Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • föstudagur, október 29, 2004


    Green Devil

    Það eru tvær tilfinningar sem stundum eru kallaðar Græni púkinn, önnur er öfund og hin er afbrýðissemi. Öfund þekki ég lítið og hef upplifað sjaldan eftir að ég varð fullorðin, þó að ég muni vel eftir að hafa verið öfundsjúk sem barn.

    Öfund er eitthvað sem að ég reyni að láta ekki slæðast inn í hjá mér. Afbrýðissemi er hins vegar allt annað mál. Ég er alveg hrikalega afbrýðissöm ung kona. Ég reyni samt alltaf að fela það á meðan hún ólgar inn í mér. Allir sem að hafa upplifað afbrýðissemi vita hversu óþægilegt það er, ég verð afbrýðissöm ef að fyrrverandi kærastar alveg síðan í 8 bekk eiga kærustur! Þeir eiga að vera heima hjá sér grenjandi yfir að ég er ekki kærastan þeirra lengur og aldrei líta á aðra konu, ég verð afbrýðissöm ef ég sé myndalegann mann með hring, skömminn hann átti að vera heima að bíða eftir að kynnast mér, og svo ekki sé talað um hversu tryllt ég verð af afbrýðissemi ef ég er á föstu og kærastinn talar við eða um einhverja stelpu, hann á að vera heima á hnjánum að þakka Guði fyrir að ég er kærastan hans. En ég er tiltölulega skynsöm stelpa og veit að það jaðar við geðveilu að hugsa svona. En það þýðir ekki að ég geti stoppað þetta, en ég get stjórnað þessu, ég er ekki stelpa sem að bannar kærastunum að fara út og vantreystir honum, alls ekki, ég er einmitt þessi " Ok, ástin mín bæbæ og góða skemmtun" týpan, aldrei með vesen, en það sem kraumar inn í mér er allt annað. En hvað ætli margar manneskjur deyji árlega úr afbrýðissemi, drepnar af makanum sem missir vitið þegar Græni púkinn bankar uppá. Það er líka til fólk sem er með púkann á öxlinni allan daginn, alla daga, hann flytur inn og stjórnar heimilslífinu. Ein góð vinkona mín á Grikklandi bjó með strák sem var vís til að ganga í skrokk á henni ef að einhver karlmaður horfði á hana, hún var gullfalleg og það var henni að kenna. Nýlega tók íslenska réttarkerfið þá afstöðu að kona hefði kallað yfir sig heimilisofbeldi því að manninn hennar grunaði hana um framhjáhald!! Það hlýtur að vera gott fyrir okkur konur að vita það núna að ef að við eigum mann sem að býr með Græna púkanum og trúir lygunum í honum að þá verðum við að vera tilbúnar að taka afleiðingunum. Huggulegur andskoti!

    - Játaði Karen


    fimmtudagur, október 28, 2004


    Killing time

    Voðalega er þessi vika eitthvað búin að vera óspennandi, klukkan er sjö og ég vaknaði fyrir 2 tímum síðan! Er að leysa af í ræktinni í 3 tíma á morgnanna þessa viku áður en ég fer að leika við börnin í skólanum. Skólinn minn hýsir þessa dagana 4 fatlaða drengi sem við starfsfólkið sláumst um að passa og hugsa um, og svo pössum við hvort annað líka því að við verðum að gæta þess að enginn kenni börnunum neitt á meðan verkfallið stendur. Talandi um verkfallið þá gerðist soldið fyndið í morgun. Klukkan 6 í morgun og ég nýmætt og hálfsofandi, þá heyrði ég einhvern vera að kalla úti, Halló!! Halló!! mjórri röddu, mjóa röddin færðist nær og ég kíkti fram á gang, þar standa 2 strákar 13-14 ára brosandi út að eyrum með hund í bandi!! "Halló, hvernig geturðu vaknað svona snemma" spyr annar þeirra, ég horfi á hann og spyr á móti, "hvað í ósköpunum eru þið að gera úti á þessum tíma". "Sko hann", segir stráksi og bendir á vin sinn, "hann gat ekki sofið í nótt svo hann hringdi í mig og bað mig að koma út að ganga með hundinn og við erum búnir að labba í klukkutíma". Og þeir virtust bara rosa kátir með þetta, sérstaklega hundurinn. Það er sem sagt greinilegt að aumingja börnin eru að missa vitið í verkfallinu. Þegar við erum ekki að slást um börnin í vinnunni þá erum við að læra, í gær og í dag er námskeið um þroskaraskanir barna, í gær var farið yfir ofvirkni og ofvirkni með athyglisbrest, ég kannaðist við hegðunareinkennin, litli bróðir í hnotskurn, en það er ekki sá eini sem þetta minnti mig á, en þið vitið hver þið eruð ;) í dag verður svo farið yfir einhverfu og ég ætti að vera sprenglærð í þessu með kvöldinu.
    Það eru líklega margar leiðinlegri leiðir til að drepa tímann en þegar maður vaknar 5 á morgnanna þá er fyrirlestur í rökkri ekki alveg það sem manni vantar, og býst ég við að sofna einhvers staðar í kringum Asperger heilkenni í dag.

