Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • föstudagur, mars 30, 2007


    Sleepin´like a baby

    she's long gone with her red shoes on
    gonna need another loving babe
    go to sleep little babe
    go to sleep little babe
    you and me and the devil makes three
    don't need no other lovin' babe

    Ég var eld-bál-logandi hress klukkan 6 í morgun...kannski af því að ég var farin upp í rúm klukkan 21:12 og var steinsofnuð þegar Óli kíkti á mig klukkan 21:30
    Alveg eins og litlu börnin :þ
    Við fórum uppá Skaga beint eftir vinnu hjá mér í gær og tókum fagnandi á móti Helgu mágkonu, Nínu og baby Balthasar. Æðislega gaman að sjá þau og Nína orðin þvílík skvísa og Balthasar algert krútt.
    Ég labbaði að hitta Óla og Nínu í gær en þau voru að koma frá Keflavík og sóttu mig í leiðinni á Skagann. Ég trítlaði út í Kringlu og dáðist að vorinu á leiðinni, páskaliljur og krókusar í görðunum og úlpulaus börn að leika sér.
    Það verður tæknilega séð komið sumar þegar við komum heim frá Benidorm, sem er hið besta mál. Ég bókaði fyrir okkur smáfjölskylduna tíma í myndatöku daginn eftir að við komum heim...öll brún og sæt!
    Beta vinkona ætlar að taka myndirnar og er þetta þá í annað sinn sem ég sit fyrir hjá henni og verður örugglega jafn gaman og síðast. Ég seldi henni í stað myndatökunnar aðgang að manninum mínum....það er að söngrödd hans og gítarhæfileikum hahahaha. Óli tekur að sér að skemmta í 30 afmælinu hennar í staðinn :þ
    Ekki amalegt tilboð það.
    Ég mun að sjálfsöguðu deila afrakstri myndatökunnar með ykkur lesendur góðir :)

    - Játaði Karen


    fimmtudagur, mars 29, 2007


    She-Ra: Princess of Power

    OMG hvað ég er að verða mössuð börnin góð, þetta er rosalegt!
    Nú ætla ég að fara bæta brennslu við til að láta þessa vöðva vinna fyrir matnum sínum :þ

    Ég verð nú samt að viðurkenna að ég verð pínu græn af öfund þegar ég sé muninn á Óla, stundum er örugglega gott að vera strákur :þ Þetta breytta líferni okkar "hjóna" hefur sannarlega breytt lífstíl manns. Við vöknum klukkutíma fyrr á morgnanna, við borðum kvöldmat einum og hálfum tíma fyrr og erum farin í háttinn ca tveimur tímum fyrr á kvöldin. Maturinn er hollari og vítamínin gleymast ekki. Og kroppurinn blómstrar en ekki hvað :þ

    Cliff Richards er maður dagsins í vinnunni hjá mér... það kemur líklegast ekki á óvart eftir að hjartaknúsarinn aldraði :þ sýndi rosaleg tilþrif á tónleikum í gærkvöldi. Þar sem að við erum bara 3 í vinnu hér sem erum undir þrítugt og 4 sem erum undir fertugt þá á Cliff sér stóran hóp aðdáenda hér í embættinu. Ömmurnar eru allar búnar að sitja með sælusvip í dag sönglandi Lucky lips og aðra smelli. Alveg yndislegt, alger krútt! En þessi vika er síður en svo búin að vera í uppáhaldi í vinnunni en öll kerfin hafa skipst á að bila sem gerir manni vissulega lífið leitt. Þegar maður vinnur við að taka inn peninga í ríkissjóð þá er heldur ekkert elsku mamma ef eitthvað bilar við verðum bara að vera í vinnunni þar til að allt stemmir og hver króna er á sínum stað. En sem betur fer er ekki nema einn dagur eftir af þessarri vinnuviku og er planið að vera bara á djamminu um helgina :) Gott plan og ég hlakka mikið til! Partý bæði kvöldin og þynnka inná milli :þ Sjibbí!!


    - Játaði Karen


    miðvikudagur, mars 28, 2007


    Hope Springs Eternal

    Þið sem þekkið mig vitið þetta, en ég á æðislega mömmu, ég er svo heppin að eiga mömmu sem er góð vinkona mín og sú manneskja sem ég hef lært mest af í lífinu. Mamma mín er ótrúlega klár og eitt sem hún hefur sagt við mig hefur fylgt mér lengi...ekki sá vægir sem vitið hefur meira sem var óspart notað þegar systkini mín voru að gera mig óða, heldur við skulum vona það besta en búast við því versta. Þessi gullmoli hefur reynst mér vel í lífinu því að það er alltaf gott að halda í vonina, án hennar örvæntir maður, en á sama tíma þá er skynsamlegt að búa sig undir að hlutirnir fari ekki eins og maður óskar sér.
    Btw þá er titillinn á þessum pósti tengdur einni frábæri bíómynd og enn betri bók...sá sem getur upp á því fær gullstjörnu í bókinni hjá Karen :þ


