Miss Ülrich
E-Mail Linkur Gegn ofbeldi



Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lí­sa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar



Amnesty
Skólinn
Blogger
Unifem
Unicef
Mogginn
ABC barnahjálp


Karen


...Mælir með:
Að vera mamma:D

...ER Að LESA:

-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!




Lilypie 1st Birthday Ticker

Nýlegir póstar

  • It´s facebook...
  • Back to school...
  • What to say, what to say?
  • Restart...
  • X-mas
  • Ages....
  • Here I come...
  • Bloggeddy blogg...
  • Lucky numbers
  • Clever mouse...

  • Eldri póstar

  • febrúar 2004
  • mars 2004
  • apríl 2004
  • maí 2004
  • júní 2004
  • júlí 2004
  • ágúst 2004
  • september 2004
  • október 2004
  • nóvember 2004
  • desember 2004
  • janúar 2005
  • febrúar 2005
  • mars 2005
  • apríl 2005
  • maí 2005
  • júní 2005
  • júlí 2005
  • ágúst 2005
  • september 2005
  • október 2005
  • nóvember 2005
  • desember 2005
  • janúar 2006
  • febrúar 2006
  • mars 2006
  • apríl 2006
  • maí 2006
  • júní 2006
  • júlí 2006
  • ágúst 2006
  • september 2006
  • október 2006
  • nóvember 2006
  • desember 2006
  • janúar 2007
  • febrúar 2007
  • mars 2007
  • apríl 2007
  • maí 2007
  • júní 2007
  • júlí 2007
  • ágúst 2007
  • september 2007
  • október 2007
  • nóvember 2007
  • desember 2007
  • janúar 2008
  • febrúar 2008
  • mars 2008
  • apríl 2008
  • maí 2008
  • júní 2008
  • júlí 2008
  • ágúst 2008
  • september 2008
  • desember 2008
  • janúar 2009
  • mars 2009









  • föstudagur, júní 30, 2006


    Vanity thy name is woman

    Vanity is the excessive belief in one's own abilities or attractiveness to others.

    Það er sagt að hégómi sé uppáhaldssynd Kölska, og ég held að það hljóti að vera satt, fólk sem er hégómagjarnt er hægt að fá til að gera ýmislegt með því að kynda undir egóið þeirra. Ég ætti að vita það því að ég er afskaplega hégómagjörn. Það skiptir mig miklu máli að sýna ekki galla mína og veikleika og líta vel út.
    En ég held reyndar að við séum öll hégómagjörn að minnsta kosti pínulítið :)
    Mér finnst gaman að fá hrós og mér er eiginlega sama fyrir hvað, hvort það er fyrir að vera sæt, eða dugleg eða fyrir að eiga flottan kærasta en ég fékk einmitt svoleiðis hrós frá einum viðskiptavini um daginn. Til að þið getið verið alveg með á nótunum þá verð ég að segja að hann var alveg screaming queen gaur. Svona voru okkar samskipti, á meðan ég er að taka inn skilmálabreytingar fyrir hann og hugsa um hversu steiktur hann var með risa I LOVE HERBALIFE barmmerki var hann að dást að mér. "Rosalega ertu með skemmtilega eyrnalokka" takk svara ég, ég keypti þá í Ice in a bucket í Kringlunni. "ég skil, þeir eru rosa sætir....... en ég verð að spyrja hvar fékkstu þetta hálsmen?" Ég var einmitt með menið sem að Óli gaf mér í jólagjöf. Þetta er sérsmíðað fyrir mig segi ég honum brosandi. "Vá en sérstakt, gerðir þú þetta sjálf?" Nei, kærastinn minn hannaði þetta og lét smíða fyrir mig
    "Vúhú heppin, HE´S A KEEPER!!" Gaurinn hélt bara ekki vatni yfir því hversu æðislegt menið væri og hvað Óli væri hugmyndaríkur að gefa mér það. Ég flýtti mér að klára að afgreiða hann, ég á í fullu fangi með að berja kvenfólkið frá Óla, ég ætlaði sko ekki að bæta Herbalifeelskandiflaminghomosexual í hópinn. En engu að síður gaman að láta dást að sér, beint eða óbeint :)


    You´re so vain!


    - Játaði Karen


    fimmtudagur, júní 29, 2006


    Dónde está el verano

    Já það er von að maður spyrji HVAR ER SUMARIÐ????
    Sólin skein allan daginn í gær eða nákvæmlega þangað til að ég gekk út úr vinnunni, þetta var eins og practical joke by GOD að um leið og ég steig út um dyrnar byrjaði að rigna. Ég er núna alveg búin að gefa upp vonina um að sumarið komi yfirhöfðuð þetta árið, það verður bara að vera þannig og ég ætla bara að hanga á sólarströnd í huganum og skipa fólki að Tráigame por favor una bebida, en este momento!
    Já vinsamlegast færðu mér drykk undireins. Rosalega er ég fær í spænsku, sérstaklega miðað við að ég kann enga spænsku, ótrúlegt! Þegar að allt er svona grámyglað og andstyggilegt, veður sem minnir á gráðost þá langar manni ekkert meira en að vera einhversstaðar á sólríkum stað. Helst þar sem að eru engar spennandi menjar og ég þarf EKKERT að gera nema liggja í sólbaði með góða bók og tónlist og helst einhvern ískaldan drykk með kókosbragði, til að fullkomna fantasíuna verður Óli að vera með mér að bera á mig sólarvörn með töfrahöndunum sínum.
    There you have my happy place!!!
    Þarna ætla ég að vera í allt sumar þannig að ef að ykkur finnst ég annars hugsar þá er ég örugglega bara búin að fá mér aðeins of marga ímyndaða kokteila.

