Miss Ülrich

Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Lilypie 1st Birthday Ticker

Nýlegir póstar

It´s facebook...

Back to school...

What to say, what to say?

Bloggeddy blogg...

Clever mouse...

Eldri póstar

fimmtudagur, nóvember 30, 2006

Mrs Claus

Jólaljósin eru komin út í glugga, aðventukransinn tilbúinn og stendur á eldhúsborðinu, póstmódernisma ritgerðin hérumbil komin í hús og allt eins og blómið eina. Tók mig til og afkastaði margra daga vinnu seinni partinn í gær.
Gekk berserksgang og þreif íbúðina hátt og lágt á mettíma, setti ljós í gluggana, aðventukransinn tók örstutta stund enda afar einfaldur, kristalstjaki 4 hvít kerti og gullborðar í slaufu. FALLEGT!!! Á meðan ég gerði þetta allt lét ég Clay og Mariah syngja fyrir mig hugljúf jólalög.
Þegar þessu var lokið þá settist ég með tölvuna í fangið og slakaði fram meirihlutanum af ritgerðinni. Ekkert smá ánægð með sjálfa mig og það er ekki spurning að ég er að umbreytast í Mrs Claus sem er betra en í fyrra þegar ég var meira eins og The Grinch :þ
Það er aldeilis mikið að gera framundan, ég er að vinna fram á kvöld, á morgun er matarboð hjá Möggu og svo á laugardag verður hann elskulegi litli frændi minn 4 ára og þá verður Partý :)
Hver veit nema sunnudagurinn verði svo notaður til að næla í nokkrar jólagjafir en ég er komin með þær allar á hreint og hlakka mikið til að versla og pakka þeim inn :)
Joy joy!

- Játaði Karen

miðvikudagur, nóvember 29, 2006

Birds of a feather flock together

"Þið Óli eruð með alveg sama húmor", sagði Tobbi vinur og bandfélagi Óla mér eftir eitthvað spilerí í sumar. Mér fannst gaman að heyra þetta enda finnst mér Óli alveg hrikalega fyndinn, ég sé það alltaf meira og meira hversu mikilvægt það er að eiga margt sameiginlegt með elskunni sinni. Sami húmor er mjög gott, svipuð viðhorf til mikilvægra hluta og svipuð áhugamál. En það er önnur ástæða fyrir því að ég er að minnast á kímnigáfu míns heittelskaða en hann gerði mér smá grikk í gær sem ég er ennþá að flissa yfir. Ég er ansi oft komin inní rúm á undan Óla á kvöldin og slaka á yfir lestri svona rétt áður en ég svíf yfir í draumalandið, þegar ég er svo alveg að sofna legg ég bókina frá mér og legg aftur augun. Þegar ég er svona sybbin þá endar bókin á koddanum hans Óla, ég næ bara ekki lengra. þegar ég fór inn í rúm í gær þá lá bók á koddanum mínum.... bókin um JÖRÐINA!!! Bók sem er á stærð við borðstofuborð!! God hvað mér fannst þetta sniðugt, ég hló eins og óð kona og átti í stökustu erfiðleikum með að koma hlunknum af koddanum.
Æðislegt!!
Við Óli fórum í smá verslunarleiðangur í gær, fórum aðeins í Smáralind og versluðum 2 afmælisgjafir og svo aðeins í nýja Ikea, það er ekki hægt að fara tómhentur þaðan út en ég hafði þó stjórn á mér og keypti bara eitt lítið kökuform.
Alveg að koma desember krúttin mín og ég var andvaka í nótt að skipuleggja í huganum jólakort og gjafir, og lærdóminn því að það verður busy mánuður framundan með ritgerðarskilum, prófum, hátíðum og fjöri.

- Játaði Karen

sunnudagur, nóvember 26, 2006

WHY???

Ég er með ofnæmi fyrir fullt af dýrum, yfirleitt finnst mér það ekkert mál ég klappa samt öllum kisum og þvæ mér svo vel á eftir... með tungunni :þ
En þegar ég sé svona myndir þá langar mig bara knúsa alveg í klessu bara eins og Lenny í Mice and men...I wish I had a little friend a little friend to play with... !! Krúttí knús OVERLOAD
Í alvöru talað er hægt að vera svona mikið krútt???

Ég rændi þessu frá Lilju Sif sem er alger Catwoman :)
Sjáið þessar krúttlegu kisur

- Játaði Karen

laugardagur, nóvember 25, 2006

What´s the big deal????

