Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Nýlegir póstar

It´s facebook...

Back to school...

What to say, what to say?

Eldri póstar

þriðjudagur, október 31, 2006

Happy Halloween

Í dag er Halloween, eða All Hallows´eve. Semsagt dagurinn á undan All Saints
(ekki stúlknabandið) eða allra heilagra messu. Það er spurning hvort að maður verður ekki að gera eitthvað spooky í tilefni dagsins. Til dæmis brenna svört kerti, horfa á hryllingsmynd, dansa nakin í tunglsljósinu og fórna geit? Miðað við hvað mér leiðist svona Hallmark tyllidagar eins og Valetínusaróbjóðurinn þá fyndist mér gaman að taka upp Halloween. Ekki setja krakka í búning að sníkja gotterí, frekar svona halda grímupartý með draugalegu þema.

BOOOOO!!!

Við Ragnheiður ofurkona mættum að sjálfsögðu í Pump í gær og tókum ansi þétt á því, svo mjög reyndar að ég hef ekki fullkomna stjórn á handleggjunum á mér í dag en það er bara skemmtilegt. Og eins og ég sagði við Óla þegar hann var að hrista hausinn yfir harðsperrunum mínum..... Bjútí is pein beibí!!!

En ekki hvað???

Ég horfði svo með Óla á fræðsluþátt um 9 mánuði í móðurkviði og ég gerði ekki annað en að andvarpa af sælu ohhhhh krúttaralegu fóstrin mússí, mússí, mér hætti hins vegar alveg að finnast þetta krúttlegt þegar kom að því að koma barninu út.... ég lá í hnipri í sófanum og trúði þessu ekki. Ekki það að ég hafi eitthvað skrópað í líffræði en ég var bara viss um að þetta hlyti bara að vera grín. Varla fer barnið að láta sér detta í hug að koma sömu leið út og það fór inn.

I have done the math and it doesn´t work. Ég meina í alvöru talað!!!

Neinei ég er að grínast, þetta var náttúrulega það fallegasta sem ég hef á ævinni séð og er ekki hissa á að eitt af hlutverkum fæðingarhormónsins oxýtósíns er að BÆLA NIÐUR MINNINGAR!!

Eftir þáttinn þá hefði ég þurft skammt af svoleiðis gleymskulyfi :þ

Hann Óli minn er á fullu í heimaprófi í dag og allir eiga að senda honum góða prófsstrauma!!!

.......Koma Svo!!

- Játaði Karen

mánudagur, október 30, 2006

Three Blind Mice

Three blind mice, three blind mice,

See how they run, see how they run,

They all ran after the farmer's wife,

Who cut off their tails with a carving knife,

Did you ever see such a thing in your life,

As three blind mice?

Ég er alveg hræðilega náttblind, hef alltaf verið það, um leið og það er orðið aðeins dimmt þá sé ég ekki glóru. Þetta hefur háð mér heilmikið því að ég á til dæmis mjög erfitt með að keyra þar sem ekki er vel upplýst. Ég hugsa að ég geti aldrei búið neins staðar nema í minni ástkæru Reykjavík, þar sem hvergi er hægt að finna óupplýstan veg. Helst ætti ég að búa í Vegas þar sem nóttin er bjartari en dagurinn. Ég keyrði einu sinni í myrkri í Heiðmörk og sat þar föst og hélt að ég myndi aldrei komast aftur til mannabyggða. Þegar ég bjó í myrkrinu út á Krít var það oftar en ekki heilmikið bras að komast ferða minna síðla nætur og lá við að ég þyrfti að þreifa mig áfram.... á jörðinni....með KAKKALÖKKUNUM!

Þessi náttblinda gerir það líka að verkum að ég get eins sleppt því að fara í bíó ef að ég mæti eftir að ljósin eru slökkt. Fólki finnst ekkert gaman að láta káfa á sér og setjast í fangið á sér þegar það er að reyna að njóta bíómyndar. Þessi náttblinda er ættgeng og konur í minni fjölskyldu hafa ráfað um blindar á nóttinni frá því að fyrstu landnemarnir stigu á land. Þegar ég var unglingur þá var ég í sumarbústað með fjölskyldunni, þetta var síðla sumars og farið að dimma verulega. Ég, mamma og amma ákváðum að fá okkur kvöldgöngu og dást að stjörnunum. Í fyrstu gekk þetta afar vel, það er á meðan við höfðum birtuna frá bústaðnum til að hjálpa okkur, en það leið ekki á löngu þar til að við vorum farnar að hnjóta um hverja þúfu og á endanum hvor aðra.

Við skakklöppuðumst með útréttar hendur aftur til baka og komumst við illan leik inn í bústað og ákváðum að geyma gönguferðina. Óli talaði um í gær að það væri óvitlaust að hafa einhver halogenljós á næsta bíl svo að ég komist nú klakklaust ferða minna í myrkri en ef það eru ekki flóðljósakastara eins og eru á Laugardalsvellinum þá held ég að það breyti litlu.

- Játaði Karen

föstudagur, október 27, 2006

To much of a good thing!

Það má segja að það sé aðeins og mikið af því góða þegar harðsperrurnar halda manni vakandi nóttinni. Ef ég lá alveg kyrr þá var þetta í lagi en um leið og ég hreyfði mig þá vakti sársaukinn mig. GAMAN!!! Ekki nóg með það þá var ég líka svo agalega svöng í nótt en í mínum heimi fer maður ekki á fætur á nóttinni til að borða. Maginn urraði og gargaði og hlustaði ekkert á mig þegar ég benti honum á að það væri yfirdrifið nóg af "mat" á mjöðmunum og rasskinnunum.
Hugsa sér heimtufrekjuna!!
Hvað er í gangi með alla þessa vætu hérna í höfuðborginni, það læðist að mér illur grunur að Landsvirkjun hafi ákveðið að sökkva bara Reykjavík líka, að minnsta kosti sigldi Ómar Ragnars á Örkinni framhjá mér á leiðinni í vinnuna. En ef að Landsvirkjun stendur ekki á bak við þessa rigningu þá hugsa ég að Hann Villi Þ. borgarstjórinn ógurlegi eigi sök á þessu, enda hef ég það frá góðum heimildum að Sjálfstæðisflokkurinn sé æstur í að gera Reykjavík að Feneyjum Norðursins sem skýrir það að Villi er alltaf á gondóla á tjörninni gargandi O sole mio fyrir endur og gæsir.
En hvaða skýring sem býr að baki þessu þá verð ég að segja að mér finnst rigningin bara góð......á meðan ég er INNI!

