Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Nýlegir póstar

It´s facebook...

Back to school...

What to say, what to say?

Eldri póstar

föstudagur, júlí 28, 2006

Guess who?

Mikið er yndislegt að fá hana Lóu mína heim svo yndislegt að ég var alveg sátt við að fá hana í morgunkaffi kl 8 í morgun! Það er kannski soldið snemmt en þar sem við smáfjölskyldan vorum öll vöknuð nema ég, ég var vönkuð þá var þetta hið besta mál. Við drukkum kaffi og spjölluðum og þegar Lóa fór þá var ég ótrúlega dugleg og snaraði fram nokkrum bls í ritgerðina. En hvar haldið þið að Karen litla sé stödd núna. Haldið að hún sé ekki mætt í Baðhúsið að taka þá fyrstu af milljón aukavöktum sem mér hafa skyndilega boðist. Sannfæringa kraftur yfirmanna hér í samstarfi við Íslenska ríkið hafa sannfært mig um að snúa aftur til starfa í sprikklinu. En ekki hvað :þ held ég hafi hvort eð er verið í bullandi afneitun að ég gæti einhvern tímann hætt hérna.
En dagurinn í dag lofar því að verða æsispennandi, eftir vinnu erum við Magga að fara í Body Pump og svo að busla í pottinum og eftir það Partý partý partý. Magga ætlar að halda innflutningspartý og við ætlum að rífa þakið af húsinu með stemmingu. Planið er svo að fara að kíkja á Óla spila aðeins og mála svo bæinn rauðann. Þetta leggst afar vel í mig enda aldrei lognmolla í kringum þær prinsessurnar og horfi ég spennt á klukkuna og hvet hana áfram, koma svo aðeins hraðar!!!!!

- Játaði Karen

fimmtudagur, júlí 27, 2006

A day at the spa .............. of DEATH

Það er kannski óvenjulegt en með leyfi "höfundar" þá ætla ég að blogga um soldið sem kom ekki fyrir mig sjálfa heldur fyrir elskulegu vinkonu mína hana Möggu.
Umræðan byrjaði í kvöld þegar að Lóa fersk úr flugvélinni var að segja okkur frá einhverju frábæru Tyrknesku baði sem hún og Þröstur fóru í núna í sumarfríinu. Ef að ég skildi hana rétt þá er maður grillaður í heitri gufu, svo er maður þvegin hátt og lágt af körlum í lendarskýlum og endar svo í æðislegu heildnuddi. KÓSÝ!!!

Þegar að Lóa var búin að segja okkur frá þessarri yndislegu lífsreynslu þá heyrist í Möggu " þetta er ekki eins og Gríska baðið sem að ég prófaði í Svíþjóð. Og hér kemur sagan.

Magga litla og Sænsk/Gríska útrýmingarbaðið.

Magga og vinkona hennar skella sér í sund en sjá þá auglýsingu þar sem stendur Grískt bað fyrir konur á miðvikudögum milli 10 og 12. Það var einmitt miðvikudagur og klukkan var á milli 10-12. Þær vinkonur spyrjast fyrir í afgreiðslunni og þar er þeim sagt að þetta sé ofsa fínt dekur og þær ákveða að skella sér og borga fyrir 800 kr (ísl).
Allt lítur þetta rosa huggulega út og þær ganga inn um blómaskreyttan inngang og inní hugglega móttöku. Þar tekur á móti þeim kona og segir þeim að taka af sér og og sýnir þeim hvert þær eiga svo að fara. Þær gera eins og þeim er sagt taka af sér, kippa með sér sundfötunum og fylgja leiðbeiningunum þar til að þær finna Gríska baðið.
Nema þetta var ekki svo mikið bað heldur risastór sturtuklefi og í honum miðjum standa tvær risastórar konur við sitthvort málmborðið. Já einmitt svona eins og er notað í LÍKHÚSUM!!!
Tröllkonurnar benda þeim vinkonum á að skella sér upp á borðið. Þær eru vægast sagt hikandi og á meðan þær skima örvæntingarfullar eftir EXIT merkinu þá brunar kona framhjá þeim og hoppar upp á bekkinn og önnur Gilitruttinn byrjar að skrúbba hana af miklum krafti. Á meðan er hin skessan að reyna að lokka þær upp á borðið og sannfærir þær um að fyrst þær séu komnar þá verði þær að prófa. Og þær láta tilleiðast!!
Þær vippa sér upp á borðið og Magga fylgist með þegar að tröllkonan hennar tekur upp eitthvað sem úr fjarlægð líkist svampi, en þegar hún byrjar að nudda með honum þá er það nokkuð ljóst að þessi svampur er af einhverri sjaldséðri gaddavírs ætt og hún sér bókstaflega hvernig húðin flyjsast af henni í löngum strimlum. Þvíllík kvöl og pína og þegar þessu er lokið og þær standa þarna húðlausar og blóðgaðar er þeim smalað inn í sauna sem brennir það litla sem eftir er af efstu 2 húðlögunum.

