Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Nýlegir póstar

It´s facebook...

Back to school...

What to say, what to say?

Eldri póstar

fimmtudagur, maí 31, 2007

Or Thursday - watch the walls instead

Já það er aldeilis mikið um að vera hjá ungfrúnni Ulrich....var í fríi í vinnunni í gær og fór að hitta einn kennarann minn til að kynna fyrir henni eitt verkefnið mitt, hittumst á skrifstofu Þróunarsamvinnustofnun Íslands sem er æðislegur staður og mig langar að vinna þar þegar ég verð stór. Við spjölluðum heillengi eftir kynninguna og það er svo yndislega ljúft að tala við fólk með sömu stefnur og skoðanir á málefnum þróunarlanda og maður sjálfur. Hressandi og upplífgandi. Ég er ákveðin í að halda áfram að skoða málefni kvenna í þróunarlöndum og einbeita mér að því í framtíðinni. Þóra yndislega mágkona mín átti svo líka afmæli í gær og buðum við henni í mat og hitting eftir vinnu í gær, sem var rosa gaman. Við Óli enduðum kvöldið reyndar á frekar erfiðum nótum en við horfðum saman á heimildarmyndina Shake hands with the devil um Romeo Dallaire yfirmann friðargæslunnar í Rwanda þegar þjóðarmorðin voru framin. Maður mun aldrei komast nærri því að ímynda sér hryllinginn sem átti sér stað þar og Sameinuðu þjóðirnar og vesturlöndin munu aldrei ná að þvo blóð allra þeirra sem dóu af höndum sér.
En nú er ég komin aftur í vinnu og sat fyrirlestur í morgun um störf fullnustudeildar þannig að ef þið þurfið upplýsingar um fjárnám, uppboð og útburð þá bara senda mér línu....og ég læt nema fé ykkar, bjóða ykkur upp og bera ykkur út med det samme :þ
Brjálað að gera um helgina skal ég segja ykkur, Hlynur babygaur er að koma á morgun, það er þrif á sameigninni með tilheyrandi grilli og gleði annað kvöld, 2 ára afmæli og matarboð á laugardag og stórfjölskylduhittingur á skaganum á sunnudag. Mikið hlakka ég til!
Að lokum ætla ég að deila með ykkur þessu fallega ljóði sem við fengum sent frá yfirmanni okkar í morgun...sumarlegt og fallegt.

Sól, stattu kyr! þó að kalli þig sær
til hvílu – ég elska þig heitar.
Þú blindar mín augu, en þú ert mér svo kær,
Og eins hvort þú skín eða bæn minni neitar.
Ég sæki þér nær, þótt þú færir þig fjær –
Þótt þú fallir í djúpið mitt hjarta til geislanna leitar!

(Sigurður Sigurðsson frá Arnarholti)

- Játaði Karen

þriðjudagur, maí 29, 2007

Euphoria Morning

Nýji diskurinn með Chris Cornell er búin að vera í stöðugri spilun í bílnum í rúma viku, hann er ósköp notalegur og rómantíkin ég er alveg að fíla lagið Finally Forever sem er voða fallegt....

Sumarið er loksins komið, sólin skín og fuglarnir syngja, ekki var það verra að fá svona einn auka frídag og var helgin vel nýtt.

Á föstudaginn fór ég í Kópavog að aðstoða í útskriftarveislu og hitta hana Lóu mína, það var heilmikill hasar í veislunni og ég var vel þreytt þegar ég kom heim. Á laugardaginn var svo stóra stundin upprunnin og við fórum í mat og partý til Þóru mágkonu. Rétt áður en að sest var að snæðingi hringdi dyrabjallan, Þóra fór til dyra og upphófust mikil óp og hróp.... það voru komnir leyni, leyni, leynigestir, svo miklir leyni að það vissi ENGINN að von var á þeim. Sigga og Þórður tengdó voru komin frá Köben. Æðislegur glaðningur og allir alsælir að sjá þau!!

Við borðuðum æðislegan mat og svo voru drukknir margir góðir drykkir og sungið og trallað fram á nótt. Rosalega velheppnaður fögnuður í alla staði. Á sunnudaginn var legið og reynt að jafna sig sem gekk ekkert voða vel en ég var komin til betri heilsu um kvöldið og kíkti í kaffi til mömmu og svo meira kaffi til Möggu til að kveðja Lóuna elskulegu.

Gærdeginum var svo eytt upp á Skaga í sólinni að grilla og hafa það gott í góðum félagsskap. Búið að vera nóg að gera sem sagt :)

- Játaði Karen

laugardagur, maí 26, 2007

Laugh Riot!

