Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • mánudagur, apríl 30, 2007


    Carry on...

    Carry on, you will always remember
    Carry on, nothing equals the splendor
    The center lights around your vanity
    But surely heaven waits for you

    Carry on my wayward son
    There'll be peace when you are done
    Lay your weary head to rest
    Don't you cry no more



    Æðislegt hvað maður getur fengið lög föst á heilann, búin að syngja þetta lag hér um bil NONSTOP síðan á laugardaginn. Sem betur fer er það frábært lag ;)
    Lag vikunnar er tvímælalaust - Carry On My Wayward Son með Kansas!
    Átti afskaplega notalega helgi, við Óli fórum á Ladda showið á föstudagskvöldið sem var alveg glimrandi gaman. Við gömlu hjónin hefðum samt þurft að fá miða á fyrri sýningu dagsins, vorum alveg búin á því kl 1 þegar að sýningin var búin. Við notuðum svo helgina mikið í að njóta hinnar afmælisgjafar minnar til Óla, en við spændum Planet Earth þættina í okkur. Það er svo lygilega flott fræðsluefni að maður sat eins og dáleidd hæna yfir sjónvarpinu. Eitt sem mér fannst virkilega áhugavert var þættirnir um framtíð Jarðarinnar. Allir fræðimennirnir sem rætt var við voru á sama máli að offjölgun mannsins og neysluhyggja væru mestu áhrifavaldarnir í útrýmingu dýrategunda. Það er mjög sorglegt hversu margar dýrategundir eru í útrýmingarhættu, og hversu mikið landsvæði sem er þeim nauðsynlegt er að hverfa vegna ágangs mannfólksins.
    En það er erfitt að sannfæra fólk sem er að berjast við að fæða börn sín um það að það verði að vernda dýrategundir, þetta er að gerast á mörgum svæðum þar sem að mannfólkið er að berjast fyrir sínu lífi, það er ekki skrítið að dýrin lúti lægra haldi.
    Annars stóð ég við áætlun mína og gerði EKKERT allan sunnudaginn, fór ekki út og gerði ekki neitt nema slaka og dúlla mér. Notalegt af vinna svona í einn dag og fara svo bara aftur í frí....huggó!! Ætla nú samt að drífa mig í kröfugöngu á morgun og syngja nallann, bráðnauðsynlegt.

    Fram þjáðir menn í þúsund löndum...

    - Játaði Karen


    föstudagur, apríl 27, 2007


    Sunshine and lollipops

    Svei mér þá hvað ég er hress í dag, ég er í svo miklu stuði að ég held að ég verði að fara heim úr vinnunni, er að valda truflunum á raftækjunum :þ
    Það er kalt og blautt úti en inní mér er sólskin og sleikipinnar...og nóg af því!
    Dásamlegt alveg hreint!
    Kíkti að hitta stúlkurnar Röggu, Möggu, Helgu og syni þeirra í gærkvöldi, alltaf gaman að hitta þessar elskur, það voru bakaðar pizzur og haft það huggulegt.
    Fór svo snemma upp í rúm og horfði á Bridget Jones II fyrir svefninn, elska Bridget hún er snillingur.
    Svo er það Ladda sýningin í kvöld og hlakka ég mikið til enda hef ég ekkert heyrt nema gott um þessa sýningu, Laddi kallinn klikkar aldrei. The man of a 1000 faces and 10.000 voices.
    Núna þegar maður er farin að sofna á kvöldin eins og ungabarn þá held ég að maður verði nú að leggja sig í dag til að ná að vaka því að sýningin byrjar ekki fyrr en 22:30 og er örugglega í 2 tíma. Ekki gaman að sitja geispandi yfir honum Ladda.
    Miðana á Ladda fékk Óli meðal annars í afmælisgjöf frá ungfrú Ulrich, ég þurfti næstum að selja sál mína fyrir miðana því að við fengum síðustu 2 miðana saman í lífinu. Sem betur fer fann ég mér insider í Borgarleikhúsinu :)
    Gott að það sé að koma helgi, þarf reyndar að vinna aðeins á morgun, en ef að þið hringið í Baðhúsið svarar þar yndisfögur rödd sem er enginn önnur en hún ég...það þarf að breyta símsvaranum eitthvað og ætla ég að skreppa og gera um helgina og vinna aðeins sem kjörstjóri annað kvöld. En á sunnudaginn er ég búin að ákveða að gera ekki neitt nema slaka, ekki nokkurn skapaðan hlut!! Helst ekki einu sinni að klæða mig...þannig að ef ykkur langar að koma í heimsókn á sunnudag, hringið þá á undan ykkur hahahaha!!
    Annars geri ég eins og sumir og kem bara til dyranna eins og ég er klædd....EKKI Í NEINU :þ


    - Játaði Karen


    fimmtudagur, apríl 26, 2007


    The early miss Ulrich catches the worm...