    - Játaði Karen


    þriðjudagur, október 26, 2004


    Right on

    Laugardagskvöldið var argasta snilld, alltof mikið drukkið, sungið og alltof margar löggur að reyna að spilla gleðinni!! Í eitt skipti þegar að lögreglan bankaði upp á þá var það aumingja ungfrú Ulrich sem svaraði, hún bjóst að sjálfsögðu við skemmtilegum gestum og opnaði hurðina skælbrosandi og gólaði Gott Kvöld.. sá hverjir voru úti dauðbrá og SKELLTI hurðinni á nefið á þeim!! Ekki sniðugt Karen, nei,nei,nei! Þetta var skandala kvöld mikið og önnur eins vitleysa mun seint endurtekin. En geðveikt gaman. Vaknaði á sunnudagsmorgun og bað mömmu að panta snöggvast líkkistu og grafara... fann að dauðinn var nærri og hringsólaði yfir mér eins og soltinn hrægammur. Eftir að hafa ælt 5 sinnum fór mér að líða örlítið betur og eyddi restinni af deginum hjá Soffíu að horfa á nýju snilldar græjurnar og borða óhollustu.
    Ekki laust við að ég væri ennþá þunn í gærmorgun en öllu skárri í dag ;)

    Og nú að allt allt öðru! Fór á fund hjá Amnesty í gærkvöldi og lofaði mér í að koma á laggirnar Kvenna-aðgerðahópi, þetta er spennandi og gefandi starf og nú vantar bara 5-15 konur og þá getum við hafið störf. Í þessu starfi felst að hittast 1 sinni í mánuði og svo einhver verkefnavinna inn á milli. Ef að einhver hefur áhuga á taka þátt þá endilega senda mér póst kge@hi.is.

    - Játaði Karen


    laugardagur, október 23, 2004


    Xmas


    Ég er að fara í veislu á eftir, og svo partý eftir það!!
    Í gærkvöldi var ég að pakka inn gjöfinni fyrir Magga sem er að halda upp á útskriftina sína og afmælið sitt. Það sem gerðist var að á meðan ég var að pakka og skrifa kort þá hvoldfist yfir mig yndisleg tilfinning. JÓLATILFINNING, ég veit að ég er kannski aðeins of snemma í því en ég er skyndilega að kafna úr jólaskapi.
    Svo notalegt. Fyrir hver einustu jól þá er ég ákveðin í því að núna skuli ég gefa mér góðan tíma í allt og ekki vera stressuð á jólunum. Hver einustu jól þá mistekst þetta hjá mér, og ég enda klukkan 21 á Þorláksmessu í stresskasti að kaupa jólagjafirnar. Ég ætla enn og aftur að gefa út yfirlýsingar um þessi jól verði öðruvísi. Ég ætla meira að segja að gerast svo djörf að segja að ég ætla ekki að vinna á Þorláksmessu heldur vera búin að öllu og njóta dagsins. Við sjáum hvað setur. Ég hef alltaf verið mikið jólabarn og jólin eru minn uppáhaldstími, en samt er það alltaf aðventan og tíminn sem fer í undirbúa jólin sem mér líkar best. Þessi tilhlökkun og tilbreyting sem að birtir svo til hjá manni einmitt í mesta skammdeginu. Já, ég finn hvernig jólin eru að koma.