En nú ætla ég að segja ykkur ömurlega sögu sem að varð til þess að ég var næstum búin að slá konu í rot með stimpli í vinnunni í gær. Það kom hérna kona frá ónefndri fasteignasölu með fullt af skjölum og lítinn stráksa svona 6 ára gamlann. Barnið stóð hérna fyrir framan og dansaði regndansinn alveg í spreng. Hann var svo einbeittur að halda í sér að hann var með þvílíkan þjáningarsvip á andlitinu en mamman hlustaði ekkert á hann né á mig þegar ég benti henni á að það væri salerni í húsinu og heldur ekki á ungan mann sem fannst nóg komið og bauðst til að fara með barnið fyrir hana á klósettið. Auðvitað endaði það með því að greyið litla pissaði á sig og út um allt gólf og fékk að heyra þá leiðindi og niðurlægingu frá mömmunni. Ég var svo reið að allt fór í kerfi hjá mér og ég gat varla klárað að afgreiða konuna. Sumt fólk!!!!!

- Játaði Karen

fimmtudagur, október 26, 2006

That´s gonna hurt in the morning...

Já þetta hugsaði ég með mér þegar ég massaði hamsturinn næstum til bana í Body pump í gær, og ég hafði rétt fyrir mér, kroppurinn er undirlagður af dásamlegum harðsperrum.
Við Ragnheiður Pumpdrottning mættum saman í gær og tókum ærlega á því, inn í tímann laumuðust svo tveir KLIKKAÐIR starfsmenn en þær Aníta og Karen Inga settu einhverja klúta á hausinn, skelltu sér í lyftingagrifflur, tóku upp stangir með ENGUM lóðum og voru með í upphituninni. Sem var mjög svo fyndið en skemmdi upphitunina fyrir mér því að þær voru beint fyrir aftan mig og þegar þær voru ekki að dást að útsýninu, þá fékk ég að finna fyrir rasskell.
Að því ógleymdu að þær litu út eins og sirkusfífl og ekki var hægt annað en að flissa.
Ég vaknaði í morgun svo ótrúlega sæl að það nær engri átt, ég elska það þegar maður vaknar og lífið brosir við manni, alveg sama þó að það sé dimmt úti og alveg sama þó að vinnudagurinn í dag sé óendanlegir 14 tímar framundan þá get ég bara ekki þurrkað brosið af andlitinu.
Er það ekki dýrlegt??
Svo er nú líka að koma helgi sem er alltaf gaman, Hlynur baby að koma til okkar þannig að það verður kósý stemming. Svo eru ekki nema 57 dagar í að elsku Lóan mín kíki í heimsókn og núna nær brosið bara allan hringinn svo að ég ætla bara að fara að vinna í hausinn á mér og óska ykkur þess að hafa það gott og gaman í dag.

- Játaði Karen

miðvikudagur, október 25, 2006

Dr Karen and Miss Ülrich

"Before you criticize someone, you should walk a mile in their shoes. That way when you do criticize them, your a mile away and you have their shoes"

Þetta finnst mér fyndnasti brenglaði málsháttur sem ég hef heyrt, en ég er búin að túlka hann og nú ætla ég að dazzle you með því hvað ég er klár.
Þegar ég var í félagssálfræði í MH þá voru við látin gera verkefni, það snérist um það að við áttum að skrifa nafnlaust á miða hvað við myndum gera ef að aldrei kæmist upp um okkur og enginn vissi að þetta værum við. Svörin voru misjöfn, einhver vildi stunda kynlíf í strætó (tek fram að það var ekki ég), en flestir vildu ræna einhverju. Þegar maður er nafnlaus eða með dulnefni, einhvers konar grímu þá myndi maður segja og gera ýmislegt sem að maður myndi aldrei þora sem maður sjálfur. Gott dæmi er fólk sem fer inn á spjallrásir eða einkamálasíður og lýgur um sjálfan sig og aðra, fólk sem kommentar nafnlaus leiðindi inn á bloggsíður hjá fólki, og einelti í gegnum til dæmis msn hjá krökkum. Með því að pikka inn nafnlausar lygar, hótanir og ljót orð ertu búin að aðskilja sjálfan þig frá verknaðnum sem þú getur ekki gert með því að koma fram undir nafni eða segja það beint framan í fólk. Sem sagt þegar þú gagnrýnir einhvern þá ert þú ekki á staðnum heldur bak við tölvuskjá (a mile away) og kemur í veg fyrir að fólk geti nappað þig við það því að það veit ekki hver þú ert (got their shoes).
Ég veit að núna svimar ykkur aðeins en ekki hafa áhyggjur, það eru eðlileg viðbrögð við snilld minni :þ
Ég hef stundum grínast með það að Karen og Ungfrú Ülrich væru ekki alveg sama manneskjan, hér áður fyrr, áður en ég gerðist ráðsett frú í vesturbænum þá slapp Ungfrúin yfirleitt laus þegar ég fór út að skemmta mér og lék lausum hala, trítilóð um allan bæ.
Ungfrúin átti það til að skipa dyravörðum að hleypa sér og sínu fríða föruneyti umsvifalaust inn á skemmtistaði borgarinnar því það væri fullvíst að enginn jafn fagur og þær væru inn á staðnum. Þetta tókst hér um bil alltaf en er vissulega ekki eitthvað sem hún Karen léti sér detta í hug að segja. Sagan um Dr Jekyll og Mr Hyde á sér stoð í raunveruleikanum því að ég held að í okkur öllum búi einhver ljótur hluti sem við flest sýnum aldrei, en það er tilvalið að búa sér þá bara til aukapersónu eins og til dæmis Silvíu Nótt eða Mr Handsome svo dæmi séu tekin, og láta þá persónu gera og segja það sem að maður sjálfur bælir niður. Ohhhh þetta er svo bullandi Freudískt hjá mér og skemmtilegt :)

- Játaði Karen

þriðjudagur, október 24, 2006

Blessed be!

