Miss Ülrich

It´s facebook...

2009-03-27T13:13:00.002Z

Jamm facebook er búið að skemma blogggetu mína, einhvern veginn finnst manni nóg að setja bara eina setningu inn þar, svona örblogg bara.
Þannig að ég ætla að örblogga aðeins nokkra hápunkta svona til að friða samviskuna um að vera alfarið að hunsa þetta blogg mitt.

Lóa mín er á landinu sem er æði.
Bíð spennt eftir vorinu.
Fer bráðum að vinna á fullu í utankjörfundaratkvæðagreiðslunni.
Helgi minn stækkar og stækkar og verður skemmtilegri með hverjum deginum.
Langar alveg skelfilega mikið á sólarströnd...(AS IF kannski eftir 1-2 ár).
Er alltaf að hlusta á Paul Mckenna og hann ásamt brjóstagjöfinni hafa gert það að verkum að ég er orðinn léttari en ég var þegar ég varð ólétt :D Bara gaman!!
Farið að langa að gera sumarlega hluti eins og að grilla og drekka ískaffi.
Alsæl með að það er föstudagur og ætla að hafa það æðislega gott um helgina.

Jæja þetta dugar í bili...er það ekki?

Back to school...

2009-01-21T11:58:00.002Z

Fór í tíma í morgun í alþjóðasamskipta kúrsinum sem ég er að taka. Líst rosalega vel á hann og er að hugsa um að nota hann til að byrja að undirbúa M.A ritgerðina mína. Þessi kúrs fjallar um alþjóðastofnanir hlutverk og stefnumótun og smellapassar fyrir þróunarfræðina. Hún kennir áfangann hún Þóra Arnórsdóttir sem er með Útsvarið á Rúv og mér líst rosa vel á þetta hjá henni, held að hún sé ströng en sanngjörn. Ég ætlaði aldrei að hafa mig á fætur í morgun til að mæta í tíma enda var ég vakandi yfir strumpnum milli 4-5 í nótt. Hann var ekkert með neitt vesen en var bara vakandi og klappandi mömmu sinni og aðeins að sprikkla. Annars hef ég soninn grunaðann um að vera ráðherra eða seðlabankastjóri í leyni...hann er amk farinn að kúka uppá bak daglega og það virðist vera merki ráðamanna þessa dagana. Þarf að fylgjast betur með þessu...
Bráðfyndin annars þessi brjóstaþoka en ég var alveg með eitthvað sérstakt í huga sem ég ætlaði að blogga um sem ég man auðvitað ekki lengur, endalaust gaman að þessu eða þannig!!
Man það vonandi seinna og skelli þá einhverju inn :þ

What to say, what to say?

2009-01-15T21:16:00.003Z

Eins og ég sagði þá er ég ekki alveg að fíla þessa útmánuði...kalt, dimmt, blautt, kalt og dimmt!!

Við Helgi fórum út í morgun rétt fyrir 10 og það var kolniðamyrkur, á meðan elsku prinsinn svaf sæll og glaður í vagninum barðist mamman litla við að standa í lappirnar í hálkunni. Það er fátt eins líkt belju á svelli eins og mjólkandi móðir úti með vagn í hálkunni!! Ekki skánaði það í vindhviðunum þegar vagninn tók á sig vind, þá var ég ekki alveg við stjórn...skautaði bara stjórnlaust á eftir vagninum!! Hefði örugglega flissað hefði ég séð sjálfa mig á göngu :þ

Vitið þið að það eru 83 dagar í næsta almennilega frí (þó að ég sé enn í orlofi) !!! 83 dagar í Skírdag, þá fyrst eftir páska fer allt að lifna við aftur og vorið lætur á sér kræla...eftir 83 daga. Held að maður verði nauðsynlega að finna upp á sem flestu sniðugu og skemmtilegu til að hafa fyrir stafni þangað til og reyna að fá þessa myrku mygluðu mánuði til að líða soldið hraðar.

Strax eftir jólin fer ég að bíða eftir að sjá fyrstu krókusana bora sig upp úr jörðinni :D

Restart...

2009-01-14T09:07:00.002Z

Er ekki LÖNGU komin tími til að blása smá lífi í þetta blessaða blogg??
Síðast þegar ég skrifaði hérna inn eitthvað meira en jólakveðju var Ísland ekki farið á hausinn, og satt að segja hefði mér aldrei dottið til hugar hversu margt væri breytt á stuttum tíma.
Ekki það að okkar líf hafi breyst mikið, en samfélagið hefur vissulega breyst og því er ekki að neita að það eru margir sem sjá fram á erfiða tíma framundan. En ég hef alltaf verið soldið veruleikafirrt og það er kannski bara ágætt þegar svona stendur á en ég er alveg viss um að með hækkandi sól muni allt batna. Og ef það batnar ekki þá verður amk auðveldara að takast á við það þegar sólin skín. Það er ekkert leyndarmál að mér hefur alltaf fundist janúar og febrúar vera handakriki ársins, ekkert nema myrkur og ekkert til að hlakka til. En janúar er hálfnaður og febrúar er stuttur og eftir það fer allt að batna. Helgi verður 7 mánaða eftir 10 daga og eftir hálfan mánuð fer ég aftur að vinna, mér finnst það ótrúlegt hvað þetta er búið að vera fljótt að líða. En ég fer að vinna hálfan daginn eftir hádegi hjá Sýsla og Óli verður heima með prinsinn og leggst það bara vel í mig. Við Helgi höfum bara bæði gott af því að ég fari aðeins út af heimilinu og hann elskar pabba sinn útaf lífinu þannig að ég held að hann verði bara hæstánægður með að bralla eitthvað með pabba á meðan mamma er að vinna. Ég er líka fegin að ég gat fengið hálfsdags vinnu því að ég er ENGAN veginn tilbúin að vera frá elskunni litlu allan daginn.
Annars gengur allt bara eins og í sögu hérna á Eggertsgötunni, við Óli dúllum við Helga, Hlynur er fluttur í bæinn, Óli er að klára skólann og ég er bara ótrúlega sátt og ánægð með tilveruna.
Ég er komin á fullt í ræktina og hollustuna og það er bara æðislegt, fyndið hvað maður er fljótur að gleyma því hvað það er hressandi að fara og taka ærlega á því!!
Hugsa að ég segi þetta gott í bili en ætla að vera duglegri að blogga framvegis, mér þykir vænt um þetta blogg enda er það búið að fylgja mér í mörg ár og um að gera að halda í því lífinu :D

X-mas

2008-12-24T12:33:00.001Z

Gleðileg Jól allir saman, takk fyrir lesturinn á árinu sem er að líða

(þó að hann hafi verið lélegur í lok árs)

Hafið það sem best yfir hátíðarnar

Ages....

2008-09-26T11:01:00.003Z

Það líður óratími á milli þess sem ég blogga!!

Það er búið að vera rosa gaman síðustu 2 vikur, Lóa og Þröstur voru á landinu og það var æði. Alltaf svo gaman að fá þau heim :D Ég sagði einmitt við Óla í gær að ég væri rosa ósátt við að Lóa mín væri að fara aftur og bíð ég spennt eftir að þau fái nóg af kóngsins Köben og flytji heim!!

Magga mín flutti svo aftur út til Gautaborgar í síðustu viku sem mér finnst ekkert skemmtilegt og það væri bara best í heimi að þær kæmu bara heim báðar tvær...

En við stelpurnar hittumst síðasta laugardag og borðuðum saman og ég blandaði kokteila fyrir þær en fór þó frekar snemma heim því að Helgi tók uppá því að harðneita að taka pelann hjá pabba sínum og öskraði bara á hann í staðinn. Litli ormurinn! Helgi varð svo 3 mánaða á miðvikudaginn og við hlökkum mikið til á mánudaginn að fara með hann í skoðun og fá að vita hvað hann er orðinn stór og þungur. Við erum búin að fara í fullt af matarboðum til Röggu og Sævars og til Sverris bróðurs, kíktum í heimsókn til sýsla og erum að fara í fleiri heimsóknir um helgina. Svo erum við Helgi búin að kíkja í mömmuhitting í kirkjunni og eru planaðir einir 3-4 mömmuhittingar í næstu viku þannig að það verður sko nóg að gera. Skólinn gengur bara vel og mér líst rosa vel á kúrsinn sem ég er í. Passlega mikið vinnuálag, spennó og hagnýtt efni, voða notó svona í fæðingarorlofinu. Ég reyndar kom mér ekki á fætur til að mæta í tíma í morgunn en lái mér hver sem vill, þegar að vindurinn gnauðar úti og regnið lemur rúðurnar er ekki spennandi að fara á fætur, sérstaklega þegar maður liggur á milli yndislegustu stráka í jarðríkinu. Elskurnar mínar heitir, mjúkir og sofandi voru mun meira freistandi heldur en að dröslast í tíma. Svei mér þá ég hef ekki meira að segja í bili, læt fylgja mynd af litla gullinu.

Here I come...

2008-09-09T22:11:00.006Z

To save the day!!!

Voruð þið ekki komin með fráhvarfseinkenni???

Kominn tími á smá update, látum okkur sjá það helsta sem er búið að gerast er að ég átti afmæli sem er alltaf gaman. Fékk fullt af fallegum gjöfum, snyrtivörur frá fjölskyldunni minni, rosa sæta peysu frá fjölskyldunni hans Óla, Senseo ÆÐISLEGA kaffikönnu frá prinsunum á heimilinu Hlyni og Helga

og geggjaðan multidress frá ástinni minni, þetta er alveg bráðsniðug flík sem maður getur notað sem allskonar kjólatýpur og buxur. Var alveg óð á afmælisdaginn að vefja mig í kjólinn sem er alveg ótrúlega flottur og ekki var það verra að hann er Hot Pink á litinn :D

Fór í annan júnímömmuhitting, alltaf jafn gaman að hitta stelpurnar og krílin þeirra, Helgi stækkar og dafnar og er yndislegastur allra barna að sjálfsögðu. Lóa mín kemur á fimmtudaginn og ég er alveg að missa mig úr spennu og skólinn byrjar á föstudaginn sem er líka soldið spennó. Hanna systir skaust til Parísar þannig að ég fékk að njóta þess að sækja elskuna hann Ágúst Smára skólastrák á meðan hún var úti það var æði og nutum við góða veðursins í síðustu viku og örkuðum vesturbæinn þveran og endilangan með Helga í vagninum. Hanna kom svo klyfjuð gjöfum þegar hún kom heim og Helgi fékk meðal annars kínverskt babyoutfit sem mig klæjar í puttana að smella honum í...en það verður að bíða aðeins þar sem að það er í 1 árs stærð.

Man ekki hvað ég ætlaði að segja meira enda er major brjóstagjafaþoka í gangi hér á bæ, sem er stundum soldið fyndið og stundum bara alls ekki!!!

Ætla að herma eftir Óla og láta hérna fylgja nokkrar myndir af mér aftur úr grárri forneskju hahaha!

Þessi var tekin 1952, ég man hvað það var óþægilegt að sofa með rúllurnar í hárinu fyrir myndatökuna en hvað gerir maður ekki fyrir fegurðina.

1968 var ekki auðvelt hár ár heldur, ég ætlaði að vera í annarri peysu en Óli gerði svaka sogblett á mig kvöldið áður og ég neyddist til að fara í rúllukraga.

1976 var gott ár, þá fór ég að prófa mig áfram í að vera ljóshærð sem var einmitt mjög inn á þeim tíma ég meina hver man ekki eftir Brady Bunch skvísunum, hver annarri lokkaprúðari. Enn og aftur þurfti ég að velja eitthvað sem náði vel upp í háls, allt Óla að kenna en hann var með svo hot hárgreiðslu ´76 að það var ekki nokkur leið að standast hann, ég meina það!! En ég launaði honum lambið gráa og hann varð að vera í þessum hvíta rúllukragabol í ár eftir meðferðina sem hann fékk :D

1978 var erfitt ár, ég var í mikilli tilvistarkreppu og gekk til liðs við hreyfinguna Black Panthers og safnaði í afró...það er ekki auðvelt fyrir litla hvíta stelpu úr vesturbænum en með lambapermó og nóg af hárlakki komst ég í gegnum þetta ár.

Hárið varð svo hrikalegt eftir þessa meðferð að ég sat ekki fyrir á mynd aftur fyrr en 1994 og hafði þá náð að safna í þessa fögru ljósu lokka og ég var svo ánægð með þessa klippingu að ég hef eiginlega bara haldið henni síðan...en ekki hvað!!!!

Bloggeddy blogg...

2008-08-29T09:57:00.002Z

Drengurinn sefur, það er ógeðslegt veður úti, klukkan er 9:58 og ég er búin að setja í vél og vaska upp...því ekki að blogga aðeins??
Trúið því að sumarið sé í alvörunni búið?? Ég meina hvað gerðist eiginlega, ég veit að ég eignaðist barn þarna í lok júní og síðan þá hef ég ekki vitað hvað verður um tímann. Kannski af því að það fer svo endalaust mikill tími í að dást að þessu fallega, yndislega, fullkomna barni sem við eigum.
Annars hefur ýmislegt verið brallað upp á síðkastið, við erum búin að fara að hitta fyrrverandi bumbuklúbbinn sem er núna babyklúbbur og það var æðislegt. Það er eitthvað ósegjanlega notalegt að vera innan um allar þessar mömmur og litlu krílin þeirra. Ég fór svo í saumaklúbb í gær og Helgi var heima hjá pabba sínum á meðan og það gekk alveg stórvel og Óli auðvitað stríddi mér á því hversu stilltur drengurinn var hjá pabba sínum :þ Svo er ég að verða árinu eldri um helgina, 31 árs á sunnudaginn :D Finnst óralangt síðan ég varð þrítug og við Óli fórum út og komum heim með Helga í farteskinu hahaha...
Skólinn er líka að byrja og þó að ég hafi í bjartsýniskasti skráð mig í 3 kúrsa í vetur þá er ég búin að ákveða að fækka þeim niður í einn. Vil bara taka því rólega og njóta tímans sem ég hef í fæðingarorlof með snúllanum litla. Þannig að ég er að fara að taka áfanga í Almannatengslum í vetur því að ég held að það verði afskaplega hagnýtt. Svo er hún Lóa mín alveg að fara að koma til landsins en hún verður hérna í 2 vikur í september, ég hef ekki séð þessa elsku í heilt ár og ég get ekki beðið eftir að fá hana heim!!!! Það verður sko ekki leiðinlegt að vera ekki að vinna og hafa nægan tíma til að dúllast með henni...
Jæja ég er að hugsa um að fara að fá mér að borða og fylla á tankinn fyrir næstu mjaltir ;) Já og það eru fullt af nýjum myndum af Helga á babyblogginu og á blogginu hans Óla.
Góða helgi!

Lucky numbers

2008-08-11T11:35:00.004Z

Nýjustu tölur frá ungbarnaeftirlitinu á Seltjarnarnesi

6060 gr og 60 cm

Sem gerir 860 gr þyngingu á rétt rúmum 2 vikum :D

Ekki leiðinlegt það!!!!

Power to the little people...

Clever mouse...