    "Karen, ef þú ætlar að koma að lyfta í fyrramálið þá verðum við að fara út klukkan 6"
    Það er brjálað að gera hjá Óla í vinnunni þessa dagana og þegar hans beið fyrirlestur um undirbúning fyrir samræmdu prófin fyrir 300 manns, þá var eðlilegt að við þyrftum að vakna tímanlega.
    Hefur þú séð hvernig 05:45 á morgnanna lítur út nýlega, falleg sjón núna þegar sumarið er á næsta leiti. Fyrir klukkan 7 í morgun var ég búin að fara á fætur, drekka hálfan kaffibolla, taka ógurlega á því og var á leiðinni í sturtu. Eftir þetta allt saman labbaði ég svo í vinnuna og naut vorsins í botn. Alls staðar lágu ánamaðkar sem er skemmtilegur vorboði. Kjánakrúttin!!
    Ég er búin að labba í og úr vinnunni síðustu 2 daga og það er agalega hressandi :)
    Gaman líka því að ég mæti alltaf svo æðislegum feðginum á leiðinni, þau eru greinilega á leið í og úr leikskólanum á hjóli. Þau eru í svo miklu stuði og svo gaman hjá þeim syngjandi og trallandi, greinilega að njóta samvistarinnar í botn.
    Frábært þegar að fólk nýtur þess að vera með börnunum sínum, þarf ekki alltaf að vera eitthvað mikið um að vera, bara að taka saman lagið :)
    Erla vinkona kíkti við og náði sér í 4 góðar bækur til mín í gær, ég var efins um að lána henni þessar svakalegu hryllingsbókmenntir miðað við hennar núverandi ástand og ég ætla rétt að vona að ég hræði ekki bumbubúann með ljótu bókunum :þ
    Fimmtudagur í dag sem betur fer, Laddashowið á morgun og svo smá vinna á laugardag en annars verður bara slakað á um helgina.

    Lovely :)

    Ormasúpu anyone?

    - Játaði Karen


    miðvikudagur, apríl 25, 2007


    La Linea

    Nýju Kaupþing auglýsingarnar hafa vakið hjá mér yndislegar nostalgíu tilfinningar, Línan hefur alltaf verið ein af mínum uppáhalds teiknimyndum. Krúttlegt að við skulum kalla hana Lína þegar þetta er karlpersóna og er t.d kallaður Linus í Svíþjóð :þ

    Línan varð til árið 1969 og þessar auglýsingar fyrir Kaupþing voru það síðasta sem að Osvaldo Cavandoli gerði áður en hann dó blessaður, 87 ára að aldri.

    Þegar ég var lítil eða minni þá laug hún móðir mín elskuleg því að mér að hún talaði málið sem að Línan talar...það er áhugavert því að málið sem að hann talar er bull-ítalska og ég veit ekki til þess að mamma tali hvorki ítölsku né bull. En svona er maður trúgjarn þegar maður er baby og ég heimtaði að mamma túlkaði romsið úr Línunni fyrir mig, sem hún gerði.... í mörg ár.

    Mamma krútt!

    Þið getið misst ykkur í gleðinni og horft á Línuna hérna í allan dag :þ

    Ya´ll have fun now!


    Línan með skapara sínum :)

    - Játaði Karen


    mánudagur, apríl 23, 2007


    On with the story...

