Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Nýlegir póstar

It´s facebook...

Back to school...

What to say, what to say?

Eldri póstar

sunnudagur, desember 19, 2004

Drunk

Er að stelast til að blogga heima hjá Soffíu, áleið á djammið og drukkin eins og

- Játaði Karen

laugardagur, desember 18, 2004

Of christmas and other fun things

Mikið búið að ganga á, ég er á fullu að leita að jólunum og er nokkuð viss að þau muni dúkka upp um leið og ég er búin að skila af mér öllum verkefnum í skólann sem er bara á mánudaginn. Lóan mín loksins komin á klakann og ég var ekkert lítið ánægð að sjá hana. Búið að vera alltof langt síðan síðast. Samt soldið fyndið með þessar nánustu vinkonur manns, til dæmis hef ég sjálf oft verið lengi erlendis og elskurnar þrjár Magga, Ragga og Lóa hafa allar verið búsettar um tíma erlendis. En það sem er skrítið með þær og Soffíu er að þegar ég svo hitti þær, þá er eins og við höfum hist í gær. Þrátt fyrir að það hafi þvílíkt mikið gengið á síðan við sáumst síðast þá erum við alltaf eins. Mér finnst þetta svo frábært að tíminn og fjarlægðin bráðni bara í burtu þegar við hittumst. Svoleiðis eiga vinir að vera. Í gær hittumst við Magga og Lóa í pizzuát og Idolgláp, en enduðum með að fylgjast ekkert með sönglinu því að það var mikið meira gaman að spjalla bara. Kíktum svo aðeins á Cafe Cultura þar sem að við köfnuðum í vindlareyk og Lóa sló rækilega í gegn, þarna sátum við og supum sprite ökumennirnir(ég og Lóa) og bjór stuðpían (Magga) þegar aðsvífandi kemur starfsmaður með bjórglas fyrir Lóu frá einhverjum hávöxnum herramanni. Þetta vakti mikla kátínu og sérlega gaman að sjá hvað Lóa fór mikið hjá sér. Það er salsakvöld í á Cultura í kvöld og þar sem að planið er að djamma og djúsa þá ætlum við að sjálfsögðu að kíkja og hrista bossana.
Við Soffía fórum á jólahlaðborð í Viðey á fimmtudagskvöldið og vakti það mikla lukku. Eftir að hafa næstum misst af ferjunni, þurftum við að standa eins og illa gerðir hlutir og reyna að halda okkur á löppunum í þvílíka sjóganginum. Við stauluðumst í land með erfiðismunum á háum hælum og drifum okkur í átt að skjóli því að kuldinn var ótrúlegur. Á miðri leið stóð náungi í munkakufli, með bakka með heitu glöggi. Við nálguðumst það sem að Karen litla var fullviss um að væri bara vaxmynd, ég teygði mig í glas þegar að "styttan" hreyfðist, ég gargaði og vældi "hann hræðir mig Soffía" já ég gekk í barndóm af hræðslu. Þetta var semsagt eitthvað manngrey sem var látinn standa grafkyrr í munkakufli með bakka. Greyið litla, við nefndum hann Móra. Það var lítið mál að þekkja Móra aftur þegar hann var kominn inn í sal núna í kokkabúning, sjúklega rjóður í kinnum og skjálfandi af kulda. Þetta var rosa gaman og upplifun að fara svona í smábátsferð líka. En núna er kominn laugardagur og komið að sóðalegum svaðilförum. Planið er að massa djamm í kvöld svo ætlaði ég að reyna að baka á morgun en ég hugsa að ég verði að nota daginn til ritgerðaskrifa. En það kemur í ljós, en ég er ready fyrir kvöldið, búin að versla veigarnar, og hárlit og ákveða í hverju ég ætla þannig að nú bíð ég eftir að vinnudeginum ljúki. Markmið kvöldsins er að fá að minnsta kosti eitt ósiðlegt tilboð og skemmta sér HRIKALEGA vel.