2008-08-10T17:47:00.005Z

Keyptum í gær snilldina eina...Er núna á meðan ég skrifa þetta með Helga bundinn steinsofandi framan á mig, alsælan og ég með báðar hendur lausar. Þetta heitir Moby Wrap og verður klárlega mikið notað á þessu heimili. Óli er að vinna upp á Skaga þessa dagana og Helgi er búin að vera eitthvað pirraður í maganum og vill mikið láta halda á sér. Þetta burðarsjal gerir mér kleift að halda á honum en geta samt gert eitthvað. Ég er búin að þrífa ísskápinn, fara út með ruslið og brjóta saman þvott með litla kútinn alsælann fastann við mig. I LOVE IT :D

Við mæðgin skelltum okkur líka í bæinn á Gaypride í gær með Mömmu, Hönnu og Ágúst Smára, rosa mikið af fólki og gangan ekkert smá glæsileg.

Ágúst Smári "kappklæddur"að venju

Þarna var langbesta útsýnið yfir gönguna

Helgi svaf bara mestan tímann þrátt fyrir brjálaða tónlist og læti

Það er líka fínt útsýni þegar maður situr á háhest!!

Helgi sposkur á svip í vagninum...

Svo erum við að fara í 6 vikna skoðun hjá ungbarnaeftirlitinu á morgun og fáum þá að vita hvað Helgi er orðinn stór. Ég er með ansi miklar væntingar eftir að hann þyngdist um 500 gr á einni viku síðast þegar hann var mældur. Verður spennó að fá að vita hvað hann er orðinn þungur núna litli hlunkurinn.

Update

2008-08-02T12:56:00.004Z

Ég held áfram að vera glataður bloggari...skrítið hvað ég finn mér sjaldan tíma til að henda hérna inn nokkrum orðum, reyni að taka mig á :D

Það er heilmikið búið að drífa á daga okkar síðan síðast, viku eftir skírnina eða 27 júlí var okkur boðið í skírn til hans Ólafs Bjarka. Það var yndisleg stund og Ólafur Bjarki gerði eins og Helgi Júlíus og svaf vært meðan hann var skírður. En eftir að búið var að skíra kom presturinn öllum á óvart þegar hún tilkynnti að nú skyldi gifta foreldranna þau Helgu og Braga. Vá hvað það kom skemmtilega á óvart og tárin byrjuðu að streyma hjá öllum viðstöddum. Þetta var eitt það fallegasta og innilegasta brúðkaup sem ég hef verið viðstödd og ég fæ ennþá sæluhroll þegar ég hugsa um það. Við smáfjölskyldan erum bara búin að hafa það rosa gott, fara út að labba með vagninn, Hlynur skellti sér í Nauthólsvíkina og komst í viðtal í Kastljósinu, við erum búin að fá góða gesti og í dag tók stóri bróðir sig til og skipti á bróður sínum í fyrsta sinn. Hlynur stóð sig eins og hetja í bleyjuskiptunum og Helga líkaði vel að fá svona þjónustu frá stóra bróður :D

FLOTTUR GAUR :D

May I introduce...

2008-07-20T21:32:00.004Z

Helgi Júlíus Ólason

Litli drengurinn okkar var skírður í dag og fékk þetta fína nafn Helgi Júlíus. Skírnin var heima hjá tengdamömmu sem sá líka um veitingarnar og var dagurinn allur hinn glæsilegasti. Helgi litli fékk fullt af flottum gjöfum og var afskaplega stilltur og prúður yfir daginn, vaknaði ekki einu sinni við að fá vatn að höfuðið :D

Hmmm...

2008-07-14T18:56:00.004Z

Óli benti mér á það í dag að ég væri orðin lélegasti bloggari í Evrópu, ég er hrædd um að ég verði að vera sammála honum þar. En ég er bara að hugsa um ykkar hag elskurnar mínar. Málið er það að ég geri ekkert nema borða, sofa, gefa brjóst og dást að syni okkar. Ég gæti skrifað heila bók hérna um dásemdina sem er litli drengurinn en ég vil helst ekki gera ykkur það. Betra að geyma svoleiðis fyrir babybloggið. En eitt hefur nú á daga okkar drifið, við skelltum okkur í 30tugs afmælið hennar Soffíu á laugardaginn og tókum prinsinn með okkur. Það var hressandi að komast aðeins út og hitta fólk og lillinn svaf bara allan tímann og kippti sér lítið upp við það að vera staddur í gleðskap, alger draumadrengur. Svo er bara slökun fram að næstu helgi en þá verður skírn á Skaganum en við ætlum að skíra heima hjá tengdamömmu og úti á palli meira að segja ef að veður leyfir. Presturinn sem skírir hann er enginn annar Eðvarð Ingólfsson sem er þekktur fyrir bækur sínar 15 ára á föstu og 16 ára í sambúð, já hver man ekki eftir þeim???

Við pöntuðum skírnarkökuna í dag og bíðum bara spennt eftir sunnudeginum. Annars hef ég lítið að segja elskurnar, er bara í babyvímu og nýt þess í BOTN!!!

Set með hérna 2 myndir af litlu elskunni, bara af því að ég stenst það ekki!!!

Blue Steel

2008-07-08T16:58:00.003Z

Hér er á bæ er lífið bara ótrúlega ljúft, drengurinn er yndislegur og allir eru hressir er hægt að biðja um meira...það held ég bara ekki. Það er komin dagsetning á skírnina en snúlli litli fær nafn þann 20.júlí og mikið hlakka ég til að geta farið að nota fallega nafnið hans :D
Annars er lítið að frétta annað en endalaus hamingja.
Knús á ykkur!

Like father like son

2008-07-02T18:45:00.005Z

Það er ekki hægt að segja annað en að þeir feðgar séu líkir!!

Bræðurnir svo sætir saman!!!

Mæðginin að hvíla sig.

:D

2008-07-01T15:52:00.002Z

Vikugamall!! Fleiri myndir og fréttir inná babyblogginu.

Sweetest thing...

2008-06-26T18:46:00.002Z

Ég veit að ég er ekki alveg hlutlaus, en mér finnst hann fallegastur í öllum heiminum...
Erum að skríða saman og tökum lífinu afskaplega rólega, bara sofa og borða og horfa ástaraugum hvert á annað.

Mommy :D

2008-06-25T15:38:00.005Z

Þá er ég orðin mamma...

kl 16:19 í gær 24 júní á Jónsmessu, fæddist yndislegur "lítill" 17 og hálfrar markar (4360 gr) og 54 cm drengur. Hann lét soldið mikið fyrir því hafa að koma sér í heiminn en allt gekk þetta að lokum með aðstoð góðs fólks. Hann er að sjálfsögðu það fallegasta undir sólinni og fullkominn í alla staði. Ég set fæðingarsöguna og fleiri myndir bráðlega á barnabloggið. En hér koma nokkrar myndir af krúttinu.

Glænýr og ekki ánægður með meðferðina hjá Snorra barnalækni.

Sætustu táslurnar
Ólasynir gullfallegir
Ein af mömmunni þreyttu með ungann í fyrsta sinn á brjósti.

og svo SLAKA eftir erfiðan dag...

It´s on!!!!!!!!!

2008-06-23T10:21:00.002Z

Jæja ég lofaði að sinna tilkynningarskyldunni og hér kemur tilkynning!
Missti vatnið með látum kl 4:50 í morgun, fórum með sjúkrabíl uppá spítala. Barnið er núna loksins búið að skorða sig og ég komin með smá verki, reglulega en ekki slæma. Afþakkaði gangsetningartöflu og við erum komin heim og ætlum að hvíla okkur bara fyrir átökin.
Eigum að mæta kl 21 í kvöld í rit og ef ekkert verður farið af stað þá fæ ég gangsetningartöflu kl 7 í fyrramálið.

No action...

2008-06-21T11:41:00.002Z

5 dagar í settan dag og ekkert að gerast. Skrítið en ég var svo viss um að barnið kæmi 21.júní, hafði það á tilfinningunni strax og ég varð ólétt og svo dreymdi mig fyrir því líka. En það er svo sem ekki útilokað að eitthvað gerist í dag en frekar ólíklegt miðað við að mér líður bara stórvel og örlar ekki einu sinni á smá verkjum. Barnið hefur það greinilega bara afskaplega notalegt þarna inni og hefur nóg fyrir stafni að sparka og berja og þrýsta og spenna og almennt bara pína mömmu sína vel og vandlega. En mér finnst það samt bara æðislegt, held að það eigi eftir að vera það eina sem ég virkilega sakna við að vera ólétt, að finna baby sprikkla inní mér. Guð veit að ég á ekki eftir að sakna brjóstsviðans, bjúgsins og gæsagöngulagsins :þ
Annars er lífið bara afskaplega rólegt hérna á E8, þeir feðgar eru reyndar duglegir að fara í fótbolta og sund og bralla eitthvað skemmtilegt á meðan ég er meira í því að leggja mig og sofa, blunda og fá mér kríu og hvíla mig þess á milli. Óli vill ekki leyfa mér að gera neitt sem reynir á en ég er farin að nota tækifærið þegar hann sér ekki til og "þjóta" í gegnum íbúðina eins heimsins elsti og mest farlama Ajax stormsveipur. Það er greinilega að detta inn einhver hreiðurgerðar geðveiki og er ég búin að vera með tuskuna á lofti síðan í gær muldrandi eins og crazy lady "I like things clean, my kind of clean" Sló öll met í gær eftir að hafa aðeins sleppt mér í þrifum og eldaði líka kjúlla og bakaði súkkulaðihaframjölskökur...Mér leið alveg sjúklega vel á eftir, og strákarnir voru saddir og ánægðir.
En sem sagt það bólar enn ekkert á baby og ég skal sjá til þess að tilkynningarskyldunni verði sinnt ef eitthvað breytist.
Góða helgi...já og njótið lengsta dags ársins!!

Beware of the pregnant woman...

2008-06-17T19:58:00.004Z

Hæ Hó og Jibbí Jey elskurnar!

Gleðilega þjóðhátið og allt það :D

Búið að vera rosa góður dagur, fórum og sóttum vögguna fyrir ungann okkar, kíktum í bæinn og hittum skemmtilegt fólk og sáum skemmtilega hluti. Borðuðum góðann mat og ég fór í fyrsta og alveg örugglega ekki síðasta sinn í sólbað á svölunum. Náði meira að segja að brenna pínu á bringunni í dag :þ Núna er ég að drekka ískaffi og spjalli við ykkur, Óli er að horfa á fótbolta og Hlynur er úti að spila fótbolta. Þvílíkur lúxus núna þegar við erum komin í barnablokk, alltaf nóg af strákum að leika við og gaman þegar þeir koma að spyrja eftir Hlyni og hann eftir þeim. Svona á þetta að vera!

Dagurinn í gær var líka æðislegur fyrir utan ástæðuna fyrir titlunum á þessum pósti. Óli var uppá Skaga að vinna í gær og við Hlynur undum okkur í góða veðrinu í höfuðborginni. Við þurftum að útrétta aðeins og fórum snemma af stað þar sem að ég kemst ekki hratt yfir gangandi þessa dagana, fyrst var ferðinni heitið á skrifstofu Stúdentagarðanna. Við klæddum okkur, Hlynur stökk á nýja hjólið og ég labbaði afar hægt með honum. Alla leiðina var ég að svekkja mig á því hvað buxurnar voru eitthvað óþægilegar, þær voru reyndar nýþvegnar en mér fannst þær sitja svo illa og ég var búin að sannfæra sjálfa mig um að rassinn á mér hefði greinilega stækkað um amk 2 númer síðan ég fór síðast í þessar venjulega afar þægilegu óléttubuxur. Það var svo í miðju samtali við ungu konuna á skrifstofu Stúdentagarðanna þegar ég gerði mig líklega til að stinga höndum í vasa að ég áttaði mig á því að ég var í buxunum ÖFUGUM!!! Það var ekki von að þær væru óþægilegar, rassinn var framan á. Ég fór næstum því að grenja, nú er mér búið að takast að fara út í þessum sömu buxum bæði öfugum og á röngunni... Maður gengur greinilega ekki alveg heill til skógar þessa dagana.

En restin af deginum var æði, Andri og Helgi komu í heimsókn, strákarnir léku sér úti í fleiri klukkutíma og komu bara inn til að gæða sér á vöfflum, við Helgi spjölluðum á meðan sem er alltaf gaman. Svo kom Óli heim og Ragga kíkti í heimsókn með prinsana sína.

Á morgun er svo mæðraskoðun en við erum að detta í viku 39 á fimmtudaginn, enn er allt með kyrrum kjörum og það lítur út fyrir að barnið ætli að bíða eftir að amma Beta komi heim frá Spáni á fimmtudaginn. Hlakka til að heyra hvað ljósan hefur að segja og fá að vita hvort unginn er búinn að skorða sig og hver staðan er. Alveg magnað hvað það styttist í þetta :D

Hér koma nokkrir myndrænir hápunktar dagsins í dag...

Þennann flotta bíl á afi hans Ágústs Smára

Hlynur og Ágúst Smári sætustu gaurarnir í bænum!

Hlynur flottur með hanakambsgreiðsluna

Sáum Kung-Fu sýningu í Hallargarðinum, rosa flott og strákarnir voru ansi hrifnir.

Hlynur vs Ágúst Smári meiri krúttin í boxi :D

38 weeks

2008-06-12T12:48:00.001Z

38 vikur í dag og svona lít ég út :D
Held að það fari að koma að því að bumban stökkvi bara af og fari að lifa sjálfstæðu lífi, er ekki lengur viss hvort er viðhengið ég eða hún?!?

Waiting...

2008-06-10T16:04:00.002Z

Dagur í lífi kasóléttrar konu...
Vaknaði í augnablik þegar að Óli kyssti mig bless eldsnemma í morgun, sofnaði aftur og svaf til 11:08 sem var mjög notalegt. Fór á fætur, það tók sinn tíma enda maður orðinn ansi hreyfihamlaður þessa dagana. Gekk frá þvotti og setti í vél, borðaði morgunmat, settist með hátt undir fætur og drakk vatn í þeirri von að ná bjúgnum betur niður, hékk aðeins á netinu, blaðraði í símann. Fattaði að ég gleymdi að borða hádegismat, hoppaði í sturtu og fékk mér göngu út í búð. Leyfði búðarstráknum að dást að kúlunni "vá mín bara aldeilis komin á steypirinn" svaraði spurningum um settan dag og veistu kynið, fór út með mjög óskynsamlega hluti í poka. Kom heim vaskaði upp og hlustaði á Within Temptation HÁTT í ipodnum, er núna södd og ánægð, búin að fá mér ís og er að drekka ískaffi og bíða eftir stráknum.
Þetta er rosa skrítið líf þetta frí að bíða eftir barninu, ég get ekki mikið og þreytist fljótt en er samt sem áður alveg ferlega eirðarlaus og alltaf að byrja að gera eitthvað og hætti svo við.
Svo er það alveg ferlega óþægilegt að barnið sé ekki búið að skorða sig því að fyrir vikið þori ég ekki að fara eins mikið út því að ég er svo smeyk við að missa vatnið ein út á götu og þurfa að leggjast niður þar og bíða eftir sjúkrabíl. Mér fannst líka ferlega fyndið þegar ég hringdi í Óla upp á Skaga í gær og það fyrsta sem hann sagði þegar hann svaraði var "Ertu búin að missa vatnið??" Greinilega ekki bara ég sem er að stressa mig á þessu. Vona að krílið láti segjast og fari nú að koma sér fyrir, þetta er gallinn við stóru kúluna...baby hefur ennþá nóg pláss og er því ekkert að flýta sér neitt að skorða sig. Litla krúttí :D

Burning the midnight oil...

2008-06-06T02:25:00.004Z

Klukkan en 02:25 og ég er vöknuð...það er meira ruglið komið á svefninn hjá mér. Ég er farin að sofa meira á daginn, vakna svo um miðjar nætur og ætla aldrei að ná að sofna aftur. Ferlega þreytandi!!