    - Játaði Karen


    föstudagur, október 22, 2004


    Massing a fat hamster!

    Búið að taka á því í vikunni, ræktina alla daga og slá reyni Pétri út í göngu. Og afhverju svona dugleg hugsar þú kannski, nú það er náttúrulega partý og maður verður að vera í sínu fínasta formi áður en maður DETTUR í sukkið. Er á leið í RPM efir hálftíma og svo að vinna fram á kvöld. Enn stendur blessaða verkfallið og í gær var okkur í skólanum boðið í ferð á Gljúfrastein og það var ósköp indælt, það er ekki laust við að manni langi bara að kíkja í bók eftir blessaðan kallinn eftir þetta. Svo Vefarinn mikli frá Kasmír og Heimsljósið eru komin á TO READ listann minn. Alla vikuna er mig búið að dreyma fáranlega drauma, svo langir og skýrir eins og bíó. 'i síðustu nótt dreymdi mig voða skrítinn draum, við Ragga vinkona vorum niður við sjó heima hjá henni og vorum að horfa út á hafið sem var fullt af selum, einn þeirra er risastór og mjallahvítur og hann byrjar að synda í áttina að okkur og kemur svo upp á land og nálgast okkur hratt. Ragga tekur á rás í burtu en ég bíð augnablik og hleyp svo á eftir henni, ég hleyp inn heima hjá henni og loka á eftir mér en sé þá selinn umbreytast í ísbjörn, standa upp á afturfæturnar og opna hurðina. SCARY!!
    Mamma segir að þetta sé fyrir hörðum vetri og mannfalli á sjó, en selir tákna menn í sjónum segir hún. Ég auglýsi hér með eftir aðeins minna dapurlegri draumgreiningu.

    - Játaði Karen


    mánudagur, október 18, 2004


    Colder than a witches titty

    Gleðilegan vetur my dears! Það er ekki hægt að lifa í afneitun lengur og láta sem að enn sé hægt að trítla um Reykjavík á opnum skóm, það er byrjað að snjóa. Heldur snemma finnst mér. Vaknaði í morgun við urr og væl fram í stofu, þetta var mamma sem er hinn upprunalegi Trölli og er vitlaus í að stela jólunum. Hún var ekki ánægð með snjóinn og horfði illum augum á mig þegar ég kom fram sönglandi "I´m dreaming of a white christmas". Ég dreif mig í ræktina og ég get sagt ykkur það, ég var á sama máli og mamma þegar ég staulaðist inn í Þrekhúsið með frostbitnar kinnar og dofin frá mitti og niður. Það er fáranlega kalt úti, og ég var eins og hryggðarmynd tekin beint upp úr Rússneskri sorgarsögu á leiðinni í ræktina. Með 2 töskur á öxlinni og engann trefil barðist ég á móti vindinum og snjónum. Ég fauk til og frá og það eina sem vantaði til að fullkomna ímyndina var ca 3 munaðarleysingjar með hor í nös og tár í augum, einn í fanginu og tveir sem ríghéldu sér í kápuna mína. Sjáið fyrir ykkur fyrirsögnina " kornung, forkunnarfögur kona varð úti við að bjarga 3 munaðarleysingjum" ég klökkna við tilhugsunina. Ekki tók svo betra við þegar ég gekk í vinnuna, það er hvergi í heiminum eins mikið ROKRASSGAT og Seltjarnarnesið. Ég var rauð eins og tómatur loksins þegar ég komst inn í hús. Ekki gott look fyrir mig by the way. Hrikalega illa farið með góða stúlku.