Ég hef aldrei lesið biblíuna, ég hef reynt það en ég kemst ekki í gegnum gamla testamentið og yfirleitt þá verð ég svo reið þegar ég les Genesis að ég kemst ekki lengra. En nýja testamentið finnst mér mun betra enda Jesú alger snillingur og endalausir gullmolarnir sem hann skildi eftir sig. Mín uppáhöld eru "Sá yðar er syndlaus er, kasti fyrsta steininum" (Jh. 8.2-11) og „Allt sem þér viljið, að aðrir menn gjöri yður, það skuluð þér og þeim gjöra.“ (Matt 7.12)
Hugsið ykkur Utopiuna sem við myndum lifa í ef að allir fylgdu þessu?? Það er svo auðvelt að dæma aðra, og sjá ekki sína eigin galla. Það ljóta sem við hugsum um annað fólk vaknar oftar en ekki út af einhverju ljótu í okkur sjálfum. Ég horfði á Kastljósið í gær og sá þar viðtal sem hristi ekkert lítið upp í mér. Það var verið að ræða við Immaculée Ilibagiza sem lifði af þjóðarmorðin í Rúanda. Læst inn á litlu klósetti ásamt 7 öðrum konum í 91 dag, á meðan hún var í felum missti hún alla sem hún átti, alla fjölskyldu sína, alla vini sína. Á meðan það var talað við hana voru sýnd myndbrot frá fjöldagröfunum og ég gat ekki haldið aftur af tárunum því að ég sá fyrir mér bókstaflega alla sem ég elska þarna. Ímyndið ykkur að vakna einn daginn og allir sem ykkur þykir vænt um hefðu verið myrtir, drepnir fyrir að vera ekki af rétta ættbálknum. Hútúarnir réðust harðast gegn börnum til að reyna að eyða út næstu kynslóð, saklausra barna!!! Að hlusta á þessa konu þurrkaði út alla sjálfsvorkun mína á einu bretti. Það sem mér fannst svo merkilegast af öllu var þegar hún sagði frá því að hún væri algerlega búin að fyrirgefa þeim sem að drápu fjölskylduna hennar. Ég hef aldrei hatað neinn og held að hatur sé frátekið fyrir mun verri hluti en við verðum flest fyrir í lífinu en þessi kona skildi að hatur myndi eingöngu eitra hennar líf og vörnin gegn hatri er kærleikur og fyrirgefning. Að hugsa sér að geta búið yfir slíkum þroska að geta fyrirgefið svona skelfileg brot. Hún snéri aftur til Rúanda eftir að hún skrifaði bókina Ein til frásagnar þar sem að hún segir sögu sína, þar var hún sýnd að hugga mann sem að var leiður og afhverju haldið að það hafi verið, nú vegna þess að bróðir hans hafði myrt bróður hennar og þarna var þessi merkilega kona að hugga hann og segja honum að þetta væri í lagi.
Ég ætla mér að lesa þessa bók og muna að vera þakklát fyrir alla sem ég á.
Og ég held að við ættum öll að muna það!

Barn á safni tileinkað fórnarlömbum, í Kigali

- Játaði Karen

mánudagur, október 23, 2006

Just another manic monday?

Ótrúlega sweet að eiga svona rólegan mánudag... fínt að slaka sér bara hægt inn í vinnuvikuna. Helgin var eins og alltaf alltof fljót að líða en ég náði þó aðeins að læra og hitta elskulegu fjölskyldu mína , en af því að ég er komin með mörthustewart syndrome þá bakaði ég eins og stormur í gærdag og bauð den hele family í kaffi.
Sá æðislegan þátt í gær en það var How to look good naked, ekkert smá gaman að sjá þátt þar sem að ekki er verið að skera, tosa, teygja konur heldur að kenna þeim að vera sáttar við sjálfar sig. Mér fannst þetta hressandi ný sýn á þetta. Það er nefnilega endalaust verið að segja konum að þær séu ekki nógu grannar, unglegar, stinnar og að það sé eina lausninn að leggjast undir hnífinn eða fylgja ströngum kúrum. Ég er afskaplega hlynnt því að allir hreyfi sig og borði hollann mat en markmiðið ætti að vera heilbrigði ekki endilega að vera grönn. Ég er svo innilega ekki spéhrædd að það nær varla nokkurri átt, en ég geri mér alveg grein fyrir að þetta er allt bara spurning um hugarfar. Þó að ég eins og flestir get alveg dottið inní að vera ósátt við hitt og þetta á kroppnum þá er ekkert á líkama mínum sem að ég myndi vilja breyta með aðgerð. Ekki neitt.... þeir gallar sem hafa í gegnum tíðina pirrað mig eru núna orðnir hluti af mér og maður á að láta sér bara þykja vænt um gallana líka.
Já stelpur learn to love it , því að það er mikið betra en að vera ósáttur og leiður!!
Ég mæli með því að við hættum allar að horfa á Extreme makeover og horfum frekar á þennann frábæra breska þátt sem kennir konum að elska kroppinn :)

Real women have curves!

- Játaði Karen

laugardagur, október 21, 2006

I told you so...