    Var sofnuð eins og hvítvoðungur klukkan 10 í gærkvöldi, sem var sweet. Var mun betur hvíld og sprækari í gymminu í morgun. Tíminn búinn að æða áfram og Helga og yndisungarnir hennar að koma heim á morgun. Mikil tilhlökkun í gangi...ég ætla að lána Balthasari Hokus Pokus stólinn minn sem er ótrúlega velfarinn miðað við 30 ára notkun og ansi marga barnabossa!
    Þetta eru gæða gripir og það sem er best er litasamsetninginn en hún er í stíl við framleiðsluárið og er stóllinn skærgrænn með appelsínugulum sessum hahahaha!
    Balthasar á tvímælalaust eftir að taka sig vel út í honum.

    Gaman að svona gripum, við eigum líka vöggu sem að öll börn í fjölskyldunni hafa sofið í síðan 1962 og hún er alltaf jafn fín og börnin sofa alltaf jafn vært.
    Hlakka mikið til að rugga mínum börnin í henni :)
    Sem sagt allt í gúddí og spennandi tímar framundan....vika í PÁSKAFRÍ!!!


    - Játaði Karen


    þriðjudagur, mars 27, 2007


    Take it for granted...

    Það var allt annað en auðvelt að fara framúr í morgun, klukkan varð sex um það bil 40 mínútum of snemma. En það er sko engin miskunn hjá mein fuhrer Óla og mér var tilkynnt að ég ÞYRFTI að fara á fætur og ég ÞYRFTI að mæta í ræktina. Eftir kaffibolla og bekkpressu var ég glaðvöknuð :)
    Á meðan ég japlaði á morgunkorninu í gær las ég aftan á mjólkurfernuna, gaman að þeir hjá MS séu svona duglegir að setja ljóð og fróðleik á fernurnar. Við það var mér hugsað til þess sem að skreytir Bandarískar mjólkurfernur...myndir af týndum börnum. Vissuð þið að það hverfur 1 barn á 40 sekúnda fresti í Bandaríkjunum. Ég er nokkuð viss um að ef ég þyrfti að horfa framan í týnd börn, myndi mjólkin súrna í munninum á mér og ég fengi áunnið mjólkuróþol.
    Þetta virðist hins vegar skila árangri og þúsundir barna hafa fundist vegna ábendinga sem komu frá mjólkurdrykkjumönnum.
    Ég er mjög fegin að á Íslandi get ég lesið fróðleik um uppruna málshátta á mjólkurfernunum.
    Horfðum á rosalega góða mynd í gær Children of men - No children. No future. No hope
    Árið 2027 og ekkert barn hefur fæðst í rúm 18 ár, þegar að öll von er úti með framtíð mannkynsins grípur um sig brjálæði sem splundar heiminum. Ég mæli algerlega með þessari mynd. Hristir ærlega upp í manni!!


    - Játaði Karen


    mánudagur, mars 26, 2007


    Now what?!?!

    Vífilfell hefur ákveðið að hætta framleiðslu á TaB þeim "ljúfa" drykk.... Hvaða drykk á maður þá að gera grín að...það er meira segja orðið erfitt að finna Canada dry og Fanta Lemon ekki sést í lengri tíma :þ

    En svona vill fara fyrir hlutum þegar sífellt er verið að setja allskonar nýjungir á markað. Ég er búin að smakka nýja Coke Zero og ég held bara að mér finnist það skást af þeim sykurlausu drykkjum sem hafa komist inn fyrir mína munaðarfullu varir. Ég er hins vegar ekki jafn hrifin af auglýsingunum fyrir þennan drykk... Af hverju ekki kynlíf með Zero forleik...Af hverju ekki kærustur með Zero er ég feit í þessu...Afhverju ekki brjóstahaldarar með ZERO smellum. Ég veit ekki hvaða markaðshópi er verið að reyna að höfða til en þetta virkar amk frekar fráhrindandi á mig.

    Við Óli höldum áfram að bólgna út af lyftingunum og er það fátt sem er jafn hvetjandi og að vakna á morgnanna og sjá hvað næturhvíldin er búin að breyta kroppnum, ég hef ALDREI fundið æfingarprógram sem er eins fljótt að bera árangur eins og þetta. Harðsperrurnar eru allar að lagast og allt að gerast. Verðum orðin sem meitluð í stein á næstu vikum :) Tilhugsunin um að vera að stripplast á bikínu eftir tæpar 3 vikur er síður en svo skelfileg þegar maður er svona feikilega duglegur í ræktinni. En það styttist óðum í ferðina, og þangað til að við förum ætlum við að... fagna heimkomu Helgu, Nínu og Balthasars, fara í þrítugsafmæli, fara í áttræðisafmæli hjá ömmu Lillu, halda upp á páskana, skila ritgerðum, leika og skemmta okkur :þ Þetta verður fljótt að líða þegar svona gífurlega mikið er um að vera!