    - Játaði Karen


    föstudagur, október 15, 2004


    Hunk or Chunk

    Ég er þvílíkt ósátt við eitt sem að ég hef mikið orðið vör við í sjónvarpi að undaförnu. Það er þættir þar sem fituhlunka kallar eru giftir þvílíkum skvísum. Sem dæmi má nefna: King of Queens og Acording to Jim og þáttinn með hlunknum úr Full Monty! Þetta er náttúrulega algjör draumur, að geta bara setið á sínum feita rassi og eiga algera skutlu fyrir eiginkonu! Haldið þið að þættirnir með Roseanne hefðu verið trúverðugir ef í stað John Goodman hefði John Trarvolta verið í aðalhlutverki eða Tom Cruse?? Yeah right Roseanne Barr með heitum fola er ekki alveg að gera sig.

    En afhverju í ósköpunum er þá í lagi að skvísan úr Melrose Place sé gift honum James Belushi??? Það er sem sagt nokkuð ljóst að samfélagið er tilbúið að gúddera feita, ljóta kall með sætum konum en ekki öfugt. Það er bara ekki sanngjarnt. Þetta hefur líka dreift sér yfir í íslenska þáttagerð því að mér varð það á að horfa á unglingaþáttinn Óp í Ríkissjónvarpinu um daginn og viti menn, þar eru 3 þáttastjórnendur, ein fyrrverandi fegurðardrottning, ein skvísa og einn hlunkur. Ég er ekki að segja að þessi strákur geti ekki verið frábær í sinni vinnu og án efa með fallega sál en come on! Þetta er út í hött, Það yrði aldrei gerður þáttur með 2 heitum folum beint úr Hagkaupsbækling og svo einni random feitri unattractive stelpu. Sorry það myndi bara ekki selja. Ég er ekki sátt við þetta, látið bara eitt yfir alla ganga og sleppið því að hafa ljótt fólk í sjónvarpi, eða hafið allt ljóta fólkið saman í þætti eins og Roseanne þátturinn var.

    The Happy couple


    Þetta er náttúrulega ekki í lagi.

    - Játaði Karen


    þriðjudagur, október 12, 2004


    All better

    Mér er bötnuð feitan og aftur orðin ómótstæðileg. Eins og hefur eflaust ekki farið framhjá ykkur þá væli ég oft um að lifa óspennandi lífi. Well í dag tók ég í taumana og hugsaði með mér "Ég er sæt og skemmtileg stelpa og það að svipta veröldina þeirri skemmtun að umgangast mig er náttúrulega grimmd". Svo ég er ákveðin að byrja í Sjálfsbetrunar átaki. Ég byrjaði á að fara í Þjóðarbókhlöðuna þar sem ég átti moment með myndarlegum manni sem þóttist vera að læra. En ég var kona on a mission þannig að sæti varð bara að snúa sér aftur að bókunum. Ég er alger lestrarhestur og hef oftar en ekki eytt nóttunum með ástmanni mínum sem er giftur, fæddur 1946 og frekar lítið sætur, þið vitið alveg hvern ég á við, Stebbi Kóngur er maðurinn. Ekki það að það myndi hvarfla að mér að hallmæla bókunum hans, en ég verð að viðurkenna að hann á aldrei eftir að vinna bókmenntaverðlaun. Ég ætla því að reyna að vanda aðeins betur valið á hvaða sora ég set inn í hausinn á mér. Á matseðlinum, þessa dagana er Grát, ástkær fósturmold eftir Alan Paton og svo eftir það East of Eden eftir John Steinbeck. Nú er ég komin með mun betri afþreyingu en Skjá einn til að skemmta mér við heima. Svo þegar ég byrja loksins að læra á gítarinn minn og fer að prjóna barnagalla, þá verður sjónvarp orðið ónauðsynlegt fyrir mig algerlega. En það er einmitt það sem ég stefni á. Jæja þá var komið að Step 2 í átakinu, að verða sýnilegri umheiminum, þannig að mig verður að finna á eftirfarandi stöðum næstu daga.
    Miðvikudag í raddþjálfun í kirkjunni minni, Fimmtudag á málþingi Amnesty um heimilisofbeldi í norræna húsinu, Föstudag á Gauknum á Rokktóbeerfest , Laugardag á Rússnesku Diskókvöldi á Cafe Cultura og Sunnudag á vídeóleigu að kaupa bland í poka og leigja Mystic River.
    Ok, fyrir utan sunnudag er þetta allt fyrirmyndar nýting á verðmætum tíma mínum.
    Ég er að minnsta kosti spennt eins og grjón.

