Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Nýlegir póstar

It´s facebook...

Back to school...

What to say, what to say?

Eldri póstar

mánudagur, maí 23, 2005

Party girl

Það var mikið um dýrðir um helgina, Eurovision/afmæli með tilheyrandi stemmingu hjá Röggu og Sævari, en Sævar átti afmæli núna 13 maí. Fylgst var með Eurovision sem mér finnst verða undarlegri með hverju árinu. Á tímabili var ég hrædd um að Latvia myndi vinna og ef það hefði gerst hefði þetta verið síðasta Eurovision sem ég hefði fylgst með. Þvílíkt hörmungar atriði. Ég er sæmilega sátt við sigur Grikkjana enda lítið mál fyrir þá að halda keppnina næst og nóg af Ólympíu plássi. Sinharitiria Elada!! Svo var skoppað í bæinn eftir 2 partý og þar var vitlaust að gera og hvítir stúdentakollar um allt. Endalausar raðir og læti. Hitti fullt af skemmtilegu fólki og við Soffía og Satu djöfluðumst um allann bæ. Alltaf gaman að sýna þessum Finnum hvernig á að drekka og skemmta sér. Ég held að hún hafi reyndar verið soldið gáttuð á djöfulgangnum. Ég er að fara á deit í kvöld, og segi ykkur betur frá því síðar.

Fyrir ykkur sem eruð spennt fyrir mannréttindum þá er Amnesty með heimildamynda sýningu í kvöld í Alþjóðahúsinu á 3 hæð kl 20.

- Játaði Karen

fimmtudagur, maí 19, 2005

Queer guys for the straight girl

Ég hef svo sem sagt ykkur frá draumum mínum mörgum sem hafa vægast sagt verið truflaðir, þegar við Bubbi vorum par að flýja undan séð og heyrt og hver gleymir sjóðheita ástardraumnum um hann Danny Devito. Ég sló öll draumfara met með draum sem mig dreymdi fyrir stuttu. Ég var að kela við Svavar tískulöggu og fór svo í Baðhúsið með honum og Carson úr queer eye og við skelltum okkur saman í sturtu. Þetta er án efa einn brenglaðasti draumur sem mig hefur dreymt en gaman af honum engu að síður. Svo var ég að horfa á Queer eye í gær og andvarpa yfir óréttlæti heimsins. Trúið mér ég er alls ekki með fordóma fyrir samkynhneigðum en ég viðurkenni að ég verð undarlega sár þegar sjóðheitir folar eru gay, ég verð bara bitur! Það er nákvæmlega ekkert sem ég gæti gert til að heilla þá. Þess vegna er ég komin með nýja hugmynd að þætti. Queer guys for the straight girl, þetta er í raun alveg eins og straight guy þættirnir og strákarnir vinna saman það grettistak að gera mig og mitt soldið smart. En þættinum lýkur allt öðruvísi, við endum öll í 4földu kingsize rúmi með himnasæng, Kyan er að greiða á mér hárið, Jai er að dansa erótískann magadans, Ted er að mata mig af súkkulaði, Thom er með risablævæng að passa að ég ofhitni ekki af folunum og Carson knúsar mig og segir mér eitthvað skemmtilegt. Eins og við má búast enda þeir með að smitast ærlega að gagnkynhneigð í ca 3 tíma. Sounds good to me.

- Játaði Karen

laugardagur, maí 14, 2005

Poetry in motion

Ég fæddist á miðvikudegi, síðasta dag ágústmánaðar, diskóið var enn við lýði og afkvæmi frjálsra ásta voru rétt byrjuð í skóla. Ég var á hraðferð kom 3 vikum fyrir tímann og sprengdi mér leið út. Ég var hrikalega krumpuð og minnti helst á Shar-pei hund