Við vorum vöknuð eldsnemma í morgun, ég vissi það, hæfileikinn til að sofa út er HORFINN!!!
Þóra mágkona var í mat og gistingu hjá okkur og ég tók bara so you think you can cook pakkann aftur og eldaði og Bakaði eftirrétt ;) Grunar að ég sé jafnvel að breytast í Mörthu Stewart vonandi á ég ekki eftir að fara að svindla á hlutabréfamarkaðinum líka :þ
Fengum okkur bjór og Óli og Þóra sögðu mér frá nokkrum skemmtilegum viðurnefnum sem hafa fest við Skagamenn í gegnum tíðina. Mér finnst þetta svo skondið að eiginlega allir séu með eitthvað stórfurðuleg viðurnefni og eitt sem mannfræðingurinn ég hef orðið vör við í fari Skagamanna er að þeir nota kaldhæðni og "öfugmæli" ef svo mætti kalla, meira en nokkur sem ég hef kynnst!! Sumir mættu ætla að það væri bara elskuleg tengdafjölskyldan mín sem gerir þetta, en eftir að ég tók fyrst eftir þessu þá fór ég að spyrja nokkrar samstarfskonur mínar sem eru með tengsl á Skagann og þær vissu strax hvað ég var að tala um.
En mér finnst það alveg æðislegt enda fátt sem mér finnst skemmtilegra en BULLANDI kaldhæðni :)
Óli er farinn að vinna aðeins og læra og ég sit heima búin að taka allt til sem hægt er og er að spjalla við ykkur af því að ég á að vera læra, ekkert smá skemmtilegt hvað maður er duglegur við að finna sér ný verkefni þegar maður á að vera að sinna náminu. Bækurnar sitja og horfa á mig bænaraugum og vilja endilega láta lesa sig, en Karen litla er ekki á sama máli, hana langar að gera allt nema það! En svona er þetta!
En fyrir utan það þó að í dag sé fyrsti vetrardagur þá er ég stútfull að sólskini! Þegar ég er búin að vera dugleg að læra þá ætla ég út að leika í góða veðrinu!

- Játaði Karen

föstudagur, október 20, 2006

A woman of my word

Af því að ég lofaði að vera skemmtileg í dag þá er hér mynd sem er tekin á staffadjamminu síðusta laugardag, hérna má sjá okkur í fínu göllunum sem við enduðum í eftir leikinn og er sérlega gaman að sjá hvað hún Dedda (lengst til vinstri) er búin að setja hárkolluna á skemmtilegan stað!!!
Flottar gellur to say the least!

Ég svaf eins og grjót í nótt og við hjónaleysin vorum næstum búin að stone sleep over ourselves því að við vorum bæði svo búin á því eftir daginn í gær. Komin föstudagur og á morgun er það sofa út, sofa út og sofa út :) Eða það læt ég mig dreyma um... en yfirleitt þegar ég ætla að sofa út ef ég á frí þá enda ég á að vakna fyrir allar aldir!!
Spurning hvort maður reynir ekki að læra soldið um helgina og kannski fara eitthvað út að leika og reyna að ná í skottið á haustlitunum áður en kuldaboli feykir þeim öllum í burtu.
Góða helgi krúttís!

- Játaði Karen

fimmtudagur, október 19, 2006

Just keeps going and going and going and going...

Kæra dagbók, sá sem að sagði að það væru alltaf bara 24 tímar í sólarhring var lygari og ljótur kall!! Hver kannast ekki við það að finnast sér vanta ca 4-5 tíma í hvern dag til að koma öllu í verk. Þið sem þekkið þetta getið haft samband við mig og ég skal redda ykkur nákvæmlega 13 klukkutímum. Í alvörunni talað ég held að þessi dagur fari í sögubækurnar sem dagurinn sem vildi ekki ENDA!!! Ég er sybbin vegna þess að ég vaknaði um miðja nótt, óttaslegin eftir vondan draum. Mig dreymir svo oft úlfa, mér finnst úlfar með fallegri dýrum sem ég sé þegar ég er vakandi en alveg frá því að ég var barn hafa þeir verið ógnvaldar drauma minna. Það að ég er sybbin gerir það að verkum að mig langar heim að lúlla en í hvert sinn sem ég lít á klukkuna sem hangir yfir móttökunni þá ullar hún á mig og múnar mig svo bölvaður dóninn!! Í allan dag er ég búin að vera svona " er klukkan í alvöru bara tíu...er klukkan í alvöru bara hálfeitt... er klukkan í alvöru bara sex." Þið skiljið hvað ég á við! Ekkert að gera allan daginn í báðum vinnunum mínum, hvað er málið með það???
En ég er líka svöng og vegna þess að mig langar ekki í neitt SÚPER heilsusamlegt, þá er það eina sem er í boði að borða á líkamsræktarstöð. Ég horfi bitrum augum yfir myoplex, skyr og ávexti og langar ekki í neitt! En það er allt í lagi því að ég keypti mér bara æðislegar buxur í staðinn. En mér til endalaust mikillar ánægju verður undimannað í vinnunni hjá mér á morgun þannig að þá verður aðeins meira action og svo er komin FRÍHELGI!!!! Ef það gleður ei mitt litla hjarta þá eru öll sund lokuð. Ég hef eiginlega ekkert meira að segja því að ég er svo bitur yfir því að það sé klukkutími eftir af þessum vinnudegi en ég lofa að ég skal vera skemmtileg á morgun!
Hér sé Guð og friður..... og með yður!

- Játaði Karen

I feel FAT!

F abulous
A doreble
T errific

Var að horfa á Italian Job í gær og þetta er hálfstolið þaðan en það er bara skemmtilegt :)
Ég er ekki enn komin yfir jólagleðina en mér gengur vel að halda henni í skefjum.

En af öðru og minna skemmtilegu....
Er svona að velta því fyrir mér hversu lengi kanarnir fá að valta yfir mannréttindi og brjóta á fólki í skjóli 9/11, ég er komin með svo upp í bullandi kok af þessu heilhveiti.... já þetta var vissulega sorglegt og ömurlegt að þetta fólk dó en ég er samt sem áður komin á þá skoðun að þeir verða bara að GET OVER IT!!! Hvað voru margir sem dóu 9/11, um það bil 3000 manns sem er virkilega dapurt. En það eru að minnsta kosti 46.719 bandarískir hermenn og írakskir almennir borgara búnir að láta lífið síðan innrásin var gerð þar. Þá erum við ekki að tala um allar þær þúsundir sem eru særð. Ég er komin með svo mikið ógeð af þessu. Milljónir lífa glatast á hverju ári vegna obeldis og stríðs í t.d Kongó og Súdan. Afhverju eru þessi líf minna virði en 3000 manns sem dóu í New york eða 50 manns sem létust í London??????
Og það nýjasta, nýju lögin sem sett voru í USA, núna ætla þeir á brjóta á öllum sáttmálum sem gerðir hafa verið og leyfa PYNTINGAR og taka upp sömu lög og gömlu herforingjastjórnir Suður Ameríku og veita þeim sem gerast sekir um pyntingar SAKARUPPGJÖF!!! Manni langar bara að gubba :(
Ef að Bush verður ekki settur í hóp með glæpamönnum eins og Hitler, Stalín, Pinochet, Papa Doc og Sadam Hussein þá verð ég fyrir sárum vonbrigðum!