    Það er samt nokkuð víst að ef að veðrið skánar ekkert þá verð ég fyrr en varir farin að slaga um hérna í embættinu, bölvandi á spænsku, á nærbuxunum


    Quiero su sombrero senior!!


    - Játaði Karen


    miðvikudagur, júní 28, 2006


    Ohhhh so pretty

    And witty and flaming gay!! Það liggur alveg ótrúlega vel á ungfrú Ulrich í dag, svo ekki sé talað um hvað ég er ofsalega sæt í dag. Eins og það er ömurlegt að vera með ljótuna þá er ekkert smá gaman að vera með sætuna og krónískt mjónuheilkenni.
    Sólin skín, ég er sæt og dagurinn byrjar ekkert smá vel! Það ætti reyndar að vera lögbundið að loka öllum vinnustöðum nema ísbúðum í svona góðu veðri. Mig langar alveg hrikalega að fara niðrí bæ og kaupa mér stóran ís og borða niðrá Austurvelli og horfa á rónana spjalla yfir glasi af kardó.
    Ég held að það sé skyldugrill í kvöld og sem ég er meira að segja svo heppin að ég á tilbúið grillkjöt í ísskápnum. Það spáir reyndar rigningu seinnipartinn en ég ætla að láta sem ég hafi ekki heyrt það og vona að það gerist ekki. Koma svo sól, sól skín á mig!!!

    Ég vildi að við værum með svona sætar pöddur á Íslandi :)


    - Játaði Karen


    þriðjudagur, júní 27, 2006


    From the mouth of babes

    Börn geta verið svo ótrúlega fyndin, oft þarf ég að bíta í tunguna á mér þegar Hlynur er að segja manni eitthvað í einlægni sem maður má náttúrulega ekki flissa yfir. Eins og krúttið þegar hann var að segja okkur hvernig börnin verða til, en samkvæmt honum þá breytist það sem að konan borðar í barnið. Lambakjöt breytist í mannakjöt, ég hélt að ég yrði ekki eldri.
    Mamma var svo að segja mér smá sögu af Ágúst Smára, hann var í næturpössun hjá ömmu og var að slaka yfir barnaefninu þegar mamma heyrir hann segja " ég er að fá taugaáfall á þessu!" Hvað er að elskan mín spyr amman,
    "Bubbi byggir er búinn"
    Þvílíkur grallari!!

    Fínn dagur í gær, búin snemma og rólegt í vinnunni, Óli fékk rosa góðar fréttir og gaman að vera búin að fá Hlyn til okkar og allt eins kósý og það getur orðið.
    Vona að þið hafið það gott líka ljósin mín!

    - Játaði Karen


    mánudagur, júní 26, 2006


    Ahhhh the youngins

    Labbaði í vinnuna í morgun sem var rosa fínt enda kominn þessi fíni göngustígur alla leiðina.
    Allt fullt af ungviðum út um allt, unglingar í beðum og að slá gras og gæsaungar að trítla á eftir mömmum sínum að bíta gras. Dagurinn í dag er ekta unglingavinnudagur kaldur, blautur og kaldur. Á meðan ég horfði á unglinganna fékk ég svakalegt nostalgíukast, hvað voruð þið að gera sumarið 1992? Það var æðislegt sumar!!

    15 vinnudagar í sumarfríið mitt sem að þrátt fyrir að vera notað í B.A ritgerðarskrif verður engu að síður kærkomin tilbreyting. Ég er samt að hugsa um að nota ekki meira en 3-5 tíma á dag til að skrifa þannig að ég á nú eftir að hafa einhvern tíma til að leika. Þetta er meðal annars það sem mig langar að gera.

    Fara í Viðeyjarferð
    Fara til Stokkseyrar á draugasafn, dýragarð og jafnvel Humarsúpu.
    Þingvalla lautarferð
    Tjalda í Skaftafelli

    Halðið að það verði ekki notó!

    - Játaði Karen


    sunnudagur, júní 25, 2006


    Life of a party

    Mikið var gaman að passa pjakkanna litlu í gær, ég var gjörsamlega búin á því og drengirnir rauðfjólubláir af æsingi. Þeir voru teknir í milljón kleinur og svo tók ég fyrir þá nokkur dansatriði og leyfði þeim að "smíða" mig með allskonar plastverkfærum.
    2 klukkutímar voru fljótir að líða í svona skemmtilegum félagsskap og áður en ég vissi af var ég komin heim til mín að drekka Daquire með blönduðum berjum og gera mig sæta með stelpunum.
    Við dilluðum okkur og ég hélt örnámskeið í magadansi og íbúðin var undirlögð af sveiflandi mjöðmum. Við fórum svo snemma í bæinn, hittum fullt af gömlum skólafélögum og hristum bossana vel og vandlega. Ég fór þó snemma heim enda hérumbil ósofin. En rosa skemmtilegt kvöld og verð ég að segja að ég er hissa á að Lóa vinkona hafi ekki komið hlaupandi frá Koben miðað við hvað við hugsuðum mikið til hennar.