Búin að liggja upp í rúmi að öfunda Óla sem sefur vært, veit samt að það er ekkert verra í stöðunni heldur en að rembast við að sofna, þá gerist ekki neitt. Krílið er líka í einhverju óvenjulegu stuði og er búið að sparka af miklum fantaskap í mig síðan ég fór upp í rúm, svo kröftuglega að ég hrökk upp við það! Að láta svona við einu móður sína uss uss...

Fór í mæðraskoðun í morgun og allt kom glimrandi vel út en þar sem að baby er hætt við að vera skorðað þá býst ég ekki við því að það komi alveg á næstunni. Annars líða dagarnir ljúflega hérna á Eggerstgötunni, Óli er að klára vinnuna og við erum búin að geta slakað á saman uppá síðkastið sem er bara æði.

Hafrún kíkti í heimsókn með dúlluna sína hana Álfheiði um daginn sem var mikið stuð

Meiri snúllan :D Svo er meira en busy helgi framundan, ég er að fara klukkan 9 fyrramálið í fótsnyrtingu ummmmm, svo er Hlynur að koma og verður hjá okkur í 2 vikur, við erum að fara í afmæli á laugardag og svo í matarboð um kvöldið og svo í annað afmæli á sunnudag. Heldur betur nóg að gera hér á bæ sem er bara gaman!! Ég er að hugsa um að reyna að skríða aftur inní rúm...ég verð að vera úthvíld fyrir dekrið mitt í fyrramálið ;D

Shopping fun!!

2008-05-30T17:48:00.005Z

Við Óli erum búin að vera á búðarrápi í allan dag, erum komin með gluggatjöld fyrir alla glugga, sætar mottur, kommóðu/skiptiborð fyrir baby og allt að smella :D

Enduðum í Ikea og ég sver það þó að þetta hafi verið þriðja heimsókn okkar í Ikea síðan við fluttum þá fer maður alltaf jafn klyfjaður út úr þessarri búð!!

Við skemmtum okkur reyndar rosa vel í Ikea, fengum hláturskast í kommóðu deildinni þegar Óli var að reyna að mæla ummálið mitt með Ikeabréfmálbandi, við skulum bara segja að meterinn er langt frá því að duga utan um mig sem olli talsverðri kátínu hjá okkur. Hver eru aftur drauma málin 90cm 60cm 90cm?? Yeah ekki alveg...kæmi mittinu á 2 fyrirsætum inní mig!!

Við fengum annað hláturskast þegar við komum í mottudeildina, en Ikea er svo stór búð að um það bil alltaf á mottusvæðinu er maður búin að missa alla von um að komast nokkurn tímann út og er farið að langa mest til að skilja allt draslið eftir and put an egg in your shoe...and BEAT IT.

Okkur langaði að finna 2 eins mottur en það er greinilega ekki framleitt hjá Ikea og vorum við ansi kjánaleg og útbíuð í mottukuski þegar við loksins fundum tvær sem pössuðu saman...en voru samt ekki eins?!?!

En fyndnasti atburður búðarferðarinnar var þó eftir, á meðan ég beið hjá MALM kommóðunni í eikarlit fór Óli og sótti svona vagn til að keyra kassann á. Framhjá mér gekk miðaldra par sem var greinilega afskaplega skotið hvort í öðru og hafði skellt sér í Ikea til að byrja forleikinn...skyndilega greip kallinn í klobbann á dömunni, þau flissuðu, litu upp, sáu mig, roðnuðu, fölnuðu, forðuðu sér! Ég hins vegar stóð eftir og beit í tunguna til að springa ekki úr hlátri. Það er alltaf ævintýri að fara í Ikea!

Núna hlakka ég bara til að setja kommóðuna saman (horfa á Óla setja kommóðuna saman) og byrja svo að þvo og setja baby fötin í skúffurnar!!! JEY gaman gaman!

Læt fylgja eina bumbumynd 36 vikur og 1 dagur...

Lucky me!!

2008-05-29T13:01:00.002Z

Hef ég sagt ykkur hvað kærastinn minn er mikið æði??

Never mind þið hafið gott af því að heyra það aftur...

Kærastinn minn er ALGJÖRT ÆÐI!

Óli krútt mætti heim í hádeginu með rauða rós og gjafabréf í dekur í Mecca spa handa óléttínunni sinni...heppin er ég!!!

Ég ætla að skella mér í næstu viku og láta gera mig fína og dekra við mig, maður verður að vera soldið vel tilhafður þegar babykrúttið mætir á svæðið!!

En hvað er ég að gera á netinu þegar ég ætti að vera í símanum að bóka mér tíma :þ

Happ happ happy...

2008-05-28T15:27:00.003Z

Er ekki kominn tími á smá orlofsblogg??
Dagurinn í dag er semsagt 3 dagurinn í orlofi frá vinnunni eða öllu heldur í hvíldar samkvæmt læknisráði fríi. Búin að vera dugleg að hvíla mig enda fátt annað að gera í stöðunni og það er greinilega að skila árangri því að ég fór í mæðraskoðun í morgun og það lítur allt betur út. Búin að losa mig við rúmt kíló af bjúg sem er notalegt og legbotninn allur að slakna, blóðþrýstingurinn góður og baby í rosa flottu formi. Var reyndar mjög fyndið þegar hún sagði við mig, hmmm legvatnið hefur greinilega minnkað hjá þér...en barnið stækkað heilmikið. Gott að molinn dafnar þarna inni þannig á þetta að vera. Ég er rosalega þakklát fyrir hvað þetta hefur allt gengið vel, barnið hefur það gott og ég er hraust :D það er nefnilega ekkert gefið að þetta gangi svona vel og sé svona "lítið" mál.
Ég held að ég hafi sagt það áður hér en það má alveg minnast á það aftur, ég trúi því að hamingja sé ekki viðvarandi ástand heldur augnabliks glaðningur. Við getum verið ánægð og glöð með lífið en sönn hamingja er eitthvað sem maður upplifir bara sem eitt unaðslegt augnablik. Ég fékk svona frábæra hamingju tilfinningu áðan þegar í eitt andartak veröldin var fullkomin. Ég stóð í eldhúsinu og horfði yfir nýju íbúðina, allt svo hreint og fínt...það var opið út á svalir og gluggatjöldin bærðust í golunni. Það var yndisleg bökunarlykt í loftinu af haframjölskökunum sem ég var að baka. Út í garði bærðust laufin á öspunum og litlir krakkar hlógu og léku sér, inní mér hreyfði litla krílið okkar sig og ég var fullkomlega hamingjusöm með lífið.

Last day...

2008-05-23T13:23:00.002Z

Þá er komið að því, síðasti dagurinn minn í vinnunni. Eftir daginn í dag er ég komin í orlof, blóðþrýstingurinn aðeins búin að hækka og ég á að nota næstu vikur bara í að hvíla mig og undirbúa mig fyrir fæðinguna. Verður skrítið að hætta alveg, en ég held að það verði fljótt að venjast. Get farið að dunda mér við að undirbúa allt fyrir baby og klára að koma okkur fyrir í íbúðinni. Sem er by the way orðin rosa homie og notaleg. Erum ekkert smá ánægð með nýja heimilið. Skemmtileg helgi framundan, Hlynur er að koma í fyrsta sinn í nýju íbúðina og verður honum svo sleppt lausum í að ákveða gluggatjöld og skreytingar í herbergið sitt. Hann er orðinn svo mikill unglingur þessi elska að hann segist bara vilja hafa plaköt með 50 cent og Justin Timberlake. Krúttí!!! Við erum að fara í sextugs afmæli hjá móðurbróður Óla á morgun, og svo er auðvitað mikil spenna fyrir Eurovision :D Við eigum svo jafnvel von á fólki í kaffi á sunnudag þannig að mér á ekki eftir að leiðast fyrstu helgina í orlofi, það er nokkuð ljóst. Fjörið byrjar samt eiginlega í dag því að það er tiltektardagur í vinnunni sem þýðir eiginlega bara að við erum öll komin með afar smart rauðar derhúfur á höfuðið og margir eru vopnaðir gulum blóma gúmmíhönskum, svo verður bara borðað saman og slett úr klaufunum eftir lokun. Sé ekki fyrir mér að mikið verði tekið til. En stundum þarf að búa til sniðugar ástæður fyrir því að lyfta sér upp!
Hafið það gott my dears!!

Sleepless in Reykjavík...

2008-05-20T05:58:00.002Z

Vaknaði klukkan 5 og fór á fætur með sólinni...
Mér skilst að "náttúran" sé að kenna mér að vaka yfir litlu barni, en kann ekki að meta þessa stæla hjá "náttúrunni" þar sem að ég þarf eiginlega að fá að lúlla meira!!
Já þetta er æsispennó líf þessa dagana með brjóstsviða, bjúg og bröltandi bumbubúa :D
Við Óli erum flutt í nýju íbúðina og þvílíkur munur, ekkert smá gott að geta dreift aðeins úr sér, okkur líst vel á okkur hérna fyrir utan smá pirring á sameigninni og hvernig gengið er um hana. Það virðist hafa dottið inn hjá einhverjum að stúdentar séu undanskildir því að ganga vel um og ganga frá eftir börnin sín og það er búið að pirra mig alveg fram og aftur síðan við fluttum. Og það versta er að sá sem er ábyrgur fyrir þrifum húsinu er með sama draslið hjá sér þannig að hann greinilega er ekki að sjá þetta!! Er samt búin að ákveða að hætta að láta þetta pirra mig svona því að ég græði ekkert á því og á meðan það er allt fínt inni hjá okkur þá líður mér bara vel :þ Annars er allt gott að frétta af okkur, Óli er alveg að verða góður eftir hálskirtlatökuna, ég og baby stækkum bara og stækkum, það styttist í að ég hætti að vinna og fari á fullt að undirbúa koma krílisins enda erum við að detta í viku 35 á fimmtudaginn. Ótrúlegt hvað þetta er búið að vera fljótt að líða...

Glorious day...

2008-05-14T13:46:00.002Z

Þvílíkur dýrðardagur!! Veðrið yndislegt, sumar í loftinu, við Óli alveg að fara að flytja, og mér er loksins búið að takast að flytja Óla alveg frá Akranesi. Núna er minn maður kominn með lögheimili í Reykjavíkinni elskulegu og við loksins orðnir löglegir sambúðaraðilar.
Ég verð ekki í vinnu meira þessa vikuna, er að fara á námskeið á morgun og föstudag, í Verkefnastjórn: vinnulag sem virkar. Mig er búið að langa að fara á þetta námskeið í marga mánuði og hef skráð mig á það áður en þá hefur alltaf eitthvað komið upp og ég orðið að afboða mig. Loksins kemst ég á námskeiðið og þó að ég búist við að þetta verði erfiðir dagar, námskeið 8-16 og svo flutningar þá er það nokkurn veginn núna eða aldrei því að það verður enn erfiðara að fara á þetta námskeið í haust með barn á brjósti.
Við kíktum aðeins á Helgu, Braga og syni í gær og skoðuðum lillann sem varð vikugamall í gær. Alger snúlli, ég fékk auðvitað að máta aðeins þangað til að drengurinn vildi fá að borða og mitt kríli var orðið sprikkalandi brjálað á því að hafa kútinn ofan á bumbunni. Eftir að Helga tók lillann sinn gekk bumban mín í loftköstum sem var bara skondið. Stór dagur á morgun en þá er ég komin 34 vikur á leið og verð ekki stoppuð ef ég fer af stað úr þessu. Skrítin tilhugsun og ég ætla að passa mig ofurvel í flutningunum til setja ekkert af stað strax enda vil ég halda krúttinu inni í amk 3 vikur í viðbót.
Hafið það æðislega gott í sólinni :D

Springtime...

2008-05-09T14:11:00.002Z

Finnst ykkur regnið ekki dásamlegt??? Með hverjum dropa finnst mér grasið verða grænna og tréin laufgast meira og meira...I LOVE IT.

Annars er margt að frétta af okkur, við fengum afhenta lyklanna af nýju íbúðinni áðan sem er mjög spennó þó að flutningar verði að bíða aðeins á meðan elskan mín nær heilsu. Hann er búinn að eiga ansi bágt síðustu daga og er búinn að standa sig eins og alger hetja. Þó að það séu 19 ár síðan ég fór í kirtlatöku þá er ég sko ekki búin að gleyma því hversu sárt og ÖMURLEGT þetta ástand er og Óla líður eflaust enn verr en mér gerði því að því eldri sem maður er því verra er þetta!!! Ég tek alveg út fyrir að sjá hann svona slappann og bíð spennt með honum eftir því að honum fari að skána. Við erum að fara að sækja Hlyn á eftir, Óli er ekki ökufær sökum rótsterkra verkjalyfja þannig að við rennum upp eftir þegar ég er búin að vinna. Ef Óli er nógu hress það er að segja til að komast með, en ef hann verður það þá ætlum við smáfjölskyldan svo að fara saman að kíkja á nýju heimkynnin...ekki leiðinlegt!!! Svo er bumbuhittingur hjá mér í kvöld og bráðspennandi námskeið í verkefnastjórn í næstu viku. Allt að gerast bara, ótrúlega stutt orðið í komu bumbubúans, en það eru ekki nema tæpar 7 vikur í settan dag!!!
Vona að þið haldið áfram að senda batahugsanir til Óla, ekki er vanþörf á :)
Góða LANGA helgi!!

5:48

2008-05-06T05:48:00.002Z

Já klukkan er 5:48 og ég er búin að gefast upp á að reyna að sofa...
Þetta hefur verið ein sú allra furðulegasta nótt ever, ég er búin að dorma í smá stund vakna og vaka í einhvern tíma og sofna aftur í augnablik og alltaf þegar ég vaknaði hélt ég að það væri komin dagur. Svona var þetta kl 00:45 2:15 3:30 og svo núna fyrir ca klukkutíma ákvað ég að fara bara á fætur. GLATAÐ!! Óli greyið er búinn að vera fárveikur og er að fara í hálskirtlatöku á eftir og það spilar örugglega inní svefnleysið hjá mér, bæði finn ég svo til með honum og svo er ég auðvitað hrædd um hann eins og venjulega. Það bætir svo gráu ofan á svart að hluti af því að svona illa fór um mig í nótt er að ég er komin með hálsbólgu og einhverja hitavellu bara svona honum til samlætis!!!!
Þannig að ég sit hérna við tölvuna með sítrónu og hunangsvatn og kvíði fyrir því að Óli fari í hálskirtlatöku...Þið sendið honum endilega batakveðjur og ég ætla að dekra við hann með öllum ráðum elsku dúlluna.

Keep on growing...

2008-05-05T13:08:00.002Z

Vaxtasónar í morgun :)
Baby er orðið 10 merkur, sem mér finnst ansi flott miðað við 32vikur 4daga. Ég var 11 merkur eftir 37 vikur :þ
Kom allt rosa vel út en baby er yfir meðaltali í stærð en samt innan eðlilegra marka.
Litla krúttið var bara í stuði og er alltaf jafn gaman að kíkja á krílið. Komnar myndir inná beibíbloggið!!
Helgin var rosa fín, grilluðum á föstudaginn og Soffía kíkti í mat, ég bjó til fullt af Mojitos og verð að segja að þessi drykkur klikkar ekki jafnvel rommlaus :D
Laugardagurinn var svo bara afslöppurnar ÆÐI, sváfum til hádegis, Þóra kom til okkar og við horfðum á 3 bíómyndir, borðuðum nammi og nutum okkar í botn. Þá er maður loksins búin að sjá Pan's Labyrinth og hún er alveg frábær. Konfekt fyrir augun...
Í gær var Óli greyið svo orðinn lasinn og hann er alveg fárveikur í dag, svo lasinn að hann komst ekki einu sinni með í sónarinn í morgun. Hann er sem betur fer að fara að hitta lækni í dag og vonandi er hægt að gera eitthvað fyrir hann þessa elsku.
Finnst alveg yndislegt að vera búin með skólann, finnst alltaf eins og ég sé að gleyma einhverju því að ég er svo vön því að hafa verkefnaskil hangandi yfir mér. Nú er bara að bíða spennt eftir einkunnum og svo bara njóta þess að vera í fríi fram á haust.