- Játaði Karen

miðvikudagur, október 18, 2006

It´s about that time of year

Jóla, jóla, jóla, jóla, jóla, jóla, jóla, jóla, jóla....
Það er dimmt úti
Það er kalt úti
Það er að koma nóvember
það eru að koma JÓL!!!!

Datt í jólagírinn í morgun mér til mikillar ánægju, þegar ég kom heim úr sprikklinu þá var ég sönglandi jólalag og góða fólkið í 10-11 var að baka eitthvað og lyktin lá yfir görðunum. Jólagleðin sprengdi sér leið inn í brjóstarhol mitt og meyrði á mér hjartað. Dásamlegt!
Ég veit nú samt ekki hvernig þetta verður þessa aðventuna þegar ég þarf að vera að lesa fyrir próf sem ég fer ekki í fyrr en 20.des!!! En ég er harðákveðin í því að vera búin að skila ritgerðinni fyrir fyrsta sunnudag í aðventu sem er 3 des minnir mig. Ég er byrjuð að hugsa um jólagjafir og jólaskraut og jólabakstur og mig langar í Ikea að kaupa piparkökumót!!!
Við buðum honum Helga í mat í gær og ég eldaði og bakaði eins og Húsfreyja Dauðans... á meðan ég hrærði, þeytti, sauð, steikti og bakaði allt í einu, leið mér eins og þáttakanda í nýjum raunveruleikaþætti... so you think you can cook? En allt heppnaðist þetta vel og lágum við afvelta frameftir kvöldi. Alltaf gaman að hitta Helga og baða sig upp úr ótæmandi laug kaldhæðni hans. Hressandi to say the least!
Verst að ég var ekki komin í þetta jólaskap í gær því að þá hefði ég getað pyntað Helga með því...hann er ekki mikill jólakall og var vanur að stríða mér og segja að ég væri svo mikið jólabarn að ég svæfi í jötu með hálm í rassinum!!! Honum hefndist fyrir þetta og eignaðist son á þorláksmessu þannig að nú á hann sitt eigið litla jólabarn.
Ég ætla að reyna að hafa hemil á jólagleðinni aðeins lengur þannig að ég geri elsku Óla minn ekki brjálaðann á mér, en það styttist í að ég fari að spila jólalög og föndra enda ekki seinna vænna ef að ég ætla að slá út jólakortunum sem ég skapaði í fyrra!

- Játaði Karen

mánudagur, október 16, 2006

Parttaking in some partying

Brjáluð stemming í Baðhúsapartýinu á laugardaginn. Við sungum okkur hásar í Singstar með tilheyrandi dans og djöfulgangi. Við vorum nokkrar látnar taka þátt í bráðskemmtilegum leik þar sem við dönsuðum í hring og svo þegar slökkt var á tónlistinni þá var sett hrúga af alls kyns dóti inní hringinn og við áttum að grípa eitthvað og fara í það. Útkoman var vægast sagt hlægileg og ég er að vinna í því að redda myndum. Ég var á endunum komin í húðlitað lífsstykki, svört sokkabönd með gatslitnum sokkum, 2 sundhettur á hausinn og leit út eins og klikkaður strumpur. Dásamlegt!
Eftir þetta var haldið í bæinn og byrjuðum við gillið á dansgólfinu á Oliver, þaðan fórum við á Vegamót og enduðum svo á Hressó. Þá var klukkan að verða 3 og ég eiginlega búin að fá meira en nóg, og hélt heim á leið. Ég notaði svo tímann í gær á meðan Óli fór með Hlyn og vin hans í sund til að jafna mig og tók svo á móti þeim með köku.
Október hálfnaður og hún amma mín elskuleg hefði átt afmæli í gær, hún hefði orðið 83 ára þessi elska. Fyrsti vetrardagur næsta laugardag, það styttist í jólin og það sem verra er það styttist í ritgerðarskil og jólapróf og ég þarf að fara að spýta í lófana og leggjast yfir námið.
Hver veit nema maður reyni að slaka á yfir æsispennandi lestri um Marxíska mannfræði í kvöld :þ
Það er greinilegt að milda fallega haustið er búið, ógeðslegt rok og rigning sem hann Nói gamli myndi kannast við!! Svo er orðið svo dimmt að ég reyndi að reka Hlyn aftur í rúmið á laugardaginn fullviss um að það væri ennþá nótt þegar klukkan var orðin 7.
Litla krúttlega morgunhana baby!
Ég er að hugsa um að gefa kost á mér sem forseta USA þetta er allt eintómir plebbar og leppatuskur og löngu kominn tími til að einhver almennilegur taki völdin, það að ég sé útlendingur ætti ekki að breyta neinu ég tek bara Arnold á þetta.
Hvernig líst ykkur á???

	Elect Karen Ülrich!



	I'm against everything

'What" will your campaign slogan be?' at QuizGalaxy.com

- Játaði Karen

laugardagur, október 14, 2006

and relax...

Fór í gær eftir vinnu og tók hana litlu systur mína með mér í Body Balance, þar reigðum við okkur teygðum eins og mest við máttum og það kæmi mér ekki á óvart ef að ég hefði náð að næla mér í 2 auka cm við allar þessar teygjur. Litla systir sem aldrei hefur stigið fæti inn á líkamsræktarstöð er í dag að sálast úr harðsperrum og stóra systir er eiginlega ekkert skárri. Merkilegt hvað það tekur lúmskt á að fara í allar þessar yoga stöður.
Ég átti virkilega ljúfan föstudaginn þréttanda og varð lítið vör við ólukku, eftir sprikklið fór ég til hennar Möggu minnar í mat og við sátum tvær og þjálfuðum á okkur málbeinið í eina 4 klukkutíma án þess að taka okkur pásu. Alltof langt síðan síðast og við þurftum mikið að ræða og flissa og skemmta okkur. Eftir þetta fór ég heim og við Óli horfðum saman á nýjan hryllingsþátti á Skjá einum.... OMG hvað það var ógeðslegur þáttur í gær, ég skildi ekkert í sjálfri mér að hafa horft á þetta svona rétt fyrir svefninn. Enda dreymdi mig þvílíka martröð.
Óli var komin með nýja vinnu við að reka svona tölvuleikjastað, við vorum í sjóðheitu framhjáhaldi vegna þess að ég var gift ...ÓMARI RAGNARSSYNI. Allann drauminn voru við Óli að rúnta um á mótorhjóli og rukka fólk fyrir að spila tölvuleiki þess á milli sem við vorum að fela okkur fyrir Ómari og kela.
Já það er öruggt mál að öll vitleysan er ekki eins!
Í dag er ég að gæta bús og kvenna í Baðhúsinu og bíð eftir að vera búin svo að ég komist til að leika mér, fyrst í afmæli og svo aftur í Baðhúsið að tjútta. Mikil stemming fyrir kvöldinu og sem betur fer er ekkert að gera svo að ég get safnað kröftum fyrir allt sprellið!