    Hér eru nokkrar myndir


    Við Magga á leið í slag :Þ



    Magga skvísa



    Sætar stelpur :)


    Ragga þvílíka gellan







    Og svo bara ein í lokin af flotta gaurnum honum Ágúst Smára :)


    - Játaði Karen


    laugardagur, júní 24, 2006


    The Weird and the Unattractive

    Óli og Tobbi voru að spila á Kaffi Victor í gærkvöldi, við Magga mættum til að hlusta og njóta og var það gaman eins og alltaf. Ég var designated Daisy eins og svo oft áður sem er gaman. En svona er það þegar maður tekur að sér að vinna aukavakt kl 8:30 á laugardagsmorgnum ;)
    Það er svo fyndið með Kaffi Victor að alltaf þegar strákarnir eru að spila þá er alltaf amk 1 furðufugl mættur og ég á ekki við mig. Það var ein afskaplega undarleg kona mætt í gær. Myndar kona sem þó mátti muna sinn fífil fegurri. Ef að hún hefði verið fallega klædd og máluð þá hefði þetta verið frekar flott kona á rúmlega á miðjum aldri. En það var því miður ekki málið. Í staðin var hún í svörtum undirkjól þannig að vel sást í risavaxin húðflúr á baki og handlegg. Hún gekk um allt og sagði fólki að hún hefði gleymt að taka með sér tösku til að geta bent því á hversu sniðug hún var að hafa bara troðið, pening, síma, 2 varalitablýöntum og 1 varalit og Guð veit hverju fleira á milli brjóstanna á sér. Hún reyndi ítrekað að fá Óla til að kyssa sig og þegar Karen litla "bannaði" það þá vildi hún bara kyssa mig í staðin og Möggu og líka eitthvað saklaust pólskt par sem sat á næsta borði. Við Magga trúðum ekki eigin augum þegar konan reif svo kjólinn upp um sig til að laga netasokkabuxurnar og allur staðurinn fékk að sjá að hún gleymdi ekki bara töskunni sinni heima heldur líka NÆRBUXUM!!!! Hún sagði mér að hún væri komin á Victor til að finna Tyrkja eða Marokkóbúa en ég baðst vægðar þegar hún ætlaði að segja mér meira um hvað hún hygðist gera þegar þeir væru fundnir. Súlan á dansgólfinu kom svo að góðum notum þegar hún tók svæsinn dans síðar um kvöldið.
    Alveg merkilegt hvað til er af skrítnu fólki!!!!

    En ég er afskaplega syfjuð eftir þetta næturbrölt því að við Óli þurftum að vakna 7:30 í morgun, það var nefnilega Steggjun á matseðlinum hjá Óla í dag og keyrði ég hann rauðeygð upp í Þorláksgeisla í morgun á vit ævintýranna. Það verður gaman að sjá myndirnar þegar þeir eru búnir að pína hann Dabba vin sinn :)
    Þegar ég keyrði þarna um óbyggðir Grafarholtsins hugsaði ég með mér að gæti líklegast alveg eins átt bara heima á Kópaskeri eins og þarna í sveitinni. Bannað að móðgast ungfrú Beta en þú ert Dreifari hahahaha. Ég ætti samt að fara varlega í svona yfirlýsingar því að ég man ekki betur en að ég hafi gert stólpagrín af öllum mínum vinkonum sem eiga stationbíla, ég var sko á því að fá mér aldrei svoleiðis. En Óla finnst það svo sniðugt undir öll Hljóðfærin þannig að hver veit nema maður verði farin að aka um á svoleiðis kvikindi áður en ég veit af. Ég var líka alltaf á því að vilja ekki stórt hvítt brúðkaup en núna er ég búin að finna brúðarkjólinn minn og stend sjálfa mig að því að söngla brúðarmarsinn í tíma og ótíma.

    Here comes the bride, fat, big and white,
    there´s gonna be að fight in the bedroom tonight.

    Bullandi rómans!

    Þannig að ef þetta heldur áfram þá keyri ég eflaust innan skamms um Grafarholtið á Stationbílnum mínum fullum af börnum og hljóðfærum.





    - Játaði Karen


    föstudagur, júní 23, 2006


    Coco Chanel

    Þegar ég var að vinna út á Krít þá göntuðumst við heilmikið í gullbúðinni, eitt grínið var að tala um Coco Chanel þegar fólk var alveg sérlega sveitt og lyktandi. Og þegar sveitt manneskja fór út úr búðinni þurfti ekki nema bara að segja Coco og þá sprungu allir úr hlátri. Sérlega þroskaður húmor ég veit en svona er maður bara barnó!
    Ég hef svo sem viðrað þá skoðun mína áður að mér finnst það frekar óafsakanlegt að vera illa lyktandi á Íslandi í dag nema þú sért útigangsmanneskja. Mér finnst það að þrífa sig ekki sýna litla virðingu fyrir sjálfum sér. Ég er mjög viðkvæm fyrir vondri B.O (body oder) og það er fátt sem að fer meira í mig en gömul súr svitalykt. Ég sver það, það var að fara héðan úr vinnunni hjá mér maður sem lyktaði eins og hann byrjaði morguninn á því að nudda hráum lauk hressilega í handarkrikana!!!!
    Alger ÓBJÓÐUR!!!!

    En það er kominn fösturdagur sem er gleðiefni hið mesta, þrátt fyrir það að ég sé að vinna á morgun í 8.5 tíma þá er samt gott að helgin er komin. Busy helgi að venju en planið er so far að útrétta á hraða ljóssins eftir vinnu í dag, fara að horfa á 2/3 af Nópí spila í kvöld og svo vinna á morgun, passa tvo gullfallega litla drengi annað kvöld og svo kíkja út á lífið.
    Ég hugsa að ég verði dauðuppgefin á sunnudag en þá ætla ég líka að lúlla og slaka allan daginn ;)


    Smells!!!!


    - Játaði Karen


    miðvikudagur, júní 21, 2006


    Tasty treat!