Finally...

2008-05-02T14:32:00.004Z

Án þess að vilja gera lítið úr réttindabaráttu blökkumanna þá verð ég bara að segja

FREE AT LAST

THANK GOD ALMIGHTY I'M FREE AT LAST

Ég skilaði af mér síðasta verkefninu áðan og þvílíkur léttir, er búin með enn eina önnina.

Endalaus gleði og hamingja :D

Held að það verði bara grillað og blandaður áfengislaus Mojito í tilefni dagsins!!!

Góða helgi!!!

Who is your mama!!

2008-04-29T20:03:00.004Z

Ohhhhhhh ég er búin að liggja í svo miklu kasti!!!
Við Óli vorum að klára að fylla út umsóknirnar fyrir fæðingarorlofið, þetta gekk hratt hjá mér en Óli var í einhverjum vandræðum, svo heyri ég hann segja "ég man ekkert seinni hluta kennitölunnar" og ég lít á blaðið og sé að þar sem stóð nafn móður hafði hann skrifað Sigríður Kristín Óladóttir og fyllt út heimilisfang, síma og hluta kennitölu Mömmu SINNAR!!!
Ég sver það ég dó næstum úr hlátri..."en Óli Móðir er ég" hahahahahahahaha!!!
Þvílík snilld ég sver það þetta er búið að bjarga allri vikunni hjá mér :D
Vona að þetta kæti ykkar litlu hjörtu!!

Half the women...

2008-04-29T13:52:00.004Z

I used to be :þ
Þá er ég búin að minnka við mig vinnuna niður í 50%, og mikið er það notalegt. Það var bara vel tekið í það í vinnunni enda er alveg frábært hvað samstarfsfólk mitt er skilningríkt og afslappað í alla staði. Núna mæti ég bara í vinnuna í hádeginu og vinn til 4 og er allt önnur kona. Við Óli erum líka að leggja síðustu hönd á fæðingarorlofspappírana og allt er að smella. Þá er það bara að bíða eftir að íbúðin verði loksins tilbúin og á næstu vikum mun ég fara hreiðurgerðar HAMFÖRUM thank you very many :D
Skilaði loksins af mér ritgerðinni um Jafnrétti á vinnumarkaðnum í gær og þurfti gjörsamlega að pína mig áfram. Ég er bara ekki með hugann við þetta eins og staðan er, en það er bara ein lítil ritgerð eftir um Börn og þróunaraðstoð (sem ég er mjög klár í :þ) og þá er þessi önn loksins búin...Halleluja!!! Ég hlakka ekkert smá til í sumar þegar við Óli förum að dúllast saman í fæðingarorlofi, bara taka því rólega með litla ungann og stóra ungann, út að labba, kíkja í bæinn og njóta lífsins. Held að þetta verði afskaplega gott fyrir okkur öll.
En að allt öðru, ég hef komist að því að bumbukrílið er afskaplega úrræðagott og bráðgáfað eins og foreldrarnir. Þrátt fyrir að eiga rosalega vinstri sinnaða foreldra heldur krílið sig yfirleitt hægra meginn í bumbunni og lætur fara vel um sig. Það liggur með bakið upp við legvegginn þannig að því líkar það vel þegar ég ligg á hægri hliðinni og þá kúrir það stillt og prútt. Þegar ég hinsvegar "vippa" mér létt eins Beltisdýr yfir á vinstri hliðina þá upphefjast þvílíku lætin og ég er búin að átta mig á því hvað er í gangi.

Barnið hendist af miklum krafti fram og aftur og ég held að það sé að reyna að velta mér...yfir á uppáhaldshliðina!!
Það er kannski búið að kynna sér hið vinsæla sport vestanhafs Cow tippin en ég setti inn kennslumyndband í þeirri áhugaverðu afþreyingu...
Cow tippin

Hi everybody!!

2008-04-28T13:20:00.003Z

Það er möst krúttin mín að kíkja á bloggið hans Óla og sjá fallega myndbandið sem hann gerði í skólanum -Lífið í leginu. Ég fæ eiginlega tár í augun í hvert sinn sem ég kíki á þetta, so pretty!!!
Hérna er það!!

IIIIIIIIt´s

2008-04-25T16:34:00.002Z

Summertime :D
Gleðilegt sumar krúttin mín!!!

Fyrsti vinnudagurinn minn síðan 15 apríl...og púff hvað ég er þreytt!!! Var í heimaprófi þriðjudag og miðvikudag, sykurþolsprófi á þriðjudag, fórum í afmæli til Nínu á miðvikudag og í gær fór ég aðeins að færa frændaskottinu mínu sumargjafir og prófa þær með honum, gaman að leika með vatnsbyssu, frisbee og flugdreka. Fengum Helga og Andra til okkar í kaffi og höfðum það rosa gott þennan fyrsta dag sumars. Sykurþolsprófið kom glimrandi vel út og ég er alveg laus við að þjást af einhverju svoleiðis þannig að við Óli fáum að kíkja í auka vaxtasónar 05 maí til að athuga hvort að risabumban er = risababy. Ljúf helgin framundan en hún mun einkennast af ritgerðarskrifum og fermingarveislu....og kannski maður nái líka að slaka eitthvað á???

Læt hérna fylgja tvær myndir annars vegar af Hlyni með sumargjöfina sína en hann fékk hvorki meira né minna en splunkunýtt hjól og svo eina af risabumbunni sem slær öll met :D

By popular demand...

2008-04-21T13:19:00.003Z

Þessi er fyrir þig Helga mín!

Fann eina mynd af okkur Óla saman í afmælinu.

Hressandi :D

Ég er annars bara að lesa fyrir próf í dag, er að fara í heimapróf á morgun og hinn, er líka að baka kryddbrauð og kanill lyktin svífur yfir Eggertsgötunni, og dúlla mér með bumbuna út í loftið. Er búin að hafa ótrúlega gott af þessum frídögum og er miklu betri í marða mallanum (skarta núna fallega bláum hring utan um naflann.) Eins og sjá má á myndinni djöflaðist ég á háum hælum allt afmælið hans Óla og var dagurinn í gær að miklu leyti nýttur til að bæta fyrir þau mistök með heimtum bökstrum og hvíld. Alveg ferlegt hvað óléttan getur læðst aftan að manni. Ljósan vill reyndar fá mig í sykurþolspróf á morgun vegna þess að bumban er soldið yfir kúrfu í stærð en ég hef litlar áhyggjur af því. Held að ég sé tæplega með meðgöngusykursýki. Framundan eru svo bara verkefnaskil hjá okkur hjónaleysunum, erum að fara í táningaafmæli á miðvikudaginn hjá henni Nínu og svo er Hlynur að koma til okkar...OG ÞAÐ STYTTIST Í FLUTNINGA!!! Sem sagt good times ahead...

Birthday...BIG TIME

2008-04-20T09:38:00.004Z

Hann er þrítugur í dag elskan mín hann Óli :D

Fögnuðum áfanganum í gær í góðra vina hópi og skemmtum okkur rosa vel.

Til hamingju með daginn ástin mín!!

Frábært að við getum verið jafngömul næstu 4 mánuðina :þ

Endilega látið rigna yfir hann hamingjuóskum hérna

Lookalike contest :þ

2008-04-15T16:50:00.010Z

Þessi

+
Þessi

=
Þessi

Hvað segið þið???

My poor broken belly :(

2008-04-15T09:32:00.002Z

Skruppum til læknis í gær af því að ég var með sáran verk í kviðnum við naflann, auðvitað er maður alltaf lafhræddur um að eitthvað sé að krílinu en sem betur fer reyndist þetta ekki alvarlegt heldur er ég marin á kviðveggnum...Ég veit ekki alveg hvernig þetta gerðist en skrambi vont er það. Mér var ráðlagt að fara heim, taka paratabs og hvíla mig. Þetta ætti að jafna sig á 1 til 2 vikum, takk fyrir. GAMAN, ég ætla rétt að vona að það taki ekki svo langan tíma, er hálf farlama, get ekki beygt mig né teygt og að standa upp og setjast niður er þvílík kvöl og pína!

Þannig að ég er heima í dag með ótrúlega auma bumbu, lillababy hefur það hins vegar afskaplega gott og sparkar glaðlega í sára blettinn mér til yndisauka en greyið liggur einmitt þannig að þetta er besti bletturinn til að sparka í. Hef krúttið reyndar grunað um að vera orsök marða mallans en ég hugsa að miðað við kraftinn í því þá ætti það ekkert erfitt með að merja með spörkunum.

Kannski geng ég bara með Chuck Norris Wannabe en ég verð að deila með ykkur þessum bráðskemmtilegu staðreyndum um þann mæta mann...

Chuck Norris leikur ekki guð. Leikir eru fyrir börn.
Chuck Norris getur margfaldað með núlli.
Chuck Norris drekkur napalm við brjóstsviða.
Chuck Norris sefur með koddann undir byssunni sinni.

Biblían hét upphaflega Chuck Norris og vinir.

Chuck Norris malar kaffið sitt með tönnunum og sýður vatnið með eigin bræði.

Chuck Norris notar lifandi skröltorma sem smokka.

Chuck Norris finnst gaman að vera í kanínuinniskóm í einrúmi á nóttunni...úr lifandi kanínum.

Einu sinni heimsótti Chuck Norris Jómfrúreyjar. Nú heita þær Eyjar.

Chuck Norris hefur komið til Mars og þess vegna finnst ekkert líf þar.
Þegar skrímslið fer að sofa gáir það fyrst undir rúmið til að fullvissa sig um að Chuck Norris sé ekki þar.
Chuck Norris sefur aldrei ... hann bíður.

Tripping down memory lane...

2008-04-14T09:24:00.004Z

Kíktum upp á Skaga til tengdamömmu í gær og fórum svo í bráðskemmtilegt ferðalag aftur í tímann að skoða myndaalbúm frá því að þau systkinin voru lítil. Þetta er eitthvað sem mig er búið að langa skoða frá því að við Óli vorum nýbyrjuð saman. Myndir af Óla nýfæddum, á skírnardaginn og á ferðalagi á koppnum svo að dæmi séu nefnd. Eftir að hafa séð þessar myndir og sjá hvað Óli var mikið krútt þegar hann var baby gerir mig enn spenntari að sjá ungann okkar, verður hann/hún með bollukinnarnar frá Óla eða "túttu"hökuna mína, svarta mikla hárið mitt eða glókollinn frá pabba, blá augu eða græn augu...mér finnst þetta endalaust spennandi. Inn á milli voru nokkrar myndir af Óla sem voru bara algerir gullmolar og skemmtum við okkur vel við að skoða þetta allt í gær. Ég þarf eiginlega að finna babymyndirnar af mér og bera saman okkur Óla og 3D sónarmyndirnar!
Annars er bara brjálað að gera í skólanum þessa dagana, ekki það að ég sé eitthvað að sinna því að ráði frekar en fyrri daginn en núna er pressan orðin nægileg til að ég kippist í gírinn. Styttist óðum í að við Óli verðum komin með M.A gráðurnar okkar, en það er sjéns að við útskrifumst bara saman haust/vetur ´09 mikið verður það nú skemmtó!! Óli ætlar að vera Master of the Universe og hann sagði að ég gæti fengið gráðu í Master of puppets hahahahaha.

Dance puppet dance!!!!

Nighty night...

2008-04-13T00:12:00.002Z

Hmmm ég hefði kannski ekki átt að sofa í rúma 2 klukkutíma seinni partinn?!?
Feðgarnir sofa vært inní herbergi en ég og bumbubúinn erum í sprikklandi stuði.
Búið að vera algert chill hjá mér í dag, er búin að lesa alla bókina Active Birth eftir Janet Balaskas, einmitt þegar ég átti að vera lesa námsefnið fyrir ritgerðina sem ég þarf að skila í þarnæstu viku. Áhuginn hjá mér hefur eiginlega bara tekið beygju inná allt sem snýr að óléttunni, baby og tímunum framundan... Þetta er örugglega ótrúlega eðlilegt en engu að síður þá er þetta ekki alveg það heppilegasta þegar að próf og ritgerðartörn er á næsta leiti. Ég þarf bara að ákveða að setja allt annað á Hold þar til á sumardaginn fyrsta þegar ég er búin með öll skil í skólanum og get heilshugar og samviskubitslaust einbeitt mér að komandi flutningum og óléttustússi :D Við erum búin að hafa það ósköp gott um helgina og Óli krútt púllaði miskunasama samverjann í gærkvöldi þegar hann varð vitni af því að stúlka datt af hjóli hérna fyrir neðan hjá okkur og rauk út og skutlaði henni og kærastanum hennar upp á bráðamóttöku. Stelpugreyið var ansi illa krambúleruð í framan og braut meira að segja í sér tönn og ég er hér með algerlega sannfærð um að það er ástæða fyrir því að það er ólöglegt að hjóla þegar maður er drukkinn.
En ég held að það sé komin tími til að skríða upp í reyna að sofna, ef að litli sprikklarinn leyfir mér það en ég var að grínast með það um daginn að ef hreyfingar og virkni í móðurkviði er einhver ávísun á virkni eftir fæðingu þá á ég ekki eftir að sofa mikið næstu árin, þetta litla krútt er afskaplega virkt og duglegt að láta finna fyrir sér...þá allra helst þegar að ég er að reyna að hvíla mig :þ

What a difference...

2008-04-11T10:18:00.006Z

one week made..

Það er hreinlega allt að gerast í bumbunni og viljið þið pæla í stækkuninni á einni viku!

Vorum að koma úr mæðraskoðun en það er meira um það og fleiri myndir á babysíðunni.

More of Miss Ulrich...