    Benidorm ferðin var afskaplega ljúf skal ég segja ykkur, ég á erfitt með að aðlagast heimkomunni og skil ekkert í því að ekki sé búið óaðfinnanlega um rúmið mitt og mér færð hrein handklæði á hverjum degi. Eins verður stórskrítið að bjarga sér sjálf um mat því að það er auðvelt að venjast því að láta alltaf elda ofan í sig. En auðvitað er alltaf gott að koma heim og það var unaðsleg tilfinning að skríða undir sæng í sínu rúmi eftir sjóðaheita sturtu, aðfaranótt sunnudags.
    Það er ekki hægt að neita því svo sem að heima er alltaf best ;)
    En það var þrennt sem ég ætlaði að segja frá í þessu bloggi og best að koma sér bara að því. Það fyrsta var Karenargildran ógurlega sem ég féll í á Spáni. Eins og ég sagði einhvern tímann frá þá var keypt nýtt rúm á Eggertsgötunni þar sem að Óla fannst þrengt að sér í því gamla. Ef ég notast við myndlíkingu máli mínu til skýringar þá er Óli umslag og ég er frímerki. Frímerki vita ekkert betra og hafa þann tilgang í lífinu að vera límd föst á umslög og þannig vil ég vera á Óla á nóttinni (og á daginn, seinnipartinn, morgnanna þið skiljið)
    Óli hins vegar kann því vel að fá um frjálst höfuð að strjúka, þó ekki sé nema í hluta nætur.
    Ég held að annars góða fólkið á Hótel Levante Club hafi verið með Óla í liði. Í fyrstu litu rúmin á herberginu sakleysislega út, en í raun voru þau Karenargildra í dulargervi...Þegar leið á fyrstu nóttina og Karen litla fór að fikra sig nær elskunni sinni þá færðust rúmin í sundur og hinir og þessir útlimir eða fagurlagaðar rasskinnar lentu á milli. Rúmin voru á HJÓLUM!!
    Ég var fljót að læra á þetta og hélt mig súr og svekkt í mínu rúmi...Óli svaf bara vel :þ
    Annað sem ég fann vel fyrir var að ég kann ekki spænsku....afhverju var ég að læra frönsku í menntó þegar ég hefði getað lært spænsku sem er miklu skemmtilegri???? Vitlausir þessir unglingar hehe...
    Herberginu fylgdi gervihnattasjónvarp sem var reyndar afskaplega fyndið því að allt efnið var á spænsku...nema Mtv sem var á þýsku. Hlyni fannst þetta lítið spennandi nema þegar við sáum sprenghlægilega Southpark auglýsingu á þýsku, sem ég kann ekki heldur...Mein Gut die habe Kenny getoted...dier sweine. Klassískt!!
    Það síðasta sem ég ætlaði að koma af hjarta mínu í dag var Pyramid of TERROR sem við Óli heimsóttum á laugardaginn. Þvílíkur hryllingur, við hlupum skjálfandi í gegnum kolniðamyrkur með múmíur og önnur skrímsli á hælunum á okkur. Ég varð hysterísk af hræðslu og hló og skrækti óstöðvandi á meðan á þessu stóð. Fyndið hvað maður fríkar út jafnvel þó að maður viti alveg að það getur ekki neitt slæmt hent mann, það eru ekki til skrímsli og hræðslan er óþörf.
    Eftir að við komum út þurfti að nota kúbein til að ná mér af handleggnum á Óla og brúnkan hafði fölnað af okkur....Ótrúlega gaman!!!
    Jæja þetta nægir í bili...

    - Játaði Karen


    sunnudagur, apríl 22, 2007


    It´s a Kodak moment...

    Öllum góðum ferðasögum verða að fylgja ferðamyndir og hérna koma þær í réttri tímaröð meira að segja. Alltaf svo skipulögð hún Ungfrú Ulrich litla.


    Jæja á fyrstu myndinni má sjá yndislega útsýnið úr herbergi 506 á Hótel Lavante Club Benidorm. Það var ekki leiðinlegt að kúra á þessum bekkjum í sólinni þó að sundlaugin hafi verð köld og klakafull.

    Á öðrum degi fórum við í dýragarðinn Mundomar sem var í göngufjarlægð frá hótelinu. Þarna er hann Hlynur ofurtöffari með skjaldböku í bakgrunninum.