    Flugnabit hafa verið heitt umræðuefni á mínu heimili upp á síðkastið, ástæðan er sú að hún Sigga tengdamamma mín var svo óheppin að vera næstum étin upp til agna í fríinu sínu á Ítalíu og stórsér á henni eftir bitin. Ég sagði við manninn hennar að hann ætti bara að segja henni að hún væri bara svona sæt að flugurnar yrðu bara að smakka aðeins á henni. En það er ekki gaman að lenda í svona flugum hvort sem maður er sætur eður ei. Eitthvað var rætt hvort að það væri blóðflokkurinn sem að hefur eitthvað með þetta að gera en ég held að við Sigga séum í sama blóðflokki og ég er þá undantekningin sem sannar regluna. Mér finnst ég vera alveg ofsalega sæt en það er nokkuð víst að herskarar moskító flugna er mér algerlega ósammála. Þær vilja ekki sjá að bragða á mér og í einu skiptin sem ég hef verið bitin er þegar ég hef setið eða legið of nálægt einhverjum sem er flugnasælgæti. Þá hafa aumingja flugurnar legið farlama eftir af ógleði og kúgast skelfilega. Í þau örfáu skipti sem ég hef verið bitin þá bólgna ég lítið sem ekkert og er ég að hugsa um að bjóða mig fram í einhverjar rannsóknir því að kannski er ég bara flugnafælan sem heimurinn bíður eftir. Þeir John Pickett og James Logan sem er ofsa klárir vísindamenn hafa gert rannsókn á þessu máli nefnilega og komust að því að það er ekki málið að sumir séu meira girnó fyrir flugum heldur eru aðrir eins og ég minna ljúffengir. Við heppna fólkið gefum frá okkur lykt sem að hylmir yfir nammiblóðlyktinni. Það er sem sagt eitt sem að þið étna fólkið getið gert og það er að taka mig með í fríið og hafa mig nálægt ykkur ;)
    Að lokum smá Useless info, það eru aðeins kvenmoskító sem drekka blóð, strákarnir vilja bara blóm!


    - Játaði Karen


    þriðjudagur, júní 20, 2006


    What are the odds???

    Kíkti á símann minn rétt í þessu og sá þar missed call, eitthvað afar ókunnugt númer sem var greinilega út á landi, ég fletti því upp í símaskránni og þá var það Dvalarheimili aldraðra Hvammur á Húsavík sem var að reyna að ná í mig. Ef það er eitthvað sem er ekki fyrir aldur(sára) konu eins og mig þá er það að elliheimilin séu byrjuð að hringja í mig áður en ég verð þrítug. Samstarfskonur mínar göntuðust með það að eflaust væri bara verið að staðfesta "plássið" mitt og ég þakkaði þeim fyrir stórfelldum barsmíðum og líkamsmeiðingum. Ég ákvað að ég yrði að komast að því hvers vegna Dvalarheimilið Hvammur var á höttunum eftir mér og hringdi þangað.
    Það svaraði mér ung kona sem kannaðist ekkert við að hafa hringt í mig né nokkur annar á Dvalarheimilinu. En þegar hún kom aftur í símann þá segir hún " bíddu sagðistu heita Karen?" Já svara ég. Karen mín??? Spyr hún, úr Baðhúsinu? Já svara ég og svo hlæjum við eins og bjánar. Þá var þetta hún Hrefna kunningjakona mín og fyrrum samstarfskona í Baðhúsinu. Hún hafði ekki hringt í mig en hverjar eru líkurnar á að ég hringi til Húsavíkur og lendi fyrir tilviljun á einu manneskjunni sem ég er þekki á Húsavík!!!
    Meiri brandarinn!! Ég spjallaði við hana í smástund og bað hana svo að biðja gamla fólkið að hætta að gera í mér símaat!!!!!!


    Svona verðum við Óli á elliheimilinu :Þ Skál fyrir því!


    - Játaði Karen


    mánudagur, júní 19, 2006


    Wonderful

    Þá er ég búin að vera viðstödd fyrsta brúðkaup sumarsins og mikið var það yndislegt. Þórey og Svabbi voru gefin saman í Akraneskirkju á laugardaginn, Óli söng 2 lög í kirkjunni sem var yndislegt, ástin ljómaði af brúðhjónunum og var ekki hægt annað en að gleðjast. Veislan var hin glæsilegasta, mikið dansað enda stórkostleg hljómsveit að spila. Já, strákarnir í Nópí eru farnir að taka að sér brúðkaupsgigg og héldu þeir uppi glimrandi stemmingu. Ég var að tala um það við Óla að þegar það kemur að honum þá er ekki til nein hógværð í mér og þegar einhver gefur sig á tal við mig til að hrósa tónlistarhæfileikum hans er mitt svar yfirleitt "ég veit það, ótrúlega flottur gaur." Það er líka gaman að ganga undir nafninu Kona söngvarans en ég var kynnt þannig fyrir einum krúttlegum afa í veislunni.
    Í alla staði frábærlega velheppnaður dagur!

    Bleikur dagur í dag, ég og samstarfskonur mínar allar í bleiku til að fagna deginum. 91 ár síðan íslenskar konur fengu kosningarétt og er ég afar þakklát þeim konum sem börðust fyrir þessum rétti sem alltof margir taka sem sjálfsagðan hlut. Ég vil líka minna ykkur á að enn eru konur sem ekki hafa rétt til að kjósa og um að gera að hugsa líka til þeirra á þessum degi.

    Til hamingju með daginn konur!


    - Játaði Karen


    föstudagur, júní 16, 2006


    Reykjavík´s most wanted!

    All right, everybody be cool, this is a robbery! Any of you fucking pricks move, and I'll execute every motherfucking last one of ya!