Spezzzzzz..........
Mætti í vinnuna í los Bagnocasa í morgun! Var eitthvað illa stemmd þegar ég mætti og týpískt að þá var allt í hers höndum, allir veikir, síminn á fullu og móttakan full af konum. Ég er varla komin úr úlpunni þegar það snýr sér að mér kona augljóslega í miklu uppnámi vegna þess að einn kennarinn er að fara veikur heim og varð að fella niður tímann sinn. Hún æsir sig uppúr öllu valdi við mig og greyið kennarann eins og þetta væri samsæri okkar á milli af hafa af henni morgunleikfimina, það var ekki á nokkurn hátt hægt að friða hana með því að benda henni aðra tíma sem í boði voru og endaði með þetta með því að hún brast í grát og orgaði af lífs og sálarkröftum okkur til mikillar hrellingar. Aumingja konan það var nokkuð ljóst að það var eitthvað alvarlegra að í hennar lífi heldur en að komast ekki í Kviðbana tíma. Þetta endaði með því að kennarinn bauð henni fríann tíma í einkaþjálfun til að róa hana og stilla táraflóðið. Ótrúlega spes og ótrúlegustu hlutir sem maður lendir í hér á bæ!
En svo ég segi frá svaðilförum Miss Ulrich í gær þá tók ég að mér starf aðstoðarkokks á Fyrstu kvöldmáltíð Sýslumannsembættisins. Það var eldaður dýrindis indverskur matur og svo brjáluð súkkulaði, jarðaberja, rjóma BOMBA í eftirrétt, veigarnar flutu en við kokkarnir máttum lítið vera að því að njóta þeirra :) Þetta var ótrúlega gaman að elda fyrir og borða með 40 manns sem allir voru í svaka fjöri. Ég var komin heim um 8og svo uppgefin að ég hafði varla orku til að tala og fór eins og giska má á snemma í háttinn. Núna er ég bara að chilla í vinnunni, hlusta á jólalög JÁ JÓLALÖG og bíða eftir að klukkan verði 6 svo ég geti farið heim að knúsa strákana!

- Játaði Karen

föstudagur, nóvember 24, 2006

Top ten at ten

10) Mætti í gymmið í morgun, ummm gott!
9) U2 og Green day góð blanda, mjög gott
8) Er ásamt 2 öðrum að fara að elda ofan í 30-40 manns, vonandi verður það gott
7) Það er mánuður til jóla, risastórt mikið gott
6) Þarf að skrifa ritgerð um póstmóderníska mannfræði um helgina, ekki gott
5) Er að vinna á morgun, hreint ekki gott
4) Búin að drekka Alltof Alltof Alltof mikið kaffi í morgun, alls ekki gott
3) Er komin í brjálað jólaskap og langar að hlusta á Nat King Cole, Rosalega gott
2) Er með súper "sætuna" í dag, sjúklega gott
1) Hlynur er að koma í dag, sem er æðislega gott

Og þar hafið þið það ljósin mín ljúfustu!
Góða helgi og veriði nú einu sinni stillt lífinu :þ

Puppies mjög mjög gott!!

- Játaði Karen

þriðjudagur, nóvember 21, 2006

Angry Reading

Já ágæti lesandi hér færðu Reiðilestur!!
Á matseðlinum eru 2 málefni.
1) Ég er lögð í einelti, ég á mér minn eiginn kvalalostafulla STALKER!
Sá er enginn annar en Gatnamálastjórinn í Rvk! Á hverjum degi hefur hann ásamt samsærismönnum sínum fylgst með hverri hreyfingu minni í umferðinni, svo þegar búið er að kortleggja hvaða leiðir ég hef hugsað mér að aka þá birtist eins og þruma úr heiðskíru lofti VEGAFRAMKVÆMDIR!!!
Svona var ég einu sinni í umferðinni, bros á vör, hendurnar á 10 mínútur í 2, yfirleitt sönglaði ég eitthvað þemalag úr Disney mynd á meðan teiknimynda bláfuglar
og íkornar flæktust um í hárinu á mér. Sólin skein, Guð var á himnum og allt í góðu lagi í veröldinni.