    Í Mundomar var boðið upp á að láta taka myndir af sér með sæljóni og hér má sjá sæljónið Santos smella einum góðum kossi á Hlyn, sem var alsæll með það þrátt fyrir smá fiskilykt af hárinu.
    Við kíktum líka á æðislega höfrunga sýningu sem var alveg ótrúlega flott, þeir feðgar létu líka taka myndir af sér með höfrungi.
    Við Hlynur tókum okkur vel út með sólgleraugun, enda ekki vanþörf á í þessu æðislega veðri sem við fengum.
    Þessi litli api varð yfir sig hrifinn af Óla og gerði ýmsar kúnstir sem að ég er viss um að var allt gert til að sannfæra Óla um að taka litla monkey með heim.
    RÚSÍNA!!
    Það er ekkert nema notó að fara í kvöldgöngu meðfram ströndinni og horfa á sólina setjast, fara svo og borða yfir sig af ís...
    Við enduðum svo ferðina í skemmtigarðinum Terra Mitika sem var það allra glæsilegasta EVER og djöfluðumst þar í 6 klukkutíma...léttilega.


    Hlynur fann upp nýtt sport Krókó Surfing...eins og alltaf flottur gaur.

    Við fórum í brjálaðan vatnsrússibana og vorum alveg rennandi blaut eftir á. Þeir feðgar fóru aftur og aftur en ég lét mér nægja eina salibunu í hverju tæki.

    Þessi ágæti maður vildi fá okkur til að kíkja við í Pyramid of TERROR...sem við Óli gerðum en það er saga fyrir seinni tíma. En hann og félagi hans mátuðu snörur á fólk og mældu það fyrir líkkistur.

    Þarna eru þeir feðgar í 3 ferðinni í Titons Fury tækinu, að skemmta sér konunglega.

    Þá eru komnar myndir af hápunktum ferðarinnar en ég skal segja ykkur betur frá á morgun my darlings. Meðal annars frá Karenargildrunni, Pyramid of terror og No habla espaniol??


    - Játaði Karen

    There´s no place like home?!?!

    MY EYE!!!
    There´s no place like Benidorm :þ
    Komin heim í kuldann, kem með ferðasöguna innan skamms.

    - Játaði Karen


    föstudagur, apríl 20, 2007


    Happy Birthday To You!

    Hann Óli minn á afmaeli í dag...ordinn 29 ára strákurinn :)
    Endilega látid ástinni og hamingjuóskunum rigna yfir hann hérna

    Til hamingju med daginn ástin mín :*

    - Játaði Karen


    föstudagur, apríl 13, 2007


    Tomorrow

    The sun'll come out
    Tomorrow
    So ya gotta hang on'
    Til tomorrow
    Come what may
    Tomorrow!
    Tomorrow!
    I love ya Tomorrow!
    You're always
    A day
    A way!


    Yndislegi morgundagurinn...get ekki beðið!!
    Er að reyna að vera dugleg að læra og held að þetta eigi bara eftir að takast, held að þetta verði í fyrsta sinn sem ég skila verkefni 5 dögum fyrir skiladag. En það er svona þegar maður er að fara til BENIDORM!!!
    Eins og alltaf þegar ég er að skrifa eða lesa um eitthvað eins sorglegt og það sem ég er að vinna að núna þá verð ég pínu þreytt í sálinni.
    Þeirri spurningu er varpað fram í annarri bókinni sem ég las afhverju við flokkum dauðann niður, afhverju er að það minna mál að karlmenn deyji í stríðsátökum heldur en konur og börn.
    Ég veit alveg hvað höfundurinn var að meina með þessu, þegar ég sé myndir eða les lýsingar á átökum þá eru það dáin börn og gamalmenni sem að hreyfa mest við mér, morð er morð, þá á ekki að skipta máli hver er fórnarlambið..ekki satt?
    Eftir að hafa lesið Surviving the slaughter eftir Hutu konuna Marie Béatrice þá eru það ekki hörmungarnar sem að hún upplifði sem að sitja í mér. Heldur það að hún skyldi skilja átta ára gamla fósturdóttur sína eftir vegna þess að barnið var svo veikt og þreytt að hún neitaði að halda áfram á flóttanum. Skildi hana eftir til að deyja úr hungri eða verða hermönnunum að bráð.
    Ég er margoft búin að reyna að ímynda mér hvernig hún gat skilið barnið eftir til að bjarga eigin skinni....og tileinkað svo telpunni bókinni.
    Þegar ég les um svona skelfingar þá set ég sjálfa mig og ástvini mína í aðstæðurnar í huganum, þannig get ég passað að ég verði aldrei dofin fyrir þjáningu annarra.
    Ég get ekki séð sjálfa mig skilja eftir börnin í mínu lífi sama hvað, myndi maður ekki frekar vera sjálfur kyrr ef að maður gæti ekki borið barnið? Ég veit að ég má ekki dæma þessa konu fyrir það sem að hún gerði því að jafnvel mitt öfluga ímyndunarafl dugar ekki til að skilja hvað hún gekk í gegnum, en það situr engu að síður í mér að hún lifði og barnið dó 2 VIKUM eftir að hún yfirgaf hana.
    Þetta skyggir á allt annað í bókinni fyrir mig.