Ég hló svo mikið þegar Magga sagði þessa sögu í kvöld að fyrst grét ég og svo þurfti ég eiginlega að gubba. Ég varð bara að deila þessu með ykkur og vona að þið getið glaðst eins og ég hef glaðst yfir óförum elskunnar hennar Möggu minnar.

- Játaði Karen

mánudagur, júlí 24, 2006

I´m on vacation..........

Where´s my drink????

Já það er best í heimi að vera í sumarfríi ef ég hefði ekki hitt einn vinnufélaga minn á föstudag þá væri ég ekkert búin að hugsa um vinnuna. Fyrsta vika frísins búin en það er í lagi því að ég á 3 eftir :Þ

En hér kemur smá update síðan síðast, á fimmtudagskvöldið skelltum við okkur á Viktor með Atla og Betu og það var eins og alltaf rosaleg stemming. Það var heldur ekkert leiðinlegt þegar nokkrar mínútur yfir miðnætti fékk ég óvæntann glaðning frá elskunni minni þegar hann steig upp á "stóra" sviðið á Viktor og söng You are so beautiful fyrir mig í tilefni eins árs afmælis okkar :)
Það var rómantískara en allt og við Beta sátum með tár í augum og gæsahúð í stíl yfir þessum yndislega söng.

Við áttum rómó föstudag og enduðum á því að fara aftur á Viktor því að Óli og Arnar voru að spila, ég eins og venjulega stóð mig vel í grúppíuskrækjum og skemmti mér konunglega yfir frábærri frammistöðu strákanna. Þetta reyndist hið mesta stuðkvöld og strákarnir reyttu af sér óskalögin og skemmtilegheitin. Laugardaginn kíktum við í bíó með Möggu og svo á svaka djamm með Möggu líka. Við drukkum kokteila og spiluðum Actionary sem var sjúklega gaman af því að ég VANN!!!! Fórum í partý í Breiðholtinu og svo í bæinn að tjútta. Sem sagt frábær, þynnkulaus (ótrúlegt en satt) helgi.
Í dag var ég með móral yfir því að vera búin að vera með 3 vikna nammidag og við Magga mín búnar að fara tvisvar í ræktina í dag og geri aðrir betur. Þegar ég mætti í Þrekhúsið í morgun árla þá hitti ég hana Möggu sem var að vinna með mér í Baðhúsinu. Hún sýndi mér litla prinsinn sinn sem fæddist í apríl og við rifjuðum upp að fyrir rúmu ári síðan vorum við alltaf að bitrast yfir því að vera að pipra og ári seinna er ég hamingjusöm í sambúð og hún búin að gera enn betur og búin að finna mann og þau saman búin að fjölga mannkyninu.
Magnað!!!

- Játaði Karen

fimmtudagur, júlí 20, 2006

On a summer holiday

Já dúllurnar mínar það er sko ekki amalegt að vera í sumarfríi á degi sem þessum. Vaknaði snemma og braskaði aðeins og endaði í Bókhlöðunni að ná mér í bækur fyrir ritgerðina mína. Þegar það var afgreitt fannst mér ég samviskubitslaust geta farið að njóta veðurblíðunnar. Við Óli trítluðum niður í bæ í steikjandi hita, löbbuðum einn Laugaveg og enduðum í garðinum hjá Hressó með ljúfengan mat og ískaldan bjór. Ég var endalaust ánægð með lífið og nutum við okkar í botn. Við gengum svo heim með stuttu stoppi á Austurvelli þar sem nokkur ungmenni voru að skemmta með tónlistaruppákomu. Það var pakkað í bænum og greinilegt að við Óli vorum ekki ein um það að vera alsæl með veðrið. Frábært að fá heila 2 sólardaga í röð og ekki skemmir fyrir að það spáir sömu blíðunni á morgun! Can I get a Halleluja!?!
Núna bíð ég spennt eftir henni Betu baby og að Óli komi heim svo að við getum drifið okkur aftur í bæinn að sjá Pétur, Matta og Einar spila líftóruna úr gestum og gangandi á kaffi Viktor.
Já það er endalaus sæla að vera í sumarfríi.