2008-04-10T11:08:00.002Z

Kíkti til Möggu í heimsókn í gær, vorum með semi-saumóhitting en enduðum svo bara ég, Magga og Beta fámennt en góðmennt :D Ég hef ekki oft farið í saumó og komið meira klyfjuð heim en ég mætti...en Magga lét mig hafa poka fullan af óléttufötum og meira að segja fleiri kökur en ég kom með hahahaha. Konurnar í vinnunni voru afar ánægðar þegar ég mætti með baksturinn í morgun en eins og ég hef sagt þeim áður þá vil ég frekar að kökurnar setjist á þeirra mjaðmir en mínar :þ Nú styttist í afmælið hans Óla og eins og við mátti búast þá er fólk farið að spyrja mig hvað hann vilji/vanti í afmælisgjöf. Hann er hins vegar ekki svo duglegur að láta sér detta eitthvað sniðugt í hug þannig að ég er búin að hóta honum því að ef hann finnur ekki upp á einhverjum gjöfum þá segi ég fólki að hann vilji fá framlög gefin í sínu nafni í styrktarsjóð Hannesar Hólmsteins...og þætti jafnvel vænt um að vera gerður flokksbundinn Sjálfstæðismaður. Það kemur ekki á óvart að hann var strax í morgun komin með eina sniðuga gjafahugmynd :D Ég meina hverjum langar að vera gerður að stuðningsaðila Hanna Hólm og Sjallanna í tilefni þrítugsafmælisins. Hmmm Hanni Hólm og Sjallarnir það hljómar soldið eins og vont Skagfirskt sveifluband!! Fór í gær og verslaði mér hárlit og brúnkukrem og á tíma hjá Hönnu sys í klippingu eftir vinnu, mikið hlakka ég til að gera mig soldið pretty...það er meira pretty. Ætla að standa fyrir framan spegilinn á eftir og segja "Herfa herfa láttu þig hverfa" á meðan ég lita á mér hár og kropp :þ Þegar vorar þá kemst maður einmitt í gírinn til að fríska aðeins upp á útlitið sérstaklega eftir svona kaldan og langan vetur!! Eftir þessa meðferð mun ég svo smella inn nýjum bumbumyndum þannig að þið getið dáðst að árangri fegrunarmeðferðarinnar og auðvitað sístækkandi bumbunni...var spurð í gær hvort ég væri komin á steypirinn :/

Night ordeals of the pregnant one...

2008-04-09T10:09:00.003Z

Þegar á heildina er litið hef ég virkilega notuð þess að vera ólétt, fyrir utan þarna gubbustandið fyrst þá er þetta búið að vera yndislegt. Ég elska það að finna litla krílið brölta um inní mér og mér finnst bara fallegt að vera með þessa fínu bumbu framan á mér. En núna þegar sígur á seinni hlutann þá er margt sem maður hefur tekið sem sjálfsagðan hlut að verða erfiðara og erfiðara. Tökum sem dæmi að klæða sig í sokka og skó það er eitthvað sem ekki hefur vafist fyrir mér síðan ég var lítið barn og hætti að fara í krummafót. Það er ekki svo einfalt lengur, allt sem krefst þess að maður beygi sig fram er að verða að óyfirstíganlegri hindrun. Ég er sífellt að gleyma bumbunni og reka hana í hluti og fólk...En það eru næturnar sem eru hvað erfiðastar, að snúa sér í rúminu er eitthvað sem flækist verulega fyrir mér og þegar á það bætist þrjár klósettferðir og ein brjóstsviðatöfluátsvöknun þá er eiginlega furða að maður haldi sér vakandi til 22 á kvöldin :þ
Svo sannarlega Life of the Party!!!
Bumban stækkar með ógnarhraða og ég SVER það ég sé dagamun á mér...Óli segir að það sé bara fínt en ég segi að honum eigi ekki eftir að finnast það svo fínt þegar hann þarf að nota lyftara til að aðstoða mig við komast fram úr :þ Honum er alveg sama, hann er með lyftarapróf!!!
Hahahahaha....
Annars er nóg að gera hjá okkur hjónaleysunum, skólinn alveg að verða búin með tilheyrandi verkefnaskilum og mér er að það sönn ánægja að segja ykkur að frá og með sumardeginum fyrsta verð ég búin með skólann á þessarri önn. Og þá get ég alveg hætt að hugsa um námið fram á haust...unaðslegt!!
Svo erum við í óða önn að undirbúa komu erfingjans og ætlum að skella okkur í heimsókn í Hreiðrið í næstu viku og fá að kíkja á allt þar, styttist í afmæli Óla og flutning og allt hreinlega að gerast!!!

Isn´t he lovely...

2008-04-04T13:33:00.002Z

Nú er mál að gera elskuna mína vandræðalegann, en mig langar bara svo að blogga um hvað Óli er mikið yndi...svona ef það skyldi eitthvað hafa farið framhjá ykkur!!!
Ég er búin að segja honum að ef hann heldur áfram að spilla mér svona þá á ég eftir að vera ólétt nonstop næstu árin. Hann hugsar svo vel um mig þessi elska :D
Mér líður eins og prinsessu...
Svona óska ég þess að öllum konum (sérstaklega þeim óléttu) líði, að finnast þær fallegar, sexý, elskaðar, öruggar og hamingjusamar. Og þá vitið þið það!
Góða helgi elskurnar mínar!!!

Look at the little baby!!!

2008-04-02T17:12:00.004Z

Fallegasta barn EVER!!!
3D sónarinn var alveg ÆÐISLEGUR!! Fengum fullt af myndum og myndböndum og þau eru komin inn á babysíðuna :D

There and back again...

2008-04-01T09:54:00.003Z

Já er ekki kominn tími á nýtt blogg og kannski smá ferðasögu???
Við sem sagt erum komin heim frá Stokkhólmi en við vorum þar frá síðasta fimmtudegi og fram á sunnudag. Ferðalagið gekk vel þó að ég væri ansi þreytt eftir það, en það fylgir bara.
Við vorum nú lítið að túristast í Stokkhólmi, kíktum aðeins í búðir og á eitt safn og á miðbæjarrölt...já og lentum í ævintýrum í almenningssamgöngum!!! Það er eflaust ekki auðvelt að hafa svona bumbulínu sem ferðafélaga og sýndu Óli og Atli ótrúlegan skilning þegar það eina sem heyrðist frá mér var " úff labba hægar, ég þarf að pissa, ég er svöng, ég þarf að pissa, ég er þreytt, ég þarf að pissa, og ég þarf að pissa aftur" :þ
Annar hápunktur ferðarinnar var að hitta elsku Hönnu Ulriku mína en við kíktum með henni út að borða og á kaffihús á föstudeginum. Við rifjuðum upp gamlar stundir á Grikklandi og er Íslandsheimsókn komin á dagskrá hjá henni, en við Óli erum að hugsa um að lokka hana í heimsókn í sumar og leika við hana í fæðingarorlofinu :D En aðalatriðið og ástæðan fyrir ferðinni voru tónleikarnir á laugardagskvöldinu þegar við héldum í Globen að berja The Eagles augum. Það var ÆÐI!!! Örugglega verið um 12500-13000 manns á tónleikunum og Eagles voru alveg hreint stórkostlegir, þegar þeir spiluðu Hotel California hringdi ég í mömmu og leyfði henni að heyra beina útsendingu, hún var vægast sagt hrifin :D Baby var líka hrifið á tónleiknum og dillaði sér við tónlistina á fullu. Daginn eftir var svo komið að því að halda aftur heim og fórum við beint af flugvellinum í fermingarveislu í Grindarvík hjá henni Elínu Ósk frænku minni, gaman að byrja heimkomuna á því að hitta alla fjölskylduna mína. En svona ykkur að segja þá verð ég að viðurkenna að ég er hálfuppgefin eftir þetta ferðalag og hefði eiginlega þurft smá frí til að jafna mig eftir fríið hahahaha!!!
En á morgun gullin mín erum við að fara í 3D sónar og ég er orðin alveg brjálæðislega spennt að fara með stóru elskunni minni að sjá litlu elskuna mína :D 2 mánuðir síðan við fórum síðast í sónar og núna þá fáum við að skoða miklu meira ÉG GET EKKI BEÐIÐ!!!!!
Smelli inn myndum á babysíðuna á morgun og kannski einni hérna líka.

Mamacita...

2008-03-26T09:13:00.002Z

Glöggir gestir sjá ef til vill að hér til hliðar hefur bæst við einn lítill linkur...
Þar að baki liggur síða tileinkuð bumbubúanum og má þar finna eitthvað af sónarmyndum, bumbumyndum og nokkrar sætar af stóra bróður líka. Þetta kemur til með að vera síðan þar sem við setjum inn 3Dsónarmyndirnar og svo auðvitað myndir og fréttir þegar að englabossinn litli kemur í heiminn. Síðan er og verður læst en allir eiga að vera óhræddir við að biðja um aðgang og mun ég líka taka tölvupóstssveiflu og senda á einhverja aðgangsorðið. Enn sem komið er eru ekkert of margar myndir en það tekur allt við sér þegar við komum að utan og förum í 3D sónarinn :D
Annars er maður bara að farast úr ferðaspennu og eftir sólarhring verðum við Óli og Atli í flugvél á leið til Stokkhólms, Sjibbí :D

Sweet R&R

2008-03-24T10:50:00.003Z

Gleðilega páska krúttin mín :D

Ohhh hvað ég er búin að hafa það yndislegt í fríinu, sofa út, borða góðan mat ( og páskaegg) , fara í ræktina og eyða tíma með skemmtilegu fólki. Unaðslegt alveg hreint.

Trúi því varla að ég þurfi að fara í að vinna í fyrramálið...

En það er nú ekki svo slæmt, byrjum daginn á morgun með mæðraskoðun og blóðtöku og svoleiðis huggulegheitum og svo þarf ég bara að vinna í 2 daga og hvað gerist þá...nú aftur frí nema núna fer fríið fram í Stokkhólmi. Ég er orðin ansi spennt skal ég segja ykkur :D

Vaknaði snemma í morgun og skellti mér í gymmið að taka aðeins á því, alveg merkilegt hvað það er miklu minna mál að mæta í ræktina þegar maður er í fríi, ég hef eiginlega varla orku í það þegar ég er að vinna allan daginn. Sit núna nýsturtuð með handklæði á hausnum með kveikt á páskakerti og bíð eftir að elskan mín vakni því að ég er tilbúin með morgunmat handa okkur...morgunmatur í 2veldi í mínu tilfelli :þ

Það er annað sem við Óli erum búin að vera dugleg að gera í fríinu en það er að dekra hvort við annað. Það er náttúrulega bara best í heimi!!

Elskulegi bumbubúinn hefur það afskaplega gott þrátt fyrir að vera haldinn frammistöðukvíða þegar kemur að því að leyfa öðrum að finna spörkin. Ég sver það, það er eins og krúttið finni þegar ókunnug hendi er á mallanum og er þá alveg grafkyrrt þangað til hendinni er sleppt og þá byrjar showið :D Við erum búin að panta okkur tíma í 3D sónar 2. apríl og erum að sjálfsögðu afskaplega spennt að kíkja betur á litlu elskuna, en erum ennþá staðráðin í því að láta kynið verða Surprise! Hmm hvað meira, já einmitt við erum líka farin að hugsa vel fram í tímann og erum búin að panta sumarhús í Súðarvík um versló, svo að hægt verði að skella sér í Mýrarboltann! Haldið að það sé :D

Hafið það gott elskurnar og í tilefni þess að hún tengdamamma mín átti afmæli í fyrradag fylgir hér ein falleg mynd af henni og Balthasar krútti.

Til hamingju með afmælið Sigga mín!

Real scary stuff...

2008-03-14T11:18:00.002Z

Ég, Óli og Þóra mágkona skelltum okkur í bíó í gær...á myndina El Orfanato.
Held að ég geti með sanni sagt að ég hef ALDREI verið eins hrædd í bíó eins yfir þessarri mynd, og horfði ég á meirihlutann í gegnum smá rifur á fingrunum því að ég hélt fyrir augun hérumbil allan tímann. Ég var þreytt í líkamanum eftir að sitja spennt yfir myndinni og aumingja litla baby fékk risa skammt af streituhormónum og djöflaðist þvílíkt inn í mér á meðan við sátum í bíó. Enda sagði ég við Óla að ég færi ekki á fleiri svona myndir á meðgöngunni. Auðvitað vaknaði ég svo í nótt með myndina í huganum og ætlaði aldrei að geta sofnaði fyrir mínu eigin ímyndunarafli. Þessi á sko eftir að sitja í mann...lengi!!!
Þrátt fyrir lítinn svefn er ég bara í banastuði, kláraði 1 verkefni fyrir skólann í gær, var með kaffi fyrir samstarfsfólkið í morgun sem er alltaf gaman, sólin skín og það er FÖSTUDAGUR!! Sem er bara æði og ekki skemmir fyrir að það eru bara 3 vinnudagar í næstu viku :D
Ohhhh ljúfa páskafrí mikið verður það nú notalegt, ég ætla að njóta þess í botn!
Góða helgi...

Good news/Bad news

2008-03-12T13:00:00.002Z

[Dan and his family are eating dinner with Mitch's girlfriend]
Mitch: I swear, the minute I saw her I felt like I was in the room with an angel.
Dan: Yeah well this corn is an angel...

Ég og Óli fórum í bíó fyrir jólin á Dan in real life og þetta tiltekna atriði gerði gífurlega lukku...This corn is an angel hahahahahahaha :þ Steve Carell er snillingur, líka þegar hann er að reyna að vera alvarlegur.

En að fyrirsögn þessa bloggs þá vorum við að fá slæmar/góðar fréttir í vikunni, eins og í bíómyndunum fáið þið slæmu fréttirnar fyrst. Það var verið að fresta afhendingu á nýju íbúðinni okkar um mánuð, ég var næstum farin að grenja, ég var svo svekkt yfir þessu og fannst alveg ómögulegt að vera að flytja þegar ég verð orðin svona mikið mikið mikið ólétt. En þá komu góðu fréttirnar, ástæðan fyrir þessarri seinkun er sú að íbúðin verður tekin ALGERLEGA í gegn áður en við flytjum inn, nýtt gólefni, málað og nýjar innréttingar, þá verður maður nú að taka gleði sína á ný ekki satt. Það verður auðvitað rosa gott að hafa allt svona glænýtt og fínt þegar baby kemur :D Óli sagði líka að það skipti ekki öllu máli hversu ólétt ég verð því að ég fái hvort eð er ekki að gera neitt...eða eins og hann sagði ég á að taka því rólega, með góðu eða illu!! Hann er krútt! En það verður svo sem enginn skortur á góðu fólki til að aðstoða þannig að ég get eflaust verið mest til skrauts og dundað mér við að taka upp úr kössunum og svoleiðis í rólegheitum.

Ég mætti á fund í morgun og fór svo aftur heim fram að hádegi til að stússast aðeins í náminu. Ég er að gera ritdóm um bókina Fötlunarfræði: Nýjar íslenskar rannsóknir og verð að viðurkenna að ég átti bara erfitt með mig þegar ég var að lesa sumar greinarnar í bókinni, er að hugsa um að senda kennaranum póst og segja henni að ég geti ekki unnið verkefnið því ég sé svo illa í gegnum tárin... veit ekki hvort vel væri tekið í það?!?
Má bjóða einhverjum óléttuhormóna...ég á nóg af þeim!!!!!

This corn is an angel :D

You, me and baby makes three...

2008-03-11T08:52:00.004Z

Eins og ég var búin að tilkynna hér á blogginu var farið í ræktina að taka á því í gær, það var æði eins og alltaf, mér fannst samt horft óþarflega mikið á mig að lyfta með bumbuna út í loftið en svona er þetta bara, ég gerði þetta líka þegar ég sá óléttar konur í tækjasalnum, fylgdist með því með öðru auganu hvort þær væru nokkuð að fara sér að voða. Það var ansi vel mætt í gymmið og var sérstaklega einn þar sem vakti talsverða athygli, það er annar en bumbulínan. Ég mætti honum um leið og ég kom inn og þá stóð hann við kaffið og brosti sakleysislega og néri saman höndunum. Augnabliki seinna kom í ljós af hverju hann var svona sæll á svipinn... "þú átt að vera að hlaupa ekki borða sykur" þarna var sem sagt mættur ungur einhverfur maður ásamt stuðningsfulltrúa sínum sem var að leggja honum lífsreglurnar. Eftir þetta upphófust mikil læti en það að vera bannað að borða uppúr molakarinu féll ekki í góðan jarðveg og á meðan ég lyfti og hljóp ómuðu þvílík óp og grátur meðan ungi maðurinn var látinn gera æfingarnar sínar.