Litlir krakkar geta verið svo miklir snillingar!

Elskulegur systursonur minna sem er 4 ára er þar einna fremstur í flokki, hann er ALGER snillingur. Hann gisti hjá ömmu sinni í nótt og er þá vaninn að fara í allskonar leiki með ömmu. Amma er sjúklingur og hann læknir, svo undarlega virðist vera að hann er læknir sem að heldur að eina viðurkennda lækingaraðferðin sé að saga fætur af og bora í sjúklingana. En hann sló öll met með löggu&bófa leiknum sem hann fór í með ömmu sinni í gær. Hann var búinn að handtaka ræningjann (ömmu) og henda honum í fangelsið (inní herbergi) og var á fullu að yfirheyra glæpamanninn. "Hvar eru peningarnir og frá hvaða tungli ertu?" Í miðri yfirheyrslu stoppar hann og otar fingrinum að fanganum og segir "ræningi, ég þarf að kúka. Ekki hreyfa þig fyrr en ég kalla á þig til að skeina mér."

Fanginn gat ekki hreyft sig því að hann var í hláturskasti!!!

Lögreglumaðurinn sat svo á klósettinu með galopna hurðina þegar að bróðir minn labbaði framhjá....þá heyrist í lillanum "Getur maður fengið smá frið?"

Þessi saga verður sko sögð þegar hann kemur með fyrstu kærustuna heim.....ekki spurning!!!

You have the right to remain silly!!

- Játaði Karen

föstudagur, maí 25, 2007

Cold summer morning

Ég labbaði í vinnuna áðan og ég þurfti að hafa á mér húfu og vettlinga....ÞAÐ ER 25 MAÍ!!

Meiri vitleysan í þessu veðri alltaf hreint.

En það er allt í lagi því að það er YNDISLEG löng helgi framundan... Lóa mín er á landinu því það er verið að útskrifa litla bróður hennar og ég ætla að fara að hitta hana í kvöld og hjálpa aðeins til í veislunni. Svo er námslokapartý hjá Þóru mágkonu annað kvöld sem er að fagna útskrift sinni úr Íslensku í Háskólanum. Ótrúlega gaman!!

Þess á milli ætla ég að dúlla mér í ræktinni og svo bara slaka algerlega á og njóta fyrstu helgarinnar í langan tíma sem ég get áhyggjulaus leikið mér.

Búið að vera góður mánuður hvað varðar frí en það eru búnir að vera 3 auka frídagar sem er bara skemmtilegt, gæti vel vanist því að vinna bara 4 daga í viku. Spurning um að fara fram á það í næstu kjarasamningum :þ

Hafið það gott um helgina!

Og svo SLAKA....

- Játaði Karen

fimmtudagur, maí 24, 2007

Glory glory halleluja

Var að fá einkunina fyrir B.A ritgerðina mína
Heimilisofbeldi gegn konum: Greining og úrræði

OG ÉG FÉKK 8

Er að springa úr hamingju :D

- Játaði Karen

þriðjudagur, maí 22, 2007

Lovely day

My oh my what a wonderful day!

Held að það hafi fá hljóð vakið hjá mér eins mikla gleði eins og hljóðið þegar að síðasta ritgerðin rann ofan í hólfið hjá kennaranum. Leið svo í allt gærkvöldi eins og ég væri að gleyma einhverju, þarf örugglega nokkra daga til að átta mig á að þessari törn er lokið. Var mjög ánægð með síðustu ritgerðina, og veit núna allt um ólöglega demanta og hvað þeir standa fyrir. Við Óli horfðum á myndina Blood diamond á sunnudaginn og var áhugavert að sjá það sem ég var búin að vera lesa um, myndin er góð og vel hægt að mæla með henni.

Nú taka bara við ljúfir afslappandi tímar þar sem að ég þarf bara að sinna vinnunni minni og á frí á kvöldin. Held að það sem verður fyrst á dagskrá sé að heilsa upp á vini og ættingja en það hefur lítið verið gert af því undanfarið.

Við skötuhjúin fórum að sjálfsögðu að taka á því í morgun þrátt fyrir mótmæli ungfrú Ulrich sem var sybbin og vildi alls alls alls ekki fara á fætur.

Það var nú meira hvað sumt fólk er spes alltaf (ó)hreint, ekki það að maður búist ekki við því að fólk sé sveitt í gymminum, en maður býst ekki við því að fólk lykti eins og sinnepsgas. Ég átti hreint út sagt erfitt með að einbeita mér að lyftingunum fyrir SMELLINU!!