Until next time this has been Mrs Ulrich happy as a puppy with two tails!

- Játaði Karen

föstudagur, júlí 14, 2006

I only have eyes for you

Síðasti vinnudagurinn minn fyrir sumarfrí, eftir 6 klukkutíma verð ég komin í 4 vikna pásu frá vinnunni sem verður yndislegt þrátt fyrir það að ég verði sveitt í ritgerðarskrifum. Þegar ég skaust heim í hádegismat í gær var Óli orðinn móðurbróður í annað sinn miklar gleðifréttir og litli frændinn alger gullmoli. Það var gaman að fá smá svona sólskin í lífið því ekki leikur veðrið við okkur Reykvíkinga þessa dagana. Þvílík lægð yfir landinu með tilheyrandi skapvonsku og veseni. Við finnum vel fyrir því í vinnunni hjá mér þegar það er lægð yfir landinu eða fullt tungl því að þá er skapvonskann að gera útaf við viðskiptavinina og við fáum að finna fyrir því með tilheyrandi dónaskap. Einn herramaður sem kom hingað í gær bölvaði okkur öllum í sand og ösku og óskaði okkur alls ills sem fyrir okkur gæti komið. Snéri svo við og hvíslaði afsökurnarbeiðni áður en hann stormaði út. Það sem verra er hún Karen litla káta verður líka geðstirð í svona kringumstæðum og þarf að berjast við löngunina til að stimpla einhvern beint á ennið!!!
Þegar ég kom heim losaði ég um pirringinn með því að CLEAN HOUSE big time og leið miklu betur á eftir.
Við tókum svo "huggó" vídeókvöld og fór ég og sótti myndina The hills have eyes. Það hefði átt að vera mér nægileg viðvörun þegar að stelpan á leigunni sagði "þetta er ógeðsleg mynd, ekki horfa á hana ein" Really....... ég hugsa að ég hefði gefið upp andann ef ég hefði þurft að horfa á þetta ein og ég held að Óli hafi verið komin með nett ógeð á skrækjunum í mér þar sem ég hélt fyrir augun í hnipri í sófanum og skalf. Þessi mynd er bara alger viðbjóður, ég var heillengi að jafna mig og viti menn það voru nokkur skrímsli úr myndinni sem rötuðu inní draumana mína í nótt!! Sveiattan!!!!
En í það skemmir ekki fyrir mér VACATION DAY og um leið og ég er búin að vinna mun ég spyrja.....
"I´m on vacation, where´s my drink?"
Planið er að halda smá grillgill í kvöld ef að veður leyfir það er að segja og svo að sjá Óla og Arnar spila á Kaffi Viktor fram á nótt. Hlakka sjúklega til og svo er brúðkaup á morgun með tilheyrandi gleði og hamingju.

Ég fer í fríið, ég fer í fríið, ÉG FER Í FRÍIÐ!!!!!!