    - Játaði Karen


    fimmtudagur, mars 22, 2007


    I like it hot and strong...just like me!

    Seiðandi marrið þegar belgirnir tætast í kvörninni, róandi suðið í þegar blandan kemur saman, hin óviðjafnanlega sjón þegar straumurinn geysist af stað. Með áfergju svolgra ég guðamjöðnum í mig og finn hvernig háls og magi brenna og ljúf tilfinningin breiðist um kroppinn.
    Sjóðheitt, jötunnsterkt með dash af beljudjúsi.... ég elska kaffi!
    Ég elska það yfirmáta og ofurheitt :)
    Ég ætti mjög erfitt ef ég þyrfti að hætta að drekka kaffi..mjög erfitt, en ég gæti það alveg með herkjum af því að ég get nú flest sem ég ætla mér. En mér þætti það leiðinlegt og þess vegna er það ekkert á dagskrá :þ
    Ég elska kaffið mitt!
    Mér til mikillar ánægju tapaði ég einum degi í gær, ég hélt að það væri þriðjudagur en mér til gleði þá var kominn miðvikudagur og því einum degi styttra í helgarfrí.
    Hlynur að koma til okkar á morgun og hugsa að maður taki því rólega um helgina, baki pönnsur og dúllist eitthvað....já og læri aðeins í hausinn á sér það er líka nauðsynlegt.
    Hún tengdamamma mín síunga á afmæli í dag, og af því tilefni verð ég nú að óska henni til hamingju :) Vonandi á hún æðislega góðan dag í Þýskalandi með öllum elskunum sínum.
    Til hamingju með daginn Sigga mín!

    - Játaði Karen


    miðvikudagur, mars 21, 2007


    Change of attitude

    Finnst ykkur ég undarleg ef ég segi ykkur að ég hafði reglulega gaman og gagn af ráðstefnu Landshluta Fasteignamats Ríkisins.
    Því mér finnst það... soldið spes að vera spennt yfir nýjum vinnureglum hjá Byggingarfulltrúum hvað varðar stofnskjöl lóða og enn sérstakara að halda varla vatni yfir beintengingu landskráar við umferðastofu. Já mér leið svo sannarlega eins og fríki á landsmóti títuprjónasafnara, það er ekkert cool við Landsskrá fasteigna :þ
    En sval-legheit (ekki alvöru orð??) eru ofmetin, það er stundum fínt að vera ekki cool ég vil líka miklu frekar vera Hot heldur en cool ;)
    Talandi um að vera HOT þá er allt að gerast kroppalega séð á Eggerstgötunni, það er farið að sjást svo brjálaður munur á Óla að ég er að kafna ég er svo abbó. En ég fylgi svo sem fast á eftir enda svo heppin með vöðvabyggingu að ég get alveg keppt við strákinn. Við verðum sjúklega flott á Benidorm og ég ætla að versla slökkviliðsbílarauðan Thong að því tilefni...fyrir elskuna mína
    Haldið að hann verði ekki flottastur?!?!?! Annars er hvíldardagur í dag og vöðvarnir að njóta verðskuldaðrar slökunar. Var heldur ekkert leiðinlegt að vakna klukkan 7 í stað 6 í morgun, var eiginlega bara mjög ljúft. En hamagangurinn heldur áfram á morgun og þá verður tekin brennsla og svo byrjar lyftingar(pyntingar)hringurinn aftur :) Ég held að þetta prógram hans Óla eigi eftir að svínvirka alveg og hvet ykkur sem eruð að íhuga að bæta við lyftingum í æfingarprógram ykkar að hafa samband við hann og fá hann til að deila visku sinni með ykkur.
    Nóg að gera að venju á næstunni, lesa-lesa, matarboð, Hlynur beibígaur og svo styttist í að Helga mágkona og börnin komi til landsins sem er mikið tilhlökkunar efni.

    Endalaus gleði og hamingja.










    - Játaði Karen


    þriðjudagur, mars 20, 2007


    The circle is complete...