    Eftir að hafa komist að því að hamborgararnir sem keyptir voru í Bónus voru orðnir öskugráir og lyktuðu eins og gamall sokkur bleyttur með ediki, trítlaði ég út í 10-11 að versla eitthvað í matinn fyrir okkur Hlyn. Hlynur var á fullu að leika sér með 2 strákum út á róló en notaði tækifærið þegar hann sá mig til að biðja mig um að fara inn með sverðið sitt. Það var að sjálfsögðu lítið mál og ég tók sverðið með mér að versla. Þarna stóð ég með plastsverð í vinstri hendinni 2 drykkjarfernur í hinni og frosna pizzu undir handleggnum og stóðst ekki freistinguna að sprella aðeins. Þegar ég kom að kassanum horfði ég grafalvarleg á strákinn lyfti sverðinu og sagði " Þetta er rán" við horfðumst í augu og sprungum svo bæði úr hlátri. Svo flissaði ég alla leiðina heim að því hvað ég er fyndin :)

    Ég var að fara gegnum geymsluna hjá systir minni og fann þar eina bók sem ég hélt mikið upp á sem barn, Sólarblíðan eftir Véstein Lúðvíksson. Ég tók bókina með mér heim og við Hlynur lásum saman í gærkvöldi, það mátti ekki sjá hvort okkar skemmti sér betur en við rúlluðum bæði um af hlátri yfir uppátækjum Margrétar Þorgerðar einnig þekktri sem Sólarblíðan.
    Greinilegt að bókin er klassísk þar sem að ég hafði alveg jafn gaman að henni fyrir rúmum 2 áratugum síðan. Þegar við erum búin með þessa ætla ég að gera leit að framhaldinu sem heitir Sólarblíðan Sesselía og mamman í krukkunni sem er ennþá fyndnari.
    Ef ég finn hana ekki í geymslu þá fer ég bara með sverðið hans Hlyn á næsta bókasafn og tek hana með valdi :Þ



    - Játaði Karen


    fimmtudagur, júní 15, 2006


    Body shaped like an hourglass!


    "Karen verða konur að eignast börn?"
    Við sátum við nýja eldhúsborðið hennar Möggu í nýja eldhúsinu hennar Möggu og Hlynur leit upp frá stórglæsilegri teikningu sinni af veiðiskipinu Æðakóngnum til að spyrja mig þessarar spurningar.
    "Nei bara ef þeim langar til þess" svaraði ég, hann kinkaði kolli og hélt áfram að teikna og við ræddum þetta ekkert frekar.

    Ég hélt samt áfram að hugsa um þetta, hvað finnst ykkur stelpur, verðum við???
    Ég trúi algerlega á rétt kvenna til að velja Minn líkami, mitt líf, mitt val, alltaf!
    En því er ekki að neita að samfélagið gerir vissar kröfur á konur varðandi barneignir, konur sem velja að eignast ekki börn eru yfirleitt stimplaðar sem eitthvað gallaðar. En við eigum líka að mennta okkur, vera fjárhagslega sjálfstæðar, í góðu starfi, finna fyrirmyndar mann, líta vel út, og halda fallegt heimili. Það kemur því ekki á óvart að konur eru í síauknum mæli að fresta barneignum. Nútíma læknavísindi hafa líka gert konum kleift að bíða og getum við nú fætt af okkur börn þrátt fyrir að vera komnar yfir Best Fyrir dagsetninguna!
    En lífsklukkan er samt engin skeiðklukka sem fer bara í hringi endalaust heldur er hún stundarglas og á endanum þegar allur sandurinn er runninn þá nær það ekki lengra. Við getum ekki beinlínis staðið á haus í þeirri von að endurlífga uppþornaða eggjastokka :Þ

    En þá verður maður bara vera sniðugur og skella nokkrum eggjum í frost og geyma til mögru áranna eða ætti ég að segja gömlu áranna hahahahaha!

    En kannski er ekki rétt að ætla samfélaginu þessar kröfur, erum við kannski bara að setja okkur þær sjálfar, neysluhyggjan í nútímasamfélagi gerir ekki ráð fyrir þeim breytingum sem foreldrahlutverkinu fylgja. Er þetta ekki eins og allt annað spurning um val og forgangsröð??



    - Játaði Karen


    miðvikudagur, júní 14, 2006


    It´s like that, and that´s the way it is!

    Ég mætti í ræktina eftir vinnu í gær, var illa þjáð af feitunni og dreif mig af stað til að redda því hið snarasta. Var samt ekki vel upplögð, þreytt og svöng. En stundum er það bara þannig, well ég fór upp í sal stökk upp á næsta tæki sem ég sá alveg tilbúin að kúpla mig út úr sjálfri mér og bara svitna. En no such luck, við hliðina á mér var ung kona sem var að spjalla við vinkonu sína, hún var ekki samt beinlínis að spjalla heldur var hún að KALLA á hana þó að hún væri við hliðina á henni. Það var ekki nokkur leið að drekkja blaðrinu í henni ekki einu sinni þó að ég stillti tónlistina í botn.
    "Bla bla bla ég er að hugsa um að hætta með honum bla bla bla hann er samt svo góður í að sleikja mig upp bla bla bla hann á örugglega eftir að hringja en samt ekki"

    Mig langaði mest að pikka í hana og öskra HANN Á EKKI EFTIR AÐ HRINGJA ÉG MYNDI SKO EKKI HRINGJA Í ÞIG HELDUR!!!!!
    Alveg merkilegt hvað sumt fólk getur stuðað mann!!!

    Ég leyfði þessari stelpu alveg að eyðileggja æfinguna fyrir mér sem er ótrúlega leiðinlegt!

    Óli fór að vinna í morgun og við Hlynur baby bara að dúllast tvö, ég vaknaði reyndar með andfælum við að hann var að kalla á mig en hann var þá bara steinsofandi að tala uppúr svefni krúttið. Þeir feðgar ótrúlega skemmtilegir hvað þetta varðar spjallandi við mann svona steinsofandi og sætir!