- Játaði Karen

fimmtudagur, júlí 13, 2006

Morning sickness

Ég veit ekki hvað það er sem gengur að mér þessa dagana, ég get ekki fyrir mitt litla líf vaknað á morgnanna. Þetta er alveg út í Hróa Hött skal ég segja ykkur, ég hef alltaf verið morgunmanneskja eða þangað til núna. Ég finn hvernig ég lifna við þegar kvölda tekur, er aldrei komin í háttinn fyrr en eftir miðnætti og það er löngu liðin tíð að ég geti vaknað til að sprikkla á morgnanna. Ég hugsa að ég skelli bara skuldina á hversu nauðsynlega ég þarf að komast í sumarfrí. Ég vakna á morgnanna alltaf of sein sem er bara orðið brandari í vinnunni og ég eins og súr gúrka alveg þangað til ég kem heim á daginn. Ég tek vítamín og lýsi og ekkert virkar, enda held ég að þetta batni ekki fyrr en eftir helgina þegar ég er komin í sumarfrí og er ég enn ákveðnari en áður að fara ekkert á fætur á mánudaginn. Óli verður bara að vera ástarþrælinn minn og færa mér mat í rúmið hahaha. Það er ótrúlegt að eiga kærasta sem þekkir mann svona vel, eins og Óli þekkir mig. Hann veit alveg hvað mér á eftir að finnast gott og hvað mér á eftir að finnast skemmtilegt. Við settumst niður í gær til að horfa á japönsku teiknimyndina Spirited away. Ég var eitthvað hikandi þegar Óli stakk upp á að við horfðum á hana en héðan í frá treysti ég því algjörlega þegar hann segir að ég eigi eftir að fíla eitthvað, ég sat með stjörnur í augunum yfir þessu augnakonfekti.
Þetta finnst mér vera rómantík, að þekkja hvort annað og vita hvað elskunni manns líkar eða líkar ekki.

- Játaði Karen

þriðjudagur, júlí 11, 2006

Rock a bye baby

Þegar ég var lítil var ég svo heppin að við mamma bjuggum hjá ömmu minni. Amma mín var algert yndi, hún fór með mig í kirkju og kenndi mér að biðja, hún sagði mér sögur á meðan hún burstaði á mér slöngulokkana og hún nennti næstum alltaf að leika. Þegar ég var ungi voru það engar Disney persónur sem vögguðu mér í svefn heldur tröll, álfar og Karl og kerling í koti sínu.
Seinna þegar ég fékk að gista hjá ömmu þá fórum við í "munaðarleysingja" leik, þá lokaði ég ömmu inní eldhúsi, setti utan um mig sjalið hennar og barði svo að dyrum. Þegar amma opnaði þá var ég skjálfandi fyrir utan eldhúsið og hún bauð litla munaðarleysingjanum inn í mjólk og kexkökur.
Ég elskaði þennann leik og lifði mig með miklum tilþrifum inní hlutverk litla munaðarleysingjans.
A flair for the dramatic!

Þegar ég og systkini mín vorum lítil var alltaf verið að segja okkur sögur, meira segja það að láta klippa á sér neglurnar varð að sögustund en þá sagði mamma okkur sögur af honum Morra sem smíðar sér skó úr nöglunum á litlum börnum. Síðan voru neglurnar settar á sérstaka skál og daginn eftir var Morri búinn að taka þær og borga manni 10 kall og seinna með aukinni verðbólgu 50 kall fyrir.

Þessi sagnahefð fjölskyldunnar varð til þess að ég var sjálf alltaf að segja sögur sem barn, ég sagði ömmu að það hefðu komið álfar og farið með mig í veislu þegar við vorum í sumarbústað og ég sagði öllum sem vildu heyra að það hefði komið púki og bitið mig í tána þegar ég fékk blóðeitrun. Ég fékk nefnilega blóðeitrun út frá hlaupabólu þegar ég var 2 ára en sagði að púkinn hefði bitið mig í tánna vegna þess að ég klipptu út allar Emmu bækurnar mínar.
Ég man enn eftir því hvað hann horfði vonsvikinn á Emmu dúkkulísurnar mínar áður en hann sökkti litlu beittu tönnunum í stóru tána mína.
Krúttlegt hvað maður var bilað baby!

I´m coming to get ya!!

- Játaði Karen

sunnudagur, júlí 09, 2006

Luck of the irish!!

Ohhh Lord
Oooohhhhh sweet Lord
Lordy Lordy Lordy!

Það var svo sjúklega gaman um helgina að það er ekki eðlilegt.
Við lögðum af stað strax eftir vinnu á föstudag og eftir stutta viðkomu á Hvanneyri var brunað á Skagann. Þrátt fyrir að ungfrú Ulrich hafði fengið heimsklassa mígreniskast á leiðinni þá var það ekkert sem að stærri en ráðlagður skammtur af verkjalyfjum lagaði ekki á nótæm. Það hafði reyndar þær skemmtilegu aukaverkanir að tengdamamma hélt að ég væri með barni sökum þess hversu föl ég var þegar við runnum í hlað. En það er bara fínt og hún var fljótlega sannfærð um ég að er vissulega kona einsömul þegar hvert glasið á eftir öðru af rósavíni rann ofan í mig. Við skelltum okkur í rosa fínt götugrill þar sem að Óli sló í gegn með söng og gítarspili. Það eina sem skemmdi fyrir var hversu kalt það var en ég fékk lánaðann skíðagalla sem var rosa hlýr og það breytti engu þó að Óli hefði haldið því fram að ég hefði ferðast aftur í tímann til að fara í hann. Hér má sjá hversu vel ég leit út sérstaklega eftir að ég var búinn að sveipa mig teppi, með sólgleraugun hans Óla, tóma flösku og stóru söngbókin OG ALLIR SAMAN NÚ.... PARTÝ!