Vildi að ég hefði haft Ajax og garðslöngu, þá hefðu sumir farið í bað hvort sem þeim líkaði eða ekki :D

Don´t make me get the HOSE!!

- Játaði Karen

mánudagur, maí 21, 2007

Freedom

Ég er frjáls
Ég er frjáls
frjáls eins fuglinn.
Ég er frjáls og ég skemmti mér
Ég er frjáls!!!!

Gleðilegt sumar everybody!!

- Játaði Karen

sunnudagur, maí 20, 2007

Why indeed?

Modern globalization,

Coupled with condemnations,

Unnecessary death,

Matador corporations,

Puppeting your frustrations,

With the blinded flag,

Manufacturing consent,

Is the name of the game,

The bottom line is money,

Nobody gives a fuck.

4000 hungry children leave us per hour,

From starvation,

While billions are spent on bombs,

Creating death showers.

BOOM, BOOM, BOOM, BOOM,

Every time you drop the bomb,

You kill the god your child has born,

BOOM, BOOM, BOOM, BOOMBOOM/

BOOM/BOOM/BOOM/BOOM/BOOM/BOOM

Why, why, why, why must we kill, kill, kill, kill

Our own, own, own, own kind...

System of a down snillingar!

- Játaði Karen

laugardagur, maí 19, 2007

Finishline....here I come!!

Búið að vera busy busy dagur. Mössuðum það í ræktinni og fórum svo í Laugardalinn. Þvílíkt og annað eins brjálæði!!!! Húsdýra og fjölskyldugarðurinn var BLINDFULLUR af börnum og foreldrum sem öll ætluðu sér að eiga góða stund saman. En eins og vill verða þegar svona mikið af fólki er saman komið þá er það bara soldið erfitt. Hanna systir og Ágúst Smári komu með okkur og eftir að strákarnir fóru eina salibuni í landsins stærstu rennibraut ákváðum við að færa okkur annað og gera bara eitthvað sem væri í alvörunni skemmtilegt. Yndislegu geðgóðu drengirnir voru bara sáttir við sitt og kátir þrátt fyrir troðning og læti. Það var hægara sagt en gert að komast ÚT úr garðinum en hófst að lokum og vorum við öll frelsinu fegin. Við löbbuðum yfir í Grasagarðinn þar sem stemmingin var talsvert notalegri. Strákarnir fengu ís og fengu að kíkja á RISA GULLFISKA sem vöktu mikla kátínu. En fjörið var ekki á enda og næsta stoppustöð var einn minn uppáhalsstaður í Reykjavík, Hljómskálagarðurinn. Þetta er að ég tel eitt best varðveitta leyndarmál borgarinnar og alltaf gaman að koma þangað. Strákarnir spreyttu sig á risa klifurgrind og flögguðu töktum sem minntu helst á vin þeirra Spiderman.

Eftir þetta fóru Óli og Hlynur svo í sund og ég í fangelsið mitt við lyklaborðið.

Í dag er ég búin að innbyrða lífstíðarskammt af sorgarsögum. Barnahermenn, nauðganir sem vopn, limlestingar og sundurtætt líf. Beta vinkona spurði mig um daginn hvernig ég færi að því að halda gleðinni þegar ég væri sífellt niðursokkin í svona miklar hörmungar. Svarið er einfalt...ég trúi því að hægt sé að breyta þessu og ég trúi því að ég geti breytt þessu. Án þeirrar trúar væri þetta ekki hægt. En eins og titill þessarar færslu gefur til kynna þá eru ENDALOKIN NÆRRI og hafa aldrei verið eins sæt!

- Játaði Karen

föstudagur, maí 18, 2007

SOOOOO happy!

Ég mátti bara til með að fagna aðeins hérna inni, en ég á ekki nema 3500 orða ritgerð eftir til að vera búin með allt á þessari önn. Búin með fyrstu önnina í framhaldsnáminu. Þvílík sæla og hamingja. Núna á ég bara ritgerðina um blóðdemantana eftir og þá er ég done. Það eru skil á mánudaginn og ég er spennt eins og lítið grjón. Finnst alveg stórmerkilegt að ég sé búin að skila 3 ritgerðum á einni viku...já geri aðrir betur! Þetta er hreint út sagt unaðsleg tilfinning :)

En það er nóg að gera um helgina, en fyrir utan ritgerðarskrif þá erum við að hugsa um að smella okkur í eitthvað Stöð2 family MADNESS í Húsdýragarðinum á morgun, og svo er planið að kíkja aðeins á Skagann, taka á því í gymminu og baka vöfflur svo að eitthvað sé nefnt.