I want a divorce

- Játaði Karen

föstudagur, október 13, 2006

I feel Pity??

Var að kafna úr sjálfsvorkunn í morgun þegar ég vaknaði.... "afhverju þarf ég að fara í leikfimi, ég er búin að vera lasin, ég á bágt, ó ó ó mig auma" Svona lét ég alveg þangað til að ég var búin að vera að skokka í 10 mínútur og kroppurinn tók loksins við sér og fór að fíla sig. Það er ótrúlegt hvað maður nennir að standa í því að vorkenna sjálfri sér suma daga.
Við Óli erum að hugsa um að skella okkur á námskeið í pólsku, ég held í alvörunni að það væri vel þess virði. Þá getur maður talað við fólkið í Ikea og í Krónunni, starfsfólkið á spítölunum, á leikskólunum, elliheimilunum og gelluna sem klippti mig í gær :)
Það er nokkuð ljóst að við getum ekki lengur rekið þetta samfélag án allra þeirra duglegu erlendu starfsmanna sem vilja vinna störfin sem við erum of fín með okkur að sinna. Framboð á íslensku kennslu er engan veginn nægilegt og erlent starfsfólk ekkert endilega hvatt til að læra því að þá þarf kannski að borga þeim betur. Þá er best að leysa þetta bara með því að við hin bætum við tungumálakunnáttu okkar og lærum til dæmis að tala pólsku.
Ég fór sem sagt í klippingu í gær og er ekkert smá ánægð með útkomuna, ég fékk reyndar ekki topp því að hún vildi meina að ég væri með svo mikinn sveip að það gæti farið illa :þ
En hún stytti hárið um ca helming og klippti fullt af styttum og hamaðist á mér með skærum og hníf og útkoman ..... FALLEG!
Brjálað að gera á morgun... vinna til 18 svo að hendast í tvöfalt barnaafmæli hjá henni Hafrúnu og að lokum PARTÝ PARTÝ með Baðhúsapíunum sem er bara sjúklega gaman!
Jæja best að fara aftur að vinna, þessi skjöl þinglýsast ekki af sjálfu sér!

- Játaði Karen

fimmtudagur, október 12, 2006

Merry go round

Oj hvað ég er búin að vera lasin, búin að liggja eins og slytti síðan á mánudag og er loksins mætt í vinnu í dag og mikið er það gott. Ég svaf í rétt rúma 13 tíma í gær og ég held að það hafi gert útslagið í að sigrast á pöddunum sem hafa leikið lausum hala í kroppnum á mér. En þegar maður sefur í 13 tíma og ætlar svo snemma í háttinn um kvöldið þá getur maður átt von á æsispennandi tívoli ferð. Maður leggst og finnur strax að langt er í næstu ferð í draumalandið, og þá byrjar ballið. Maður byrjar að velta sér og bylta, því meira sem maður reynir að slaka á því meira fer hugurinn á flug og allt sem þú getur mögulega þurft að hugsa um streymir inn í hugann og fyrir vikið eykst hraðinn á byltunum. Hringekjan komin á fulla ferð og slaknar ekki á henni fyrr en maður er kyrfilega vafinn inn í sængurfötin eins og múmía. Þegar maður er á annað borð komin í hringekjuna þá verður maður eiginlega að leyfa ferðinni að klárast áður en maður tekur málin í sínar eigin hendur. En loksins þegar ferðinni lýkur þá er eitt sem að ég hef komist að því að bjargar manni frá því að fara aðra ferð. Að slaka meðvitað á öllum kroppnum og einbeita sér að því að anda rólega og svo aðal atriðið að spjalla aðeins við Guð. Það er svo gott fyrir þá sem að trúa að maður getur með stuttu samtalið við Guð losað sig við allar hugsanir sem að angra mann og náð að sofna rólegur og viss um það að allt fer eins og það á að fara.
En það hefur ýmislegt gerst síðan ég bloggaði síðast ef við byrjum á byrjuninni þá fór ég í æðislega snyrtingu og pottbusl með henni Hafrúnu á föstudagskvöldið. Slefandi af vellíðan á meðan Ragga nuddaði mig og dúllaði. Æðislegt og ég var alveg eins og ný kona þegar ég kom út, við stöllurnar fengum okkur svo að borða saman og spjölluðum fram á kvöld.
Á laugardaginn fórum við hjónaleysin á Skagann og eyddum kvöldi og nóttu í notalegheit á Jörundarholtinu. Svabbi og Þórey kíktu og við spiluðum og skemmtum okkur. Á sunnudaginn þurfti Óli að læra og af því að ég veit að hann getur ekkert einbeitt sér með sjóðheitu kærustuna á svæðinu þá kíkti ég til mömmu fékk mér kaffi og spádóm með því og smitaði mömmu mína af óbjóðnum sem hélt mér gíslingu fram eftir vikunni. Mánudaginn lá ég eins og aumingi allan daginn, þriðjudaginn bráði af mér nógu lengi til að ég hélt að ég væri barasta á bataleið og í einhverjum Ajax tryllingi þreif ég allt sem ég kom höndum á. Þegar hreinlætis víman rann af mér var ég svo uppgefin og fékk að heyra það frá ástmanni mínum að ég væri eins og draugur og hann var að fara mildum orðum um útlit mitt. Miðvikudaginn svaf ég 13 tímana og horfði á Last samurai sem hefði verið mikið betri mynd ef að þeir hefðu sleppt persónu Tom Cruise, svo fékk ég smá heimsókn frá Röggu og Arnþóri, fór svo snemma í háttinn en svaf stutt. Og þá er komin fimmtudagur og ég er að fara í klippingu eftir vinnu og ætla að láta klippa fullt af styttum og topp :) svo bara vinna fram á kvöld og þar með er upptalningunni lokið.

