Óli hefur alveg sérstakt lag á að trylla mig gjörsamlega, ekki bara með því að vera sætur og flottur gaur heldur með því halda skemmtilegum hlutum leyndum fyrir mér.
Um jólin var ég orðin svo spennt fyrir gjöfinni sem var búið að leyna fyrir mér að ég var farin að missa svefn!! Rosa gaman! En sú gjöf reyndist meira en svefnleysisins virði, just look at that beauty ... 
En eins og ég var að kvarta undan í gær þá er afmælið mitt skammt undan, yfirleitt finnst mér ekki gaman að eiga afmæli ekki bara af því að ég er með aldurscomlex :) heldur af því bara.
En eitthvað segir mér að í þetta sinn verði það kannski öðruvísi... þegar Óli sótti mig í vinnuna í dag sagði hann mér að ég mætti ekki plana neitt fyrir afmælisdaginn, því að ég yrði bókuð allan daginn. Svo vildi hann ekkert segja neitt meira, sem þýðir að ég mun líklega ekki sofa mikið í vikunni. Já hvað á forvitin kona að gera í svona aðstöðu, hann vill ekki einu sinni gefa mér vísbendingu. En þar með er honum búið að takast að gera nokkuð sem ekki hefur gerst í einhverja áratugi.... að láta mig bíða spennta eftir að eiga afmæli.
En að allt allt öðru, ég horfði á Natural Born Killers um daginn, var alveg búin að gleyma hvað þetta er frábær mynd, ég sá hana fyrst í bíó haustið 1994 með engum öðrum en honum Óla mínum, þá var ég 17 ára :) En frá því að ég kíkti á hana um daginn þá er ég búin að vera óð í að hlusta á Cowboy Junkies, með If You Were a Woman og Sweet Jane á repeat, alger sæla!
Heavenly widened roses seem to whisper to me when you smile
- Játaði Karen
fimmtudagur, ágúst 24, 2006
Easy does it!
Klukkuna vantar 23 í níu á þessu grámyglulega fimmtudagskvöldi, og við Aníta erum að trylla hvor aðra. Það er hægt að þakka fyrir það að vera að vinna með einhverjum sem er jafn mikill vitleysingur og maður sjálfur, það styttir vissulega kvöldið. So far þá er hún búin að stinga vítamín freyðitöflu upp í sig HEILLI og rétt í þessu kom hún fram veifandi einhverjum óskila nærum sem þurfti að mylja úr!! Hún er klikkaðari en flest allt!
Sóðastelpa!!!
Í staðinn er ég búin að ljúga hana fulla um hitt og þetta og drekka svo mikið af koffíndrykkjum að það er farið að suða mjög hátt í taugakerfinu og ég eins ör og býfluga með tourette heilkenni!
Já, það er aldrei stundlegur friður í Bathinghouse, sem betur fer.
Ég skrapp að hitta leiðbeinandann minn í B.A í dag og það var rosalega spennó og ég komin með hellings nýtt efni og alveg merkilegt hvað það skerpir á manni að tala um verkefnið við einhvern. Hressandi to say the least! En fyrir ykkur sem hafið áhuga á að vita það þá er ég að skrifa um heimilisofbeldi - greiningu og úrræði - með mannfræðilegum twist :)
Föstudagur á morgun og komin 25 ágúst sem þýðir að það styttist óðum í að ég verði árinu eldri, síðasta skipti sem ég verð tuttugu og eitthvað og ekki laust við að það sé merkilegur áfangi.
Rétt´upp hönd sem man ekkert eftir afmælispartýinu mínu í fyrra ;)
Kannski þetta rifji eitthvað upp fyrir ykkur???
Ok, Who Invited The Monkey????
- Játaði Karen
miðvikudagur, ágúst 23, 2006
What you can't see won't hurt you... it'll kill you!