    - Játaði Karen


    mánudagur, október 11, 2004


    FAT

    Í dag er ég feit :(

    Blóm og kransar vinsamlega afþakkaðir nema það sé marsipanblóm eða kransakökur!

    - Játaði Karen


    sunnudagur, október 10, 2004


    Sister Mary Ulrich

    Massa fínt djamm í gær, við Soffía byrjuðum í ræktinni og tókum okkur svo til og hófum drykkjuna. Kíktum svo aðeins í kveðjupartýið hennar Kötu sem var haldið á Jóni Forseta. Þar var var drukkið aðeins meira, þvílíkt örlæti að við vorum orðnar ansi skakkar þegar við löbbuðum þaðan út, svo var tekið þetta hefðbundna, Thorvaldsen, Pravda, Sólon, Hverfis en reyndar kíktum við aðeins inn á Ellefuna líka. Þetta var allt saman fínt og þó nokkuð af heitum strákum á stöðunum en ekkert action fyrir Karen. Nema þegar Soffía skyldi mig örstutt eftir inn á Hverfis í félagsskap rauðhærðs ungviðis sem minnti óneitanlega á David Caruso, hann vildi ólmur kynnast mér nánar og var ég ekki á sama máli og var það tvímælalaust lágpunktur kvöldsins þegar vinur hans reyndi að hjálpa til, hallaði sér að mér og sagði þessi fallegu orð sem að allar konur þrá að heyra "Aldurinn skiptir ekki máli"! Well með herkjum náði ég að hrista af mér Stjúpbarnið litla eftir að hann stakk út úr sér tungunni sem átti að vera merkið mitt um að KYSSA hann. Ég flúði. Ég er búin að átta mig á því að vandinn er minn, það voru alveg sætir, fullburða karlmenn að gefa sig á tal við mig en ég kann ekki að vera einhleyp. Ég kann að daðra, það er hæfileiki sem að ég fæddist með fullþroskaðann, en ég veit ekki hvað kemur næst. Held reyndar að djammið sé ekki hentugur staður til að kynnast karlmönnum. Að minnsta kosti hentar það illa fyrir mig. Svo ég hef ákveðið að ganga í klaustur. Og skrifa þar ævisögu Karen Ulrich, ég er meira að segja komin með titil á bókina " Úr Kláminu í Klaustur: Lífsreynslusaga Karen Ulrich" Flott ekki satt!!! Ég mun taka upp nafnið
    Systir María Benedikta Ulrich. Ég er æsispennt fyrir því að ganga í kufli sem ég held að sé tilvalinn flík til að leyna öllum fellingum. Svo á maður eflaust eftir að hríðhorast af allri erfiðisvinnunni og sveltinu. Þá get ég líka hætt að væla yfir karlmannsleysi því þá verð ég gift honum Jesú! Já þetta verður ljómandi fínt held ég bara.

    Karen í sveiflu

    - Játaði Karen


    laugardagur, október 09, 2004


    Another saturday night!