- Játaði Karen

miðvikudagur, desember 15, 2004

I see ya baby shakin that ass

Rassinn á mér fær nóg að borða þessa dagana, ég var MEGA dugleg í prófunum einmitt þegar flestir leggjast í ofát af sjálfsvorkun, en ekki ég! Það var bara ræktin 6 daga vikunnar og svo heilsusamlegt mataræði að það er furða að ég sé ekki sprungin af vítamíni og gleðiefnum. En... svo voru prófin búin og þá þurfti að byrja jólaátið, smákökur í vinnunni, 2 jólahlaðborð á morgun og meira át á mánudag. Þetta er ekki gott mál. Ég hlusta á brestina í fötunum mínum sem berjast við að haldast utan á sístækkandi skrokknum. Ljóta ástandið! En ég hef ákveðið að láta það ekkert bögga mig og vera bara feit og falleg um jólinn já sko alveg eins og jólasveinninn, nema aðeins minna hærð í framan. Núna er verið að massa fram ritgerð og skýrslu sem að ég hélt að yrði skárra en að sitja í próflestri en er satt að segja mjög líkt því að sitja í próflestri. En ég vil samt bara drífa þetta af svo að ég geti um frjálst höfuð strokið einhvern tímann fyrir blessuð jólinn. Sá í fréttunum að það er verið að auglýsa eftir eggjagjöfum hérna á Íslandi, og að konum væri borgað fyrir eggin, SCARY hugmynd að gera svona, ekki það ég tek ofan fyrir þeim konum sem að eru tilbúnar til þess en ég gæti það held ég ekki. Væri alltaf að hugsa um að ég ætti 1/2 barn einhvers staðar á sveimi! Myndi ekki meika það. Færi að stara geðsjúkum augum á öll ungabörn og athuga hvort ég sæi Karenar svip á þeim. Susssuss nei.
Ég fékk það skemmtilega verkefni að kenna 5 bekk í dag, og var mér sagt að láta þau bara föndra, ákvað ég að láta blessuð börnin fjöldaframleiða jólakort á meðan ég las fyrir þau jólasögur og bannaði þeim að tala nokkurn tímann við ókunnuga (sumar létt paranoid eftir atvikið í Kópavog). Í bekknum var strákur sem að krakkarnir tilkynntu mér að héldi ekki upp á jólinn og ætti ekki að búa til jólakort, hann er Vottur Jesús sagði mér hjálpleg lítil hnáta, meinarðu Vottur Jehóva spurði ég og hún yppti öxlum, en ég náði þessu. Jæja elskan sagði ég, geturðu ekki bara búið til nýárskort eða afmæliskort fyrir einhvern sem þú þekkir? Nei, sagði snáðinn, nú?? spurði Karen. Sko kennari, hann heldur ekki upp á neitt, ekki einu sinni afmæli sagði litla hjálparhellan mín. Ég sparkaði í sjálfa mig með huganum því að ég vissi þetta alveg, en eins og svo oft áður þá stakk ég fætinum á bólakaf upp í mig. Ég sat restina af tímanum að kafna úr vorkunn á þessum litla strák sem að getur ekki tekið þátt í jólunum, ekki þannig meint að ég sé á móti þessu, Vottar Jehóva eru þeir sem ég hef kynnst yndislegt fólk og hafa fullkominn rétt á að halda sína trú eins og allir, en ég held að það þegar þú ert barn og allir hinir í bekknum og flestir í skólanum eru að upplifa spennu jólanna þá er erfitt að skilja þetta .

- Játaði Karen

þriðjudagur, desember 14, 2004

Christmas...Bring it On

Jæja þá er ég búin í síðustu jólaprófum mínum við Háskóla Íslands, og maður lifandi hvað ég er glöð. Þessi frelsissvipting sem ég hef þurft að umbera síðustu viku var að gera út af við mig. Ég er sem sagt búin núna og á bara eftir einhverjar skýrslur og svo mega jólin bara koma. Yndislegt! Loftið hefur aldrei verið ferskara, veðrið betra og myrkrið notalegra. Þannig að elsku dúllur ég hef ósköp lítið að segja þar sem að ég hef ekkert gert nema vera límd við bækurnar. En ég ætla að koma með stórmerkilega yfirlýsingu hér og nú. Ég er HÆTT að láta fólk vaða yfir mig! Vildi bara koma því á framfæri ;) Þannig að ef einhver þarna úti hefur verið að hugsa sér að misnota góvild mína eða bjóða mér upp á leiðindi þá skal hinn sami finna sér annað fífl til að fokka í! OG HANANÚ