og með úfið svart hár, en annað sem vakti athygli var að ég var með langa og stóra tungu sem að varla komst fyrir upp í mér. Ég blakaði henni óspart framan í alla og ullaði til að mynda fallega framan í ömmu mína þegar hún kom að kíkja á gripinn. Þegar ljósmóðirin lagði mig í fangið á mömmu hvíslaðu hún að henni "hún verður skáldkona þessi." Hún hafði rétt fyrir sér blessuð konan, ég var varla byrjuð að tala þegar ég byrjaði að segja svakalegar sögur. Ég gat ekki farið út fyrir dyr án þess að rekast á álfa, vera bitin af púkum, svo ekki sé minnst á það að fóstrurnar á leikskólanum héldu allar að ég ætti eldri bróður sem hét Helgi og bjó í Ameríku. Þessar sögur mínar voru skemmtiefni fyrir fjölskylduna og 4 ára sat ég upp á eldhúsborði og sagði ömmu sögur á meðan hún eldaði fyrir mig. Eitt sinn fór ég í bæinn með ömmu og kom trítilóð heim óð upp stigana "mamma,mamma, það var allsber maður í bænum að dansa með plástur á tippinu" kallaði ég "sjáðu hann dansaði svona sagði ég og baða út öllum öngum og rúllaði mér um gólfið". Mamma sprakk úr hlátri yfir hugmyndaríka barninu sínu, well stuttu síðar kom amma upp stigann eins og kreist sítróna í framan "Guð Beta, sagði hún það var einhver Japani niðrá lækjartorgi að fremja gjörning, nakinn með einhverja grisju á tippinu, lét öllum illu látum og velti sér upp úr jörðinni. Mamma er enn í kasti eftir að lygasagan mín reyndist vera sannleikur.

Á nýlegri nótum þá hef ég umbreytt sjálfri mér og er orðin dökkhærð, er þvílíkt sæt og vona ykkar vegna að þið fáið bráðum að sjá mig hehehe.

- Játaði Karen

fimmtudagur, maí 12, 2005

Top model

Ég átti fínan dag í gær, labbaði eftir vinnu til mömmsu í heimsókn, aðeins að hjálpa henni að takast á við aðskilnaðarkvíðann hehe. Við kíktum svo í heimsókn til litlu systu og frænda sem þessa dagana gengur undir nafninu Bólu-Hjálmar þar sem að litla skottið er með hlaupabólu. Allur út í bólum en samt ansi hress, hann var búin að ákveða að hann ætti afmæli og gekk um allt með pappa kórónu á hausnum og heimtaði skemmtiatriði. Karen frænka átti að lesa fyrir hann og svo ýta honum um alla íbúð á hjóli. Rosa stemming. Fór svo á snöggan Amnesty fund og daðraði skammarlaust við ungmenni sem þar var að störfum og endaði svo kvöldið með því að glápa á skvísurnar í America´s next top model. Gubbaði næstum yfir sjálfsdýrkun Tyru Banks og lét eftir mér sóðalegar hugsanir um einn dómarann. Ljósmyndarann Nigel Barker, GOD hann er svo heitur, ég geri mér fyllilega grein fyrir því að Karen litla er
ekki á leið að geta orðið Top model en ég vildi að ég gæti tekið þátt í þessarri keppni, bara til að geta uppfyllt fantasíu mínu um þennann gullfallega mann.
Ég myndi standa stillt þegar Tyra byrjar að blaðra "There are 12 beautiful girls before me blablabla" á meðan hún vælir þetta byrja ég að bakka laumulega með girndarglott á vör, þegar ég er komin alveg upp við vegg tek ég á rás, litlu fæturnir eins pumpur upp og niður síðan stekk ég og flýg yfir dómaraborðið og skelli aumingja Nigel beint á gólfið, frmahaldið er bannað börnum en þið getið ímyndað ykkur gargið og fatatætinginn.

For Gods sake Nigel, stay still while I RIP our clothes off, and stop that screaming it won´t do you no good!! MÚHAHAHAHAHA

- Játaði Karen

miðvikudagur, maí 11, 2005

On my own

Þá er ég alveg búin að koma mér fyrir, alsæl með lífið og tilveruna. Karen var ein í heiminum, brenni ilmkerti og hlusta á indverska tónlist. Það er ótrúlega notalegt að vera svona alveg ein með sjálfri sér. Vakti aðeins of lengi í gær og átti fyrir vikið vægast sagt erfitt með að vakna kl 6 í morgun, snoozaði alveg til kl 06:38 og þurfti að hlaupa til að ná strætó og koma mér í gymmið. Var vel þreytt yfir æfingunum og var skemmtiefni fyrir starfsfólkið, það finnst víst einhverjum einkaþjálfurum það með einsdæmum fyndið að sjá grey mig gera hnébeygjur með lokuð augun og hálfsofandi. Skellti mér svo í einn ljósatíma og lúllaði í 16 mínútur.
Ein samstarfskonan mín sagði við mig að þegar ég væri búin að njóta þess að búa ein í smátíma myndi ég ekki einu sinni vilja mann, ég læt tímann leiða það í ljós!