    Já það er fullkomnað...ég er með harðsperrur í ÖLLUM vöðvum líkamans, við Óli erum brandari að reyna að komast út úr bílnum en ég er ansi viss um að eldri borgarar í sunnudagsbíltúr með gigt og slappar mjaðmir myndu vera fljótari í förum.
    En við hljótum að jafna okkur á næstu 6-8 vikum hahahaha!
    Metnaðurinn hjá mér alveg í hámarki og ég að reyna að keppa við minn ofursterka kærasta sem skýrir það að sperrurnar ganga berserksgang :þ ógeðslega gaman.
    Er að fara á ráðstefnu í dag hjá Fasteignamati Ríkisins....iða alveg í skinninu af spennu!
    Takið ofangreinda setningu og smyrjið hraustlega með kaldhæðni....ahhh takk fyrir.
    En hey þetta verður amk tilbreyting sem er alltaf gott!
    Byrjaði á bók í gær sem heitir Surviving the slaughter og fjallar um konu sem lifði af þjóðarmorðin í Rúanda, þessi bók byrjaði á svipaðan hátt og allt sem ég hef lesið um þessa skelfilegu atburði nema þegar í ljós kom að konan sem segir frá er Hutu ekki Tutsi. Allt sem ég hef lesið eða séð er um hvað Hutu gerðu Tutsunum en þetta er í fyrsta sinn sem ég les eitthvað um það sem varð um Hutu eftir að Tutsi uppreisnarmennirnir tóku völdin. Ég er mjög spennt að halda áfram að lesa. Ágætis áminning á að alhæfa ekki um heilar þjóðir eða þjóðarbrot út frá nokkrum eða jafnvel mörgum slæmum einstaklingum.






    - Játaði Karen


    mánudagur, mars 19, 2007


    Frostbite...

    Kvöl og pína...þvílíkur kuldi!!!
    Við Óli vorum komin út rétt rúmlega 6 í morgun og ég náði varla að hitna á púlinu. Núna er ég farin að lyfta eftir prógraminu hans Óla sem mér líst vel á, enda nauðsynlegt að hrista upp í hlutunum og svona hef ég aldrei lyft áður. Fórum líka í gærmorgun og mér finnst við svo hrikalega dugleg að ég á varla til orð. Hef alltaf vitað að Óli væri frábær lífsfélagi, veit núna að hann er líka frábær æfingarfélagi :D
    En eins og ég var búin að segja þá var þetta æðisleg helgi, laugardagurinn eftir að ég var búin að "jafna" mig var afar afslappaður, pizza, kók og 2 hryllingsmyndir (það var reyndar ekki svo afslappandi)
    Vöknuðum snemma á sunnudag fórum á æfingu og kíktum svo í bíó á 300 sem er ÆÐISLEG!!
    Svo í gærkvöldi var komið að aðalatriðinu en nemendur í Hagaskóla voru að frumsýna frumsaminn söngleik, Logandi Hræddur! Vá vá vá ekkert smá flott hjá þeim, tónlistin, leikurinn allt saman eins og hjá fagmönnunum. Fyrir ykkur sem tök hafið á þá mæli ég með að þið kíkið á þessa flottu sýningu hjá krökkunum, örugglega hægt að fá upplýsingar um miðasölu hér.
    Enn og aftur kominn mánudagur, nóg að gera hjá mér á næstunni á að skila ritgerð um samanburðinn á þjóðarmorðunum í Rúanda og Guinea Bissau eftir tæpan mánuð, auk þess að byrja á 2 lokaritgerðum og klára þá 3..... en það er allt í lagi því það eru bara 12 vinnudagar í páskafrí og ekki nema 26 dagar í Benidorm!!

    Namm súkkulaðikanínur :þ

    - Játaði Karen


    sunnudagur, mars 18, 2007


    Cocktail Party

    Búið að vera æðisleg helgi að undanskildum ca 3 klukkutímum í gær...
    Óli fór að hitta vinnufélagana í smá dinner á föstudag og Þóra og Ida komu í kínverskan og kokteila á Eggertsgötunni :)
    Ég fékk gjöf frá besta vini frænda míns um daginn og það var bókin 100 classic cocktails.
    Og var hún notuð vel og vandlega á föstudaginn, Pina Colada, Sex on the beach, Gin Fizz, Vanilla sky og LOGANDI skot voru á meðal þess sem boðið var uppá.

    Þóra var svo mikið krútt að hún bað um að vera sýnishornadama og fá bara smá að smakka á kokteilunum þannig að ég lét hana fá pina colada í dvergaglasi sem vakti mikla kátínu.



    Svona til samanburðar þá voru við Ida með stóru glösin :þ Við spiluðum Buzz, kveiktum í og skemmtum okkur svo vel að nágrannarnir sem voru líka með partý enduðu með að príla yfir svalirnar til að leika við okkur. Ég fann upp nýtt skot til að kveikja í en í því er Dooley´s, Galliano og svo Contreau sem er eldfimt eins og bensín...með appelsínu bragði. Ógeðslega sætt og gott og verður tvímælalaust boðið upp á Flaming Karen í partýum hér eftir.