Ohhhh Children I am so happy!!!!

Það kraumar í mér gleðin :D

Þó að myndirnar séu ekki fullunnar þá mátti ég til með læða hérna smá preview úr fjölskyldumyndatökunni.

Hlynur ótrúlega flottur með gítarinn hans Pabba :)

Fallegust feðgar EVER!!

Aren´t we cute!

Jæja lömbin mín until next time this has been miss Ulrich giddy as a girl scout in a cookie factory!

- Játaði Karen

Rebellion

Ég er í alveg agalegum uppreisnarham, gengur illa að tjóðra mig við lyklaborðið til að klára síðustu metrana í skilunum fyrir þessa önn. Huggar mig meira að segja lítið að vita að þetta verður allt búið um helgina. Ekkert smá fínt að fá svona aukafrídag í gær, ég ætlaði að nota daginn til að klára þróunar-stríðs ritgerðina en var ekkert rosalega dugleg, svaf til 11, fór í ræktina, bakaði vöfflur, fékk Betu í heimsókn, lærði smá, svo kom Nonni í mat og tvgláp og þá mín kæru var dagurinn bara búin. Svona er þetta í lífinu, þú blikkar augunum og það líður heill dagur eins og ekkert sé. Tók með mér ritgerðina í vinnu hehehe ætla að nota dauða tímann til að kíkja aðeins á hana og svo verð ég bara að spýta í lófana eftir vinnu því að það eru skil í kvöld.
En þetta tekst eins og alltaf....
Beta kom sem sagt í gær í vöfflukaffi og myndasýningu en við vorum að renna yfir afrakstur fjölskyldumyndatökunnar. Rosalega fínar myndir og sumar svo sætar af Hlyni að það er bara æðislegt. Ég náði ekki að minnka þær til að setja inná síðuna en ég skal gera það um helgina.
Föstudagur....mikið er það fallegt orð! Finnst samt spes að vera spenntari fyrir því að helgin verði búin því að það verður yndislegt að vera laus allra mála á mánudaginn. Ég finn næstum því lyktina af frelsinu.
Góða helgi og sendið mér endilega stríðs, þróunarframlaga, uppreisnarhers, blóðuga átaka strauma..... eða bara eitthvað :þ

- Játaði Karen

þriðjudagur, maí 15, 2007

Hush..don´t tell!

Hvað er betra þegar maður er á fullu að reyna að hamra sundur og saman ritgerð og skilgreiningar um þróunaraðstoð en að blogga bara :þ
Ekki segja Óla...ok!!
Ég er ekki lítið búin að vera að stressa mig yfir þessu verkefni og er alveg að vera komin með B.A blóðþrýsting á þessu öllu. Gengur samt ótrúlega mikið betur en ég hélt...kannski vegna þess að mig dreymdi friðargæsluliða og lönd sem ég hef aldrei heyrt um í alla nótt.
Eins og venjulega var það vinnuveitenda mínum sönn ánægja að gefa mér frí í dag til að hamast í skóladótinu mínu. Yndislegt alveg hreint!
Ég er semsagt að gera samantekt á tvíhliða þróunaraðstoð, skuldum og eftirgjöf til fátækustu ríkjanna, friðargæslu, viðskiptum við þróunarlönd og árangri þróunaraðstoðar og í leiðinni að skrifa ritgerð um þróunarsamvinnu og stríðsátök. Haldiði að það sé!!

En pælið í þessu...

Um einn milljarður manna í heiminum hefur ekki aðgang að hreinu vatni og um 2,6 milljarðar manna hafa ekki aðgang að viðunandi hreinlætisaðstöðu.
Það kostar sjö milljarða US$ á ári í einn áratug til að komast yfir vandamálið á heimsvísu.
Fjárfestingin myndi bjarga um 4000 mannslífum á dag, tryggja betri heilsu og draga úr kröfum sem gerðar eru til tíma og vinnu stúlkna og kvenna við vatnsburð og önnur vandamál tengd þessum skorti
Þetta er svipuð upphæð og Evrópuþjóðir nota á ári í ilmvötn!!!!!!
Í ILMVÖTN PEOPLE!!!
Ég held að ég gæti vel hugsað mér að nota ekki ilmvatn í 10 ár og þess í stað bjarga einhverjum mannslífum...þó það væri bara einu!!!

Og ekki skánar það...