    - Játaði Karen


    þriðjudagur, júní 13, 2006


    I am the King of the Ironfist Tournament

    Ég er með svakalega íþróttameiðsli í dag. Á virkilega erfitt með að pikka þetta inn því að fingurnir á mér vilja allir glenna sig sem lengst út vegna þess að þeir eru svo meiddir.
    Litlu greyin!

    Ástæðan fyrir þessum meiðslum og óvenjulega háu testasterón magni hjá mér í dag er sú að ég var að spila TEKKEN 4 í gærkvöldi. Ég var búin að gleyma hvað það er gaman að leika sér í Playstation. Á meðan prinsinn svaf og Óli var í Egilshöllinni var ég að berja líftóruna úr ÖLLUM. Það er nokkuð ljóst að ég er ekki að þroskast, bara að eldast og verð eflaust skemmtileg amma sem rífur leikjatölvurnar af barnabörnunum!!!

    "Svona krakkar nú má amma, farið inn í bílskúr og biðjið afa að spila eitthvað á gítar fyrir ykkur, heyrðu góða ef þú hleypir ekki ömmu að þá baka ég engar pönnsur handa ykkur. #"$&$!&# það var ég sem gaf ykkur þetta í jólagjöf"!!!!

    Haldiði að það verði huggulegt????



    K.O

    You Win


    - Játaði Karen


    laugardagur, júní 10, 2006


    Sweating bullets!

    Mætt spræk í Baðhúsið að vinna pínupons, rosa gaman að koma hérna í smástund að leika, halda sér í símsvörunar, snyrtistofubókunar, myoplexhræringa formi. Um að gera!!
    Áður en að ég byrjaði að vinna skellti ég mér aðeins að hlaupa og tók létta 20 mín keyrslu. Ég var varla byrjuð að hreyfa mig þegar ég byrjaði að svitna alveg svakalega. You go girl, hugsaði ég, svona á að gera það. Svitinn dropaði niður hökuna á mér og lítið fljót rann niður bakið. Djös massi er ég orðin hugsaði ég ánægð með að taka svona flott á því. Ég leit í kringum mig og allar konurnar voru virkilega sveittar og flottar og mig langaði óstjórnlega að öskra upp KOMA SVO STELPUR!!!!! Ekkert smá gaman, þegar ég var búin ákvað ég nú samt að kíkja aðeins inn í kompu og viti menn það var slökkt á loftræstingunni.
    Alger bömmer og ég bara enginn massi.

    - Játaði Karen


    föstudagur, júní 09, 2006


    Desert: the dry kind!

    Mig langar í desert en mig langar ekki að vera desert, það er eitthvað undarlegt að gerast með húðina á mér. Ég er að breytast í dýr sem er með hreistur. Ég er svo rosalega þurr að húðin mín minnir óneitanlega á þetta .....

    Charming ekki satt??? Ég er búin að reyna flest allt og maka reglulega á mig ólívuolíu og öllum rakakremum sem finnast á jarðkringlunni. Magga var hjá mér aðeins í gærkvöldi og dáðist að því hvað ég var fallega hreistruð á leggjunum. "Hefurðu prófað Bodybutter frá Bodyshop" spurði þessi elska mig. Bodybutter my behind, hvað með bara venjulegt Butter??? Það vildi svo heppilega til að við áttum smjörstykki inn í ísskáp og eftir að Magga fór þá bara smurði ég því á mig alla. Fyrst var það bara nokkuð gott en svo fattaði ég að það er salt í smjöri og djöfull sveið það!!!!!!!!!

    Ef þið trúið þessu þá eruð þið bara alger krútt!!!

    Ég bar hins vegar á mig mikið af olíu og ég er aðeins skárri í dag, ekki alveg eins og risaeðluungi en samt ekki langt frá því. Þetta er mjög undarlegt því að ég drekk alveg 3 lítra af vatni á dag og tek lýsi og omega 12 og borða fullt af ólívuolíu þannig að það er bara mjög asnalegt að ég sé alltaf eins og Sahara eyðimörkin. Endilega gefa mér ráð ef þið kunnið töfralausn á húðþurrki!

    En það er komin niðurstaða úr Sperru rannsókninni og ég er bara í fínu formi í dag, ég get sest og staðið upp aftur og ég get auðveldlega lyft kaffibollanum að vörunum þannig að ég er sátt. Ég finn fyrir því að ég tók á því en ég er ekki krippluð af harðsperrum þannig að ég ætla aldrei aldrei aftur að teygja eftir æfingar en í staðin bara hlaupa og fara svo í jógatíma 1 sinni í viku! Það er loksins komin helgi aftur og mikið er ég glöð, Hlynur baby að koma til okkar á morgun og ég hlakka svo til :) Ætla að taka smá aukavinnu í Bathinghouse seinni partinn á morgun og svo bara njóta helgarinnar við að hjálpa Möggu að taka uppúr kössum og knúsa uppáhalds strákana mína :Þ sem verður bara gaman!


    - Játaði Karen


    fimmtudagur, júní 08, 2006


    The rythm is gonna get you!