    Another saturday night and I ain´t got nobody lalalalala
    Gott lag og viðeigandi. Afhverju horfir fólk á sápuóperur??? Er í vinnunnni og fallegu fíflin í Bold and the beautiful eru að grenja, rífast, halda framhjá og allt þar á milli. Ég finn hvernig greindarvísitala mín lækkar en á samt erfitt með að slíta augun af skjánum. Þvílíkt Drama, afhverju er ekki svona mikið stuð hjá mér. Málið er að það til fólk sem lifir í einni langri sápuóperu, það er alltaf eitthvað svaka mikið í gangi hjá því. Ef ég væri í sápuóperu þá myndi hún heita The Boring and the Beautiful eða Leiðindaljós. Þarf nauðsynlega að redda einhverju action í lífið. Er að fara á djamm í kvöld og markmiðið er að ná í smá krydd í mína bragðdaufu tilveru. Ætla mér að hafa krassandi sögur fyrir ykkur á morgun. Yeah my lovelife is boring. Fer bráðum að smella mér á einkamála auglýsingar.
    Óskast
    Lítið notaður karlmaður á þrítugsaldri, ekki dvergvaxinn en þó ekki of hávaxinn, ekki ljótur, verður að vera kroppur. Laus við alla sjúkdóma, verður að hafa áhuga á líkamsrækt og vera barngóður. Má ekki vera Sjálfstæðismaður né reykingarmaður. Hárlitur, húðlitur, augnlitur, starf, skiptir ekki máli.
    Athugið SINGLE GUYS ONLY
    Umsóknir og upplýsingar um fyrri störf og reynslu sendast til
    Miss Ulrich
    blablablabla

    Hvað haldið þið?? Á ég að senda þetta í fréttablaðið??
    Gæti líka haldið áheyrnarpróf og boðið álitlegum karlmönnum að troða upp og reyna að vinna hylli mína. Idolize fyrir kalmenn sem þora að Tilbiðja!
    Svo eru alltaf online stefnumótaþjónustur eins og þessi
    Já það er gaman að þessu!
    Hitti stelpu um daginn sem hafði frétt að ég væri komin á laust og hún sagði " Já enn spennandi, Reykjavík er full af strákum á lausu, það er miklu auðveldara að ná sér í strák en það er fyrir þá greyin að ná sér í stelpu" Hvar í fjandanum heldur þessi stúlka sig, þar sem einhleypir karlmenn flæða um göturnar. Henni láðist að segja mér það.



    - Játaði Karen


    föstudagur, október 08, 2004


    FILTHY

    Ógeðsbarn dagsins er enginn annar en David Caruso, rauðhærða stjúpbarnið úr
    CSI-MIAMI. Í hvert sinn sem þessi vibbi birtist á skjánum rennur kalt vatn á milli skinns míns og hörunds og blóðið frýs í æðum mínum. Ég þoli manninn ekki, og ég veit að ég er ekki ein um að hafa á honum þetta álit. Ég hef heyrt fullt af fólki tala um að það hafi óbeit á manninum og sumir skilja ekkert afhverju! Ég veit ekki afhverju ég þoli hann ekki en, ég þarf heldur enga ástæðu hann er bara leiðinda kvikindi. ´
    Ef að einhver þarna út er FAN þá legg ég til að sá hinn sami láti athuga sig hjá sálfræðingi eða geðlækni því að ég myndi tvímælalaust setja David Caruso aðdáendur og RAVING LUNATICS undir sama hatt.

    - Játaði Karen


    þriðjudagur, október 05, 2004


    Help me PLEASE save me!