Við ákváðum að hafa það rólegt og slaka í gær og mikið var það notalegt, við fórum og náðum okkur í skemmtiefni á næstu leigu og svo kvöldmat og slökuðum allt kvöldið. Við erum bæði orðin ansi hooked á honum Dr Phil og horfum á hann á næstum því hverju kvöldi og gærkvöldið var engin undantekning. Þar er búin að vera ein fjölskylda sem að við eigum ekki orð yfir, hver fer í sjónvarpið til að segja frá því að hún sé búin að vera í 3 ástarsamböndum utan hjónabands eignast barn með einum ástmanni sínum og gat ekki látið sem að eiginmaðurinn ætti það því að elskhuginn var svartur, gaf barnið til ættleiðingar og á núna von á 6 barninu sínu. Þetta er meira í líkingu við Jerry Springer Show!!!!
http://drphil.com/shows/show/264/
Önnur myndin sem við tókum var endurgerð af myndinni The Fog sem kom út 1980 með Jaime Leigh Curtis í aðalhlutverki, ég sá þá mynd fyrir langa löngu með Möggu og náði hún alveg að hræða okkur máttlausar, þessi nýja þrátt fyrir nokkrar góðar bregðusenur var bara hrikalega LAME!!! Þannig að ef ykkar langar að sjá mynd um holdsveika drauga sem drepa fólk í þokunni þá mæli ég með því að þið sjáið myndina frá 1980 en ekki þessa nýju.
Við fórum svo bara snemma í háttinn enda ágætt að ná sér í smá hvíld svo að maður geti nú vakað yfir Rockstar í kvöld.
Ég bíð spennt eftir að klára daginn því að ég ætla að þrífa íbúðina hátt og lágt seinnipartinn og svo þarf ég að undirbúa mig fyrir morgundaginn því að ég fund með leiðbeinandanum mínum og er rosa spennt að sjá hvernig það fer allt :)
Ég hugsa að sjálfur 007 yrði abbó yfir því hvað ég lifi spennandi lífi.
Óla finnst þoka svo falleg og rómó en mér finnst hún hrikalega SPOOKY!
- Játaði Karen
mánudagur, ágúst 21, 2006
Latin Fever
Karen, hvenær ætlarðu eiginlega að koma til mín?? spurði hún Ragga snyrti mig áðan, í hvað? spurði ég á móti. Nú í Brasilískt var svarið!!!!
Örugglega aldrei var mitt svar, hún sagðist þá bara hringja í Óla og spyrja hann hvenær ég kæmi í Brazzí, eða kannski ætlar hún að bjóða honum í það sjálfum :þ Mér finnst ótrúlegt hvað þetta er vinsælt og skil ekki í því að konur séu svona óðar í þetta. En sannleikurinn er sá að það er fullbókað í svona vax næstum á hverjum degi. Ég segi go for it girls ef að ÞIÐ eruð að fíla þetta en annars ekki því að það er ekki sniðugt að leggja á sig svona OUCH fyrir einhvern annann. Annars held ég að ef að einhver fengi að gera þetta við mig þá væri það hún Ragga mín en hver væri til í að láta GAUR vaxa sig á neðan eins og konan hér á myndinni!
Ég sé fyrir mér fjölgun karla í snyrtistéttinni!!!!
Annars er þetta búin að vera þvílíkur rólegheita dagur, ekkert að gera hjá sýsla og núna er ég í Los Bathingcasa og þar eru við 3 á vakt í fyrsta sinn eftir sumarið og það er ekkert að gerast. Ég sé rúmið mitt í hyllingum og er áætlaður háttatími strax eftir vinnu 22:38!!