Við Sprikklarinn (samt eiginlega bara ég) komum svo þreytt og sveitt heim og Óli krútt eldaði, ég fór í sturtu og bar á mig smá brúnkukrem eftir að sjá hversu föl ég var í björtu ljósunum í gymminu. Ég horfði svo á æðislegan fræðsluþátt In the womb á meðan Óli svaf í sófanum þessi elska en hann er vel úthvíldur í dag enda svaf hann í 11 tíma í nótt. Það var samt skrítið miðið við það að ég hef talsverða reynslu af því að umgangast einhverfa hversu óstyrk ég varð í ræktinni á meðan sá ungi var að æsa sig. En ég skrifa það algerlega á það að ég er blessunarlega á mig komin og verndunartilfinninginn sem ég hef fyrir krílinu er ekki beinlínis í takt við skynsemina. Ég er hrædd við að detta, að lenda í árekstri, að verða veik og öll læti og háreysti setja mig út af laginu. Þessi tilfinning nær yfir Óla líka, en ég er svo hrædd um hann að ég hef örugglega beðið hann oftar að fara varlega þessa síðustu mánuði heldur hann hefur heyrt allt lífið hingað til. En mér skilst að ég sé ekki ein um þessa tilfinningu því að nokkrar stelpurnar í Júníbumbuklúbbnum láta líka svona við sína menn. Ég held að þetta sé bara tengt því að vilja vernda baby, ég þarf að vera hraust og ekkert má koma fyrir mig því að unginn er háður því að það sé í lagi með mig. Og til að það sé í lagi með mig þá þarf ég Óla og það þarf að vera í lagi með hann. Það meikar sens...er það ekki??

Rising sun...

2008-03-10T10:08:00.002Z

Það er nú alveg yndislegt hvað það er farið að birta á morgnanna, elska að fara ekki á fætur í algeru myrkri. Þrátt fyrir að enn sé kalt þá finnst mér vorið vera rétt handan við hornið. Eftir afskaplega afslappaðann (letilegann) laugardag notaði ég sunnudaginn til að læra og fékk mér svo langþráðann göngutúr til hennar Möggu, í kaffi og spjall. Ég hef ótrúlega lítið að segja eitthvað, helgin var eins og ég segi tekin í rólegheit en framundan er heilmikið action. Verkefnaskil í skólanum, fermingarveislur og Óli og Arnar eru að spila næstu helgi (15.03 Áslákur 00-03) og miðvikudaginn fyrir páska (19.03 Skrúðgarðurinn 21-00) Ég held að ég sé að fara rétt með tímasetningar svona fyrir ykkur sem viljið berja piltana...með augunum :þ Ég er búin að fá forsmekkinn af dagskránni hjá þeim og hún lofar afar góðu!! Svo fara páskarnir bara alveg að smella á, mér til mikillar hamingju, svo eftir páska er bara vinna þriðjudag og miðvikudag og svo SWEDEN baby!! Rosalega er tíminn fljótur að líða. En þangað til er ég búin að festa mætingu með henni Möggu í ræktina amk 3x í viku og hlakka mikið til að sprikkla ólétta kroppnum út um allt, þetta vetrarveður, mikla innivera og hreyfingarleysi er búið að vera að gera mig gráhærða. Ekki seinna vænna að vera duglegur að sprikkla þegar súkkulaðihátíðin mikla er framundan...ég er súkkulaði súkkulaði súkkulaði hæna :D

24 weeks baby!!!

2008-03-06T17:22:00.001Z

Ákvað að láta fylgja hér eina mynd af blómstrandi bumbunni...ykkur til yndisauka!!! Tekin í morgun komin 24 vikur sléttar :D

Bog-trotter...

2008-03-06T10:27:00.002Z

Er að hugsa um að breyta nafninu mínu í Karen Klósettskreppir, ég sver það!!!
Eitt af allra fyrstu meðgöngueinkennunum var það að vera alltaf í spreng og svo var því LOGIÐ að manni að þetta myndi lagast þegar að legið væri komið upp úr grindinni, en þá fær maður annað í staðinn...yndislegan lítinn unga sem liggur utan í blöðrunni eða hossar sér á henni 24/7
og mér skilst að þetta batni ekki úr þessu. Heppin ég :D

21 dagur í Stokkhólmsferðina og spennan magnast ég verð að viðurkenna að ég hlakka ekki síst til að smella mér í H&M og versla aðeins á Sprikklarann, við ætlum að reyna að nota tækifærið og versla soldið á Hlyn vaxtakipp, á Baby og svo auðvitað á Fínu Bumbulínu en ekki hvað!?! Það kemur svo í ljós hvort að Óli fær ekki eitthvað fallegt líka. Ég elska H&M það er alltaf gaman að versla þar. Svo verður það auðvitað þvílíkur bónus ef að Lóa mín kemst að hitta okkur eins og hún er að spá í að gera, þá yrði spennandi ferð ENN meira spennó!!
Ég hlakka líka mikið til að gista á hóteli, en við verðum á rosa sætu glænýju hóteli, láta búa um sig og þjóna sér mér finnst það svo mikill lúxus...ég er prinsessa inn við beinið en samt ekki eins mikil og Óli híhí!

All is fair...

2008-03-03T09:28:00.002Z

Gærdagurinn fór í hvíld, ég var soldið búin á því eftir bakstur og afmælisveislu og svaf næstum allan daginn í gær og var svo þreytt að ég komst ekki með í mat upp á Skaga en allir gestir þar fengu páskaegg og voru lesnir upp málshættir, smá forskot á sæluna.
En ég fékk eggið mitt í morgun og ætla því að birta málsháttinn bara hér en hann var ansi góður
"Allt er leyfilegt í ástum og stríði"
Þar hafið þið það!

Birthday Boy

2008-03-01T22:29:00.006Z

Hlynur Björn Ólason -Flotti gaur er níu ára í dag :D

Búið að vera mikið stuð og standandi partý frá því kl 14 í dag og þar til núna kl 22:28 en síðustu gestirnir voru að kveðja. Rosa gaman, afmælisdrengurinn búinn að fá margar flottar gjafir og eiga góðann dag. Í tilefni dagsins kemur hér smá myndasyrpa!!!

Það var smá svona felulita þema í afmælinu eins og sést greinilega á myndunum ;)

Hlynur að blása upp 9 ára blöðrur

Afmæliskakan flotta

Hlynur með kökunni

Búið að kveikja á 9 kertum og 9 stjörnuljósi :þ

Ágúst Smára leist vel á

Hlynur rétt búinn að blása á öll kertin með glæsibrag

Og kominn í nýju úlpuna frá ömmu og Þórði sem vildi svo skemmtilega til að var í stíl við afmælisþemað.

TIL HAMINGJU MEÐ DAGINN HLYNUR YNDISUNGI!!!

Where are you...

2008-02-28T09:47:00.003Z

GLOBAL WARMING????

Ég er að hugsa um að senda Hr Al Gore tölvupóst.

Dear Mr Gore.

You can stick the concept of global warming where the sun doesn´t shine!!!

In Iceland!!!!

With cold regards

Miss Coolrich

Það er nokkuð ljóst að þessum snjó og drasli ætlar ekki að linna og ég er farin að þrá vorið skelfilega. Mér dauðleiðist þetta snjóbrölt og mig langar að geta farið út að ganga án þess að vera köld og blaut... En ég bind vonir við mars mánuð, að hann beri með sér eitthvað skárra veður, og auðvitað páskafrí og Stokkhólmsferð sem verður kærkomin tilbreyting...

En í dag fagna ég 23 viku meðgöngunnar og hristi höfuðið yfir því hvað þetta líður hratt, Óli tók sig til og lagði gítarinn á mallann í gær og spilaði fyrir ungann sem kunni vel að meta og sprikklaði eins og hann ætti lífið að leysa, algert æði þegar litla krílið er farið að bregðast svona við umhverfinu og mér líður eins og við séum að kynnast, eigum virk samskipti :D

Ég horfði líka á nokkur vídeó af fæðingum í gær, held að það að sjá fæðingar sem ganga glimrandi vel sé bara góður undirbúningur. Mamma skildi ekkert í því hvernig ég gæti verið að horfa á fæðingar, var víst ekki eitthvað sem hún gat hugsað sér á sínum meðgöngum, en ég er bara enn sem komið er ekkert hrædd eða kvíðin fyrir þessari lífsreynslu. Var samt bara fyndið að ég var alveg að hvetja konurnar í huganum og hérumbil farin að rembast með þeim á meðan ég horfði á þetta...

Hlynur afmæliskrútt er svo að koma til okkar á morgun og svo á laugardaginn er stóri dagurinn en þá verður hann 9 ára þessi elska. Mér finnst svo stutt síðan hann var bara að byrja í 1 bekk og svo áður en maður veit af er hann bara orðinn 9 ára töffari.

Set með hérna mynd af þeim feðgum, ótrúlega flottir gaurar!

Just call me...

2008-02-27T11:57:00.004Z

Sleeping Beauty!!!

Ég svaf frá kl 21 til kl 8 í morgun...og það var æði!

Vissulega fór ég nokkrum sinnum á fætur til að skreppa á littlepregnantwomansroom og til að fá mér mjólk. En þess á milli var sofið og sofið og sofið og sofið....
Vaknaði endurnærð og alsæl með lífið og tilveruna :D

Annars rakst ég á frétt um kappann hann Michael Jackson, og með fréttinni fylgdi mynd og þá áttaði ég mig á því hvern hann er farinn að minna á...am I right??

Þeir eru sláandi líkir!!

I have exercised the DEMON

2008-02-26T12:48:00.002Z

Mér er batnað!!!
Allt í einu hvarf geðvonskan eins og dögg fyrir sólu, kannski af því að ég horfði 2svar sinnum á þetta og grenjaði úr hlátri :D Svo fékk ég mér líka að borða og þar sem að ömurlegt lystarleysi er búið að hrjá mig er ekki ólíklegt að pirringurinn hafi stafað af hungri...en núna er ég aftur orðin glöð sem er gott, mjög gott! Vonandi helst þetta svona... Svo er annað gott ráð við svona skapillsku og það er bara að brosa eins og kjáni út í eitt, það er nefnilega svo fyndið að þegar við brosum fake eða real þá sendir heilinn gleðiskilaboð, þannig að ef við kreistum fram bros í gegnum geðvonskuna þá hættum við að vera geðvond eftir smá stund. Þetta virkar!!
Verð líka að deila með ykkur smá meiri skemmtun en við Óli erum búin að vera að skoða nöfn á litla sprikklarann og erum komin með bæði stelpu og strákanöfn sem við erum sammála um, en það getur verið erfitt að finna nöfn og þessi snilldaraðferð gæti kannski hjálpað...

Svo heppilega vill til að meiri hluti íslenskra nafna eru samsett úr tveimur orðum: forskeyti og venjulegu nafni svo sem Ás-geir, Þor-kell, Guð-finnur o.s.frv.Í ljós kemur að þetta er mjög hreyfanlegt og má fá margar útgáfur, eins og t.d. Guð-geir, Ás-kell, Þor-finnur o.s.frv.Og nú skal taka nokkur dæmi:
Afi 1 heitir: Sturlaugur. Afi 2 heitir: Starkaður. Barnið er skírt: Sturlaður
Skammkell ——— Eilífur——-Skammlífur
Ísleifur ———Sigurbjörn ———Ísbjörn
Þjóðólfur ————-—— Konráð ——-– Þjóðráð
Andrés——— Eiríkur ——— Andríkur
Albert——— Ársæll ——— Alsæll
Viðar——— Jörundur —-—-Viðundur
Hringur——— Guttormur ———Hringormur
Stórólfur——— Friðþjófur ———Stórþjófur

Nú, svo eru ýmsir möguleikar að slá ömmu- og afanöfnum saman:
Amman heitir: Kolfinna. Afinn heitir: Dagbjartur. Barnið er skírt: Kolbjartur
Vilborg ——— Þórhallur ———Vilhallur
Málfríður——— Sigfús ———Málfús
Afinn heitir: Hákon. Amman heitir: Margrét. Barnið er skírt: Hágrét
Haraldur ——— Monika ———Harmonika
Kormákur ——— Albertína ———Kortína

Gaman að þessu!!!

Backwards Sally

2008-02-26T10:47:00.002Z

Emma öfugsnúna er endanlega alveg búin að taka völdin, langar að reyta á mér hárið og hlaupa gargandi út í buska!!!

Sweet´n´Sour

2008-02-25T14:03:00.004Z

Ég er eitthvað ferlega geðvond í dag, og ekki er það líkt mér!!
Agalega pirruð eitthvað og vil bara fara heim...er meira að segja pirruð í augunum og hálfbrá þegar ég leit í spegil og sá að þau eru hérumbil gul á litinn, ekki græn eins og venjulega!
Held að fýlupúkinn sé að reyna að brjótast út og taka völdin :þ nema genin hennar langömmu séu að taka völdin en hún var guleygð blessunin!!
Yfirleitt er ég ekki skapill nema bara þegar ég er svöng, en núna er ég södd en ekki sæl, og langar að urra á fólk!!!!
Held að það sé ágætt ráð í stöðunni að fara beint uppí rúm þegar ég kem heim og leggja mig í svona klukkutíma eða svo. Get ómögulega verið Emma öfgusnúna fram á kvöld...þá lætur Óli mig sofa á svölunum og það er sko ekki veður til þess í dag!

One moment on the lips...

2008-02-22T09:07:00.005Z

FOREVER ON YOUR HIPS!!!

Við fengum þau Ragnheiði og Hilmar í mat til okkar í gær til að fagna 7 mánaða brúðkaupsafmæli þeirra. Æðislega skemmtilegt kvöldstund og eins og svo oft áður skiptum við Óli verkum þannig að hann eldaði og ég bakaði. Það var vel borðað en engu að síður var hellingur eftir, ég ákvað því að koma færandi hendi í vinnuna og bjóða kaloríur í masse vis handa samstarfskonum mínum. Eða eins og ég sagði þeim, ég vil frekar að þið borðið þetta með mér heldur en að ég borði þetta ein, sko til að dreifa þessu á fleiri mjaðmir... og til að hvetja þær enn frekar til að fá sér meiri köku lofaði ég þeim að það væri EKKERT hollt í henni...það var alveg satt!
Þær voru boðnar og búnar til að taka það verkefni að sér :D Heppin ég!!

Enn og aftur kominn föstudagur og mikið leggst helgarfríið vel í mig, ég ætla að vera mun duglegri að slaka á heldur en ég var síðustu helgi og verður pottþétt einhver náttfatastemming fram eftir degi amk á sunnudaginn. Ohhhh hvað það verður notalegt!

I love the nightlife...