    Ykkur er óhætt að hætta að fara varlega og byrja að lifa lífi fullu af hættu. Ég mæli með að þið meðhöndlið eggvopn mjög óvarlega, hlaupið hratt um með rjúkandi heitann kaffibollann, leikið ykkur af því að bleyta baðherbergisgólfið með sápuvatni áður en þið "skellið" ykkur í bað. Svo getið þið líka bragðbætt kvöldmatinn með ýmsum hreinlætisvörum eins og t.d klór og stíflueyði. Þetta getið þið gert án þess að hafa af því nokkrar áhyggjur, og ég skal segja ykkur afhverju.. Í dag lauk ég SKYNDIHJÁLPARNÁMSKEIÐI Rauða krossins. Ójá nú eru þið óhult :)
    Útskrifuð í hjartahnoði og Kossi lífsins hehe, og ef einhver fær blóðnasir þá fer ég ekkert að láta hann halla hausnum aftur neitt, ónei ekki hún Karen hún bregst sko rétt við, hún fer ekkert að láta fólk gleypa blóð og æla því svo (NASTY). Þetta var rosa fínt námskeið og þó að ég hafi farið á svona áður, reyndar fyrir 7 árum þá var alveg komin tími til að rifja upp og svo hefur alveg heilmikið breyst síðan þá. Ég hafði þó engu gleymt og bar af í hjartahnoði og blástri, svo ekki sé talað um hvað ég er lagin við að leggja fólk í læsta hliðarlegu. Sem er by the way rosa notaleg stelling. Ég fékk líka að horfa á fræðandi myndband um flogaveiki sem var scary as hell. Tekið upp í sérskóla fyrir flogaveika drengi, og þeir voru til skiptis að detta niður, í krampaköstum og störuflogum, þvílíkt óhugnalegt að sjá og enn undarlegra að sjá alla sallarólega í kringum þá og sumir krakkarnir litu ekki einu sinni upp úr bókunum.
    Nú get ég vonandi líka læknað sjálfa mig af þeim áfengiseitrunum sem bíða mín í framtíðinni og hver veit nema ég nýti mér einnig þekkingu í sálrænni skyndihjálp á sjálfa mig þegar ég neyðist til að fara skelþunn í vinnuna á sunnudaginn. Það er semsagt verið að reikna með drykkju á laugardaginn, við Soffía ætlum að drekkja sorgum okkar og dansa til að gleyma. Þannig að fyrirfram, ef ég hitti eitthvert ykkar á laugardaginn og geri eitthvað af eftirfarandi:
    1. Þekki ykkur ekki
    2. Haga mér dólgslega og bíð upp á slagsmál
    3. Reyni við maka ykkar
    4. Sting tungunni á kaf ofan í kok á ykkur
    5. Allt ofangreint

    Þá vil ég bara segja FORGIVE ME I KNOW NOT WHAT I DO!

    - Játaði Karen


    mánudagur, október 04, 2004


    Win a date with Derren Brown

    Derren Brown er heitur, svo heitur!
    Hann er heitur af því að hann er svo klár og hann er heitur af því að hann er svo hot. Fyrir ykkur sem ekki horfið á stöð 2 þá er Derren Brown snillingur sem getur lesið hugsanir, látið fólk trúa öllum fjandanum og stjórnað hegðun fólks. Hann er blanda af töframanni, dávaldi, sálfræðigenius og heitum fola. Ég væri til í að komast á deit með Derren Brown. Því miður yrði það bara eitt deit og svo myndi hann aldrei tala við mig framar, og jafnvel láta setja á mig nálgunarbann. Og afhverju er ég viss um að þetta myndi fara á þann veg. Well ég þekki Karen og ég myndi eflaust verða gjörsamlega óþolandi í návist hans. Svona færi þetta eina vangefna deit okkar fram:
    Við sætum við lítið borð á einhverju flottu veitingahúsi í London og værum varla sest þegar ég spyr " Derren, what am I thinking RIGHT NOW" svo horfi ég á hann spennt og bíð eftir svari, hann reynir að skipta um umræðuefni og spyr mig hvað ég geri. Ég iða öll í sætinu og svara "Come on YOU tell ME, go on read my mind" Svona gengi þetta allan dinnerinn og aumingja Derren farinn að horfa löngunaraugum á neyðarútganginn. Svo myndi ég toppa kvöldið með því að spyrja hann" Hey did you hypnotise me to want to sleep with you, cause I REALLY feel like it" Með þessu blístrar hann á leigubíl, treður mér inn og dáleiðir bílstjórann til að keyra mig í óbyggðir og skilja mig þar eftir. En það breytir því ekki að hann er snillingur.