- Játaði Karen
sunnudagur, ágúst 20, 2006
Sweet sunday morning
Ljúfur dagur, ég vaknaði snemma því að ég er að taka aukavakt í hinu endalaust heimilislega Þrekhúsi. Ég fór reyndar alltof snemma á fætur en fór bara í langa sturtu og ákvað að labba í vinnuna. Veðrið eins yndislegt og það getur orðið og alls staðar voru litlar áminningar um að haustið nálgast. Komin rifsber í runna og allur gróður orðin vel þroskaður. Ég gekk Ægisíðuna og naut þess að horfa á sléttann sjóinn og skoða grásleppuskúranna sem minna helst á skemmdar tennur í annars vel hirtum munni. Ég man eftir að fara í þessa skúra með mömmu og pabba þegar ég var lilli og standa stóreygð og horfa á gamla karla selja foreldrum mínum stórskrítinn fisk sem hékk út um allt eins og þvottur til þerris. Ég mætti einum bíl á göngunni minni en þó nokkrum skokkurum sem greinilega hafa ekki náð að spretta nógu vel úr spori í maraþoni gærdagsins. En núna er ég búin að vera í vinnunni í klukkutíma og það eru 2 kropparæktendur mættir þannig að það er ósköp rólegt og ég er bara að njóta þess að slaka á, með kók og kúlusúkk. Það er kannski full mikil grimmd af minni hálfu að vera að japla á þessu á LÍKAMSRÆKTARSTÖÐ, en í dag er ég svo slök að mér er eiginlega alveg sama. Eftir flugeldasýninguna í gær þá skutlaði ég Óla að hitta strákana og er búin að ákveða að vera aldrei aftur á rúntinum á Menningarnótt!!! Ég hélt á tímabili að ég kæmist aldrei aftur heim og myndi vera dæmd til að sitja föst í umferð til endaloka alheimsins. Ekki bætti úr skák að á miðri leið kviknaði á benínljósinu og ég hugsaði með mér að ef ég yrði svo "heppin" að bílinn gæfist upp þá fengi ég að kynnast því að vera hundelt af æstum múg, með logandi kyndla og heykvíslir!
En ég komst sem betur fer alla leið heim en umferðin var algerlega klikkuð.
Ég var í 2 gír næstum alla leiðina!!
En bara 3 tímar af vinnu og svo ætla ég að fara út að njóta dagsins sem lofar sko góðu!
- Játaði Karen
laugardagur, ágúst 19, 2006
Idiot Savant
Magga sótti mig eftir vinnu í gær og við hófum notalegheitin með því að skella okkur í ljós í Baðhúsinu og drifum okkur svo í Body Pump. Lordy lordy hvað það var vont eftir svona langa pásu. Það var gargað og stunið eins og maður væri kraftlyftingakeppni. KOMA SVO!
Áður en við fórum í tímann fattaði ég að síminn minn var ekki á sínum stað og mér til mikillar skelfingar hafði ég gleymt honum í vinnunni. Strax eftir tímann fór ég í að komast að því hvort og hvernig ég kæmist inn eftir lokun og truflaði samstarfskonu mína yfir kvöldmatnum. Við Magga urðum að slaufa pottinum og bruna niður í Skógahlíð til að redda mér inn að bjarga símagreyinu. Ég komst inn og leitaði eins og óð kona að símanum og var í huganum búin að þjófkenna allt ræstingarfólkið, þegar ég ákvað að prófa bara að hringja í símann. Það stóð ekki á viðbrögðunum ÚT Í BÍL en Magga hristist öll og steytti hnefunum út í loftið. Þá lá síminn minn og hló að mér á milli sætanna og við fórnuðum pottaferðinni fyrir ekkert! KjánaKaren!!
Við jöfnuðum okkur þó fljótt og ákváðum að borða bara aðeins fyrr. Ég mætti svo til Möggu kl 20 og þegar allir gestirnir voru mættir var borðaður þvílíkur dýrindismatur og drukkið æðislegt hvítvín með. Svo var bara spjallað og hlegið. Dagurinn í dag er búin að vera rosa skemmtilegur líka en fyrst var Óli með tónleika fyrir okkur Hlyn upp í rúmi, svo leystu þeir feðgar nokkur ALGEBRU dæmi og svo söng Hlynur The lion sleeps tonight fyrir okkur non stop í svona klukkutíma, bara gaman. Við Erla röltum í bæinn og chilluðum aðeins á Hressó og svo fór ég að skoða nýjasta fjölskyldumeðliminn, kettling sem heitir Ella Bella sem systir mín fékk í afmælisgjöf. Algert krútt!!
Núna er prinsinn farinn og við Óli, karl og kelling ein í kotinu.