Á hverju ári deyr um hálf milljón manna, kvenna og barna af völdum skotvopna – það er ein manneskja á hverri mínútu allt árið um kring, og á hverri mínútu örkumlast tvær manneskjur af völdum skotvopna.
Talið er að ríki í Afríku, Asíu, Miðausturlöndum og Rómönsku Ameríku eyði um 1600 milljörðum króna í vopn árlega – en sú upphæð gæti gert þessum sömu löndum kleift að koma á almennri grunnskólamenntun og draga að miklu leyti úr ungbarna og mæðradauða í löndunum.
Suður Afríka eyddi 420 milljörðum króna í vopn árið 1999, þar á meðal í kafbáta, herflugvélar, herþyrlur og freigátur. Með þeirri upphæð hefði verið hægt að veita öllum eyðnisjúklingum í Suður-Afríku, en þeir eru fimm milljónir, læknisþjónustu í tvö ár.

Þau vopn sem nú eru á markaðnum eru svo létt og meðfærileg að tíu ára barn getur auðveldlega notað þau. Það er því engin furða að það skuli vera um 300.000 barnahermenn um heim allan.

Stundum nær maður eiginlega ekki andanum yfir óréttlæti heimsins.

WAR IS OVER...IF YOU WANT IT

- Játaði Karen

sunnudagur, maí 13, 2007

Mothersday

Til hamingju með daginn mæður!!!

Vona að börnin ykkar verði nú góð við ykkur í dag :)

Rosalega gaman hjá okkur í gær, við byrjuðum á afmælis-Eurovision-kosningapartýi hjá Röggu og Sævari. Það var velheppnað að venju og misstu við okkur í skotdrykkju og skemmtilegheitum! Fjölvítamín skotið a la Karen rann ljúflega niður í mannskapinn sem er örugglega vel frískur í dag!

Hér má sjá Röggu yndisfögru húsfreyjuna í Bugðulæknum sem tekur sig vel út með fallegu kúluna :)

Nonni að "þykjast" vera stilltur að fá sér bara kaffi...en það blekkir auðvitað engan! Með honum eru Sævar afmælisbarn og Magga skvísípæ.

Þessi mynd segir meira en 100.000.000 um það hversu gaman var hjá mér, orðin hálf asísk held ég bara að skemmtilegheitum :þ

Eftir partýið fórum við svo í bæinn vegna þess að Buff var að spila á Gauknum, þeir eru náttúrulega algerir snillingar og var tjúttað þar til næstum blæddi úr tásunum!

Óli og Beta voru afskaplega krúttaraleg á Gauknum.

Þessi mynd er líka alveg kostuleg en þarna má sjá Betu, Óla og Nonna...öll í einhverjum HAM að hlusta á BUFF.

Við Óli héldum heim á leið um 4 í nótt og vorum heppnari en allt að ná strax í leigubíl en það var víst hægara sagt en gert enda mikið af fólki á djamminu. Ég er enn að jafna mig í lemstruðum táslunum sem mótmæltu harðlega þeirri meðferð að vera troðið í háa hæla og svo farið að dansa....langt fram á nótt!

En annars er heilsan bara ansi góð... að minnsta kosti ekkert sem að elskulegt íbúfen og vatn bjargar ekki.

- Játaði Karen

föstudagur, maí 11, 2007

Sweet Georgia Brown...

Þá er ein ritgerð, sú allra mikilvægasta í lífinu (so far) afgreidd!!! Og þvílík dýrðartilfinning sem það var að senda hana frá mér í síðasta sinn. Nú er það bara í höndum prófdómara að ákveða hversu vel vinnan mín verður metin. Fór reyndar frekar óhefðbundna leið í skrifunum og vona bara að það bíti mig ekki bossann :þ
Þá eru bara 2 ritgerðir eftir og 10 skilgreiningar og þá er þetta búið fyrir þessa önn, er alveg að skemmta mér konunglega í framhaldsnáminu í Þróunarfræðinni og þó að ég sé ekki að nenna að gera þessar ritgerðir þá eru þær að minnsta kosti um efni sem er mitt hjartansmál, Afríku og þróunaraðstoð.
Ég er nú eiginlega bara soldið ánægð með sjálfa mig að hafa getað þetta með allri aukavinnunni sem ég er búin að vera að taka. En þetta hefst allt eins og hann Óli myndi segja á aflinu og heimskunni :)
Talandi um aflið þá eykst það með hverjum deginum og við Óli höldum áfram að keyra okkur áfram í ræktinni. Hef ALDREI verið eins sterk og stælt og ég er akkúrat núna, næsta skref er svo bara að skera sig aðeins niður til að sýna nýju vöðvana.
Kosningar á morgun mikið er það nú skemmtilegt, ég er að hugsa um að nota tækifærið og kjósa í kvöld fyrst ég er að vinna til 22 og til 14 á morgun. Svo er hið árlega bráðskemmtilega afmælis, eurovision og núna kosningapartý hjá Röggu og Sævari og verður heldur betur tekið ærlega á því á morgun. Sjibbí!!!!
Góða helgi hjartagull og munið að kjósa rétt.

