæma pokann og 2 tímum seinna var ég orðin vel full að lita á mér hárið og alveg ready að fara að djamma. Og það var tekið á því. Eftir stutt stopp heima til að skipta um föt var haldið í bæinn þar sem að var furðu mikið af fólki, miðað við þessu miklu ferðahelgi. Við enduðum í ruglinu og eins og þessi mynd frá Sólon sýnir. Þvílíka vitleysan, þetta er Unnur snyrtifræðingur og Brazilíska vax drottiningin sem er að bíta mig. Bíttu laust því að bollan er mjúk. Kom heim um 5 leytið og eyddi sunnudeginum eins og Guð ætlaðist til í að hvíla mig, borða mikið og drekka fullt af gosi. Já og að horfa á fótbolta og samgleðjast með Grikkjunum og grenja með aumingja Ronaldo. Mikið gaman.

    - Játaði Karen


    laugardagur, júlí 03, 2004


    Saturday night fever???

    Að djamma eða ekki djamma þar er spurningin, ég á frí á morgun í tilefni sumarsins, svo að það ætti amk ekki að standa í veginum. Ekki að það hafi gert það hingað til hehehe. það er hellingur af fólki að fara að djamma en þá nenni ég einmitt ekki. Týpískt, svo þegar mig langar þá eru allir uppteknir eða eitthvað. Jæja en ég held að verði samt stillt, læt mér nægja matarboð til að kveðja hana Unni elsku á snyrtistofunni og fer svo heim að chilla og mæti bara fersk í ræktina í fyrramálið. Held að það sé málið ;) Yes Yes I am a sad little old lady!!


    - Játaði Karen


    föstudagur, júlí 02, 2004


    Fun in the Sun

    Ég átti frí í gær og í fyrsta skipti í langan tíma var ekkert aðkallandi sem þurfti að gera. Ég fór bara í ræktina og svo út að ganga með mömmu, sólin bakaði okkur meðan við gengum um allan vesturbæinn og viðruðum okkur. Eftir það fékk ég Ágúst Smára lánaðann og við fórum að leika okkur út í garði, með bolta og svo setti óþekka frænka litla barnið upp í tré þar sem hann undi sér vel við að plokka börkinn af tréinu. Svo eldaði ég góðan mat og fékk næstum heilablóðfall af æsingu að horfa á Grikkland-Tékkland!! GO GREECE :) Eftir að Grikkirnir unnu eyddi ég smátíma í símanum til Grikklands að samgleðjast elskunni minni sem liggur með hlaupabólu upp á spítala. Þetta var frábær dagur og ég mæli með því að sama hversu busy við erum að við tökum okkur tíma til að dúlla okkur og slaka á. Dagurinn þarf nefnilega ekki að vera ein þéttskipuð skemmtidagskrá til að við getum haft það gott. Í dag er vinna og um helgina en mér er alveg sama þar sem að sólin er stungin af og mig langar ekkert út.

    - Játaði Karen