Íbúðin virkar alltof stór og tóm og maður veit ekki alveg hvað maður á af sér að gera, lítið gaman af því.
Held ég fái mér bara göngutúr í blíðunni!
Vonandi hafið þið það menningarlegt og gott í kvöld!
Þessi skemmtilega mynd var tekin af okkur Möggu í pumpinu í gær, rosa flottur nýji sundbolurinn minn og Magga ótrúlega lipur!
- Játaði Karen
föstudagur, ágúst 18, 2006
Great balls of FIRE
Þetta er komið út fyrir öll velsæmismörk hvað það er rólegt hjá okkur í vinnunni, við horfum hvor á aðra og andvörpum og stynjum af leiðindum. En það er loksins kominn föstudagur og þessarri fyrstu vinnuviku eftir frí að ljúka. Brátt verður allt komið í fastar skorður og rútínan komin aftur á. Ég heyrði aðeins í leiðbeinanda mínum áðan varðandi ritgerðina og kom hún með mjög góðar ábendingar sem ég er búin að vera að skoða hér í aðgerðarleysinu. Tilvalin leið til að nýta tímann. Svo er það bara spurning um að taka sér meira frí held ég!
Planið fyrir helgina er pump og pottabusl með Möggu minni, svo dinner og hvítvínsbusl í kvöld jafnvel og á morgun að hitta Erlu og kíkja á tónleika á Miklatúni annað kvöld.
It´s good to be the king!
- Játaði Karen
fimmtudagur, ágúst 17, 2006
Goodness gracious!
Fyndið hvað maður getur verið klikkaður og haldið að textar við lög séu öðruvísi en þeir eru í alvörunni, gott dæmi um það er að ég skildi aldrei afhverju Life is like a suicide í laginu The Dolphin´s cry, kom svo í ljós að Life is like a shooting star sem er mikið betra. Í laginu Wild world með Cat Stevens að mig minnir hef ég heyrt um eina sem hélt að But if you wanna leave take good care, væri if you wanna leave take a cab. Dásamlegt!!
Best af öllu er samt lagið Stay away from heaven með hljómsveitinni What´s happening!!!!
Við Erla þurftum að taka regnávísun á hittinginn í gær og í staðinn gerði ég það sem mér finnst ofsa skemmtilegt en það er að taka til heima. Við tókum öll til hendinni til að undirbúa okkur fyrir komu nýja rúmsins. Og þvílíkt rúm mínir kæru vinir, eða öllu heldur bara skúta, Stolt siglir fleygið mitt!
Eftir mat í gær var ég svo eirðarlaus í höndunum að ég dreif mig að sækja prjónana mína og nú er ég enn og aftur komin með prjóna veikina. Ég prjónaði non stop í 3 klukkutíma eða þar til að hægri höndin var búin breytast í fagra ARNARKLÓ!!! En það var eins gott að ég hafði prjónana við höndina því að ég þurfti eitthvað til að róa mig þegar að Magni lenti í bottom 3 í gær. Greinilegt eins og Óli sagði að flestir íslendingar búnir með sumarfríin sín og hættir að vaka og kjósa. Ég ætla að leysa þetta með því að leggja mig eftir vinnu á þriðjudaginn næsta til að geta verið með í kosningunni :þ
En svo að ég snúi mér aftur að SS Sleepy Time nýju rúmsnekkjunni þá fór hún jómfrúarferð sína í nótt, and what a ride baby!!! Ég svaf rosalega vel þar til að vart var við lítinn laumufarþega á milli okkar, sem er yndislegt að hafa uppí hjá sér fyrir utan það að í svefni breyttist hann í furðudýr sem er búið til úr hnjám og olnbogum. Ég vaknaði á hliðinni, klesst upp við vegginn með hendur fyrir ofan höfuð, með lítið hné í rifjunum og lítinn olnboga í barkarkýlinu ;)
- Játaði Karen
miðvikudagur, ágúst 16, 2006
Shine on....