En eftir að þessar árásir vegaframkvæmda byrjuðu að dynja yfir mig þá eru bíltúrarnir meira svona, hárið reytt og tætt, tennurnar gnísta, augun rauðsprengd og tryllingsleg, stýrið er allt í tannaförum og furðu mikil froða við munnvikin!! OG ÞÚ ekki reyna að láta eins og þú eigir ekki bita af sökinni, rúllandi um bæinn tætandi upp malbikið á nagladekkjum sem þarf að nota ca 2svar á Reykvískum vetri, skamm skamm!! (Undanskildir þessum skömmum eru þeir sem reglulega þurfa að aka út fyrir borgarmörkin)

2) Þá er það mál 2 á dagskrá, í morgun tók ég mig til og gerði góðan hlut, eins og margir aðrir góðir hlutir var hann eingöngu gerður vegna þess að Óli trúði ekki að ég myndi gera það. En það er þrennt sem að hægt er að nota til að fá mig til að gera hérumbil hvað sem er. Ekki trúa að ég geti/geri það, mana mig eða banna mér það!
Ég sendi póst á Morgunblaðið og Sambíóin í morgun.
Ég lét þá heyra hvað mér finnst um að það bjóða fólki í bíó 2 fyrir 1 og ráða svo á hvaða mynd það má fara. Soldið spes þegar að um er að ræða einn dag (rólegasta bíódaginn) og bara fyrir þá sem kaupa moggann, maður skyldi ætla að þeir gætu leyft fólki að fara á þá mynd sem það vill! Í lokin þakkaði ég þeim fyrir að hafa endalega sannfært mig um að frekar en að sitja súr í bíósal og líða eins og ég hafi verið rænd þá ætla ég frekar að bíða aðeins, og fara svo bara á leigurnar þar sem að ég get fengið myndirnar á 550 kall, notið þeirra með allri fjölskyldunni og hverjum sem mér dettur í hug að bjóða!

Þegar ég var búin að losa um bræði mína þá sendi ég póst á Águst Ólaf Ágústson og sagði honum hvað hann er flottur gaur og hvað hann er að gera góða hluti í málefnum sem varða heimilisofbeldi og kynferðisbrot. Maður verður nefnilega líka að hrósa þar sem það á við!!
Semsagt búið að vera busy morgun klukkan ekki orðin 10:30 og mér finnst dagsverkinu lokið.... má ég þá fara heim???

- Játaði Karen

föstudagur, nóvember 17, 2006

Do not disturb!

Þessi frétt var birt á mbl.is í morgun!

Myndir af barnaníðingum birtar á breskri vefsíðu
Miðstöð sem helgar sig vernd barna fyrir misnotkun og kynferðisglæpum hafa opnað nýja vefsíðu þar sem myndir eru birtar af dæmdum barnaníðingum sem ekki er vitað hvar eru niður komnir. Mennirnir hafa ekki hlýtt þeim ferðahömlum sem þeim voru settar eftir að hafa afplánað eða hlotið dóm.
Miðstöðin heitir Child Exploitation and Online Protection Centre. Talsmenn hennar segja mennina ekki eftirlýsta vegna óupplýstra glæpa, heldur hafi þeir ekki látið vita af því hvar þeir væru niður komnir og það er lögbrot. Þeir gætu fengið allt að fimm ára fangelsisdóm fyrir slíkt brot.

Vefsíða CEOP

Hvað finnst ykkur, nú hafa mörg fylki í Bandaríkjunum tekið upp að halda úti síðum þar sem að þú getur leitað af dæmdum barnaníðingum sem búa í samfélaginu þínu og fengið upplýsingar um það hversu hættulegur hann er talinn og svo framvegis. Einnig er í sumum fylkjum hægt að skoða ferill þeirra sem kenna eða vinna með barninu þínu. Ég lenti oft í ágreiningi við einn fyrrverandi samstarfsmann minn sem var alfarið á móti öllum myndbirtingum á kynferðisglæpamönnum. Ég er sammála því að það er hræðilegt og mannorðsmorð ef að saklaus einstaklingur er bendlaður við svona mál og einnig þarf það ekki að koma neinum á óvart að svona myndbirtingar eru hræðilegar fyrir aðstandendur. Engu að síður þá er ég algerlega á því að ef að það getur komið í veg fyrir það að barn hljóti skaða þá er það réttlætanlegt. Ef að ég tek nú bara dæmi um þann þekktasta kynferðisafbrotamann Íslands, Steingrím Njáls, þá finnst mér að allir sem að vinna með börnum eða eiga börn eigi að þekkja hann í sjón. Og hiklaust ætti að vera leyfilegt að kalla til lögreglu og láta fjarlægja hann ef hann kemur nálægt skólum eða leiksvæðum barna.
Alveg sama hvað hver segir ég tel að kynferðisafbrotamenn séu óendurhæfanlegir og það er staðreynd að þeir eru margir uppfullir af ranghugmyndum sem að réttlæta það sem þeir gera.
Þeir sem að níðast á börnum eru skrímsli og skrímsli eiga ekki rétt á friðhelgi einkalífs!
Mundir þú ekki vilja vita ef að dæmdur barnaníðingur væri nágranni þinn???

