Miss Ülrich

Hr Ulrich
Helgi Júlíus
Alda Lilja
Beta
Frú Sigríður
Erla
Hafrún
Helga
Hildur
Karen Inga
Lilja Sif
Linda
Lísa
María Sif
Massinn
MH túttur
Orri
Pétur Örn
Ragga Dan
Sara Natasha
Soffía
Thelma
Unnur
Vesturfarar

Amnesty
Skólinn
Blogger
Unifem
Unicef
Mogginn
ABC barnahjálp

Karen

...Mælir með:
Að vera mamma:D

...ER Að LESA:
-The Amazing Maurice and His Educated Rodents eftir Terry Pratchett. Köttur og rottuhópur öðlast skyndilega mikla greind og geta talað. Þau fá í lið með sér strákling sem spilar á flautu og fara að pretta peninga út úr fólki. Bráðskemmtilegt!!

Nýlegir póstar

It´s facebook...

Back to school...

What to say, what to say?

Eldri póstar

föstudagur, apríl 29, 2005

Hard knock life

Próf á morgun, búin að vera í 2 daga upplestrar fríi en er mætt í vinnu í dag vegna manneklu. Skiptir ekki öllu var sjúklega dugleg í gær. Á miðvikudag var ég hins vegar ekki alveg nógu dugleg að koma mér í gang og var full lengi í ræktinni og svo slasaði ég mig seinni partinn og eyddi mestu af kvöldinu í sjálfsvorkunn. Svona varð slysið.. ímyndið ykkur, sprungið rör í eldhúsvaski, 80 gráðu heitt vatn sem sprautast út úr skápnum og óðagot og panic á við Titanic. Á hlaupum mínum til að finna eitthvað til að stöðva vatnsflauminn sem ógnaði parketinu, rann ég og snéri vel upp á fótinn á mér. Þegar búið var að loka vatnsinntakinu og píparinn á leiðinni að do his magic. Þá fann ég skyndilega hræðilega til í fætinum og gat ekki gengið. Síðustu daga er ég sem sagt búin að vera vafinn inn í teygjusokk og berandi á mig bólgueyðandi gel og bryðjandi íbúfen. Svo haltra ég um eins og illa særður hermaður en ber mig vel, er soddan hetja. Þetta eru ævintýrin í heimi Karenar þessa dagana, og svo er ég að flytja um helgina líka. Þannig að það er stuð framundan ;)
Óskið mér nú góðs gengis í prófinu mínu á morgun svo að mér takist að muna hvor var með stærri höfuðkúpu, Australopithecus aferensis eða Australopithecus Africanus hmm eða var enginn munur??

- Játaði Karen

miðvikudagur, apríl 27, 2005

Got the time??

Ég fór á námskeið í tímastjórnun um daginn á vegum vinnurnar, var reyndar alger brandari að ég mætti of seint á þetta námskeið og ef það er ekki kaldhæðni þá veit ég ekki hvað. Konan sem var að halda fyrirlesturinn sagði okkur sögu af kennara sem var einmtitt að kenna nemendum sínum um mikilvægi þess að forgangsraða tíma sínum. Kennarinn setti stóra glerkrukku á borðið og byrjaði að setja í hana stóra steina, alveg eins marga og hann gat mögulega komið í, síðan spurði hann bekkinn " jæja krakkar er krukkan full?" Nei svöruðu nemarnir, það var enn fullt af plássi í krukkunni meðfram stóru steinunum. Þá tók kennarinn upp poka með möl og helti í krukkuna eins miklu og hann mögulega kom, þá spurði hann bekkinn "er krukkan núna full?" Nemarnir voru hikandi en flestir svörðu nei. "Alveg rétt svaraði kennarinn," hann tók næst upp poka með sandi og hellti alveg upp í topp á krukkunni. "En núna spurði hann." Já svöruðu nemarnir núna er þetta alveg orðið fullt. Rangt svaraði kennarinn, hann tók bjórdós og hellti bjórnum í krukkuna, og sagði núna er krukkan full. Það er tvennt mikilvægt sem má læra af þessari sögu, ef að þú setur ekki stóru steinana sem tákna það mikilvægasta í lífi þínu fyrst í krukkuna þá kemurðu þeim ekki í, þannig að gefum okkur fyrst og fremst tíma fyrir það sem mestu máli skiptir, hitt sem má læra er að sama hversu uppfull dagskrá okkar er það er alltaf tími fyrir bjór!