Er alveg að elska þetta fallega veður, þegar sólin skín fáum við klukkutíma mat og eins og ástatt er hjá okkur í minni deild þessa dagana mætti það vera rúmlega klukkutími. Á 2 tímum er ég búin að afgreiða 5 manns og taka inn 11 skjöl. Það er ósköp afslappandi í smá tíma en það verður leiðinlegt til lengdar að hafa ekkert fyrir stafni í vinnunni. Ef þetta heldur svona áfram þá þarf eitthvað að fara endurskoða hlutina hér. En á meðan sit ég hérna við tölvuna og horfi löngunaraugum út í sólina sem ég vildi að ég væri að leika mér í. Helgi og Andri komu í mat til okkar í gær og það var steikt læri í tilefni þess. Rúmið nýja lét hins vegar bíða eftir sér en það stenst vonandi að það komi seinni partinn í dag. SWEET!!!
Fer að hitta Erlu eftir vinnu og vona að sólin nenni að baka okkur á einhverju kaffihúsinu á meðan við blöðrum frá okkur allt vit!
2,5 vinnudagar í helgi!!!
- Játaði Karen
þriðjudagur, ágúst 15, 2006
The dreadful duties of my life!
Komin aftur í vinnuna ohhhhhhhhh THE HORROR!!! Nei, nei ég er nú bara að grínast það er ekkert að gera og bara ofsa mikil rólegheit og ég var búin löngu fyrir 4 í gær sem var ósköp notó!
Eftir vinnu fórum við smáfjölskyldan í bíltúr upp í Kópavog, lögðum fyrir framan Players og ............ fórum í rúmabúðina við hliðaná. Það er spes að skoða í rúmabúð, að liggja útaf og hafa það notalegt á meðan sölumaðurinn stendur yfir manni og þylur upp allskonar fróðleik um dýnuna, botninn, gormanna og allt sem að maður vissi ekki um rúm og vildi ekki vita :þ
Við völdum svo ÆÐISLEGT 160 cm rúm sem að ég get ekki beðið eftir að fá í hendurnar og grunar mig að verði farið óvenju snemma í háttinn í kvöld. Þetta er einum 20 cm meira en við erum vön að kúra í svo að við verðum örugglega með víðáttubrjálæði. En mér finnst best að sofa klesst upp við Óla honum til mikils ama og hefði alveg verið til í að kaupa bara 90 cm handa okkur!! Eftir rúmverslunina fórum við svo í afmælismat til Hönnu systur sem varð 25 ára í gær, í tilefni afmælisins bauð skvísan í uppáhaldsmatinn sem er kjötsúpa. Nammi namm!!
Yndislegt veður, grilldinner í kvöld með Andra og Helga og Hlynur babygaur ótrúlega sæll með að fara í Nauthólsvík í dag með leikjanámskeiðinu, ég væri alveg til í að vera sjálf á leikjanámskeiði í dag og stundum er súrt að vera svona fullorðins!
KÓSÝ
- Játaði Karen
sunnudagur, ágúst 13, 2006
The early bird catches........
The hangover???
Klukkan er hálfellefu og ég er löngu vöknuð, búin að fara í sturtu og þvo af mér makeupið svo að ég líkist ekki lengur Hr. Robert Smith kenndum við The Cure..... ekki að það sé leiðum að líkjast hehe!
Einmitt....flottur gaur!
Partýið í gær var rosa skemmtilegt og mikið að skemmtilegu fólki , mikið sungið og spilað á gítar og mikið hellt upp í sig af veigum. Eins og alltaf var ótrúlega glæsileg veisla hjá þeim Röggu og Sævari og öll borð svignuðu undan veitingum. Við spjölluðum heilmikið við einn vin húsráðanda sem að horfir helst ekki á sjónvarp og fylgist lítið með bíómyndum. Og hann lýsti því hversu mikið hann þjáðist yfir Brokeback mountain þangað til að hann sofnaði yfir henni. Hann vill nefnilega helst sjá sannsögulegar myndir og ég er hissa að konan hans hafi ekki sagt honum að Brokeback mountain er einmitt byggð á forboðnu ástarsambandi þeirra Kenny Rogers og Willie Nelson. Það hefði ég gert :þ Ég fékk þvílíkt flashback í afmælið mitt í fyrra þegar Óli og Alli tóku að spila og syngja og var hápunktinum tvímælalaust náð þegar að Óli söng Child in time við mikinn fögnuð viðstaddra. Kemur mér sífellt á óvart að minn afar karlmannlegi djúpraddaði kærasti nái þessum tónum úr kroppnum á sér.