    Við stelpurnar kíktum eftir þetta í bæinn og inn á nokkra staði, hittum vinkonur Þóru, dönsuðum og skemmtum okkur og öðrum.


    Rosa gaman og alveg þess virði að vera frekar mikið slöpp á laugardaginn.




    - Játaði Karen


    föstudagur, mars 16, 2007


    SMILE

    The "Duchenne smile", after the researcher Guillaume Duchenne, is the most studied, and involves the movement of both the zygomaticus major muscle near the mouth and the orbicularis oculi muscle near the eyes. It is believed that the Duchenne smile is only produced as an involuntary response to genuine emotion, and is therefore what one could call the "genuine" smile. Due to the involvement of the muscle near the eyes, it is sometimes said that one can tell whether or not a smile is "real" by whether or not it "reaches the eyes".
    Það liggur alveg lygilega vel á mér í dag, ótrúlega hress og kát!
    Vaknaði snemma, fór að lyfta... ein reyndar því að Óli er með svo skelfilegar harðsperrur að hann getur varla talað :þ
    Alveg að smella í helgi og fyrsta helgin í langan tíma þar sem við þurfum ekki að gera neitt, ekki nokkurn skapann hlut nema sofa út og slaka á...já og mæta í ræktina að sjálfsögu!
    SWEET!!!

    Góða helgi my darlings!


    úúúúúúú kannski maður fái sér einn svona kaldan um helgina :þ

    - Játaði Karen


    miðvikudagur, mars 14, 2007


    Quick like a bunny

    Það er 14 mars í dag....í dag er sléttur mánuður í BENIDORM!! Eruð þið ekki að grínast í mér hvað tíminn er snöggur að líða!
    Þetta er rosalegt ;)
    Við "hjónin" mættum aftur í ræktina í morgun, ég er ekki að grínast lömbin mín.
    Við erum svo skelfilega dugleg að ég er komin með sigg í lófana af því að vera alltaf að klappa á bakið á okkur :þ
    Það þarf samt ekki að segja ykkur að 6:00 á morgnanna er mjög svo ókristilegur tími til að fara á fætur, sem gerir okkur auðvitað ennþá duglegri.
    Vorum samt bæði sofnuð um 22 í gærkvöldi, gjörsamlega búin á því.
    Ég er bara heima í dag, fékk frí í vinnunni til að hamast í að skrifa ritgerð um Stríðið gegn hryðjuverkum: ástæður og afleiðingar. Er alveg að missa mig hérna í gleðinni.
    Ekkert smá mikill lúxus að vera í vinnu þar sem að ég er eina manneskjan sem er í námi og öllum finnst það svo æðislegt að það er ekkert mál að fá frí einstaka sinnum til að sinna náminu.
    Ég fékk mér göngutúr í bæinn eftir vinnu í gær, kemur kannski ekki á óvart að ég vildi vera lengi á leiðinni heim því að ég vissi að mín beið lærdómurinn...frestunarárátta.is!!
    En ég hafði gott og gaman af göngutúrnum og að skoða mannlífið á Laugarveginum, gekk framhjá bíl þar sem að ökumaðurinn var að blasta græjunum alveg í botn, en hann var ekki að hlusta á tónlist heldur á upplestur úr Biblíunni!!! OG ÞÁ MÆLTI ABRAHAM!!
    Soldið spes en það þarf víst allar manngerðir til að búa til heiminn!
    Jæja hryðjuverkin skrifa sig ekki sjálf.

    - Játaði Karen


    þriðjudagur, mars 13, 2007


    Hop to it!

    Núna er maður svo sannarlega búin að slá öll met í dugnaði. Eyddi öllu gærkvöldinu í lærdóm og er orðin sérfróð um orsakir og afleiðingar 9/11. Einmitt þegar ég hélt að mér gæti ekki verið verr við Bush og hans kumpána þá sérstaklega Cheney þá tókst mér það engu að síður eftir lestur gærdagsins. Undur og stórmerki!
    En það var ekki einu undrin...við Óli mættum saman í ræktina í morgun, vorum vöknuð klukkan 6, hann fór að lyfta, ég að brenna og vorum komin heim klukkan 7.
    Ekki seinna vænna en að fara að sprikkla áður en við förum til Benidorm!!!
    Ég er ekki spennt fyrir að verða fyrir árás Greenpeace meðlima á ströndinni og vera tekin í misgripum fyrir strandaðann smáhval í bikiní :þ


    Ég var ekkert smá ánægð með Óla að nenna með því að hann var að spila pool með Svabba fram eftir kvöldi og þess vegna lítið sofinn kl 6 í morgun. En hann er ógurlegt heljarmenni og lét það ekki stoppa sig. Held samt að við verðum farin snemma í háttinn í kvöld...enda veitir ekki af ef við ætlum að endurtaka leikinn í fyrramálið :) Er það samt ekki dæmigert að núna loksins þegar ég er farin að huga betur að heilsunni og að muna eftir að taka lýsi og vítamín á hverjum morgni þá koma einhverjar fréttir þess efnis að neysla vítamíns sé manni skaðleg og stytti ævilíkur manns. Svei, maður hefur ekki undan að muna hvaða efni valda krabbameini, koma í veg fyrir krabbamein, tryggja manni langlífi eða drepa mann fyrir aldur fram. Ég held að það sé eins og allt annað í lífinu, flest hollt í hófi og gullni meðalvegurinn sá greiðasti.