Eftir að ég var komin aftur til nútímans fórum við að heimsækja Svabba og Þóreyju og fleira gott fólk og skelltum okkur á djammið. Útdönsuð var svo skriðið heim um fjögur með bros á vör.
Laugardaginn fórum við svo í brúðkaup Dabba og Dísu þar sem Óli var söngvari og veislustjóri með meiru. Mjög fínt og alltaf gaman að hjálpa fólki að fagna ástinni.
Hér eru brúðhjónin nýgiftu að fá sér smá köku með ástinni :)

Ég var rosa glöð í mínum hefðbundna kínverska brúðarkjól en get þó lofað að ég fer aldrei aftur í honum í veislu þar sem maður situr allann tímann, silkið var orðið ansi krumpað og þar fyrir utan eru klaufar á hliðunum sem gefa gott útsýni langleiðina uppá bossa þegar maður situr.
En hér má sjá mig á leið úr veislunni í kjólnum.

En það voru sem sagt írskir dagar á Skaganum um helgina og bærinn stútfullur af fólki, aðalatriði hátíðarinnar er Lopapeysuballið og við ákváðum á síðustu stundu að skella okkur þangað. Reyndar vorum við frekar mikið seint á ferðinni því að það myndaðist svo æðisleg stemming í Jörundarholtinu þegar að Óli sótti gítarinn og við sungum öll og trölluðum fram eftir kvöldi.

En þarna má sjá minn heittelskaða munda gítarinn og eins og má auðveldlega sjá var stemmingin gífurleg.

Og það er greinilega thirsty work að vera Flottur gaur :Þ

Við fórum svo öll saman á Lopapeysuballið þar sem við tjúttuðum við tónlist Papanna og hittum alla í heiminum. Ég var kynnt fyrir amk 1/3 af hátíðargestunum sem er hellings mikið þar sem að ca 3000 manns voru á staðnum. Litli bróðir minn var meira að segja mættur á svæðið og tók léttann trúnó og rifjaði upp þegar hann varð vitni af fyrsta kossi okkar Óla fyrir 14 árum síðan, þá var hann sex ára.
Sem sagt ótrúlega velheppnuð og skemmtileg helgi og ég fer afar sátt inn í síðustu vinnuviku mína fyrir sumarfrí.
SJIBBÍ!!

- Játaði Karen

föstudagur, júlí 07, 2006

Bravo

I´m pretty

you´re pretty

what do you say we go home and......

Stare at each other?!?

Vesen dagsins í gær hélt áfram að kvelja mig í morgun, það er eins og meirihluti þeirra sem ég lendi í að afgreiða hafi skilið heilann eftir heima áður en þeir fóru út. Ég er búin að hlaupa um allt embætti eins og lyfjalaus geðsjúklingur og er ykkur að segja alveg búin að fá nóg. Ég var í afskaplega önugu skapi þegar elskurnar mínar komu og sóttu mig í gær, ég er alveg eins og litlu börnin og fer alveg á límingunum ef ég er svöng eða illa sofin. En einum kínakjól, pylsu og ís með dýfu seinna var ég öll að koma til. Ég keypti mér eldrauðan kínakjól með gylltum drekum fyrir brúðkaupið á morgun. Jibbí jey! Set ef til vill myndir eftir helgina :Þ

Geðsveiflur mínar tóku svo engann enda og var ég svo hátt stemmd seinna um kvöldið að Óli var hálfsmeykur við mig.

Í dag er alveg skelfilega syfjuð því að ég gat ekki sofnað fyrir háttstemmu og vildi að ég gæti lagst í kaffibleyti til að hressa mig við. Planið er að brenna svo upp á Skaga eftir vinnu, og svo SLAKA!