En ykkur til yndisauka þá koma hér nokkrar myndir!
Afmælisbarnið
Frk Margrét ;)
Beta baby búin að fullkomna Blue steel
Ég og Magga
Fyrst Alli að taka lagið
Svo Óli að taka lagið
Eldhúspartý
Ég og Beta
Got to boogie
- Játaði Karen
laugardagur, ágúst 12, 2006
Karen´s world!
Kominn laugardagur og ég er sem sagt búin að vera lasin í viku, á mánudaginn mæti ég aftur í vinnu og ótrúlegt en satt þá hlakka ég ekkert til. Ég hélt að ég væri búin að fá nóg af fríi eftir 4 vikur en ég er bara alveg til í 4 í viðbót. Við Óli erum á leið í innflutnings/afmælis teiting í kvöld hjá Röggu og Sæsa sæta og stefnir allt í heilmikla veislu.
Ég læddist út snemma í morgun og náði í gjafir, og er búin að skemmta mér vel í cellophane borða skreytingar leik í allan dag. Ég fór í Ikea og verð að segja að mér finnst alltaf jafn gaman að fólki sem sýnir stolt í vinnunni sinni. þegar ég var að fara út úr Ikea gekk ég framhjá veitingastaðnum og þar var miðaldra kona að sinna vinnu sinni og gerði það svo vel að ég tók sérstaklega eftir henni. Hún var sjálf svo ótrúlega hrein og strokin og öll yfirborð gljáðu af hreinlæti. Mig langar yfirleitt aldrei að borða í Ikea en svei mér þá ef mig langaði ekki að setjast þarna, borða sænskar kjöbollur með kartöflumús og horfa á þessa konu vinna.
En núna er Óli komin heim eftir að veiða handa okkur pizzu í matinn og munum við nú rífa hana í okkur eins og sönnum hellisbúum sæmir.
- Játaði Karen
fimmtudagur, ágúst 10, 2006
The force is strong in Karen Ulrich
Þegar maður er lasinn þá er ekkert huggulegra en að hafa einhvern til að hugsa um mann, Óli er búin að stjana og dekra svo við mig að ég er farin að efast um að mig langi nokkuð að batna. Þegar hann kom heim eftir vinnu í kvöld þá kom hann með æðislegt skemmtiefni. Star wars II: Attack of the clones og Star wars III: revenge of the Sith. Það kalla ég sko eðal skemmtun.
Ég skemmti mér konunglega yfir fyrri myndinni en ég held að það hafi ekki verið alveg eins gaman fyrir Óla.
Hér koma nokkur ungfrú Ulrich augnablik yfir myndinni:
Æji hvað litlu Jediarnir eru sætir með litlu sverðin sín, ég ætla að sauma svona búning á Ágúst Smára.... Babyjedi!
Hún er alltaf svo fín, mig langar líka að vera prinsessa (Senator/fyrrv. Drottning)
Afhverju er ég ekki Jedi?
Ætli það sé hægt að fara í geislasverðabúðina og kaupa bara hvaða lit sem maður vill?
Iiiiii sjá þennann hann er bara eins og risa hrossafluga!!!
En grínlaust þá finnst mér þessar myndir æðislegar, og búningarnir alveg geggjaðir. Mér þætti það way cool ef að þetta væri bara stíllinn í dag. Og hverjum fyndist ekki gaman að geta nota Jedimindtrick á fólk, svo ekki sé talað um hvað það yrði frábært tól til að nota í uppeldi barna.