    Ohhh Gloria Estefan sannari orð hafa sjaldan verið töluð, takturinn mun ná þér á endanum...... eða hvað???
    Ég vaknaði klukkan 6:00 í morgun og var mætt í ræktina 25 mínútum síðar, ég hefði örugglega ekki farið af stað nema að ég vakti Óla með klukkunni og hann fór aðeins á fætur til að fá sér smá sígó og ég hafði ekki samvisku í að halda áfram að kúra fyrst að ég dró hann á fætur. Ég renndi upp í Baðhús og mætti í Body pump, um að gera að fá sér smá Hair of the dog.... svona smá vöðvaafréttara. Kennarinn sem var að kenna er mjög indæll hann vakti mig til umhugsunar um það hversu mikilvægt það er að hafa takt.
    Í líkamsræktarsalnum, á dansgólfinu, í svefnherberginu, í lífinu. Sumt fólk virðist vera með svo mikinn meðfæddan takt að það er alltaf eins og það sé að dansa, allar hreyfingar verða þokkafullar og líðandi. Svo eru aðrir sem að virðast alltaf vera á skjön við lífstaktinn sumir í hreyfingu og aðrir í hegðun og sumir í bæði!
    Ef að lífið er dans þá vil ég að mitt sé Tangó, ekki of hraður, glæsilegur og fullur af ástríðu.
    En sumir virðast bara alltaf vera að Breika!



    Ég er að gera (sk)vísindalega rannsókn á kroppnum á mér, málið er það að ég fæ alltaf svo svakalegar harðsperrur að það er engu líkt, það er alltaf verið að segja við mig að ég þurfi bara að vera duglegri að teygja en ég er ekki svo viss um að það sé rétta leiðin til að bæta úr þessu.
    Í morgun í staðin fyrir að teygja eftir lyftingarnar fór ég og hljóp eins og kölski væri á hælunum á mér í 20 mínútur og ég er nokkuð viss um að það sé mun betri leið til að sleppa við sperrurnar!
    Ég skal láta ykkur vita hvernig rass-sókninn heppnast og hvort að ég get gengið á morgun :Þ

    - Játaði Karen


    miðvikudagur, júní 07, 2006


    No pain no gain!

    Það er alveg merkilegt að þegar það er ekki búið að vera neitt að gera í vinnunni í lengri tíma þá um leið og við erum undirmannaðar þá verður allt crazy! Það mætti ætla að það sé verið að auglýsa ókeypis þinglýsingar og niðurfellingu stimpilgjalda í útvarpinu því að það er allt að verða snarbrjálað hérna. Síðustu daga þá erum við búnar að standa sveittar við vinnuna og erum að komast út rúmum klukkutíma seinna en venjan er. Mér finnst þetta rosa leiðinlegt sit súr eins og óþroskað grænt epli við tölvuna.
    Ekki er það til að bæta skapið hjá mér að harðsperrunar eru gjörsamlega að gera útaf við mig og ég labba um embættið alveg eins og krabbi eða einhver með mikinn kúk í buxunum, sérlega heillandi. Ég mætti í gymmið í morgun til að reyna að kreista mjólkursýruna úr lærvöðvunum, það gerði lítið gagn en ég fékk að sjá Bubba spígspora um á nærunum og hvítri skyrtu.
    Eftir ræktina fór ég niður á nemendaskrá Háskólans til að fá kvittun fyrir skólagjöldunum og mikið fannst mér fyndið að þurfa að borga 300 kr fyrir kvittun um að ég væri búin að borga 45.000 kr! En það er í góðu lagi því að indæla fólkið í SFR ætlar að borga mér þetta tilbaka, gaman að stéttarfélögin taki þátt í að borga fyrir menntun manns :)


    Bite me :Þ


    - Játaði Karen


    þriðjudagur, júní 06, 2006


    Jumping Jack

    I was born in a cross-fire hurricane
    And I howled at my ma in the driving rain,
    But it's all right now, in fact, it's a gas!
    But it's all right.
    I'm Jumpin' Jack Flash,
    It's a gas! Gas! Gas!

    Þegar Óli fór eldsnemma í morgun komst ég rétt svo til meðvitundar til að kveðja hann með kossi, ég stillti svo klukkuna upp á nýtt til að vekja mig í ræktina. Well ég mætti í Body Pump og pilates magaæfingar í gærmorgun og fór svo að mála með Möggu allann daginn í gær þannig að ég var ágætlega lurkum lamin. Ég sofnaði aftur með símann á koddanum hans Óla og vaknaði svo við þvílíkann samdrátt í öllum útlimum svo að ég kipptist öll til og síminn hentist út á mitt gólf ásamt sænginni. Alveg eins og Sprelligosi!!! Að mæta í ræktina stóð mér ekki til boða þar sem að ég komst ekki framúr og ég varð sein í vinnuna því að ég ætlaði aldrei að komast í fötin og lagði ekki í að reyna einu sinni að fara í sokka.


    Please DON´T pull my string!!!

    Annars var helgin bara fín, strákarnir héldu uppi bullandi stemmingu á Viktor á föstudagskvöldið, þetta var í fyrsta sinn sem ég mæti að sjá þá þarna án þess að vera bílandi og við dömurnar skemmtum okkur og öðrum svívirðilega vel!
    Laugardagurinn fór í að ná sér eftir föstudaginn. Svo á sunnudag var farið í barnaafmæli hjá honum Arnþóri Röggu og Sævarssyni sem fagnaði 1 árs afmæli sínu með veislu sem var þó líkari fimmtugsafmæli og það verður að segjast eins og er að móðir hans var eins og hvirfilbylur í eldhúsinu :) Húsið var fullt af börnum og rosa stuð!
    Við hjónaleysin skelltum okkur svo að sjá Da Vinci lykilinn sem var voða fínt.
    Og svo máluðum við með Mögguskottinu í gærdag!
    Viðburðarrík helgi og ömurlega mikið að gera í vinnunni og ég bíð eftir að klára þennann leiðinlega mánudag í dulargervi!