B.T.W
Ég var að komast að því að svona rauður kínakjóll er hefðbundinn brúðarkjóll!!!

Óli beint á skeljarnar hahahaha!!

- Játaði Karen

fimmtudagur, júlí 06, 2006

Don´t let the sun go DOWN on me!

Hmmmmm eitthvað perralegt .................
Ég sé að neikvæðni mín undanfarna daga hefur haft tilskyld áhrif, sólin er komin!
Ég vaknaði afskaplega árla í morgun og með hótun um líkamsmeiðingar af verstu sort kom sjálfri mér á fætur til að fara að sprikkla. Á meðan ég klæddi mig heyrði ég alltaf einhverja tónlist koma að utan og hugsaði með mér að þetta væri nú MAJOR tillitleysi að spila tónlist svona hátt eldsnemma á fimmtudagsmorgni. Þegar ég kom út sá ég hvaðan tónlistin kom, út á svölum í húsinu á móti okkur stóð gaur á skærpóttum nærbuxum og engu öðru með drykk í hönd og sveiflaði sér hægt í takt við dynjandi tónana. GAMAN!!! Einn alveg í ruglinu!
Ég dreif mig í Þrekhúsið og horfði á Dr. Phil á meðan ég hljóp eins og fætur toguðu. Umræðuefni dagsins var Sönn ást, og kom meðal annars fram að næstum því 100% kvenna veldu frekar að giftast sinni sönnu ást frekar en milljarðamæring. Karlarnir hins vegar voru aðeins minna rómó.
Svona er þetta, there´s no romance without finance for some people. Ég held samt að karlmenn ofmeti það oftar en ekki hversu spenntar konur eru fyrir dýrum hlutum og peningum.
Tvímælalaust heillar það einhverjar konur en ég held að flestar konur vilji frekar mann sem er þeim góður frekar en mann sem gefur dýrar gjafir.

Ég bíð spennt eftir að klára vinnuna og ætla að tosa litla prinsinn með mér í bæinn að finna mér kjól fyrir brúðkaupið............. já einmitt Brúðkaupskjól!!!
En bara svona gestur í brúðkaupikjól :Þ

En hvað segið þið eru Diamonds a girls best friend????

- Játaði Karen

miðvikudagur, júlí 05, 2006

For the love of God people!!!

Tíminn líður hægt hjá
Þinglýsingar og skráningardeild Sýslumannsembættisins.
Hægar sérhvern dag, hægar og hægar og BLOODY hægar!!!!

Ég held að þetta sé efni sumarsmell!

Það er nokkuð ljóst að það er kreppa og mikil lægð á fasteignamarkaðnum, mér leiðist óheyrilega og í örvæntingu minni er ég búin að gleypa heilann pakka af bréfaklemmum og er alvarlega að íhuga að hefta á mér einhverjar slagæðar. Það er ennþá kalt og blautt úti og ég hef á tilfinningunni að þetta verði svona að eilífu. No more sunshine EVER!
Eins og bersýnilegt er þá er ég ekki í rosa góðu skapi í dag, ég er sybbin og svöng og almennt eitthvað öfugsnúin.
En það er bara gott á mig :Þ

7 vinnudagar í frí...!!!!
Mánudaginn 17 júlí ætla ég að liggja í rúminu allan daginn :)

Varist þessar gulu, þær eru eitraðar!

- Játaði Karen

þriðjudagur, júlí 04, 2006

My chest is roasting on an open fire?!?

Lítið út um gluggann, dimmt, kalt og blautt!! Þegar ég labbaði inn í vinnuna í dag þá sló mig skyndilega sterk JÓLATILFINNING já einmitt jóla!!!! Það er eins og það sé bara að detta inn haustið og ekkert sumar búið að vera. Ég er bitur, rosa mikið bitur!
Það eru 173 dagar til jóla eins og við Hlynur komust að raun um í gær á leiðinni í leikfimi. Ég fór að pumpa á meðan Hlynur hamaðist í Kroppakoti. Við sem sagt töldum dagana til jóla því að ég sagði honum að við skyldum fara á Árbæjarsafnið fyrir jólin og auðvitað þurfti hann að vita nákvæmlega hvað væri langt þangað til. Algert sólþurrkað vínber!
Það verða komin jól áður en við vitum af skal ég lofa ykkur og það verður enn skrítnara ef að sumarið ákveður að koma bara ekkert til Íslands þetta árið.