http://www.visir.is/ExternalData/pdf/dvpdf/DV060112.pdf
bls 4

- Játaði Karen

fimmtudagur, nóvember 16, 2006

Icelandic tongue day?!?

Í tilefni þess að í dag er Dagur Íslenskrar Tungu þá er um að gera að vinna að því að bæta málfar sitt og huga að hinu ástkæra og ylhýra!!!

Ég legg til að við einbeitum okkur öll og notum hér eftir íslensk orð í stað þess að notast við slettur, til dæmis.....

Ekki segja ske heldur segja gerast eða koma fyrir!
Ekki segja gardínur heldur gluggatjöld!
Ekki segja batterí heldur rafhlöður!
Ekki segja vaskahús heldur þvottahús!
(og þá líklegast ekki segja vaska upp, uppvöskun, eða neitt þvíumlíkt)
Þvo upp, uppþvottur er mun betra!

Þetta eru bara örfá dæmi um hvernig er hægt að breyta málfari sínu örlítið til hins betra :)

Komdu svo með krílið!

- Játaði Karen

miðvikudagur, nóvember 15, 2006

The Abominable Snowman

Nú er hann kaldur, því er ekki að neita, 6 stiga frost í borg óttans og af því að það er líka rok þá er þetta meira svona eins og 10 stig!!! Og það krúttin mín er mjög kalt.
Það væri ekki amalegt að vera Yeti eða Bigfoot í dag þá væri maður voða loðinn og hefði það bara kósý í kuldanum!!! En merkilegt nokk þá er til fullt af fólki sem trúir því að þessar verur séu til, það finnst mér ofsalega fyndið.
" The Yeti (a.k.a. the Abominable Snowman) is a creature simular to the Bigfoot/Sasquatch of North America.
Yeti are beleived to have the same ability of Bigfoot and Sasquatch to become invisible at will. There is reported physical evidence of Yeti in a Buddist Monastery in the Himalayan Mountains. This evidence is a mummifeid hand, a Yeti hide made into a bag, and the cap of a skull."

Það er sem sagt fólk þarna úti sem að eyðir lífi sínu í að eltast við Bigfoot og félaga og er sannfært um að þeir séu til... Nessie hefur nú líka tryllt marga sem sitja um Loch Ness og bíða eftir að sjá hana. Þetta er eflaust gott fyrir kaupmenn og hótelrekstur á þeim svæðum sem þessar verur eiga að halda til, nema kannski fyrir þá sem vilja sjá Snjómanninn Ógurlega en hann heldur til efst í Himalaya fjöllunum.
Kannski þegar ég fer á eftirlaun tek ég upp á því að eltast við Einhyrninga en mér finnst þeir svo hrikalega krúttlegir og mikið skemmtilegra að reyna að finna einn svoleiðis heldur en Bigfoot eða Nessie. Sjáið það fyrir ykkur við Óli orðin voða gömul, krumpuð og sæt að eltast við Einhyrninga. Ég hugsa að við leitum mest að þeim einhvers staðar á Spáni en þeir eru þekktir fyrir að fela sig þar á strandbörum fyrir eldri borgara, þeir eru sjúkir í að spila vist .....og ef þetta gengur illa þá getum við örugglega bara drukkið Sangria og hangið sólbaði þangað til við förum að sjá þá út um allt!!
Happy Unicorn Hunting

- Játaði Karen

þriðjudagur, nóvember 14, 2006

Merry merry merry

Óli heldur að ég sé lífshættulega veik af því að ég er ekki búin að skreyta allt fyrir jólin.... en hann veit ekki hverju hann á von á. Bráðum verður heimilið eins og jólasveinninn hafi gengið berserksgang þar inni því að ég er komin í JÓLASKAP!!!