2008-02-21T09:55:00.003Z

I´ve got to boogie...
Það væri nú gaman að vera fluga á vegg á nóttinni og fylgjast með okkur hjónleysunum sofa. Óli að spjalla uppúr svefni, ég með þvílíkar tilfæringar við að reyna að koma mér fyrir og svo fengi maður svona eitt og eitt skemmtiatriði eins og gerðist í nótt. Að sofa við hliðina á Óla er yndislegt, og þegar maður hefur vanist óhljóðunum sem fylgja stundum er ekkert sem að raskar ró manns :D
En í nótt vaknaði ég og hljóðin sem bárust frá mínum heittelskaða minntu helst á urrið í bjarndýri sem liggur í hýði :þ Ég potaði aðeins í hann svona til að hvetja hann til að skipta um stellingu og stoppa urrið en hann gerði gott betur og settist upp. "Hvað er í gangi" spurði hann ringlaður, ég tók í handlegginn á honum og reyndi að stýra honum aftur á koddann "Fyrirgefðu ástin mín, ég ætlaði ekki að vekja þig, það er ennþá nótt" og þá kom Óli með bestu línu EVER "Ertu að skrifa bók eða?" þarna hélt að hann væri að tala upp úr svefni alveg í ruglinu "Hvað ertu að tala um?" spurði ég og Óli svaraði "Haltu mér, slepptu mér" og þá átti hann að sjálfsögðu við þá geysivinsælu unglingabók Eðvarðs Ingólfssonar Haltu mér, slepptu mér sem kom út 1990. Ég dó næstum úr hlátri og við vorum í hláturskasti í allan morgun út af þessu.
Óli snillingur :D
Ég veit að það er lykillinn af góðu sambandi að skemmta sér saman en mér finnst æði hvað við Óli getum haft gaman hvort af öðru!! Svona er maður heppin í lífinu...

Bright sunshiney day...

2008-02-20T10:18:00.003Z

Við Óli sváfum út í morgun, munar ótrúlega um það að vakna hálftíma seinna. En við áttum tíma í mæðraskoðun og gátum þess vegna sofið aðeins lengur en venjulega. Sem var mjög kósý...
En mæðraskoðunin var alveg sérlega skemmtileg, ég byrjaði á því að stökkva á vigtina strax og ég kom inn sannfærð um að ég væri búin að bæta hressilega á mig, en það reyndist nú ekki rétt. So far á meðgöngunni er ég búin að þyngjast um 3 kg sem er bara rosalega gott þar sem að ég byrjaði þetta ævintýri ekki sem eitthvað Stick insect... Ég fékk þvílíkan I told you so svip frá Óla eftir þetta því að hann greyið er búin að þurfa að glíma við ranghugmyndir óléttu konunar með feituna síðustu vikur sem er örugglega frekar leiðinlegt.

Blóðþrýstingurinn til fyrirmyndar sem og allt annað og fyndið að láta leita eftir hjartslætti á meðan krílið sparkar hressilega á móti tækinu og er GREINILEGA í fullu fjöri. Við fengum Ok frá ljósunni með Stokkhólmsferðina og gaf hún líka í skyn að hún væri alveg til í að koma með :D Nokkuð greinilegt að The Eagles heilla flesta!! Það er heldur ekki skrítið að ég er búin að vera með mikla vaxtaverki í bumbunni en legið er búið að stækka um 8 cm síðan við vorum síðast hjá henni í byrjun janúar. Sem sagt allt eins og blómstrið eina og dagurinn byrjar aldeilis vel.

On with the program...

2008-02-19T09:40:00.002Z

Er búin að vera svo ódugleg að blogga uppá síðkastið en batnandi mönnum er best að lifa, þannig að ég er mætt once again :þ

Við áttum alveg SWEET þreyttuóléttukonuvænt mánudagskvöld, fengum okkur pizzu og kúrðum svo yfir æsispennandi Heroes þáttum og fórum svo snemma í háttinn. Þá skyldi maður ætla að við hefðum verið endurnærð í morgun en svo var nú ekki, við vorum bæði grútsyfjuð kl 7 og Óli snoozaði meira að segja í hálftíma og þá er mikið sagt. Ég hrökk samt í gír eftir að ég sat út í bíl fyrir utan vinnuna og hlustaði á White room með Cream (næstum) alveg í botni...ógeðslega hressandi og krílið dillaði sér í takt við trommurnar, upprennandi tónlistarbaby eins og pabbi :D

En ég átti alveg eftir að tilkynna góðu fréttirnar, við smáfjölskyldan erum búin að fá úthlutaðri

nýrri íbúð. Og fáum afhent 4. apríl, þá getum við loksins farið að dreifa almennilega úr okkur, mikið verður það notalegt. Hlynur englabossi er nú samt svo mikill dúlla að hann var ekkert spenntur fyrir því að fara í sérherbergi, finnst bara gott að hafa okkur svona nálægt...meira krúttið!!! En hann skiptir eflaust um skoðun þegar við erum búin að koma okkur fyrir og gera gæjalegt herbergi fyrir hann. Þannig að það verður mikið um að vera hjá okkur strax eftir páska, fyrst Stokkhólmur og svo helgina eftir að við komum heim þá er MOVING DAY!!!

B.U.S.Y

2008-02-18T12:33:00.003Z

Óbíóferð, offitufundur og roadtripper...
Brjálað að gera um helgina, er eiginlega bara búin á því eftir þetta allt, síðasta vika var crazy í vinnunni og svo helgin alveg á útopnu, núna er ólétta konan eiginlega bara soldið mikið búin á því og ég er búin að tilkynna Óla að það verður pizza í matinn og ekki staðið uppúr sófanum nema til þess að færa sig inn í rúm í kvöld :þ
En svona var helgin í meginatriðum, á laugardaginn vorum við Hlynur í slagtogi við þær frænkur Nínu og Þóru og var skroppið í bæinn, öndunum gefið og svo lagt í strætóferð í bíó...það var hinsvegar svo uppselt í bíó þannig að við þurftum að bíða (soldið lengi) eftir strætó en fórum svo bara heim og slógum upp Heimabíó!! Það er sívinsælt :D
Nína og Þóra borðuðu með okkur en svo var komin tími á óléttínu hitting í Hafnarfirði, eins og þið vitið kannski þá er ég ferlega óratvís kona og var það nokkuð gefið að ferð í Vallarhverfið í Hfj myndi enda með ósköpum...sem það gerði!
Ég endaði með að hringja í Óla á meðan ég keyrði hring eftir hring á hringtorgi gjörsamlega týnd og fékk hann til að leiðbeina mér...týpísk ég. Ég fékk svo að elta eina dömuna út úr hverfinu á heimleiðinni svo að ég myndi ekki enda í Krísuvík eða eitthvað þaðan af verra.
Það var rosa gaman í hittingnum og notalegt að spjalla og hlæja með öllum bumbunum, það var reyndar mikið hlegið þegar ein sagði okkur að hún talaði alltaf um þetta sem bumbuklúbbinn og svo hafi maðurinn hennar spurt hana klukkan hvað offitufundirinn hennar væri...allar bara í bullandi afneitun erum ekkert óléttar erum bara offitusjúklingar :þ
Gærdeginum var svo eytt á Skaganum í góðu yfirlæti eftir að hafa eytt deginum á kaffihúsi...sem sagt BRJÁLAÐ Að GERA og ég er bara spennt að bíða eftir að klukkan verði 16 og vinnudagurinn verði búinn. En annað mun skemmtilegra, flug, hótel og miðar á tónleikanna er allt bókað og 38 dagar í ferðina, spennan magnast!!!

Fly like an eagle...to Sweden

2008-02-13T08:47:00.003Z

Bráðum á Óli afmæli og verður þrítugur...merkur áfangi og af því tilefni erum við að fara til Stokkhólms í lok mars að sjá The Eagles, ég hef nú eytt smá tíma í Stokkhólmi áður og hlakka til að fara með Óla að rölta um Gamla Stan, kíkja kannski í Höllina og á Vasasafnið. Svo verður nú eflaust litið inn í H&M að versla óléttínu föt og eitthvað handa unganum líka. Við verðum 3 nætur 4 daga í Sverge og ætlar Atli mágur að koma með okkur. The Eagles er sem sagt eitthvað sem ekki má missa af :D
Ég er ansi spennt og ekki skemmir fyrir að ég fæ að hitta Hönnu Ulriku vinkonu mína sem ég hef ekki séð síðan sumarið 2003.
Baby er líka spennt, örugglega bara af því að ég er spennt...það hefur nú fengið viðurnefnið
Jean-Claude/Jean-Claudette sem er viðeigandi því að spörkin eru farin að minna ansi mikið á kallinn hann Van Damme. Í gærkvöldi þegar ég lá upp í rúmi og horfði á magann á mér ganga til og frá beið ég eftir að heyra úr bumbunni lame frasa á bjagaðri ensku með belgískum hreim :þ
Varð að láta hér fylgja smá sýnishorn af Van Damme í action :þ Stórkostlegur leikari....eða EKKI!!!! Það er líka möguleiki að krílið verði fyrir áhrifum af bókinni sem ég er að lesa þessa daga sem fjallar um börn í Brasilíu, sum hver þeirra eru meistarar í þessari bardagalist, Capoeira
Eitthvað er unginn amk að bardúsa þarna inni og alveg ótrúlegt hvað hreyfingarnar eru miklar og kröftugar. Meiri fjörkálfurinn, alltaf með partý í mallanum en mömmu ekki boðið!!
43 dagar í Sverge :D

Stock of the Holm

2008-02-12T14:56:00.000Z

Var að bóka hótel yfir helgi...Í STOKKHÓLMI!!!!!!

You must have been a beautiful baby...

2008-02-08T20:25:00.000Z

Cause baby look at you now!

Hérna koma myndirnar sem ég lofaði í dag...

Fallegur vangasvipur, mömmu finnst baby líkt Óla en Ólöf frænka segir að það sé með hökuna mína :D

Sætar litlar táslur!

Sónarinn gekk rosa vel, allt eins og það á að vera og ljósan sem var með okkur var æðisleg og útskýrði vel allt sem verið var að skoða. Við fengum að sjá meðal annars lítil nýru, lítið hjarta, maga og þvagblöðru og sætann lítinn heila. Augu, nef og munn, fallegar varir og allt sem á að vera á litlu kríli. Þetta var bara yndislegt og ég hef aldrei sé nokkuð jafn fallegt í lífinu og mun eflaust ekki fyrr en ég fæ að sjá þetta fallega barn komið í heiminn. Okkur var líka flýtt um 2 daga sem er agalega skemmtilegt og er því von á erfingjanum 26 júní, dásamlegt alveg hreint.

Ugly Kid Ulrich

2008-02-08T09:18:00.000Z

Er með ljótuna í dag, BIG TIME!!!
Líður eins og smáhveli sem hefur verið beaten with an ugly stick.
Finnst ég öll ómöguleg...nema hárið það er guðdómlegt, þykkt, mjúkt og glansandi.
En það skiptir kannski ekki öllu þó að ég sé með ljótuna í dag, hún batnar nú vonandi um 11 leytið þegar við Óli skellum okkur niðrá Lansa og förum í sónar. Ég er orðin svo spennt að ég er með kitl í maganum...nema það sé bara krílið sem er að kitla mig, gæti alveg verið.
Við ætlum sem sagt ekki að fá að vita kynið á baby en það breytir því ekki að ég hlakka voða mikið til. Set inn myndir seinna í dag!
Góða helgi my dears!

Don´t it make my brown eyes blue?

2008-02-07T09:02:00.000Z

Jii minn einu hvað ég er syfjuð...

Klukkan 6 í morgun tísti kór af dídídídídí frá símunum okkar Óla. Óli fór á fætur og spurði

"ætlarðu að koma með mér?" Það var nokkuð ljóst að hvorugt okkar var að nenna að fara í ræktina og bæði vildum við að hitt myndi segja "lúllum frekar lengur" en þegar báðir aðilar bíða eftir að annar taki af skarið þá gerist yfirleitt ekki neitt. Nema hvað við klæðum okkur og Óli fer út að moka af bílnum. Það hefur sjálfsagt ekki farið framhjá ykkur að það snjóaði doldið vel í nótt. En það reyndist þrautin þyngri að koma bílnum út af bílastæðinu og sátum við pikkföst og losnuðum ekki fyrr en Óli fór út og ýtti. Þegar þarna var komið var orðið of seint að fara í ræktina og við tók ævintýrið mikla að finna stað til að skilja bílinn eftir þar sem við myndum ekki festast aftur. Það tókst á endanum og það voru þreytt og köld Herra og Frú Ulrich sem komu inn á Eggertsgötunni... Núna sit ég og horfi út um gluggann á rokið og snjóinn og hugsa með hrylling til þess að þetta sé bara forsmekkurinn því að á morgun er spáð snarbrjáluðu veðri, dýpstu lægð vetrarins. Það er eins gott að það verði samt fært á morgun því að ég ætla sko ekki að missa af sónartímanum sem ég er búin að bíða eftir síðan 13. desember þegar við fórum síðast í sónar. Þannig að ég set inn myndir af litlu elskunni á morgun :D

Við áttum rosa notalegt kvöld, Nonni frændi kom í mat með kærustinni sinni henni Ástu og var borðað vel og mikið, spjallað og hlegið. Ég var afskaplega ánægð með að vera í óléttuvænum fötum eftir matinn hehehe!

Við Óli horfðum svo á stórmerkilega heimildarmynd sem heitir Blue eyes Brown eyes og fjallar um kennara að nafni Jane Elliot sem hefur stundað róttæka fordómafræðslu síðan Dr Martin Luther King var myrtur. Þessi mynd er vægast sagt sláandi!! Þó að megináherslan sé á kynþáttafordóma hjá henni, vinnur hún líka með kynjamisrétti, fordóma fyrir samkynhneigðum og fötluðum. Eitt fannst mér virkilega rista djúpt sem hún sagði við eina konu í myndinni, þessi kona var að svara spurningu og spilaði sig soldið kjánalega og barnalega.

"Ekki vera krútt, hættu því! Að vera krúttleg og sæt virkar kannski þangað til að þú verður 45 ára en þá verða fullt af 18-40 ára konum sem verða miklu sætari og meira krútt en þú og þá vilt þú fara að fá stöðuhækkun en enginn tekur þig alvarlega því að þú ert búin að eyða lífinu í að spila þig sem kjánalegt krútt. Vertu dugleg, klár skynsöm og sjálfsstæð!" Konur eru nefnilega ekki saklausar af því að viðhalda staðalmyndum um sig, sumar konur taka sjálfar sig ekki alvarlega, gera eingöngu út á kynþokka sinn, og gera þar með lítið úr sér og öðrum konum erfiðara fyrir.

Og þar hafið þið það!

It´s a christmas miracle!!!

2008-02-05T08:36:00.000Z

Undur og stórmerki gerðust í morgun kl 6...

Við Óli mættum saman í ræktina, mikið var það gaman. Mér finnst svo gaman að æfa með elskunni minni :D

Vorum mætt rétt rúmlega 6 tókum efri parts lyftingar og vorum komin heim um það leyti sem við erum oftast að vakna. Ótrúlega hressandi en ólétta konan gleymdi sér aðeins og fór að æfa á fastandi maga sem var ekki svo sniðugt og orkan því ekki alveg eins góð og venjulega. En svona er vaninn fastur í manni, yfirleitt æfi ég alltaf á fastandi maga á morgnanna því að það eykur grunnbrennsluna en á þessu skeiði í lífi mínu þá er grunnbrennslan ekki eitthvað sem ég er að hugsa um og þá verður maður líka slappur ef maður fer fastandi að taka á því.

Ég var að breyta aðeins námskeiðsskráningunni minni í skólanum, kom í ljós að ég var BÚIN að taka annan áfangan sem ég var skráð í, það var bara búið að breyta um nafn á honum. Þannig að í staðin fyrir að vera í Þróunarsamvinna: Stefnur og stofnanir verð ég í Hagnýting

jafnréttisfræða: Frá bróðurparti til systkinalags...Spennó!! Ég er reyndar rosa spennt fyrir kynjafræðinni og þetta verður á svipuðum nótum og það sem ég var að gera í henni fyrir áramót. Ég er nefnilega búin með alla skylduáfangana í M.A náminu í Þróunarfræði og þarf að fara að drífa í að skipuleggja lokaritgerðina. Fljótt að líða...