- Játaði Karen

þriðjudagur, maí 08, 2007

Killing me softly...

Það er komin seinni partur þriðjudags og ég ekki enn búin að blogga....hvurslags óþverra framkoma er þetta eiginlega :þ
En ég hef góða og gilda afsökun, það er þessi klassíska, BRJÁLAÐ AÐ GERA!!!
Ég er að vinna í kosningunum alla daga fram á laugardag, ég er líka í venjulegu vinnunni minni og þar að auki á ég að skila 2 ritgerðum og 10 skilgreiningum fyrir 15 maí og annarri ritgerð fyrir 21 maí. Ég finn hvernig blóðþrýstingurinn hækkar bara við að hugsa um þetta!!!
En þetta er allt í lagi vegna þess að ég veit alveg að ég get þetta, efast bara ekki neitt. Planið er sem sagt að klára eina ritgerð fyrir 11 maí, kjósa, og fara í brjálað partý 12 maí, vera pínulítið þunn 13 maí og skila annarri ritgerð og skilgreiningunum 15 maí og þá verður afskaplega létt að skila þeirri síðustu fyrir 21 maí. Auk þessa alls ætla ég að vera vinna alla þessa daga og taka aukavaktir í kosningunum...já og æfa eins og mad woman.

Rétt upp hönd sem að heldur að ég þurfi á geðdeildarvistun eftir 21 maí!!!
Kannski ég taki mér bara smá frí í vinnunni í næstu viku....

Þrátt fyrir að það sé algjört brjálæði í vinnunni út af kosningunum þá verð ég nú að viðurkenna að ég hef rosalega gaman af þessu engu að síður. Mér finnst kosningar æði, ég hef haft mikinn áhuga á pólitík síðan ég var unglingur og man það vel þegar ég litli komminn sannfærði alla eldri vini mína sem voru að kjósa í fyrsta sinn um að setja X við G!!
Alþýðubandalagið fékk þar nokkur atkvæði í mínu boði áður en ég hafði kosningarrétt.
Það verður seint sagt um mig að ég sé kapítalista auðvaldsseggur :þ
hehehe!

Hálf búin á því eftir þennan dag, Óli ætlaði aldrei að fá mig framúr í morgun og ég væri ekki að drepast úr keppnisskapi þá hefði ég sent hann aleinan í gymmið í morgun. En þá gæti ég ekki lifað mér sjálfri mér og þess vegna rauk ég á fætur í þann mund sem að hann var á leið út um dyrnar. Það lifnaði aðeins yfir mér þegar ég kom heim, það er ein sú besta leið sem ég veit til að vera í góðu skapi allan daginn að hlusta á góða tónlist og dilla sér áður en maður fer í vinnuna.
Í morgun voru það þau Shakira, Beyonce, Daddy Yankee og hjartagullið hann Antonis Remos sem að komu mér í gírinn. Og þrátt fyrir miklar annir í vinnunni þá hefur brosið tollað á í allan dag. Þessi gaur, Antonis Remos er uppáhalds gríska poppstjarnan mín og hann er algjör snillingur. Í þessu myndbandi er hann að syngja um elskuna sína sem að ef grískan bregst mér ekki er að gera hann brjálaðann og þegar hún er nálægt fer allt til fjandans...en án hennar er allt verra.
Týpískt fyrir grikkina bullandi rómantík og dramatík :þ
Ef þið hafið gaman að þessu þá er hér mitt allra, allra mesta uppáhaldslag með honum og það er rómantískara en allt, textinn alveg heartbreaking fallegur.
Enjoy

- Játaði Karen

sunnudagur, maí 06, 2007

Thanks...but no thanks!

Er að velta því fyrir mér hvort ég eigi að senda tilmæli til Sjálfstæðisflokksins um að hætta að senda mér auglýsingableðla. Þetta hlýtur að kosta þá formúgu...ekki það að ég hafi ekki gaman af því að þurrka skóna mína á andlitunum á Geira og Þorgerði Katrínu, þá viljum við frekar nota mjúkann skeini hér á þessu heimili. Skil líka ekkert í þeim að láta Björn Bjarna alltaf brosa í þessum áróðurssneplum, setur mig agalega úr jafnvægi. Álíka og að merkja flösku af blásýru með glaða krakkanum af Sana-sól flöskunum.