- Játaði Karen

mánudagur, nóvember 13, 2006

I´m a survivor

Eitt sinn þótti það hin allra besta skemmtun að fara með fjölskylduna í næsta hringleikahús og horfa á skylmingarþræla berjast til síðasta blóðdropa eða á ljón éta kristna menn upp til agna. Múgur og margmenni mætti á opinberar aftökur og nornabrennur. Þegar svartir menn voru hengdir án dóms og laga í suðurríkjunum vantaði ekki áhorfendur sem oft tóku með sér börnin og nesti til að njóta sýningarinnar sem allra best. Í dag látum við flest okkar hér á vesturlöndum nægja að horfa bara á CSI þar sem að lík eru krufin og blóðið slettist á fimm mínútna fresti.
En það er í lagi því að það er allt í plati. En ég ætla að gerast svo stórtæk að segja að það sé ekki langt í að okkur fari að þyrsta í aðeins meira. Og þess vegna er ég komin með hugmynd að nýjum veruleikaþætti í stíl við Survivor.
Karíbar bjuggu á eyjum í hvaða hafi haldið þið....Karíbahafinu eða Karabíska hafinu, þeir voru mannætur og afbragðsgóðir sjómenn. Þeir sigldu á litlu kanóunum sínum á milli eyja og átu þar alla karlmenn og drengi sem þeir náðu í en skildi konurnar eftir enda töldu þeir þær vera óætar. Þannig urðu til eyjur þar sem aðeins bjuggu konur!
En þetta var bara til skemmtunar, núna kemur að því að útskýra hvaða þátt ég er að hugsa um að fara að framleiða í samstarfi við Mark Burnett.
Survivor Carib Island!!!
Í þessum þáttum verður hóp dæmdra glæpa(karl)manna boðið að taka þátt í leik þar sem að verðlaunin eru 2.000.000 dollara. Eins og í Survivor verður þeim skipt í ættbálka og taka þátt í þrautum og einn á dag verður kosinn út. En í staðinn fyrir að vera sendur heim þá verður sá sem að verður úr bara ÉTINN af hinum keppinautunum!! Já einmitt, guess who´s coming for dinner!!! Þrautirnar verða þá til dæmis að borða kíló af smjöri eins hratt og hægt er eða hver er fyrstur að borða fullt af lyngi og nudda sjálfan sig upp úr grófu salti. Ef að þið eins og ég eruð komin með ógeð á þessum raunveruleikaþáttum sem allir eru eins þá er þetta alveg til að hleypa smá fjöri í leikinn. Og hugsið ykkur auglýsingatekjurnar.... Pottagaldur krydd sem fær jafnvel miðaldra síbrotamann til að bragðast vel.... Kók best með matnum, og glæpamanninum.
Mundir þú horfa, pældu aðeins í því???

- Játaði Karen

laugardagur, nóvember 11, 2006

What´s up???

Your cholesterol .... fatty!!

Þú veist að þú hefur fitnað þegar þú situr nakinn í rúminu og ert að horfa á sjónvarpið og finnst allt í einu eins og einhver sé fyrir aftan þig, en þegar þú lítur við þá er það bara meira af þér!!!
Brad Garrett

Ég er búin að skrópa í leikfimi í heila viku og innbyrgða endalaust mikið af sælgæti...
AND I LOVED IT!!!
En ég þarf að vera orðin súper sæt fyrir næstu helgi þannig að þetta ljúfa líf er búið og næsta vika verður lean mean and green.
Ég ætla að tilkynna það hér að ég hyggst mæta eigi sjaldnar en 8 sinnum í ræktina fyrir næsta sunnudag! Hell yeah.... who´s with me????

- Játaði Karen

föstudagur, nóvember 10, 2006

That´s just nasty!!