    Af því að ég er í þessum gír í dag þá vilja ég endilega að þið kynnið ykkur staðreyndir um svokallaða blóðdemanta hérna og hugsið um það hvort að þið viljið ganga með skartgrip sem kostaði einhvern lífið?? Næst þegar þið kaupið demant biðjið um staðfestingu á því að þetta sé Conflict free demantur og ágóði af sölu hans hafi ekki verið notaður til að kaupa vopn.

    Diamonds are a rebels best friend!

    Mundir þú vilja ganga með skratgripinn sem olli þessu?



    Lestu þetta áður en þú kaupir demant!



    Verið nú stillt á meðan ungfrú Ulrich leikur sér í sólinni...until we meet again!











    - Játaði Karen


    fimmtudagur, apríl 12, 2007


    It stings mother!!

    Kæri lesandi, hefur þú verið með svo miklar harðsperrur að þú þurfir að taka verkjatöflur, gast ekki þvegið á þér hárið án aðstoðar, né sofið á maganum og gerðir allt sem þú mögulega gast til að forðast að fara niður stiga.... CAUSE I HAVE!!
    En það er bara gaman :þ
    Ef ykkur langar að prófa þá mæli ég bara með að þið takið svo hrottalegar hnébeygjur að þið finnið hvernig líkaminn hafnar ykkur.
    En ef það var einhvern tíma hvatning til að mæta í ræktina þá er hún komin í gullfallegu myndformi....tvær hrottalega glæsilegar konur, með HEILBRIGÐAN vöxt, og það skemmir ekki fyrir að lagið er alls ekki slæmt :þ alger sökker fyrir svona arabísku stuði og þetta er líka hvatning til að skella mér aftur í magadansinn.


    Fallegt....


    http://www.youtube.com/watch?v=F7ybc-FfeRY





    Annað sem er rosalega fallegt er Fall out Boy.... alveg að fíla þessa hljómsveit í dag, flottir gaurar, stuð tónlist og skemmir ekki að bassaleikarinn er duglegur að mála sig!!!

    Þetta er það sem gerist þegar maður fer að mæta í ræktina og fær Mtv til að skemmta sér á meðan maður púlar. Þá fær maður einhver svona myndbönd á heilann.




    Búin að vera dugleg að læra í dag, búin að vera ansi dugleg í dag miðað við að ég er í fríi.
    Við Óli tókum vel á því í morgun og síðan skellti ég mér á kynningarfundi fyrir Kjörstjóra...nei ég er ekki að fara telja atkvæði í Ungfrú Reykjavík..., heldur er ég er að fara að vinna sem fulltrúi Sýslumanns við utankjörfundaratkvæðagreiðslu.
    Það er mun flóknara en maður heldur að taka við atkvæðum en ég hlakka soldið til að prófa þetta :) Þannig að ég ítreka það hér með að nú eiga allir að færa lögheimilin sín út í buska og koma niður á í Laugardalshöll að kjósa hjá mér...þeir sem ekki hafa kost á því geta skráð sig sem vistmenn á Hjúkrunarheimilið Eir en ég verð þar einn dag í maí. KOMA SVO PEOPLE!!!
    Alveg að vera komin í gírinn fyrir ferðina...ekki á morgun heldur hinn...búin að koma fiskunum í varanlegt fóstur til systur minnar, búin að ákveða allt sem ég ætla að taka með og það eina sem er eftir er að pakka. Pís of keik!
    Já....og klára samanburðar ritgerðina mína um Rwanda og Guinea-Bissau, eins og Óli myndi segja Skítlétt :)