    - Játaði Karen


    föstudagur, júní 02, 2006


    A short story and a tall tale


    Ég ætla að segja ykkur sögu, fallegt ævintýri jafnvel. Þessi saga útskýrir afhverju ég er í dag rauðeygð, bakbrotin, dofin í hægri hendinni og með þumalfingur sem er eins á litinn og vel þroskað aðalbláber.

    Ungfrú Ulrich og Ikeaævintýrin!
    Saga okkar hefst snemma á fimmtudagskvöldi í byrjun júní...........
    Í lengri tíma er ég búin að vera á leiðinni að versla stærra eldhúsborð og stóla, Óli var á næturvakt í gær svo að ég ákvað að drífa í að versla þetta dót og skemmta mér við það á meðan hann væri ekki heima. Ég fékk bílinn lánaðann hjá litlu systur og brunaði af stað í Holtagarðanna.
    Auk eldhúsborðsins var eitt annað smálegt sem rataði í körfuna hjá mér eins og vaninn er þegar Ikea er heimsótt. Jokkmokk borð og stólar eru fallegir gripir sem mér var bent á að biðu mín í sjálfsafgreiðslunni 5-B. Ég veit ekki alveg hvað ég var að hugsa, hélt ég í alvörunni að stórt eldhús borð og 4 stólar myndu koma í litlum og léttum kassa????? Ég starði á kassann sem var hærri en ég og væn 35 kg af þyngd. Það var ekki nokkur leið að ég kæmi þessu skrímsli í innkaupakerruna mína! Eftir að ég var búin að vafra um í leit að stærri kerri fann ég loksins starfsmann sem gat hjálpað mér, ef ég hefði verið með segulstál með mér þá hefði ég verið fljót að finna hann því að drengurinn var með andlitið fullt af lokkum. Hann kom með kerru undir Jokkmokk, gerði grín að nafninu Jokkmokk og sýndi mér svo hælana á sér þegar ég ætlaði að biðja hann að hjálpa mér með Jokkmokk út í bíl. Hvað er að verða um æsku vors lands!
    Út á bílastæði horfði ég á hlunkinn og litla fjólubláa Hyundainn hennar systur minnar og bað Guð að hjálpa mér. Það er eins gott að ég er ekki há í loftinu því að með herkjum og miklum barning kom ég kvikindinu inn í bíllinn. Ég settist svo á stýrið og notaði gardínustöng til að stíga á pedalanna. Hanna systir hjálpaði mér svo með Jokkmokk upp á 3 hæð og fannst henni að það svo erfitt að ég þarf að greiða fyrir að það með næturpössun á prinsinum hennar í amk 3 skipti hahahaha!
    Svo hófust lætin við að setja dótið saman en það tókst á endanum og klukkan 1 í nótt þegar ég var búin að stórskemma mig með Ikea 6kantinum stóð Jokkmokk inní eldhúsi í allri sinni dýrð. Ég hefði ekki getað verið stoltari þó að ég hefði fætt þetta borð og þessa stóla. Og stóð ég heillengi og horfði ástaraugum á sérhverja skrúfu sem ég hafði með "alúð" (hatursfullu bölvi,blóti og blóðsúthellingum) skrúfað á réttan stað.


    - Játaði Karen


    fimmtudagur, júní 01, 2006


    You are my sunshine, my only sunshine


    You make me happy when skyes are gray, tralllalalala.......
    Hann litli bróður minn er tvítugur í dag þessi elska, mér finnst það alveg stórskrítið að litli drengurinn sem elti mig eins og skuggi og hljóp um á nærbuxunum með viskustykki bundið um hálsinn að leika Batman sé orðinn tvítugur. Elsku litli unginn :)
    Ég er svo ótrúlega tímarugluð og er búin að vera á þeirri skoðun að í dag sé föstudagur alveg síðan í gær. Ég bíð spennt eftir að vikunni ljúki og ekki skemmir fyrir að það er 3 daga helgi framundan, SWEET!
    Ég var ótrúlega löt í gær og eftir heita sturtu lagðist ég útaf með hvítvínsglas og horfði á House of flying daggers. Hún var æðisleg, þvílík fegurð!
    Þegar ég var að fara í háttinn trítlaði ég fram til að læsa útidyrahurðinni og gekk framhjá fataskápnum frammi, einmitt þá lét mallinn á mér vita að ég væri svöng og ég heyrði þvílíkt garnagaul sem ég var af sjálfsögðu viss um að kæmi frá skrímslinu í skápnum sem að væri ÆST í að borða mig. Ég stökk upp í rúm og dró sængina yfir höfuð. Skrímslið yrði að láta sér duga að japla á gömlu strigaskónum hans Óla.

    En að allt allt öðru
    Þann 23. maí, varð breyting á afgreiðslu og framleiðslu vegabréfa á Íslandi og er vert að hafa eftirfarandi í huga.
    Engin gild vegabréf falla úr gildi þótt farið verði að framleiða nýja gerð vegabréfa.
    Afgreiðsla vegabréfa á höfuðborgarsvæðinu verður hjá Lögreglunni í Reykjavík, Borgartúni 7, hjá Sýslumanninum í Kópavogi, Dalvegi 18, og Sýslumanninum í Hafnarfirði, Bæjarhrauni 18. Umsækjendur eru ekki bundnir af því að skila umsókn í sama umdæmi og lögheimili þeirra er.
    Myndataka fyrir vegabréfaumsókn telst til öryggisatriða nýju vegabréfanna og fer hún því fram á sama stað og sama tíma og sótt er um án aukakostnaðar. Koma má með eigin mynd en hún verður að vera á rafrænu formi.
    Verð vegabréfa helst óbreytt.


    Mér finnst þetta snilld!


    - Játaði Karen