Ég átti alveg sérlega viðbjóðaslegan eftirmiðdag og kvöld í gær, það var allt búið að vera ósköp indælt þar til að ég var á leið á vakt í Bh. Ég ákvað að kaupa mér eitthvað að borða fyrir kvöldið og brá mér inn í hverfisbúðina mína.... ohhh sweet lord hvað ég hefði átt að sleppa því. Þar var að afgreiða maður sem er örugglega með hreinlætisóþol á háu stigi og notar hráan lauk sem svitalyktaeyði. Dauninn af manninum var slíkur að ég hætti við að kaupa mér að borða og keypti bara tyggjó og diet kók. Sem er uppistaðan í fæðu ofurfyrirsætna!
Þetta er í eitt af fáum skiptum sem að líkamslykt hefur fengið mig til að kúgast!!!
Allt fólkið í búðinni var með svip á andlitinu sem að minnti á styggar antilópur, flótti frá óþefnum hafði tekið völdin og innkaupalistinn löngu gleymdur.
Ég náði í rólegheitum að jafna mig og keyrði í vinnuna, lagði bílnum og trítlaði af stað og hvað þá.... jú þar var ógæfumaður á gangi hinum meginn við götuna en gerði einmitt hlé á göngu sinni til að kasta upp af lífs og sálarkröftum. Þá var mér allri lokið!! Mér æluna í hálsinum hljóp ég inn í öruggt skjól Baðhússins. En ég var ekki alveg hólpin, ég var að vinna með Anítu sem veit fátt skemmtilegra heldur en að pota blautum puttum í eyrun á manni og segja manni sögur og lýsingar sem vekja hjá manni velgju. Kvöldið endaði með því að við Óli horfðum saman á See No Evil sem er ALGER VIBBI og mig dreymdi illa í alla nótt og sturtaði mig á Chaplin hraða í morgun því að vondi kallinn í myndinni var að koma að ná í skottið á mér.

Ef þetta er ekki andlit sem að getur borað sér inn í martraðir manns þá veit ég ekki hvað!!

- Játaði Karen

fimmtudagur, nóvember 09, 2006

Well I never....

Mitt elskulega mannsefni og aðrir nákomnir vita að ég er alveg voðalega viðkvæm fyrir aldri mínum, það sniðugasta við það er að ég er búin að láta svona síðan ég var 23 ára. Gullöldin var liðin eftir að ég varð 19 :þ
Núna 10 árum seinna hefur viðkvæmni mín bara aukist og mér finnst oft erfitt að vera 29 ára!
Með þetta í huga þá verð ég að segja ykkur hvað ég fékk fallegt bréf frá bankanum mínum í gær.
Í því stóð

Kæri viðskiptavinur!
Debetkort þitt rennur út í næsta mánuði og við athugun kom í ljós að sú mynd sem til er af þér í bankakerfinu er tekin áður en þú varðst 18 ára gömul. Samkvæmt reglum okkar þurfa allir þeir sem náð hafa 25 ára aldri að skila inn nýrri mynd.
Vinsamlegast skilið inn nýrri mynd og undirskrift í næsta útibú sem allra fyrst.
Kveðja starfsfólk Glitnis banka

En ég las

Kæri viðskiptavinur!
Þú ert gömul, já við sögðum það, þú ert mjög gömul kona. Samkvæmt reglum okkar þá er bannað að sigla undir fölsku flaggi og trítla um með mynd sem tekin er þegar þú varst kornabarn á debetkortinu þínu. Skamm skamm óþekki aldraði viðskiptavinur. Komdu nú með nýja mynd og við gefum þér í leiðinni frábært afsláttarskírteini.
Kveðja starfsfólk Glitnis banka..... í samstarfi við Félag Eldri Borgara

Já það er lítið gaman að þessu....

En þó að ég viti vel að það á ekki að gera það þá verð ég samt að segja frá einu sem fær mig alltaf til að steypast út í gæsahúð í vinnunni. Svona einu sinni í mánuði færum við alla kaupmála sem skráðir eru hjá embættinu inn í tölvukerfið. Mér finnst þetta yfirleitt frekar creepy, ekki það að fólk geri kaupmála heldur þegar ég sé eins og núna áðan kaupmála á milli kalls sem er fæddur 1941 og er að giftast stúlku frá Filipseyjum sem er fædd 1987!!!!
ÓGEÐ!!!
Hann gæti verið Afi hennar!!!
Dirty old man!!!

- Játaði Karen

miðvikudagur, nóvember 08, 2006

Let it snow, let it snow, let it snow!