    - Játaði Karen


    mánudagur, mars 12, 2007


    There and back again...

    Áttum fína helgi í Húsafelli í góðum félagsskap. Við smáfjölskyldan vorum mætt seinnipartinn á föstudag og komum okkur vel fyrir, þeir vinirnir Kjartan og Hlynur voru afskaplega lukkulegir með að hafa heilt svefnloft útaf fyrir sig til að leika og skemmta sér.


    Þeim fannst heldur ekkert leiðinlegt þegar við vöknuðum við hvíta jörð á laugardaginn og því var tilvalið að byggja virki.Litlu drengirnir voru meira bara á því að borða snjóinn en það er líka gaman.

    Við spiluðum, grilluðum, borðuðum yfir okkur, lékum okkur í snjónum og busluðum í heitum potti. Það var reyndar ansi margt bilað í bústaðunum en við erum svo skelfilega jákvæð að við létum það ekki flækjast fyrir okkur.


    Veðrið var gott nema á laugardagskvöldið en það er bara kósý að vera í bústað þegar vindurinn blæs og regnið dynur. Við þrjú vorum svo ein eftir hádegi á sunnudaginn og slökuðum vel á áður en við héldum heim á leið.
    Semsagt bara huggulegheit allan hringinn!

    - Játaði Karen


    föstudagur, mars 09, 2007


    Tragedy

    Óli greyið fór eitthvað í bakinu í gær og af þeim sökum var ég stödd í apóteki í gærkvöldi að versla verkjalyf. Mér finnst gaman að fara í apótek, skoða snyrtivörur, krem og dótarí.
    Á meðan ég var inn í apótekinu sá ég þvílíkar sorgarsjón, félgasbústaðir eru búnir að byggja einstaklingsíbúðir í portinu hjá Nóatúni og apótekinu og þar býr mikið af ógæfufólki.
    Það kom inn í apótekið kona sem að greinilega átti mjög erfitt og var að ná sér í sprautur.
    Hún fékk afar ópersónulega og kalda afgreiðslu frá starfsfólkinu. Ég fann til með henni en færði mig engu að síður burtu frá henni og beið eftir að hún færi. Hún var æst og lét undarlega og varð reið þegar að hana vantaði 26 kr upp á það sem hún var að versla. Manni verður illt í hjartanu að sjá fólk svona illa leikið af fíkninni.
    Svo horfðum við Óli á fyrstu skrefin á Skjá1 en viðfangsefnið var ættleiðingar og ég er núna í óða önn að sannfæra Óla um að við þurfum að ættleiða barn einhvern tímann í lífinu.
    Þegar maður heyrir sögur af nýfæddum telpum sem skildar eru eftir í blómabeðum og pappakössum þá getur maður ekki annað en komist við.
    Að minnsta kosti þegar maður er Karen Dúfuhjarta!

    - Játaði Karen


    fimmtudagur, mars 08, 2007


    I just met a boy named Maria...