- Játaði Karen

mánudagur, apríl 25, 2005

Boxing day

Ég átti frábærann sunnudag, Lilli klifurmús systursonur lúllaði hjá frænku sinni sem er alltaf yndislegt. Eitthvað ótrúlega notalegt að hafa svona lítið kríli upp í hjá sér. Við drógum svo ömmu í bæinn með okkur og fengum okkur góðann göngutúr. Við enduðum í ráðhúsinu og löbbuðum óvart inn á lúðrarsveitaæfingu hjá krökkum á ýmsum aldri. Við notuðum tækifærið og settumst og nutum tónlistarinnar en krakkarnir tóku snilldarlega vel tónlist úr Indiana Jones, Bleika pardusnum og Lord of the rings. Litli englabossi sat dolfallinn og hlustaði og klappaði fyrir krökkunum. Mesta krútt í heimi. En hápunktur dagsins var fyrsti boxtíminn minn. Kennarinn var engin önnur en hin tilvonandi frú Soffía Klitschko. En við Soffía erum heitbundnar án þess að þeir viti það þessum

bræðrum. Og þvílíka stuðið við tókum klukkutíma í þetta og létum fagmannleg höggin dynja undir dynjandi metal tónlist, það ætti þó að fylgja sögunni að ég er ansi farlama í dag og með virkilega harðar sperrur um allann kropp. Ég kláraði daginn svo niðurgrafinn í erfðafræði og átti virkilega notalega stund. Gaman að þessu!

- Játaði Karen

laugardagur, apríl 23, 2005

Old Mrs Ulrich

Ungfrú Ulrich er dauð, eða amk í coma, ég er hætt í bili að vera fjöruga geðsjúka daðurdrósin sem þið þekkið og elskið. Í stað hennar er kominn Mrs Ulrich sem er þýskur ellilífeyrisþegi sem prjónar, heklar og fer að sofa kl 10!! á kvöldin. Var sem sagt komin undir sæng kl 10 á föstudagskvöldi, og vöknuð kl 6:45 í morgun. Og það var bara nokkuð notalegt að vakna úthvíld í staðinn fyrir að hóta vekjaraklukkunni lífláti og snooza í hálftíma. Ég skil reyndar ekkert í því að ég vakna eldsnemma þegar ég þarf ekki að vakna en get sofið endalaust þegar ég þarf að mæta í vinnu. Ég er viss um að þið kannist öll við þetta. Ég fæ reyndar alveg út úr því að vakna snemma og vita að ég þarf ekkert að gera nema að dúlla mér. Það er eitthvað sjúklega naughty við það. Ég labbaði að stað í vinnuna í morgun og veðrið var dásamlegt, ég var ein og allt svo sumarlegt og yndislegt. Ég komst í vægast sagt létta vímu og var alsæl þegar ég mætti í vinnuna og ætla að halda þessu góða skapi í allan dag. En er annað hægt þegar sumarið er komið?

- Játaði Karen

föstudagur, apríl 22, 2005

Summer and sun

Gleðilegt sumar!
Það var ekki mikið um dýrðir á miðvikudag, þrátt fyrir bús í boði hjá vinnunni og endalaus tilboð um útstáelsi og sóðaskap. Ég var bara ofurstillt og horfði á Top model og át fulla skál af poppi. Ég var líka í sorg þar sem að aðeins einn fiskur er eftir í búrinu þrátt fyrir stórkostlegar björgunaraðgerðir mínar. En þetta bjargast því að Soffía ætlar að leyfa mér að ættleiða hjá sér nokkur seiði og sniglababy og ég ætla að skipta hlunkunum. Sumardagurinn fyrsti var ljómandi fínn og ég náði meira að segja að lesa smá. Við Hanna systir kíktum með lilla niður á KR heimili þar sem að verið var að skemmta börnunum með candyfloss og gasblöðrum. Við stoppuðum stutt og fórum heim að baka vöfflur. Maður er svo myndó. Endaði svo í ís og sælgætis sukki eins og algert ógeðsbarn og er að kafna úr spikikomplex í dag og ætla beint í ræktina eftir vinnu og svo verða bara nagaðar gulrætur fram eftir degi. Meira ruglið í manni. Svo er helgin komin og ég ætla að vinna og læra og vera ofsa ofsa dugleg alla helgina enda þýðir lítið annað 8 daga í próf.

- Játaði Karen

miðvikudagur, apríl 20, 2005

Fish-massacre

Einu sinni ekki alls fyrir löngu í fallegu sólríku konungsríki vestur í bæ bjó ung prinsessa, þessi prinsessa var hvers manns hugljúfi, hennar helsti gleðigjafi var fallega litla lífríkið hennar þar sem litfagrir og lífsglaðir fiskar og sniglar lifðu saman í sátt og samlyndi. Þetta voru gleðitímar.