Elskan hann Óli minn er svo skemmtilega berdreyminn og nú hefur einn einn draumurinn ræst en það kyngir niður snjónum og kraumar í mér jólaskapið!!! Svo fallegt :)
Klukkan er rétt skriðin yfir tíu og ég þarf nauðsynlega á því að halda að þessi dagur verði fljótt búinn. Ég er svo hræðilega illa sofin og úrvinda eitthvað. Það var ekki ómerkilegri manneskja en hún Oprah sem hélt fyrir mér vöku langt fram á nótt. Ég sá nefnilega viðtal við Opruh í gærdag þar sem að hún var að segja frá því að hún væri á leið til Afríku til að VELJA stúlkur í skólann sem að hún var að byggja þar. Það var þetta VELJA sem sló mig út af laginu, á hvaða forsendum ætlaði hún að velja þær stúlkur sem fengju tækifæri til menntunnar og betra lífs, og hvað yrði um þær stúlkur sem ekki yrði fyrir valinu??? Réttlætiskennd mín var ekki alveg að kaupa þetta fyrirkomulag. En að sjálfsögðu er þetta æðislegt framtak hjá henni Opruh og mun þetta breyti lífi margra stúlkna sama á hvað forsendum hún VELUR þær.
Oprah er ein af þeim stjörnum sem hefur ekki hikað við að nýta peninga sína og áhrif til að hjálpa, mér er alveg sama þó að hún fái sjálf fyrir þetta framtak sitt jákvæða umfjöllun og selji meira af blaðinu sínu og fá fleiri til að horfa á þáttinn sinn, hún er að gera góða hluti.
Þegar að andinn kemur svona yfir mig eins og í nótt þá veit ég að svefninn er ekkert á leiðinni.
Þegar ég fer að hugsa um það hvað lífið getur verið óréttlátt og auðnum misskipt þá er það eins og ég brenni að innan, ég þoli ekki að hugsa til þess að það séu börn sem deyja úr hungri þegar aðrir safna spiki.

Erum við ekki öll jafn mikils virði??

http://www.help.is/?hjalpa
www.abc.is
www.redcross.is

- Játaði Karen

þriðjudagur, nóvember 07, 2006

Puppy love!

Þegar ég var barn og unglingur var yfirleitt alltaf hundur á heimilinu, við fengum fyrsta hvolpinn þegar ég var níu ára og ég elskaði þann hund næstum jafn mikið og systkini mín. Það er held ég mjög gott fyrir börn að eiga gæludýr því að það kennir þeim ábyrgð, getur verið tryggur félagi, gefið skilyrðislausa ást og getur líka kennt þeim mikilvæga lexíu um dauðann og hvernig á að takast á við sorg og söknuð. Það er ekki ólíklegt að þau börn sem eiga gæludýr þurfi að upplifa það að dýrið veikist, lendi í slysi eða deyji. Dauðinn er hluti af lífinu og ég veit fyrir mitt leyti að það að missa hundinn minn fyrir bíl fékk mig til að skilja dauðann og sorgina sem gerði mig sterkari og hjálpaði mér að takast á við missi seinna í lífinu. Þó að ég myndi ekki óska neinu barni þessarar upplifurnar þá veit ég að ég lærði af henni. En þetta átti sko ekki að vera neinn sorgarpistill, og það er frekar skondið að eftir þessa ræðu mína þá verð ég svo að segja að börnin mín koma ekki til með að fá nein gæludýr nema fiska (og þegar pabbi er ekki að horfa...snáka og eðlur). Ég er sjálf með ofnæmi fyrir köttum og nagdýrum og Óli er ekki hrifinn af neinum dýrum þannig að það er nokkuð ljóst að þrátt fyrir það að ég hafi sjálf lært mikið af því að eiga gæludýr þá hef ég í hyggju að neita börnunum mínum alfarið um þessa reynslu. Fallegt af mér ekki satt!
En ég horfði á þátt um dýr á Skjá einum um helgina og þar var verið að sýna frá fjölskyldu sem á mesta hlunkahund ever Stóra Dana. Þetta var bara alveg eins og eiga hross!! Ef að ég ætti svona tröll þá mætti heyrast á morgnanna á Eggertsgötunni " Óli minn, það er svo gott veður, ég skil bílinn bara eftir og fer á hundinum í vinnuna".

Hi Ho Silver AWAY!!