    - Játaði Karen


    laugardagur, október 02, 2004


    Cheating :(

    Er föst í vinnunni allir veikir og ég verð að vinna 4 aukatíma, er pínu svekkt en ekkert brjálað. Hvers vegna er ég ekki meira svekkt, well af því að fyrirtækið bætti mér það upp með því að gefa mér óhollustu að borða. Ég svindlaði big time í dietinu og borðaði franskar og borgara :( Uss uss uss en mér til varnar þá er ég búin að æfa 8 já takið eftir 8 sinnum í þessari viku. Djúpsteikingin liggur samt eins og mara á samvisku minni og var þar af leiðandi varla þess virði. One minute on the lips forever on the hips, MY CHILDBEARING HIPS ARGHHHHH....Andstyggilegt!!!
    Litla systir var að kaupa sér SIMS 2 og ég er spennt eins og grjón að prófa. Spurði lymskulega hvort hún vildi ekki kíkja út í kvöld svo að ég gæti fyrst dúllast með Ágúst Smára dúllurass og svo leikið mér í SIMS fram á nótt. Ef ég flokkast ekki undir að vera sorglegt case þá gerir það enginn.
    Og það versta er að ég er bara frekar sæl með þetta ástand!
    Þetta er inní mér right now! En ekki samt gúrkan that tastes like feet :Þ

    - Játaði Karen


    föstudagur, október 01, 2004


    Nice day for a white wedding!

    Að halda brúðkaup eða ganga í hjónband það er spurningin!
    Þegar fólk ákveður að gifta sig hvort haldið þið að það sé algengara að þau séu að ganga í hjónaband með öllum þeim skyldum sem því fylgir eða halda brúðkaup. Brúðkaupið er bara einn dagur, einn dagur þar sem að parið er í sviðsljósinu, allir óska því til hamingju með ástina og gefa þeim kristal og borðbúnað. En hjónaband það er hins vegar annað mál algerlega. Það er að eyða lífinu saman og takast á við sorgir og vandamál, svik og særindi, en líka að njóta saman allra fallegu hlutana sem að ástin elur af sér. En fyrir hvern er fólk að halda þessi RISAVÖXNU brúðkaup?? Er parið að gera þetta til að fagna staðfestingu sambands síns eða eru þau bara að leika prinsinn og prinsessuna í einn dag. Sú dapra staðreynd að mikill hluti fólks er að skilja og jafnvel eftir örstutt hjónaband segir sitthvað um þetta. Það er mín trú að í mörgum tilfellum sé fólk að drífa í því að láta gifta sig eftir jafnvel margra ára samband vegna þess að einn daginn vakna þau og hafa nákvæmlega ekki neitt að segja hvort við annað. Þá er hellt sér út í að gifta sig til að hafa eitthvað að tala um í svona 1-2 ár. Svo ef þið hafið einhvern tímann séð þennann blessaða Brúðkaupsþátt á skjá einum þá eru öll þessi brúðkaup alveg eins! COPY/PASTE ég sá nokkra svona þætti í sumar og sá eini sem eitthvað var varið í var Ásatrúar brúðkaupið, en það fannst mér spennandi að sjá. En þarf fólk í alvörunni allan þennan glámúr til að gifta sig. Þarf að hafa krakka í sérsaumuðum fötum grýtandi blómum og berandi hringa á rándýrum hringapúðum? Og hvað með gestina ef einhver í brúðkaupinu hefur tilefni til að segja " Guð elskan mín mikið ertu sæt, síðast þegar ég sá þig það var í fermingunni þinni" þá er greinilegt að sú manneskja á ekki að vera þarna. Áherslan er hætt að vera á það merkilega loforð sem fólk er að gefa með því að gifta sig og farin yfir á þennan eina dag sem er brúðkaupsdagurinn. Og það er að mínu mati ástæðan fyrir því hversu lítið mál það þykir að skilja í dag. Ef að þú ert ekki að pæla í hvað þú ert að ganga inní með því að gifta þig sem er ÆVILANGT loforð um að elska makann einann þá skiljanlega er lítið mál að slútta bara öllu og skilja. Ég að minnsta kosti vil ekki sjá þetta og þarf maðurinn sem ég enda með að vera brúðkaupsóður til að ég skipti um skoðun, vellíðan hans þarf bókstaflega að hanga á bláþræði til að ég láta plata mig út í þessa vitleysu,. Mitt draumabrúðkaup er ég og elskan mín tilvonandi helst á fallegum stað erlendis og látum gifta okkur. Engin veisla, engir gestir, engin kjóll eða hringapúði bara ástin og loforð.

    - Játaði Karen