    - Játaði Karen


    miðvikudagur, apríl 11, 2007


    Final countdown

    Glöggir lesendur hafa kannski áttað sig á þessu en það eru ekki nema 3dagar í ferðina okkar!!!
    1-2-3 dagar.... það er ekki mikið!!
    Í tilefni þess fór ég að versla í gær, loksins kom ég mér í að eyða peningunum hans Óla :þ en ég fór með inneiginina sem hann gaf mér og keypti mér fullt af fallegum nærfötum í Debenhams.
    Ég er viss um að þið þekkið þetta stelpur en það er fátt sem að lætur manni líða eins kvenlega og fallega og ný nærföt. Það fylgdi þessari gjöf eitt skilyrði en það var að láta mæla mig og fá að vita hvað er mín rétta stærð í brjóstahöldurum. Það var afskaplega vel hugsað hjá mínum heittelskað en það kom einmitt í ljós að ég er búin að vera að kaupa einni skálastærð of lítið FOREVER!
    Allt annað að sjá mann :þ
    Þegar það eru ekki nema 3 daga í Benidorm þá var líka ekki seinna vænna en að versla sér líka eitt stykki bikiní og fékk ég mér eitt keimlíkt þessu...fyrir utan þetta kúludót.


    Fallegt og einfalt og mikið hlakka ég til að spígspora um sundlaugargarðinn og ströndina í herlegheitunum :)
    Af því að ég er að fara í vikufrí til Benidorm ákvað ég líka að taka mér 2 auka daga í frí og verð þar af leiðandi komin í frí kl 16 í dag. Þarf reyndar að rumpa af einni ritgerð áður en við förum þannig að það er gott mál að ég gat tekið þessa auka daga. Ætlaði einmitt að vera dugleg að læra í gær en þegar ég var búin að máta og versla nærföt, klára að plögga afmælisgjöf fyrir ónefndan, forkunnarfagran, ástkæran mann sem ég bý með þá var mér eiginlega allri lokið. Þannig að það var bara tekið dvd í staðinn. Eins og alltaf þegar tilhlökkun hreiðar um sig uppí hjá mér þá get ég ekki sofið og eyði andvökunóttum í að hugsa um allt sem ég þarf að taka með mér og láta ískra í mér af spenningi.
    3 dagar People 3 3 3 3 3 3 3 3 3 3!

    - Játaði Karen


    þriðjudagur, apríl 10, 2007


    Fortune favors the brave...


    Nokkrum dögum áður en að mamma mín komst að því að hún áttu von á mér fékk hún aðrar gleðifréttir, hún hafði fengið inngöngu í Friðarsveitirnar og átti að mæta í þjálfun til Danmerkur innan skamms. Pínulitla Karen var með önnur plön fyrir mömmu sína.
    Ég hef spurt mömmu hvort hún hafi ekki velt fyrir sér hvernig lífið hennar hefði orðið hefði litla Karen ekki komið til sögunnar. Hversu öðruvísi það hefði orðið... hún svaraði því svona "lífið hefði verið öðruvísi en það varð betra með þér." Mér fannst alltaf svo notalegt að heyra hana segja þetta, fannst ég eitthvað svo elskuð.
    Friðarsveitirnar misstu af því að fá mömmu mína til starfa en ég er viss um að hún hefði verið frábær í því starfi. Einn uppáhalds mannfræðingurinn minn Nancy Scheper-Hughes vann fyrir Friðarsveitirnar og fékk þannig áhuga á mannfræðinni. Á þessum tímum í kringum 1970-1980 þá var helsta starf kvenna í Friðarsveitunum að sinna svokölluðum heimsóknarskyldum, þá gengu þær með sjúkrakassann sinn á milli fólks og sprautuðu börn og gamalmenni með hressandi sykur og saltlausn, sinntu veikum og tóku þátt í fæðingarhjálp. Nancy gekk aðeins lengra enda mannfræðingur af Guðs náð og elfdi grasrótina í fátækrahverfinu Alto do Cruzeiro. Konurnar höfðu engan til að sinna börnunum þegar þær fóru til vinnu á sykurekrunum og oftast voru börnin skilin ein eftir, jafnvel nokkra daga gömul, síðan signdu þær útidyrahurðina og báðu Maríu mey að passa. Eins og gefur að skilja var ungbarnadauði afar algengur. Nancy hjálpaði konunum að koma sér upp dagvistun þar sem þær skiptust á að vera heima og hugsa um börnin og með því bjargaði hún mörgum lífum.
    Þessi löngun eftir því að vinna mannúðarstörf hefur örugglega færst yfir á mig með móðurmjólkinni, en ég hef lengi alið þá þrá í brjósti að bjarga heiminum eða gera að minnsta kosti heiðarlega tilraun til þess :)
    Þannig endaði ég í mannfræðinni og núna í Þróunarfræðinni, ég á bara eftir að fara til Afríku og leggja mitt að mörkum, en ég ætla þangað eftir 6-10 ár.... og taka Óla með mér :)