EKKI LENGUR

Í staðinn fyrir fallega litla lífríkið er nú komið pestar og "mann" ætu bæli.
Aumingja fiskarnir urðu veikir, þeir fengu sjúkdóm sem heitir Hvítblettaveiki, og það er allt mér að kenna. Hvítblettaveiki fá fiskar sem að verða hræddir eða voða stressaðir, og ég veit alveg hvenær og hvernig það gerðist hjá mér. Þannig var mál með vexti að ég tók eftir því einn daginn að 2 minnstu fiskarnir voru farnir ég fann þá hvergi, læddist þá að mér ljótur grunur um það að þeir væru einhvern veginn fastir í dælunni, I was right! En það sem var verra að á meðan ég var að losa fiskanna brussaðist ég þvílíkt með dæluna og missti hana 2 ofan í búrið. Þar er komin útskýringin á veikinni. Aumingja fiskarnir urðu hvítdoppóttir og áttu ofsa bágt, ég gaf þeim lyf sem ekki bjargaði neinu og þeir bara héldu áfram að drepast, sniglarnir hins vegar voru eldhressir og stækkuðu og fitnuðu, ég skildi afhverju þegar ég fann pínulitla beinagrind í búrinu. Ógeð!
Ég var með í upphafi 16 fiska, núna eru 4 eftir og 7 afskaplega pattaralegir sniglar. Ég þori varla að kíkja í búrið og steyti hnefana í átt að sniglunum sem ég er vægast sagt fúl út í.

The face of evil

- Játaði Karen

þriðjudagur, apríl 19, 2005

I´m calling you a drunky!

Árshátíð um helgina og það var sko tekið á því, enginn kann að sukka eins og líkamsræktarfólk kann að sukka. Ég var samferða 3 skvísum út úr bænum og var haldið til Nesjavalla. Þangað hafði ég aldrei komið áður og fer líklegast aldrei þangað aftur! Það er ekki neitt þarna nema grænlenskir iðnaðarmenn og vinnuskúra "hótel". En félagsskapurinn var flottur fyrir utan "leynigestinn" sem var enginn annar en Geir Ólafs that nasty guy. Hann reytti af sér lélegu brandaranna og við fengum að baða okkur í bjarma hans Gígantíska egós allt kvöldið. Eins og venjan er fengu allir viðstaddir happadrættisvinning og þar með talin ungfrú Ulrich sem skartaði sínu fegursta, léttklædd og eins og kom í ljós síðar um kvöldið ljúfeng. Vinningarnir voru misflottir og ég til dæmis fékk alveg svakalega smart tíger handklæði þegar mig langaði frekar í mp3 spilara eða forkunnarfagran bleikan kanínu víbrador. En sumar dömur eru heppnari en aðrar.
Við sem sagt byrjuðum á rólegri ofdrykkju og sóðaskap í sveitinni. Þar hljóp ég með litlu trommukjuðafæturnar á undan afar ágengum gaur sem hafði að mér óafvitandi ákveðið að komast yfir mig. En ég lét það ekki skemma fyrir mér kvöldið, ohh nei ég hljóp bara undan með 1 1/2 líter af rósavíni og lét mér það vel líka. Síðan héldum við í bæinn og þar var haldið áfram og áfram og áfram til 8 um morgunin og Lísa mín sýndi og sannaði sig sem djammara af Guðs náð. Inná Pravda hitti ég afar huggulegann mann sem að japlaði á öxlinni á mér á meðan við biðum í fatahenginu og sagði mér að ég gæti sjálfri mér um kennt að vera svona góð á bragðið. Á meðan hann nartaði þá sármóðgaði vinur hans mig með því að spyrja mig hvort ég væri í já takið eftir í VAXTARÆKT, ég veit að ég er með fagurlega skorna upphandleggi but come on!! Við Lísa þræddum skemmtistaðina og allt flóði í veigum í boði miskynþroska drengja. But hey it was fun. Endaði á að vera nærrum táldregin af 18 ára dreng sem hélt ég væri fædd ´83 en lét það ekkert á sig fá þegar sannleikurinn kom í ljós og ég þurfti að hlaupa undan honum. Þar sem að ég var búin að hlaupa undan körlum allt kvöldið var það eina sem hægt var að gera var að sækja einn sjóðheitann gæja til að taka með heim og upp í rúm og við Hlölli áttum unaðslega stund áður en ég leið út af á koddann. Já svona eyddi ég minni helgi, hvað gerðu þið skemmtilegt??

- Játaði Karen

þriðjudagur, apríl 12, 2005

Lucky

Þetta er einn af þessum dögum, vaknaði í nótt svo óglatt að ég var fölgræn í framan, svaf yfir mig, rak sköflunginn hrottalega í þegar ég klöngraðist hálf sofandi í sturtuna, sullaði skyri framan á mig, snjór úti, bílinn Bensínlaus (takk litli bróðir) hljóp í snjónum að ná í bensín, komin með kalsár, sullaði smá bensín á skóna mína, bílinn rafmagnslaus GARG!! Sein í vinnuna, dró nágrannann út að gefa mér start, alltof sein í vinnuna, var nærrum búin að valda árekstri á hringtorgi, loksins komin í vinnuna og það vantar 2 starfsmenn einmitt þegar ég verð að komast burt í klst seinna í dag. Fyrir ykkur sem vitið hvað ég er að fara að gera á eftir þá segi ég " Fall er faraheill" og þið hin fáið ekkert að vita hí á ykkur.

- Játaði Karen