"Þú vilt borða rósakálið þitt"
"Þú ert þreytt/ur og vilt fara í háttinn"
Alger snilld :)
Princess Ulrich yrði líka flottasti Jedi EVER, alltaf með brjálaðar hárgreiðslur í kjólum sem tekur 5 tíma að komast í og 7 tíma að komast úr og sveiflandi skærbleiku geislasverði umkringd pínulitlum Jedium til að láta mig virka hávaxna.
Help me, Obi-Wan Kenobi; you're my only hope.
MAKE ME A JEDI............. You know you wanna!
- Játaði Karen
miðvikudagur, ágúst 09, 2006
Partypics
Ég er ennþá lasin og bíð spennt eftir að heyra hvað doksi segir við mig í fyrramálið, þetta hlýtur að fara að koma. Annars var kominn tími til að deila með ykkur myndum frá því um helgina.
Gjössovel
Óli frændi, Christine, Sigga og Þórður
Híhí og fæturnir á Atla.
Nonni "þessi á skilið á fá Thule"
Magga Megabeib
Nonni með bláa eitrið og Óli í fíling
Linda vinkona Möggu frá Gautaborg
Cheers darling
Atli bró og Sigga, Þórður og Þóra á bakvið :)
Karen með blátt eitur og Magga með eitthvað attitude
Atli var ekki að fíla tónlistina og þetta voru viðbrögðin.
- Játaði Karen
mánudagur, ágúst 07, 2006
Just my luck
Já gat nú verið!
Síðasta vikan mín í sumarfríi og ég búin að næla mér í pestina sem að Óli var að losna við. Ekkert gaman að því og ég mjög svo súr yfir þessu. Ætla að hendast til læknis í fyrramálið og heimta eitthvað súpergott dóp til að losna við þennann vibba.
Annars hefur þetta verið fín verslunarmannahelgi, partýið á föstudaginn var rosalega skemmtilegt og ég hendi inn myndum af gleðskapnum seinna. Magga lét okkur fara í drykkjuleikinn Roxanne sem gengur þannig fyrir sig að parýinu er skipt í 2 lið, lagið Roxanne er svo spilað og þegar sungið er Roxanne á annað liðið að taka sopa og Red light þá á hitt liðið að drekka. Þið sem þekkið lagið skiljið hvað ég meina þegar ég segi að þetta gerði næstum út af við alla :)
Við kíktum svo nokkur í bæinn og tjúttuðum aðeins.
Restin af helginni er svo búin að fara í rólegtheit og svo bölvanleg veikindi en það er víst ekki hægt að hafa allt eins og maður vill. Þetta verður vonandi ekki 2 vikna dæmi eins og hjá Óla því að ég nenni því engann veginn. Ég var að muna að ég var líka lasin um verslunarmannahelgina síðustu og mig er farið að gruna að þetta sé bara eitruð helgi fyrir mig :þ
En ég ætla að nota þessa viku vel samt sem áður í ritgerðarskrif og svo brjálað partý um næstu helgi en núna er runninn upp afmælismánuðurinn mikli og styttist í að ég verði árinu eldri, en Ragga vinkona hitar upp 29 aldursárið fyrir okkur stelpurnar og ætlar að fagna því með látum næstu helgi. En fyrst þarf ég að borða fullt af sólhatt, c-vítamíni, drekka mikið vatn, te og láta mér ekki verða kalt.
- Játaði Karen
föstudagur, ágúst 04, 2006
This has been the life of Karen Ulrich
Mér leiðist, það er blautt úti, það er frekar rakt og kalt inni, ég er að hlusta á hárblásara í fjarska og ógeðspopp...... var ég búin að segja að mér leiðist???? Höfum það á hreinu bara MÉR LEIÐIST!!!!
Ég er í óendanlegri góðmennsku minni að eyða þessum afar vota föstudegi alein í Brautarholtinu að sinna konum og reyna að hugsa ekki um að ég verð alein hérna á eftir..... alein með draugunum sem hafa fært sig frekar mikið upp á skaftið hérna við okkur móttökudömurnar.