En nóg um þetta ógeðfellda umræðuefni... tölum frekar um eitthvað fallegt og skemmtilegt eins og mig og uppáhaldsfeðgana mína. Við smáfjölskyldan fórum í myndatöku í gærdag. Beta vinkona tók á móti okkur í Stúdíó Þorláksgeisla og myndaði okkur í bak og fyrir. Fengum svo æðislegar myndir að ég get ekki beðið eftir að fá þær í hendurnar og geta sýnt ykkur. Hlynur á framtíðina fyrir sér í fyrirsætubransanum og fékk maður alveg illt í tennurnar hann var svo sætur á myndunum. Ég hef góða reynslu af myndatöku hjá Betu og bíð spennt eftir að hún fari að taka að sér fleiri verkefni þannig að ég geti auglýst hana, alveg æðislegt að láta einhvern sem maður þekkir og treystir taka af sér myndir. Maður fær einhvern veginn meiri tilfinningar í myndirnar og er afslappaður allan tímann. Stúdentamyndirnar mínar voru einmitt útskriftargjöf frá Helga vini mínum sem tók allar myndirnar sem voru alveg frábærar og var mikið hlegið og sprellað. Búið að vera nóg að gera alla helgina með vinnu, ritgerðarbrasi, myndatöku og kroppatamningu. Við Óli vorum að byrja í morgun á nýja svokallaða Power lyftingarkerfinu og erum að bæta við þyngdum eins og tröll. Það er lítið mál að keyra sig áfram með jafn hvetjandi æfingafélaga og Óla. Æfingarsalurinn var troðfullur þrátt fyrir að í dag hafi verið megrunarlausi dagurinn en það var greinilegt að hann var ekki tekinn alvarlega hjá þeim sem þangað voru mættir. Kíkti á heimasíðu þessa átaks og verð að segja að þrátt fyrir að finnast þetta ágætt framtak þá náði þetta ekki alveg til mín. En gott engu að síður, nauðsynlegt jafnvel!! En núna er komin háttatími fyrir litlar konur sem ætla að vakna klukkan 6 í fyrramálið til að láta sjálfa sig hafa það óþvegið :þ

Haldiði að ég verði sæt og fín!!!

- Játaði Karen

föstudagur, maí 04, 2007

You are the sunshine of my life...

That's Why I'll Always Stay Around

You Are The Apple Of My Eye

Forever You'll Stay In My Heart

Ohhhh krúttís ég er í svo VÆMNU skapi að það er æðislegt :)

Langar að skrifa óð til Óla eða ég er óð í Óla :þ held að honum fyndist það soldið pínlegt en mig langar það samt.

En ég skal láta mér nægja að segja að ég er ótrúlega heppin í lífinu að eiga Óla fyrir kærasta.

Eins og auðheyranlegt er þá er ég í miklu sólskinsskapi í dag, við Óli fórum að æfa í morgun og erum við að stækka eins og óðarflugur, sem er ánægjulegt :) Það er gaman að vera vöðvatröll!!

Ég labbaði svo í vinnuna og af því að ég var í sólskinsskapi, þá skellti ég mér í gallajakka og setti upp sólgleraugu, þrátt fyrir að það væri verulega skýjað.

Fake it till you make it!!

Það hafa greinilega margir tekið þátt í Ísland á iði átakinu og mætti ég fullt af hjólreiðamönnum, og einum reiðum manni á hjóli...það var sprungið hjá honum greyinu.

Þó að ég sé að vinna í fyrramálið og á sunnudagskvöldið auk þess að þurfa að læra MIKIÐ MIKIÐ um helgina þá er ég samt ánægð með að það sé kominn föstudagur. Hlynur að koma til okkar í dag, finnst alltof langt síðan síðast og verður gott að knúsa stubbinn aðeins um helgina. Næstu 2 vikur verða svo snarbrjálaðar í kosningavinnu og ritgerðarskrifum en eftir 21 maí get ég loks um frjálst höfuð strokið og farið að njóta þess að sumarið....og sumarfríið sé á næsta leiti.

Little miss Sunshine von Ulrich

- Játaði Karen

fimmtudagur, maí 03, 2007

Rest home...

Var að vinna í utankjörfundaratkvæðagreiðslu :þ á elliheimilinu Eir í gær. Þar með er ég búin að finna staðinn sem ég ætla að enda á ef að mér endist ævi til. Ótrúlega huggulegt og flott þarna, öll aðstaða til fyrirmyndar, meira að segja hárgreiðslustofa á staðnum!