Mmm mikið er gott að vera svona ákveðin

- Játaði Karen

sunnudagur, desember 05, 2004

Ohhh the HORROR

Ég geng sífellt lengra og lengra með Masókismann minn, ég kíkti í heimsókn til Soffíu í gærkvöldi og hálfþvingaði hana að horfa á The Grudge með mér, slæm slæm slæm hugmynd skal ég segja ykkur. Soffía skildi mig eitt augnablik eftir eina og stuttu síðar heyrðist Dýrslegt óp, Karen litla var að missa sig inn í herbergi. Shit hvað þessi mynd er mikill vibbi! Við enduðum með að minnka myndina niður í 1/2 tommu og horfa án hljóðs, og á ca 2 mínútna fresti heyrðist í hetjunni mér "Guð, ég er með hjartsláttatruflanir, Jesús, ég svitna í lófunum, María Mey, ég er með gæsahúð! . Hún er það ógeðsleg. Eftir myndina fór þó nokkur tími í að rifja hana upp og reyna að drepa hvor aðra úr hræðslu. Sem er alltaf ánægjulegt, sérstaklega með Soffíu sem að bregður manni illilega og lætur mann svo sverja að gera ekki það sama við sig.
Planið eftir vinnu í dag er að reyna með öllum kröftum að læra ekki og fara í bæinn og sjá jólatré og sveina með litla frænda og leika okkur. Hver veit svo nema mér detti í huga að læra í kvöld. En ég tel líkurnar á því hverfandi!

- Játaði Karen

fimmtudagur, desember 02, 2004

Juletide!

Vá ég er alveg að smella í jólagleðina, litli frændi átti afmæli á fimmtudaginn varð 2 ára kúturinn. Það var farið í Kringluna á miðvikudag með mömmu að versla afmælisgjafir fyrir snáðann, Ég vildi að við gæfum honum matrósarföt en mamma valdi mun töffaralegri samsetningu á jólafötum. Prófin nálgast og ég fer bráðum að verða nógu stressuð til að henda mér í að læra á fullu, ég er hrikaleg hvað það varðar að bíða fram á seinustu stundu með allt svona. Ég lenti í óhugnalegu atviki í vikunni, ég átti leið í heimsókn upp á Landspítala seint á þriðjudagskvöldið, og ég er sjúklega hrædd við spítala og skóla á kvöldin og í myrkri, það var svaka átak að koma mér inn í lyftuna á spítalanum og ég labbaði um mannlausa gangana með hjartað í hálsinum. Ástæðan fyrir þessum ótta er leikur að nafni Silent Hill, hrikalega spennandi leikur fyrir playstation sem að ég var hooked á fyrir svona 4 árum, þetta er hryllingsleikur sem að gerist meðal annars inn á spítala og barnaskóla og hann hræddi úr mér líftóruna. Ótti er ávanabindandi andskoti.
Bíð alltaf eftir að einhver skrímsli poppi upp og éti mig :( Ég er meiri kjáninn!
Eins og venjulega er ég að vinna alla helgina og er alveg merkilega sátt við það, aldrei þessu vant. Ég sá hluta af Jackass myndinni í gær og ég verð að segja að þrátt fyrir það að ég skellti uppúr nokkrum sinnum þá eru þessir náungar náttúrulega ógeðslegir. Ég sá gaur já, sætann gaur skíta á sig og skafa svo úr brókinni með dagblaði!! Og svo meig einn þeirra á snjó og át hann og ældi! Viðbjóður!!! Það sem að mér fannst mest disturbing við þetta allt saman var það að eina sem ég hugsaði um á meðan var... DJÖFULL er Johnny Knoxwille HEITUR! Hann er bókstaflega VIÐBJÓÐSLEGA HEITUR.

Ekki það að það sé mikið að marka minn smekk á karlmönnum lately, hummhumm það er líka dvergur í Jackass sem kallast Little man að ég held, hann er svakalega massaður og undir lokin var ég farin að renna til hans hýru auga líka! JÆKS!! Vöðvar hafa þessi áhrif á mig. Ég fer nú að hafa áhyggjur af mér bráðlega.

- Játaði Karen