Hér trampar einhver um á háhæluðum skóm eftir lokun og veldur því að við erum alltaf að stökkva til og athuga hvort að einhver sé í húsinu, það er hins vegar aðeins meira creepy barnsgráturinn sem ómar um stigaganginn og hræddi mig svo rosalega sumarið 2004 að ég neitaði að opna húsið fyrr en einhver mætti með mér. Núna er það nokkuð útséð að ég mun hugsa um þetta þegar ég loka og Óli á því von á símtali á meðan ég hleyp um húsið í myrkrinu alein og skelkuð :þ
En að allt öðru og skemmtilegra ég fór fyrir vinnu aðeins að eyða smá peningum í Kringlunni, fór í Next og barðist við EÐLI mitt sem að sagði mér að kaupa allt svart og keypti mér tvenna boli, einn fjólubleikan og annan hvítann og bláann. Og núna get ég verið sæt í kvöld í PARTÝINU :)
Fullt af gullfallegu og skemmtilegu fólki að koma til okkar og Óli minn eflaust á haus heima að undirbúa allt saman! Rosa gaman, gaman! Ég slepp við öll þrif og svoleiðis en í staðin þar ég að vera hérna í eina 5 klukkutíma og 45 mínútur í viðbót!
You win some you lose some!
Hér eru nokkrar upphitunarmyndir síðan um síðustu helgi :)
Kokteill al la Karen takið eftir fögru skreytingunni á glasinu!
Að drekka skot er afbragðsgóð skemmtun, en stelpurnar eru svo tanaðar að það er eins og þær séu að djamma með albinóa vinkonu sinni!!!
- Játaði Karen
miðvikudagur, ágúst 02, 2006
Lovin it
Oj bara hvað ég hef það gott í fríinu mínu, ótrúlega skemmtilegur dagur í dag :)
Í hádeginu fórum við Óli, Hlynur og Ágúst Smári í smá roadtrip austur til Stokkseyrar ( eða hvað á Stokkseyri??)
Við byrjuðum á því að fara á Veiðisafnið en þar mátti líta hin ýmsu saklausu smá og stórdýr sem hafa verið The great white hunter að bráð. Safnið var virkilega flott og ekki annað hægt að segja en að þetta var vissulega A lovely room of death. Eftir þetta kíktum við Óli í smá rennsli gegnum Draugasetrið meðan strákarnir biðu í góðu yfirlæti, eftir að hafa farið í gegn þá fann ég fyrsta gráa hárið og er að hugsa um að fjárfesta í gangráð. Horrible að labba þarna um í reykfylltu safni og fólk að stökkva á mann og hræða úr manni líftóruna. Við guggnuðum meira að segja á mest scary herberginu og höfðum bara hvorugt taugar í það. Eftir þetta var ekki vanþörf á að skoða eitthvað fallegt mjúkt og loðið og við drifum okkur í Töfragarðinn þar var endalaust mikið að sætum smádýrum og ólíkt Húsdýragarðinum þá mátti maður vel klappa og halda á þessum dýrum, þarna voru íslenskir hvolpar að glíma við kanínur og hvorn annan, naggrísir, kettlingar og öllum mátti klappa meira að segja var gengið um með lítinn rebba í beisli sem var mesta krúttí ever. Við hoppuðum og djöfluðumst og við Óli gengum bæði í barndóm alveg crazy. Eftir öll lætin fengum við okkur að borða og enduðum á ís í Eden.
Núna er ég ótrúlega þreytt gömul kona en svona er lífið bara.
Helgin nálgast óðfluga en við Óli ákváðum að sleppa útilegu og djamma bara ærlega í bænum og erum búin að bjóða í risapartý á föstudaginn!! Spennó og ég hlakka mikið til :)
Þeir vita það sem hafa prófað að það verður enginn svikinn af gleðskap hér á bæ og þeir sem eru að mæta í fyrsta sinn á föstudag biðu fyrir utan dyrnar hjá okkur síðan í þarsíðustu viku til að ná sér í miða :þ
Sjibb sjibb SJIBBÍ!!!
- Játaði Karen
E-Mail
Óli frændi, Christine, Sigga og Þórður
Nonni "þessi á skilið á fá Thule" 
Magga Megabeib
Linda vinkona Möggu frá Gautaborg 