Í framhaldi af því sem að ég var að tala um í gær þá er um að gera að halda áfram í sama dúr, þó það hafi verið virkilega gaman að sjá aðstöðuna og flottheitin á Eir, þá var það ekki það sem að mér fannst glæsilegast. Nei, það var nefnilega starfsfólkið, þvílíkir gullmolar! Ég er sannfærð um að það fólk sem starfar á elliheimilum er almennt upp til hópa yndislegar, jákvæðar, örlátar og góðar manneskjur. Hún Helga mágkona mín er í þessum hópi, eins frænka mín og mamma hérna einu sinni meðal annara. Þetta er eflaust mjög krefjandi starf andlega og líkamlega og ég skal alveg viðurkenna að ég myndi ekki treysta mér í það. Það var áðdáunarvert að sjá hversu elskulega og af virðingu starfsfólkið kom fram í gær, Húrra fyrir þeim!!

Og þá kemur skellurinn, þessi frábæra þjónusta er veitt fyrir skammarlega lág laun!!!

Frænka mín sem var með mér í gær sagði mér að þar sem að hún vinnur aukavinnu á elliheimili eru byrjunarlaunin í umönnun 115.000 kr á mánuði FYRIR FULLA VINNU!

Sorglegt að senda þessi skilaboð að starf með öldruðum sé svona illa metið!

Og hverjir eru það sem að halda uppi góðum starfsanda og hvetja, það er starfsfólkið sjálft!

Það hugsar um gamla fólkið og hvort annað.

Takk elskulega fólk sem sinnir þessum störfum af þvílíkri kostgæfni, þið ættuð að fá Fálkaorðuna en umfram allt mannsæmandi laun.

- Játaði Karen

miðvikudagur, maí 02, 2007

Working class hero...

Til hamingju með daginn í gær verkalýður!!!
Ég lét ekki mitt eftir liggja og mætti í kröfugöngu með hinum öreigunum kl 13 í gær, dró meira að segja systur mína og systurson með mér. Á Laugaveginum var allt fullt af furðufuglum að reyna að ná athygli göngufólksins, helst ber þá að nefna Framsóknarmenn sem reyndu að lokka til sín fólk með grænum frostpinnum og Framsóknarbrjóstsykri...hann var örugglega beiskur :þ
Við Óli og Þóra nutum þess annars vel að eiga frídag og var haldið uppá það á mánudaginn með því að grilla, spila og skála. Æðislegt og tókst okkur meira að segja að sofa til rúmlega 11 í gærmorgun, ótrúlega ljúft.
Eftir gönguna gær fórum við svo í bíó og sáum Blades of Glory, alger snilldarmynd og var legið í hláturskasti allan tímann. Will Farell er bara svo fallega skemmtilegur leikari.
Maður er algerlega í ruglinu þegar maður fær svona aukafrídag, á mánudaginn fannst manni vera föstudagur, á þriðjudegi var sunnudagur og í dag er mánudagur, ég veit ekki hvort ég sný upp eða niður en er afskaplega ánægð að það sé fimmtudagur á morgun. Sweet weekend sem verður eytt í ritgerðarskrif.
Vorum að ræða það í gær að fólk er oft með það á pallborði hvað það vill fá frá ríkinu en er ekki til í að þurfa að gera eitthvað í staðinn. Það er ein mín heitasta ósk að núverandi ríkistjórn verði felld og við fáum vinstri stjórn í staðinn. Ég er á þeirri skoðun að þó að við greiðum háa skatta hér þá væri ég alveg tilbúin að borga hærri skatta ef að ég fengi eftirfarandi í staðinn. Ókeypis heilsugæslu og ódýrari lyf, 1 ár í fæðingarorlof á 100% launum, niðurgreidda tannlæknisþjónustu fyrir börn, helst líka fyrir öryrkja, námsmenn og gamalmenni líka, og fríar skólamáltíðir fyrir öll börn, svo að dæmi séu nefnd. Það hefur myndast alltof mikill munur á þeim sem eiga lítið og þeim sem eiga mikið og ég myndi vilja sjá þann mun minnka. Get ekki að því gert að ég er svo mikill kommi í mér að ég þoli illa að sjá misskiptingu auðsins.
Eitt af því sem mér hefur alltaf fundist heillandi við Islams trúnna er Zakāt eða ölmusa en ætlast er til þess að allir múslimar greiði fasta prósentu af árstekjum sínum sem svo er útdeilt til fátækra. Það mættu fleiri taka sér það til fyrirmyndar!
Pælið að minnsta kosti aðeins í því :)

- Játaði Karen