    Þegar fer að vora þá leitar hugur minn oftar en ekki suður, þessi tími minnir mig yfirleitt á það þegar ég var að flækjast alltaf til Krítar á vorin.
    Þó að margt hafi gengið á í þessum ferðum mínum þá er ég núna ótrúlega sátt við þau ævintýri sem ég lenti í og bakka ekki með það að svona upplifanir er eitthvað sem að maður hefur ótrúlega gott af því að lifa. Ég er ansi hrædd um að mér fyndist ég hafa misst af einhverju ef að ég hefði ekki prófað þetta.
    Mér varð hugsað til áhugaverðs atvik í gærmorgun en þau voru nokkur sem maður lenti í á sumrin í Chania. Það var skemmtistaður sem var afskaplega vinsæll annað sumarið sem ég var úti sem hét Ekinitro. Þangað kíkti maður stundum til að dilla sér og skemmta.
    Staðurinn var þannig uppsettur að maður gekk inn og þá var barinn strax á hægri hönd og svo dansgólfið innar. Plötusnúðurinn var svo staðsettur á efri hæðinni og þurfti að klífa ógurlegan stiga til að komast að honum og biðja um óskalög. Eitt kvöldið þegar ég mætti á Ekinitro var tónlistin einstaklega skemmtileg, og kleif ég stigann margoft yfir kvöldið til að ónáða plötusnúðinn og biðja um eitthvað enn skemmtilegra. Það er kannski nauðsynlegt að þessu sinni að útskýra tískuna á Grikklandi en allir ungir strákar voru með hárið greitt í brodda upp í loft, bolina girta ofan í gallabuxurnar og veskin í keðju ofan í rassvasann.
    Plötusnúðurinn á Ekinitro var alveg með í tískunni. Hann var samt ofsalega ungur fannst mér, gat varla verið meira 15-16 ára gamall, allur í eyrnarlokkum, búttaður og krúttlegur.
    Eftir tíðar ferðir mínar til að biðja um óskalög var hann að öllum líkindum búinn að sannfæra sjálfan sig um að þessi "eldri" kona hefði á honum hinn mesta áhuga og hugsaði sér eflaust gott til glóðarinnar. Hann að minnsta kosti skildi plöturnar sínar eftir í reiðuleysi og skottaðist niður tröppurnar til að biðja mig að dansa við uppáhaldslagið sitt. Sem ég að sjálfsögðu gerði!
    Þegar drengurinn var komin svona nálægt runnu á mig tvær grímur hann var pínu pínu lítill, náði mér að öxl sem er afrek í sjálfu sér. Ekki það að grikkir séu almennt hávaxið fólk en þetta var samt óvenju lágvaxinn drengur. En hann var alveg kominn í gírinn og veifaði barþjónunum að færa honum og nýju vinkonunum skot. Ég lagði saman 2 og 2 þegar barþjóninn kallaði unga vin minn Maríu... og fékk út eitthvað allt annað en 4!

    Ótrúlega gaman að þessu!!


    Fallega Chania

    - Játaði Karen


    miðvikudagur, mars 07, 2007


    Study buddy

    Vá hvað ég var dugleg að læra í gær, las 2 vikna námsefni á rétt rúmum 4 klukkutímum. Þetta er nefnilega hægt sko. Meira að segja glósaði lesefnið!
    Vildi að ég gæti sagt að þetta hefði verið lesið fram í tímann en ég er ansi hrædd um að þetta hafi verið aftur í tímann ;þ
    Ekki að það sé svo slæmt ég er komin á rétt ról núna og verkefnaskilin verða lítið mál.
    Heyrði einmitt í henni Betu vinkonu í gær og við vorum að ræða þetta frekar lélega skipulag hjá manni að læra alltaf bara á síðustu stundu... en málið er að þegar maður kemst alltaf upp með það þá hættir maður aldrei þessarri vitleysu.
    Ef að mannfræðin gerði mig að aktivista þá veit ég ekki hvað verður um mig í þróunarfræðinni, ég var í sífellu að trufla Óla til að segja honum frá óréttlæti heimsins og þá sérlega stjórn Bandaríkjanna sem er oftast svo ÖMURLEG að maður á bara ekki til orð. Tvímælalaust sú þjóð sem hefur stundað meiri hryðjuverk en nokkur önnur. Sveiattan!!
    Mikið að gera á næstunni, erum að fara í sumarbústað um helgina með fríðu föruneyti, mikið verður það huggó, pottur, grilla, slaka og slaka. Hlynur búinn að vera mjög svo spenntur fyrir ferðinni því að góðvinur hans kemur líka og mikil tilhlökkun að fá að leika heila helgi og gista og allt saman. Þessi bústaður sem við verðum í er í eigu stéttarfélagsins míns og er ekkert smá flottur, það er sko ekkert leiðinlegt að fara í svona lúxus sumarbústað.
    Svo er árshátíð í vinnunni hjá Óla þar næstu helgi, svo koma páskar og svo..... Benidorm!!
    1 mánuður og 1 vika Baby!!!


    Fíni fíni bústaðurinn!

    - Játaði Karen


    þriðjudagur, mars 06, 2007


    Kermit the frog

    "Óli, þegar við komum heim frá Benidorm þá ætla ég að kaupa froska."
    Þetta var ákveðið í gær og Óli mun eflaust sætta sig við það á endanum, þetta er ekki eðla eða slanga og þetta er ekki...ekki neitt, þannig að við hljótum að geta sæst á þessa lausn í gæludýramálunum.
    Þar sem að ég hef prófað að eiga kött, hund, fugla, fiska þá eru eiginlega bara skriðdýrin eftir.
    Ég er með ofnæmi fyrir kisum og nagdýrum sem að versnar því miður í sífellu. Eins krúttlegar og kisur geta verið þá eru hnerrar og rennandi augu ekki sexý og nagdýr valda mér holdsveiki þannig að það er bara out. Hundar eru indælir en það fylgir þeim alltof mikil vinna fyrir minn smekk. Fuglarnir mínir voru þeir allra skemmtilegustu sem ég hef kynnst, en ég nenni ekki garginu og fiðrinu. Fiskar geta verið hið ágætasta stofustáss en ekki nógu miklir persónuleikar. Þannig að froskar verða næsta skref og ég er afskaplega spennt :)
    Hér má sjá tilvonandi fjölskyldumeðlimi okkar en þetta eru froskar af tegundinni Whites Treefrog sem eru tilvaldir fyrir byrjendur í froskabransanum.