    - Játaði Karen


    laugardagur, apríl 07, 2007


    Kaló Pás'ha



    Christós Anésti - Kristur er upprisinn....Alithós Anésti - Hann er sannarlega upprisinn!
    Í maí 2002 hélt ég upp á páskana í annað sinn. Þá var ég komin til Krítar þegar að Gríska rétttrúnaðar kirkjan fagnaði páskahátíðinni. Það var virkilega gaman að taka þátt í því.
    Ég fór ásamt Stefanie þýsku vinkonu minni, pabba hennar og danskri samstarfskonu að stærstu kirkjunni sem var í miðbænum. Þetta var á laugardagskvöldi um 22 kvöldið fyrir páskadag.
    Allir voru með kerti, löng og mjó sem við keyptum af sígaununum. Prestarnir komu út og messuðu yfir fjöldanum sem var samankomin á torginu fyrir framan kirkjuna. Síðan var ljósið látið ganga, prestarnir kveiktu á kertum og fólkið lét eldinn ganga þar til allir voru með ljós á kertunum sínum og óskuðu hvoru öðru gleðilegra páska. Eftir það var vandinn bara að komast með kertið logandi heim til að gera krossmark á hurðina sína og láta það brenna alla nóttina til að blessa heimilið. Á miðnætti opnuðu svo öll veitingahús og buðu upp á páskalamb og hátíðarhrísgrjón sem eru sjúklega góð og bara í boði í brúðkaupum, trúlofunarveislum og við trúarleg tilefni.
    Rauðlituð egg má finna á öllum veisluborðum en trúin segir að María hafi litað egg rauð til að fagna upprisu Jesú. Síðan á maður að taka egg (sem btw er harðsoðið) og slá því í egg einhvers annars. Sá sem er með eggið sem brotnar ekki vinnur og sá sem heldur sínu eggi lengst óbrotnu má eiga von á mikilli gleði og lukku á árinu.


    Mér fannst það alveg merkilegt að taka þátt í páskahátíð svona ólíkri minni, oftar en ekki eru páskarnir ekki á sama tíma hjá grikkjunum og hjá okkur en í ár lenda þeir á sama degi. Þannig að einmitt núna er fólk að ljúka við að borða páskamatinn og fjörið rétt að byrja.

    Hér á bæ er allt hins vegar með kyrrum kjörum, feðgarnir sofa vært annar í rúminu sínu, hinn í sófanum. Ég er búin að vera fárveik og ekki farið út síðan á miðvikudag, ekki skemmtilegasta leiðin til að eyða páskafríinu en ég er að minnsta kosti búin að hvílast vel og ná að læra heilmikið. Annars er það bara súkkulaðiát og vonandi betri heilsa á morgun.

    Gleðilega páska krúttin mín og til að enda þetta aðeins á trúarlegu nótunum þá læt ég fylgja skemmtilegan texta úr helgileiknum Þjáningarbrautin.

    Tóm er gröfin og opin,

    því er ekki meistarinn hér?

    Klæðin hans liggja þar inni enn,

    en enginn veit hvar hann er.

    Enginn veit hvar hann er.

    Upprisinn er hann, húrra, húrra.

    Hann lifir, hann lifir, hann lifir enn.

    Hann lifir, hann lifir, hann lifir enn.