- Játaði Karen

þriðjudagur, maí 10, 2005

Bottom Biter

Góðan dag, ég heiti Karen og ég er rassbítur.

Samkvæmt Skilgreiningu H.M.K er Rassbítur kona sem að laðast að sér yngri karlmönnum. Misjafnt er hversu mikill aldursmunur er en flokkast kona sem rassbítur þegar eins árs munur er á fæðingarári hennar og fæðingarári ástmögursins. Ég er búin að vera með rassbitu síðan 2001 og verð að viðurkenna að ég er ekkert að batna heldur hefur mér hrakað og ég hugsa að mér batni aldrei úr þessu. Þegar ég greindist fyrst með þessa röskun þá voru það ungir menn fæddir 1978 sem að ég eltist við.
Í dag er ég mun lengra leidd og 1982-1983 eru þeir sem ég þrái helst. Áður en þið dæmið mig þá skora ég á ykkur að skoða þennan árgang karlmanna og ég lofa að þið munið sjá ljósið. Þeir eru bara guðdómlegir!
Ég er svo heppinn að öðru hvoru starfa ég á stað þar sem að þessir piltar flykkjast inn, fara úr fötunum og svitna og spenna vöðvanna. Þegar ég er að vinna þá er ég í paradís, því miður fyrir mig þá þjásist ég af annarri og mun alvarlegri röskun, hún er þekkt sem Hot Guy Malfunction eða HGMAL á læknamáli. Þetta er hrikalegur sjúkdómur og lýsir sér með því að í návist ofur heitra fola þá missi ég alla stjórn og það eina sem virkar í líkama mínum er mænukylfan. Ég anda, hjartað slær en allt annað er í ólagi. Ég missi málið, flissa, roðna og blána og er almennt alveg eins og kjáni. Já elskurnar mínar ég er sjúk stúlka. En það sem verra er mig langar ekkert að láta mér batna.

- Játaði Karen

mánudagur, maí 09, 2005

Heavy eyes

Svo svo svo svo syfjuð! Ég er orðin ansi leið á að vakna þreyttari á mánudögum heldur en á föstudögum. Ég er gjörsamlega búin á því, var að vinna á laugardag, fór alltof seint að sofa alla helgina og vaknaði fyrir allar aldir, var svo ekki sofnuð fyrr en rúmlega eitt í gær og vöknuð 6:30 og ég er að sofna í vinnunni, það sem verra er að ég var næstum því sofnuð á gólfinu í ræktinni þegar ég átti að vera að kreppa magavöðvanna. Ekki mjög sniðugt! Aumingja ég er svo að vinna til kl 22:00 í kvöld og verður líklega ekki mikið úr verki heima í kvöld. Agalega illa farið með góða stúlku. Er gjörsamlega að kafna úr sjálfsvorkunn. Íbúðin svo gott sem ready og ég er enn alveg að missa mig að vera flutt, finnst svo gaman að þurrka af og vaska upp og er bara að fíla mig í tætlur. Annars var ég ótrúlega róleg um helgina, fór í saumó á laugardaginn sem var meiriháttar, alltaf jafn gaman að hitta tútturnar, og þrátt fyrir 4 tilboð um djamm og vín bíðandi heima var ekkert tekið á tjúttinu um helgina. Já, ég er ólík sjálfri mér þessa dagana.