    Þessir froskar verða stórir og búttaðir og hafa skemmtilegann svip þar sem þeir virðast síbrosandi, og draga af því gælunefni sín á borð við "smiling frog"


    Svo er það bara að umbreyta fiskabúrinu í froskabúr, koma fiskunum til nýrra eigenda og fara að skemmta sér með Kermit og félögum.
    Isn´t it great???

    - Játaði Karen


    sunnudagur, mars 04, 2007


    Gonna party like it´s your birthday

    Mikil stemming í afmælisveislunni hans Hlyns í gær, húsið fullt af fólki, afmælisbarnið fékk fullt af flottum gjöfum og kökurnar og góðgætið runnu ljúflega niður í gestina.
    Við Óli vorum að baka til miðnættis á föstudag og sofnuðum úrvinda saman í sófanum. Á laugardaginn var vaknað eldsnemma, sumir ungir menn voru afskaplega spenntir að halda áfram að setja saman afmælislegóið og enn var eitthvað eftir óbakað.
    En allt hafðist þetta fyrir veisluna, okkur til mikillar ánægju.



    Mikið var lagt upp úr því að skreyta sjálfa afmæliskökuna en þema veislunnar var hið sívinsæla Star Wars og varð því kakan að vera í stíl við það.


    Það sést kannski ekki nógu vel á myndinni en á kökunni stendur Hlynur VIII og svo lærði Óli að skrifa nokkur orð á einhverju Jabba the Hut Star Wars máli svona til gera þetta enn meira ekta.


    Það var blásið á kerti og sungin afmælissöngur, borðað og leikið sér. Ótrúlega velheppnaði í alla staði þó að við Óli værum reyndar eins og undnar tuskur eftir daginn þá var þetta rosalega skemmtilegt og Hlynur ánægður með daginn.



    Börnin voru bara eins og hugur manns og léku sér fallega og þarna má sjá alla strákana nema þann yngsta en hann var upptekin við að reyna að fá fullorðna fólkið til að hleypa sér í nammiskálina þegar myndin var tekin.


    Æðislega gaman :)

    - Játaði Karen


    föstudagur, mars 02, 2007


    But honey it´s cold outside!

    Hvar ertu vor????
    Það er kalt allstaðar þessa dagana og ég bíð svo spennt eftir því að það fari aðeins að vora.
    43 dagar í Beni of the Dorm og ég iða skinninu að komast í smá sól og hita.
    Svo er annað spennandi í vor en það er komið að kosningum, ég verð að vinna í kosningunum í ár fyrir embættið og mun taka vel á móti þeim sem vilja kjósa utankjörstaðar í vor.
    Þannig að það er ekki seinna vænna kæru vinir en að flytja lögheimili ykkar á Bíldudal og koma að kjósa hjá mér :)
    Ég hef gaman af stjórnmálum, eitt af fáum efnum sem fá blóðið í mér til að sjóða, það er stjórnmál og mannréttindarmál. En þessir tveir málaflokkar eru oftar en ekki samofnir.
    Þegar ég verð stór þá fer ég kannski í framboð, þá er eins gott ljósin mín að þið kjósið mig öll!!!
    Það er ekkert leyndarmál að ég er eins vinstri sinnuð og hægt er að vera, alin upp við eldheitar pólitískar umræður milli pabba (sjálfstæðismannsins) og Mömmu (semi-kommúnistans).
    Það var oft frekar eldfimt andrúmsloft á heimilinu í kringum kosningar, þess vegna er ég alsæl að við Óli erum bæði réttum meginn við miðju, þó við kjósum ekki það sama.
    Þá getum við haldið okkur við að vera bara ósammála um eldun kjötbolla.



    - Játaði Karen


    fimmtudagur, mars 01, 2007


    It´s birthday time!!

    Yndisunginn hann Hlynur Björn Ólason er 8 ára í dag!

    Elsku prinsinn :)


    Hann á afmæli í dag

    Hann á afmæli í dag

    Hann á afmæli hann Hlynur

    Hann á afmæli í dag!


    Áttfalt húrra fyrir afmælisbarninu!

    - Játaði Karen