- Játaði Karen

fimmtudagur, október 05, 2006

Partypooper

Já maður var eitt sinn ungur og lék sér, svo verður maður hérumbil á einni nóttu fullorðin, starfsmaður íslenska ríkisins og húsmóðir í vesturbænum. En það er nauðsynlegt að rifja stundum upp sín villtu trylltu bernskubrek.

Þú ættir að drífa þig heim af djamminu þegar.......

Þú hefur algjörlega enga hugmynd um hvar skórnir þínir eru.
(ég hef ekki lent í þessu sjálf en hef orðið vitni)
Þú varðst að fá einhvern inni á klósetti til að koma og hjálpa þér að tosa upp buxurnar og hjálpa þér af setunni.
(Neibb ekki prófað það heldur en það hljómar sérdeilis skemmtilega)
Þig langar alltíeinu rosalega til að lemja einhvern
(Been there hef samt aldrei látið verða af því)
Síðast þegar þú þurftir á klóið sástu að þú leist meira út eins og einhver úr hryllingsbúðinni frekar en gyðjan sem þú varst fyrir nokkrum klukkustundum síðan.
(Hver kannast ekki við þetta, eins og þvottbjörn í rifnum nælonsokkum)
Klukkan er 5.00, nú á að fara heim. Þú misstir hlöllann þinn í gólfið en tekur hann upp aftur og heldur áfram að borða.
(Oj nei en ég hef danglað í fólk í leigubílaröðinni með Hlöllanum og otaði honum ógnandi)
Þú ferð að gráta
( 1000 of worths of times)
Það eru minna en þrír klukkutímar í það að þú átt að vera mætt í vinnu
( Jebb metið var 1.5 tími)
Þú fannst dýpri hliðina á fyrirtækislúðanum
(Neibb ég hljóp eins hratt og litlu trommukjuðafæturnir leyfðu)
Maður sem þú ert að daðra við... á fullu, var kennarinn þinn í fimmta bekk.
(Oj nei)
Þörfin fyrir að byrja týna af þér fötin, klifra uppá borð og syngja er orðin furðulega yfirþyrmandi
( Hmmmmm já því ekki það)
Þú ert búin að gleyma hvar þú átt heima
(Kom ekki fyrir mig en ég hef tekið þátt í "húsleit" annarra, sem mundu ekki hvar þeir bjuggu)
Þú ert komin með dimma vískírödd af öllum sígarettunum sem þú hefur reykt í kvöld af því "eins og þú ert búin að segja 20 sinnum" þú reykir bara á fylleríum.
( Neibb ég er alltaf í reyklausa liðinu)
Þú öskrar á barþjónnin og sakar hann um að hafa gefið þér hreint gos í glasið, en það er bara af því þú finnur ekki lengur bragðið af vodkanu eða gininu.
(Ekki öskrað en spurt dólgslega afhverju það sé ekki vín í glasinu mínu)
Þú heldur að þú sért komin í rúmið en koddinn þinn minnir furðulega mikið á pizzu
(Nei og vona að það gerist aldrei, það er svo erfitt að ná osti úr hárinu :þ)
Þú byrjar öll samtöl með "ekki taka þetta illa upp en..."
(Nei ég er alltaf hvers manns hugljúfi á djamminu)
Þú fattar ekki að klósettlokið er niðri þegar þú sest á það.
( Nei ..... en næstum því)
Faðmlögin þín og knús fer helst að minna glímuleik með tosum niður andstæðingin taktík
(Þetta hljómar soldið Miss Ulrichlega, enda gleðin fyrst að byrja þegar einhver fer úr að neðan)
Þú ert svo þreytt að þú vilt bara setjast beint á stéttina, ( og hví ekki!)
(Já já, hef líka labbað berfætt heim... mæli ekki með því)
Þú sýnir vinum að stelpur geta alveg pissað standandi ef þeim virkilega langar
( Nei og á það vonandi ekki eftir)

Það er nokkuð ljóst að maður verður að skella sér að tjútta um helgina, enda langt síðan síðast.

- Játaði Karen

Drive me crazy!

Ég var ógeðslega löt í gær eftir vinnu, aldrei þessu vant var brjálað að gera í vinnunni og ég var frekar mikið búin á því eftir daginn. Kom heim og horfði á Dr Phil eins og minn er vaninn og hneykslaðist á því hvað sumt fólk er klikkað! Þegar ég var búin að fá það staðfest að ég er mikið minna rugluð en sumt annað fólk þá ákvað ég að kíkja í Ikea. Okkur vantar bókahillu og ég vildi fara að skoða það áður en að Ikea flytur, því að það verður ekki farandi þangað í lengri tíma fyrir ös. En mér gekk illa að fá það sem mig vantaði, fyrst vantaði mig aðstoð en því miður talaði starfsfólkið á lagernum hvorki en íslensku né ensku og þar sem að pólskan mín er orðin frekar ryðguð þá var þetta hið mesta basl. Loksins þegar ég fékk aðstoð þá kom í ljós að varan sem ég var að leita var ekki til en "væntanleg"............gaman!
Sem betur fer finnst mér alltaf gaman í Ikea þannig að þetta var ekki svo hræðilegt.
Eftir þetta lagði ég leið mína að Suðurlandsbrautinni því að mig langaði í núðlur frá Nings, þar var þvílík umferðateppa út af einhverjum fótboltaleik og það var ekki lítið sem ég bitraðist yfir því. Ekki minnkaði biturleiki minn að þurfa að hlusta á einn viðskiptavin hella sér af ástæðulausu yfir stúlkurnar sem voru að afgreiða á Nings, en það er því miður til fólk sem greinilega getur ekki haft nein samskipti án þess að vera með dónaskap og leiðindi. Mig langaði óstjórnlega að hella Soyasósu niður hálsmálið á henni!
Svo kom það mest pirrandi af öllu og ég vildi að það væru til lög sem banna þetta..... fólk sem keyrir of stóra bíla og ræður ekkert við þá!!!
Kona sem að öllum líkindum var á leið á fótboltaleikinn gerði sér lítið fyrir og ók ofvaxna bílnum sínum öfugu megin á móti allri umferð. Þegar hún áttaði sig á mistökunum panikaði hún svo gjörsamlega að hún gat engan veginn bakkað hlunknum og baðaði bara út öllum öngum, reyndi að hringja í einhvern og gerði eintómar gloríur. Allir bílarnir fyrir aftan mig flautuðu eins og þeir ættu lífið að leysa en ég ákvað að vera ekkert að koma henni í meira uppnám enda var hún alveg að spila út.
Ég er lítil kona, ég er ágætis bílstjóri, keyri varlega og vandlega en ég er enginn parking snillingur! Ég vel að keyra bíla sem ég ræð vel við, og geri mér fyllilega grein fyrir því að ég á ekkert að vera að eiga við jeppa. Og þessi kona hefði bara átt að vera með bílpróf á örsmábíla.
Ég hef svo sem verið sökuð um það að keyra eins og gamalt fólk nýtur ásta, mjög hægt og afskaplega varlega, með mikilli hættu á því að fara úr mjaðmalið. En ég vil frekar keyra eins og gamalt fólk nýtur ásta heldur en að njóta ásta í bíl með gömlu fólki.