ZZZZZZZZZZ

- Játaði Karen

föstudagur, maí 06, 2005

The new nest

Ég er alveg flutt, gisti fyrstu nóttina alein í nýju íbúðinni og svaf eins og steinn. Að sjálfsögðu var strax farið í það að vernda nýja heimilið og alls staðar hanga verndargripir og brenna reykelsi, svo ekki sé talað um alla hjátrúnna sem ég er búin eltast við. Salt og brauð í eldhúsið og ein króna í eldhússkápnum, svo taldi ég alla glugga og guð má vita hvað annað. Þeim sem finnst ég eitthvað skrítinn eru vinsamlega beðnir um að halda því fyrir sig :Þ Núna er bara að klára að ganga fá öllu og þá er ég glöð. Kíkti pínu út með Erlu Perlu á miðvikudaginn, fórum á Hressó og fengum okkur smá öl. Rosa huggulegt og svo var bara haldið heim um 2 leytið! Einmitt þegar maður er yfirleitt að skrölta sótölvaður af stað í bæinn. Svo var ég að vinna í gær í 3 tíma og var það bara huggulegt, frekar rólegt og lítið vesen. Eftir það tóku flutningarnir við og það var massað allt dótið mitt upp á 3 hæð, og vorum við ekki lengi að því. Veðrið úti virðist meira en lítið notó og hugsa ég að ég drífi mig á mótmælafund strax eftir vinnu og svo heim í nýja hreiðrið að klára að hreiðra um mig. Væri líka hugmynd að kíkja í bónus þar sem að það eina ætilega heima hjá mér er salt og brauð!!

- Játaði Karen

miðvikudagur, maí 04, 2005

Moving on

Ég er byrjuð að flytja, spennta litla grjónið. Líst rosa vel á íbúðina og mun hún verða vettvangur margra matarboða og gleði innan skamms. Byrjaði aðeins að flytja í gær pungsveitt að bera upp á 3 hæð en gerði það samt með bros á vör, íbúðin er massa kósí og ég get ekki beðið eftir að klára flutningana og fara að búa þarna. OHHH það verður rómantík. Ákvað að fara í pilsi í morgun not so clever. Það er nefnilega ískalt úti, ekki mikill fan þessa veðurs, minnir á unglingavinnuna. Frí á morgun fyrir allt venjulegt fólk nema Karen, er að vinna milli 10-13 á morgun, eins og ég var búin að dreyma um að sofa út. Ætla í staðinn að nota daginn eftir vinnu til að klára að flytja og planið er að gista 1 nóttina annað kvöld. Má samt eiginlega ekki tala um þetta núna því ég fer yfir um af spennu og get ekki stimplað skjölin og sinnt vinnunni minni.

- Játaði Karen

mánudagur, maí 02, 2005

Public transport

Þvílík helgi mín kæru, uss uss uss!! Ég eyddi föstudagskvöldinu yfir hauskúpum, vaknaði 7 á laugardagsmorgun til að fara aðeins betur yfir námsefnið og um 10 hófst the madness. Litla systir hringdi að fararst úr verkjum, litla gaurnum var skutlað yfir og systa upp á slysó. Það kom í ljós að hún var með blöðrur á eggjastokkunum sem höfðu verið að springa og hún var lögð inn og höfð yfir nótt, en er orðin fullfrísk aftur. Ég fór í prófið og veit satt að segja ekkert hvernig gekk, en það kemur í ljós nógu fljótt. Lilli svaf svo uppí hjá frænku sinni og klukkan 6:23 á sunnudagsmorgun settist hann upp og sagði með yndislegu röddinni sinni "Kajin DAGUR"!! Og þar með var út um svefninn hjá mér. Eyddi sunnudeginum eins og Zombie að drepast úr þreytu. Kíkti samt í bíó í gærkvöldi og sá The Jacket. Adrian Brody er svo fallegur að það er bókstaflega sárt. Hann er alltof grannur með HUGE nef en breathtakingly beautiful. Myndin var ágæt, minnti helst á Butterfly effect. Langaði alls ekki á fætur í morgun og hefði jafnvel sleppt því ef ég hefði vitað hvað var í vændum. Þannig er nefnilega mál með vexti að ég og SVR eigum ekki alveg samleið. Leið 7 stoppar beint fyrir utan vinnuna hjá mér og ég sá mér því hag í því að hoppa á halta fætinum í strætó í morgun. Ekki góð hugmynd, ég byrjaði á að missa af strætó, svo þegar ég loksins var á leið í vinnu tók vagninn upp á því að fara bara framhjá vinnunni og leggja að stað upp í Selás hverfi. Aumingja ég varð að stökkva út hjá Borgarspítalanum og bíða þar í korter með sænskum ferðamönnum sem vildu endilega spjalla við mig. Ég varð því meira en hálftíma of sein í morgun og sé fram á Boring dag með vinnu til 22 í kvöld. Mánudagar sjúga súrann.

Strætó I LOATH YOU!

- Játaði Karen