    - Játaði Karen


    miðvikudagur, apríl 04, 2007


    TGIW

    Thank God It´s Wednesday!
    Loksins er hann runninn upp þessi föstudagur dulbúinn sem miðvikudagur, mikið er ég búin að bíða hans óþreyjufull. Það er ekki búið að vera auðvelt að þurfa að mæta í vinnu á morgnana og Óli fær að vera heima í fríi. Mjög leiðinlegt!
    En þetta er síðasti dagurinn og ég get ekki beðið eftir því að klukkan verði 16.
    Ég hef á stundum kvartað sárlega undan meðferðinni sem ég fæ í vinnunni af höndum fólks sem er ósátt við allt skrifræðið. En sumir sem maður afgreiðir eru virkilega sáttir og þakklátir fyrir þjónustuna. Það kom indæll maður til mín á mánudag með allt í rugli og ég var langt eftir lokun að reyna að greiða úr flækjunni fyrir hann svo að hann kæmist til útlanda um páskana með konunni sinni. Hann kom svo aftur í gærmorgun og við héldum áfram að reyna að redda öllu fyrir kallgreyið, sem tókst að lokum. Hann kom svo til mín í hádeginu og færði mér Nóa páskaegg af stærstu gerð til að þakka mér fyrir alla hjálpina. Ekkert smá krúttlegur.
    Svo fékk ég annað risapáskaegg frá vinnunni þannig að við erum vel sett á heimilinu páskaeggjalega séð :þ Eins gott að ég mætti í ræktina í morgun.
    Fór að hitta Möggu, Röggu+ bumbubúa og Arnþór englabossa eftir vinnu í gær.
    Ekkert smá notalegt og við borðuðum saman og spjölluðum fram á kvöld og það er langt síðan við höfum átt svona rólega og notalega stund vinkonurnar. Lóa mín, þín var saknað eins og alltaf!
    Ég er með villidýr í pössun fram að Benidorm en hann litli bróðir minn skyldi augasteininn sinn eftir hjá mér þegar hann fór til Kanarí. Ástkær bílinn hans er í pössun hjá mér, hann gat ekki hugsað sér að hann stæði óhreyfður í 2 vikur blessaður anginn. Gaman gaman!
    Matarboð í kvöld þar sem að ég ætla að setja mig í hlutverk Nigellu og elda einhvern pottrétt úr hennar forðabúri. Og svo er bara unaðslegt páskafrí..........

    Hafið það ofurgott um páskana og borðið yfir ykkur af súkkulaði.

    Svona verð ég smart í kvöld :þ

    - Játaði Karen


    mánudagur, apríl 02, 2007


    Smokin´ baby

    Þann 1. júní næstkomandi verður ánægjulegur dagur fyrir okkur í reyklausa liðinu... þá verður sett bann á reykingar á veitingahúsum og skemmtistöðum. Þetta verða vissulega viðbrigði fyrir marga en ég er nokkuð viss um að eftir stuttan tíma mun þetta hafa vanist og við verðum búin að gleyma því að þetta mátti einu sinni. Það er ekki svo langt síðan að það mátti reykja í skólum og opinberum byggingum núna finnst manni það fráleitt og gerir grín af þeim löndum þar sem búast má við reykjarmekki í bönkum og á pósthúsum.
    Það eru einhverjar raddir sem heyrast grenja um forræðishyggju og fasisma, en það er mitt álit að réttur minn til að anda hreinu lofti er sterkari en val reykingamanna um að menga það fyrir mér. Ég vil alls ekki banna reykingar....úti :þ
    Vonandi verður séð til þess að reykingarmenn hafi góðan stað úti við til að fá sér smók og býst ég við að skemmtistaðir muni sjá sóma sinn í að gera útiveruna sem þægilegasta fyrir þá.
    Á meðan ætla ég að fagna því að kúgun minni til að anga eins og hangikjöt/öskubakki eftir djamm verður lokið. Bróðir minn sem er sjálfur reykingarmaður fór á skemmtistað þar sem búið var að taka bannið upp og sagði að það hafi bara lagst vel í hann. Gashitarar voru úti til að ylja þeim sem vildu reykja, sem og bjórkútur til að redda þeim sem líka voru þyrstir.
    Mikil stemming var á dansgólfinu þar sem reyklausa fólkið gat óhrætt dillað sér trítilótt án þess að eiga í hættu að fá brunagöt á sparifötin.
    Honum leist vel á þessa breytingu og ég er viss um að þetta verður hið besta mál fyrir þá sem reykja og okkur sem veljum að gera það ekki.



    - Játaði Karen