Þetta er passleg stærð á bíl ;)

- Játaði Karen

miðvikudagur, október 04, 2006

Old flame

Það er svo krúttlegt að sjá gamalt fólk sem er ástfangið og mér hlýnar alltaf um hjartað þegar ég er á leiðinni í Baðhúsið og sé gömul hjón sem er alltaf á göngu á Klambratúni og leiðast eins og ástfangnir unglingar. Hrikalega sætt, svo fékk ég þennann brandara í emaili í morgun og finnst hann rosa krúsí :)

Maður og kona á níræðisaldri hafa verið að draga sig saman undanfarna daga á dvalarheimili aldraðra á Höfn.
Í gær mættu þau í Lyfju til Dídíar með langan lista.
Konan : áttu þvagræsilyf
Dídí : já
Konan: (við karlinn) merktu við
konan: áttu hæðarlyf
Dídí: já
Konan: áttu blóðþrýstingslyf
Dídí: já
Konan: áttu náttbleyjur
Dídí: já
Konan: átt svefnlyf
Dídí: já
Svona gekk þetta í nokkra stund og alltaf merkti karlinn samviskusamlega við.
Dídí fór að verða hissa á þessu og spurði þau gömlu hvort þau ætluðu að kaupa allar þessar vörur.
Þau gömlu litu bæði brosandi á Dídí og sögðu .Nei..... við ætlum að fara að gifta okkur. Þetta er gjafalistinn.

- Játaði Karen

þriðjudagur, október 03, 2006

What´s in your head Zombie????

Einn gamall vinur minn sagði að lagið Zombie með Cranberries minnti sig alltaf á mig. Ég var nú frekar móðguð þrátt fyrir að lagið sé skemmtilegt.... í morgun átti þetta samt afskaplega vel við mig. Ég mætti í þrekhúsið til að hlaupa af mér mestu mörina en tók eftir því þegar ég var búin að svitna í ca 10 mínútur að ég hafði greinilega farið með líkamann í leikfimi en skilið alla hugsun og meðvitund eftir heima upp í rúmi. Ég var svo utan við mig að ég svaraði ekki þegar á mig var yrt og vissi eiginlega ekkert hvað ég var að gera þarna. Í raun vissi ég ekki af mér fyrr en ég stóð undir heitri sturtunni heima og verð að segja að það er ljómandi að vera andlega fjarverandi á meðan maður pískar litla kroppnum áfram. Ég er í svo ofsalega kátu skapi að ég ræð mér vart! Veit ekki afhverju og er alveg sama það er bara gaman að vera svona ógurlega glöð. Kannski er þetta bara endorfín overload sökum líkamsræktaræðis sem yfir mig gengur þessa dagana eða kannski er það bara vegna þess að lífið er gott og ég er nokkuð sæl með mitt hlutskipti í því :)
Mig dreymdi ekkert smá krúttlegan draum í nótt en mig dreymdi hann Hlyn töffara og hann var orðinn lillababy svona 2 ára og hann hoppaði ofan í baðkar í öllum fötunum, mér fannst ég vera að þurrka honum og klæða hann ný föt. Það er fátt sem ég að veit yndislegra en lítil börn nýkomin úr baði, svo mjúk og hlý og á allan hátt eins og litlir nýbaðaðir englar. Æðislegt hvernig góðir draumar geta haft áhrif á mann allan daginn.

Ætli það fari framhjá nokkrum að ég er illa haldin af babyfever :þ

- Játaði Karen

mánudagur, október 02, 2006

Diet got you down?

Handtekinn með fulla vasa af sælgæti eftir innbrot
Maður var handtekinn skammt frá bensínstöð Olís við Klöpp í Reykjavík um tvöleytið í nótt, en hann hafði brotist inn á stöðina, samkvæmt upplýsingum lögreglu. Er maðurinn náðist var hann með fullan munn og vasa af sælgæti, og hafði brotist inn til að verða sér úti um munaðinn. Hann hafði brotið rúðu og skorist við það og var fluttur á slysadeild til aðhlynningar.
www.mbl.is

Kall greyið, hver kannast ekki við þetta?? Eflaust allar konur sem hafa einhvern tímann þennan "sérstaka" tíma hvers mánaðar verið hér um bil tilbúnar að myrða og selja sál sína fyrir súkkulaðimola! En fyrr má nú vera að maður springi á mergruninni! Ég sé hann fyrir mér á náttsloppnum hlaupandi um hverfið í leit að opinni sjoppu, svo hefur hann í örvæntingu sinni þurft að grípa til þessa örþrifaráðs. Neyðin kennir naktri konu að spinna og sælgætisgrísum að brjótast inn?!?

- Játaði Karen