Það styttist í helgina, brúðkaup og írskir dagar á Skaganum, held að það geti ekki verið annað en brilliant skemmtilegt. Hlakka mikið til :)
Síðasta helgi var svoddan rólegaheita helgi að það verður gaman að sletta aðeins út klaufunum on the Skag!

Have you been naughty or nice? Cause I´ve been real naughty :Þ

- Játaði Karen

mánudagur, júlí 03, 2006

The Final Countdown

Daddarara dadd da radd dada daddarara daddaradd dadd da da da da

9 vinnudagar í sumarfrí I KIDD YOU NOT!

Lof sé Drottni, hósíanna í upphæðum!

Ég hef ekki tekið mér lengra frí en viku síðan árið 2003!!!!
Eins og gefur að skilja er ég meira en tilbúin fyrir fríið mitt og bíð spennt eins og grjón!

The may take away our lives but they´ll never take away our FREEDOM!

Set miss Ulrich FREE!!!

- Játaði Karen

laugardagur, júlí 01, 2006

Me, myself and I

Munið þið eftir De la Soul smellinum síðan back in the day, Me myself and I, það segir kannski meira um mig og hversu gömul ég er orðin að þetta lag kom út 1989 og ég man eftir að dansa við það á einhverju balli í Frostaskjóli!

En ég hafði ekki hugsað mér að blogga um það hvað ég er gömul gella, heldur eiginlega meira um baksíðu Fréttablaðsins. Mér finnst rosa gaman að lesa Bakþankanna sérstaklega þegar Jón Gnarr skrifar, mér hefur alltaf fundist Jón Gnarr fyndinn ég verð að segja að eftir að hann fann Guð þá finnst mér algert yndi að lesa pistlanna hans, hann er bara mjög flottur gaur. En það voru bakþankar annars þjóðþekkts manns sem að vöktu athygli mína um daginn, en það voru þankar Davíðs Þórs Jónssonar. Við sátum við eldhúsborðið þegar Óli benti mér á pistillinn hans Davíðs og ég las hann. Ég hef alltaf haft gaman af Davíð Þór þó að ég verði að viðurkenna að ég missti talsvert álit á honum eftir að hann tók þátt í einu lélegasta sjónvarpsefni allra tíma. Þar leyfði hann 2 vitleysingum að gefa sér makeover sem var horror og svo þáði hann ráð um hvernig á að táldraga og veita konum unað frá minnst kynþokkafyllsta manni Íslands, ógeðsbarninu Geir Ólafs. Í alvöru talað ég held að aldraður maður í dauðadái væri líklegri til að koma konum til. En svo að við snúum okkur aftur að því sem að Davíð hafði að segja í Fréttablaðinu, hann var að tala um hvort að það sé rétt að maður verði að elska sjálfan sig til að geta elskað aðra og hvort að eina ráðið til að líða betur með sjálfan sig væri að fara til Indlands og eyða tíma með einhverjum gúrúum??? Hann benti réttilega á að maður þarf ekki að vera ánægður með sjálfan sig til að geta hjálpað öðrum. Ef þú ert vansæll og gefur hungruðum manni að borða, verður hann eitthvað minna saddur því að þú ert ekki ánægður??? Brauð er brauð sama hvernig þér líður þegar þú gefur það. Og hann hélt áfram með því að benda á að ef að við gerum góðverk þá mun það leiða til þess að okkur líður betur með okkur sjálf. Ég held að hann hafi hitt naglann beint á höfuðið með þessum pistli. Það er sælla að gefa og allt það og það er örugglega margir sem gera góðverk eingöngu til að láta sér líða vel, en það er öruggt mál að það tekur ekkert frá viðtakandanum. Ég styð heilan haug af málefnum sem mér finnst mikilvæg og auðvitað geri ég það líka til að mér líði vel, en ég held að það leiði ekkert minna gott af þessum peningagjöfum fyrir vikið.

www.abc.is
www.amnesty.is
www.blattafram.is
www.unicef.is
www.unifem.is
www.redcross.is

Go on knock yourself out!! Ég lofa að ykkur líður vel á eftir!

- Játaði Karen