- Játaði Karen

mánudagur, nóvember 06, 2006

Gloomy

Það er ekki lítið hvað þessir mánudagar geta verið erfiðir, jafnvel þó að ég hafi átt frekar letilega helgi. Við hjónaleysin fórum aðeins út á lífið á laugardaginn, sem var ósköp fínt, við fórum samt snemma heim eða um 3 sem var hið besta mál því að það var að gera brjálað veður. Ég var líka búin að fá meira en nóg eftir að kona nokkur kom upp að mér á dansgólfinu og reyndi að stinga tungunni upp í mig. Ég er frekar mikið ósátt við að fólk sé með svona tilburði sama hvort kynið það er og var ákveðið að call it a night! Það er ekki alltaf tekið út með sældinni að vera gjörsamlega ómótstæðileg :þ
Við Óli lágum svo bara eins og grænmeti í sófanum allan sunnudaginn, slökuðum vel á og skutum rótum.

En nú er enn ein vinnuvikan hafin og ég er frekar mikið abbó því að Óli er heima í vetrarfríi, en hann greyið er að kafna úr kvefi þannig að það er eins gott að hann er bara heima í rólegheitum.
Ég hlakka til eftir vinnu í dag því að ég ætla að byrja á því að skella mér í pump og svo langar mig að þjóta um heima hjá mér eins og Ajax stormsveipurinn :) Merkilegt hvað manni langar alltaf að þrífa þegar maður á að vera að læra.
Hver kannast ekki við það???

- Játaði Karen

föstudagur, nóvember 03, 2006

What´s up Doc??

Ég dýrka heimilislækninn minn, hann er svo yndislegur! Það er þvílíkur lúxus finnst mér að treysta honum algerlega og vita að sama hvað það er sem ég ræði við hann þá tekur hann mig alltaf alvarlega, skoðar allt og fullvissar sig og mig um hvað vandamálið er.
Það fyllir mig af öryggistilfinningu að vita að heilsa mín og vellíðan skiptir hann máli.
Kannski spilar það inn í að hann er búinn að vera læknirinn minn síðan ég var barn og hann þekkir mig vel. En ég hef fundið það svo vel hvað það er öðruvísi þegar ég þarf að hitta einhverja afleysingalækna, þeir eru alveg góðir en þeir eru ekki hann!

En nú þegar ég er búin að lofsyngja lækninn minn þá að öðru,
ÞAÐ ER KOMINN FÖSTUDAGUR KRÍLIN MÍN!
Já það er ekki annað en hægt að gleðjast yfir komu fríhelgarinnar sjaldgjæfu og fögru.
Þegar klukkan glymur 21:30 í kvöld verð ég komin í langþráð helgarfrí. Planið er að bregða undir sig betri fætinum og tvista til að gleyma og svo bara kúra, lúra, skúra og læra.

- Játaði Karen

fimmtudagur, nóvember 02, 2006

Long long time ago....

Mér finnst ég hafa verið vakandi í marga daga, klukkan er bara 9 og ég er búin að fara í ræktina og hlaupa, búin að keyra upp í Kópavog, búin að gægjast inn á lífið á bílaverkstæði og búin að telja peninga og búin að lesa öll blogg í heiminum, búin að borða ab-mjólk og búin að útskýra fyrir konu afhverju það er ekki hægt að greiða opinber gjöld með kreditkortum.

Ég er í einhverri undarlegri sveiflu, það er dimmt og blautt og ég er löt.
Uppgjörið tafðist í gær og ég var búin óvenju seint, eftir það fór ég í Krónuna og ætlaði að versla í matinn. Eftir að vera búin að hringsnúast um sjálfa mig í lengri tíma fór ég á kassann með eftirfarandi í körfunni...konfekt epli, baby gulrætur, nammipoka, sjampó og matreiðslurjóma. Hvað ég hafði hugsað mér að elda úr þessu er óleysanleg gáta!
Við enduðum með því að panta pizzu.......
Ég afrekaði samt að litla á mér hárið og er ég enn á ný með Ebony litað hár, fallegt!

Ég fékk í morgun skemmtilega áminningu um það hvað kynin eru ólík, ég keypti sem sagt nýtt sjampó í gær sem ég var rosa spennt að prófa, já ég er beyond nýjungagjörn. Þegar ég kom heim eftir ræktina í morgun þá var Óli nýbúinn í sturtu og ég spurði hann spennt hvort hann hefði prófað nýja sjampóið, jú, jú hann hafði prófað það, og hvernig var það var mín næsta spurning.
Þetta er bara sjampó var svarið! En núna er ég búin að prófa það og get sagt ykkur að ég mæli hiklaust með þessu sjampói, hárið á mér er rosa mjúkt og glansandi og lyktin er æðisleg!

Allir að prófa þetta :)

Garnier eru sko mínar vörur

- Játaði Karen