Ti nea???

2008-02-03T20:20:00.000Z

Það er von að fólk spyji sig hvað sé að frétta af ungfrú Ulrich, enda ansi langt síðan ég bloggaði síðast. En ég var svo óheppin að eyða miðvikudegi, fimmtudegi og föstudegi í það að vera lasin. Það var ekkert rosalega gaman og er sófinn kominn með permanent Karenar far á sig. En gærdeginum var eytt í öllu skemmtilegri hluti en við skelltum okkur á Skagann í mat hjá tengdó og co, rosa gaman og svo var haldið á Skrúðgarðinn þar sem Óli og Arnar trylltu lýðinn með tónlistarflutningi :D Við vorum ekki komin heim fyrr en að verða 2 í nótt og mikið var gott að skríða undir sæng og láta lítinn fjörfisk halda fyrir sér vöku með eins fósturs Íslandsmeistaramóti í bumbusprikkli FREESTYLE! En það hafa sko leiðinlegri hlutir haldið fyrir manni vöku í gegnum tíðina og þetta var nú bara yndislegt og líka yndislegt þegar krílið var uppgefið eftir lætin og við gátum farið að hvíla okkur. Í dag var svo moving day hjá Þóru mágkonu og var flutningum rumpað af á no time af hraustu fólki og ég fékk að vera svona mest upp á punt þar sem að minn heittelskaði er sannfærður um að ég þekki ekki takmörk mín og sá til þess að ég héldi mig á mottunni :þ

Mér var hugsað til þess hversu fyndið það er þegar fólk kallar Reykjavík Borg Óttans...ég held því reyndar fram að enginn sem er fæddur og uppalin í Rvk myndi láta sér detta í hug að kalla þessa dásamlegu borg svona kjánalegu nafni og þeir sem í alvörunni telja Reykjavík vera borg óttans ættu að íhuga að ferðast meira!!! Við Soffía saklausar og grænar fengum okkur til dæmis hótelherbergi á Omonia torgi í Aþenu. Hvernig áttum við að vita að Omonia væri ekta stórborgar torg fullt af dópistum, og hættulegu fólki. Þarna vorum við að trítla um síðla nætur í afar stuttum pilsum og tókst einhvern veginn að komast hjá því að vera rændar og drepnar. Kannski það hafi hjálpað að við vissum ekkert hvað við vorum á hættulegum stað. En kannski ef maður er vanur minni stöðum þá getur Rvk virkað hættuleg, mér er minnstætt þegar ég þurfti í gamla daga að fylgja 15 ára gömlum vini mínum frá Vestmannaeyjum heim til systur sinnar á kvöldin því að hún bjó í miðbænum. Og hann var yfirleitt virkilega skelkaður á leiðinni. Ég man líka hvað mér fannst hann SVEITÓ fyrir vikið :þ

Aþena Borg Óttans???

Master Faster Sweet Disaster...

2008-01-29T13:59:00.000Z

Ohhh ég vildi að ég væri ekki búin að skemmileggja diskinn minn Diva Futura með grísku Blackmetalsveitinni Nightfall. Hann var æði en ég spilaði greyið til bana fyrir nokkrum árum og það er ómögulegt að verða sér út um hann hér á landi...þarf að skoða hvort hægt er að panta hann að utan. Hér má sjá myndbandið við lagið Lesbian Show sem er gott en ekki uppáhalds :D
Ég er búin að vera að sálast úr leiðindum í vinnunni, eiginlega alveg þangað til ég reyndi að byrja að skrifa þetta blogg því að þá allt í einu varð vitlaust að gera...Týpískt!!

Fórum á fund með framkvæmdastjóra SFR í morgun að ræða kjaramálin, samingar að renna út í vor og vonandi hækkanir á leiðinni, svo á að fara gera betur við barnafólk innan félagsins sem snertir mig núna í fyrsta sinn sem mér finnst auðvitað afar gott sérstaklega þar sem ég hefði ekkert á móti því að vinna hjá ríkinu það sem eftir er...kannski samt ekki alltaf á sama vettvangi samt. Góður fundur og alltaf gott að ylja sér við kjaramálin. Eitt það flottasta sem mér fannst koma fram var að verið er að íhuga að veita Jafnréttisráði sömu rannsóknarvöld og Samkeppnisstofnun. Þá mættu fyrirtæki og stofnanir búast við að vera tekin til rannsóknar á launamun kynjanna með tilheyrandi refsiaðgerðum ef ekki er farið að jafnréttislögum. Þetta finnst mér lofa góðu sérstaklega þar sem launajafnrétti virðist ætla að vera ómögulegt að ná fram. Ennþá meira að segja hjá ríkinu þeim aðila sem setti jafnréttislögin er munurinn 15 % eftir að teknar hafa verið út breytur eins og menntun, starfsreynsla, aldur og yfirvinna....Þegar ekkert skilur að nema kyn þá er munurinn samt 15% sem er óásættanlegt hann á að vera 0,0%.

Alveg að verða búin með daginn og hlakka til að fara heim til mömmu að hakka fisk...Fiskibollur í matinn nammi namm.

Frisky aren´t we?

2008-01-27T23:36:00.000Z

Búin að vera eitthvað hálfslöpp í dag. Virðist sem að þetta kvef sem er búið að elta mig alla vikuna sé loksins búið að ná mér. Þess vegna og líka vegna ógeðsveðurs er ég búin að liggja og slappa af í næstum því allan dag. Búið að vera mjög ljúft og líka mjög fyndið, því þegar ég ligg kyrr þá er litla baby á fullri ferð. Ég flissaði eins og kjáni meðan unginn hamaðist og á tímabili varð mér hugsað til Alien myndanna!!!! Meiri dúllan :D Óli nýkominn heim eftir dag á Skaganum og tók krílið á móti honum með hressilegu sparki. Annars er helgin búin er vera rosa góð, fór að hitta óléttínur á laugardaginn og var gaman að eyða kvöldinu með 8 stelpum sem allar eiga von á sér í júní. En ætla núna að fara að kúra hjá elskunni minni og vonandi yfirgefur kvefið svæðið eftir góðan nætursvefn.

The P.C term

2008-01-24T09:46:00.000Z

Eins og ég hef almennt mikinn áhuga á stjórnmálum þá er mér farið að leiðast afskaplega sápuóperan sem er í gangi niður við tjörn. "Þau slóttugu og sköllóttu" eða "Kjörþokki og kynþokki" og hvað með "Stöðuhækkanir og greindarvísitölulækkanir" allt ágætist nöfn á hringavitleysuna í borgarstjórninni. Aumingja ástkæra Reykjavíkin mín að þurfa að búa við þessi ósköp... En talandi um vitleysu Ástþór "Friður 2000" Magnússon er búinn að boða til blaðamannafundar í dag, þess væri óskandi að enginn myndi mæta á þennan fund eða bara einhverjir frá Eiðfaxa tímariti hestamanna og frá Safninu fréttablaði Félags frímerkjasafnara.
Það er í alvörunni ekki hægt að gagnrýna kallgreyið fyrir að vera sífellt að ota sínum tota þegar hann er hvattur til þess með ómældri athygli frá fjölmiðlum, þið vitið að neikvæð athygli er betri en engin...
Mikið er ég annars fegin að það er kominn fimmtudagur, ég sver það ég finn sæta ilminn af helginni. Ég er farin að leika hlutverk Freistarans á hverjum morgni þegar ég reyni að lokka Óla aftur uppí, vil ólm kúra og legg fyrir hann alls konar gildrur, en hann er klókur þessi elska og lætur ekki plata sig... Óheppin ég :þ Ég er samt búin að panta kúr fyrir sunnudaginn 24. febrúar en þá er konudagur og þá á ég að fá að ráða.

It´s teamwork baby!!

2008-01-23T10:56:00.000Z

Finnst ykkur ekki merkilegt hvað mörg leiðinleg verkefni verða mun skárri ef maður gerir þau með einhverjum. Það var stórþvottadagur hjá okkur í gær og í staðinn fyrir að annað okkar tæki að sér öll leiðindin eins og við gerum oftast fórum við saman í þvottahúsið og hjálpuðumst að. Og allt í einu var þvotturinn pís of keik :D Held að þetta verði gert oftar!
En annað sem gerðist mun skemmtilegra í gær var að litla krílið ákvað að leyfa pabba sínum að finna hvað það er orðið duglegt að sprikkla, þetta er í fyrsta sinn sem að hreyfingarnar eru nógu kröftugar til að Óli geti fundið, ótrúlega gaman!! Ég hins vegar nýt þess oftar yfir daginn (og sérstaklega kvöldin) að finna ungann litla gera leikfimisæfingar sem er bara ein sú besta tilfinning sem ég hef fundið.
Dreymdi skrítinn draum í nótt og ætla gerast svo djörf að spá fyrir því að við séum að fá úthlutun á stærri íbúð innan skamms sem verður bara gaman, að dreifa aðeins úr okkur smáfjölskyldunni.
Dreymdi að það var maður komin til að flytja dótið okkar og hann hét Sakkarías sem þýðir Drottinn man...Held að það sé afskaplega gott að dreyma þetta nafn og held að bráðum flytjum við og það verði allt hið besta mál...kemur í ljós!!

For shame!!!

2008-01-22T08:42:00.001Z

Þetta er meira ógeðið, þá á ég við sviptingar í veðri og borgarstjórn...

Þá er 3 borgarstjórnin tekin við og eitthvað segir mér að við eigum eftir að sjá eina amk í viðbót áður en þessu kjörtímabili lýkur. Hvað ætli þessi sandkassaleikur niður við tjörn sé að kosta okkur skattgreiðendur??? Núna er ekki einn ekki tveir heldur þrír borgastjórar á launum því að bæði Vilhjálmur og Dagur fá biðlaun í 6 mánuði, ég er nokkuð viss um að fyrir þá peninga sem þessi vitleysa er búin að kosta væri hægt að leysa þau vandamál sem mér finnst helst hrjá borgina og það er mannekla í kennslu (grunn og leik) og umönnunarstörfum. Mér er í alvöru skapi næst að flytja lögheimili mitt til Seyðisfjarðar ég er svo ósátt við þetta...

En að einhverju mun skemmtilegra, en ég er búin að eignast nýjan vin, hann heitir Blár.

Hann er ekki þessi gaur sem heitir líka Blár og er ímyndaður vinur... Þó að ég væri síður en svo mótfallin því að eiga svona flottan ímyndaðan vin þá er nýji vinur minn Blár aðeins meira áþreifanlegur, hann veitir mér ótrúlegan stuðning og eftir að ég kynntist honum er ég búin að sofa betur en ég hef gert í margar vikur... Þetta er Blár vinur minn.

Ég fékk hann Blá lánaðann hjá Erlu minni sem notaði hann óspart á nóttinni á meðan Hallur Karl sprikklaði inní henni og núna er ég með hann uppí hjá mér. Og þvílíkur munur, ég sef bara eins ungabarn í faðmlögum við Blá og Óli örugglega feginn að fá svefnfrið fyrir kelinu í mér. Litla barnið inní mér er nú farið að láta til sín taka og hreyfingarnar verða greinilegri með hverjum deginum, elsku litla krúttið. Jæja elskurnar hafið það gott í vonda veðrinu og vondu pólitíkinni sem er allra tíka skrýtnust.

Babyweekend...

2008-01-21T09:27:00.000Z

Afhverju eru helgarnar svona fljótar að líða...skil ekkert í þessu!!

En þessi er búin að vera virkilega skemmtileg, föstudagurinn var bara tekin í rólegtheit en var mjög fyndinn á köflum. Talaði við systur mína til að fá soninn lánaðann í barnaafmæli og var það bráðskemmtilegt samtal. Það voru einhver óhljóð á bak við hana þegar ég hringdi og ég spurði hana hvaða læti þetta væru og svona var svarið "Þetta er sonur minn, hann er að leika Ray Charles...hann er búin að setja hljómborðið á magann á mér er að glamra á það og lætur mig halda fyrir augun á sér." Ég dó næstum úr hlátri, hann er svo mikill snillingur þessi drengur!

Laugardeginum eyddi ég með elskunni honum Sigurgeir og var ekkert smá gaman að dúllast með eitt svona lillababy allan daginn, en hann er líka svo mikill yndisungi að það er lítið mál að passa hann, brosir bara út í eitt og bræðir mann algerlega. Ég sver það ég gerði ekkert nema að dást að honum :D Eftir að hann var sóttur lá leið mín upp í Breiðholt og skellti ég mér með gulri limmó með 4 topplúgur og einkabílstjóra alla leiðina. Þar hitti ég Erlu mína og elsku Hall Karl litla og tók við enn meiri barnagleði og skemmtilegheit. Enn hélt fjörið svo áfram á sunnudeginum í 4 ára afmæli hjá Pétri Thor þar sem Magga sló öll met í veisluhaldi enn eina ferðina og fórum við frændaskottið þaðan södd og sæl. Við Óli notuðum svo kvöldið í slökun enda ekki seinna vænna svona á sunnudagskvöldi.

En það er komin mánudagur enn eina ferðina og núna þarf ég að fara að kíkja á námsefnið enda skólinn byrjaður og styttist í fyrstu verkefnaskil.

Slippery like an eal!!!

2008-01-17T13:06:00.000Z

Mikið er ég lítið ánægð með þetta veður, ég hefði þurft meitil og kúbein til að losa bílinn úr ísprísundinni í morgun en það eina sem ég hafði af vopni var ósköp venjuleg skafa, loksins þegar bílinn var í lagi þá tók við æsispennandi tilraun til að komast útaf bílastæðinu sem var á kaf í snjó. Óli greyið sem er lasinn heima var alveg að fara að smella sér í föt til að hjálpa mér þegar að ég komst loksins gegnum skaflanna. Hann ýjaði að því að þetta hefði verið meira að um að kenna akstursísnjó hæfileika minna eða skorti á þeim, frekar en færðinni en ég held að hann sé haldinn ranghugmyndum og jafnvel snert af ofskynjunum!!
Uppáhaldsstafirnir í stafrófinu í dag eru A...B...og S en ég hef aldrei áður þurft að nota ABS bremsukerfið eins mikið og í dag.
Crazy!!!
Helgin alveg að koma og ég held að hún verði afskaplega skemmtileg, ég ætla að eyða laugardeginum í babybootcamp en það er komin tími til að ég rifji upp gamla frænkutakta áður en ég þarf að læra nýja mömmutakta. Ég ætla að passa sykurpúðann hann Sigurgeir (6mán) á laugardaginn og fara svo að hitta yndisungann hann Hall Karl (4mán) og mömmu hans um kvöldið. Svo er barnaafmæli á sunnudaginn en krúttið hann Pétur Thor verður 4 ára í næstu viku og á að halda uppá það með látum á sunnudaginn :D
Sem sagt babylicious helgi framundan.
2,5 tímar eftir af deginum og það er alveg 2 tímum of mikið. Sérlega erfitt að einbeita sér í vinnunni þegar ég veit að Óli er að dúllast veikur heima. Þó mig langi lítið til að verða veik þá langar mig mikið til að vera heima hjá mér undir sæng í þessu veðri.
Farið þið varlega í umferðinni my dears...it´s nuts!

Dream-weaver...

2008-01-16T10:13:00.000Z

Eitt af því sem verður fyrir áhrifum á meðgöngunni eru svefn og draumar. Óléttar konur dreymir meira skilst mér en ég er reyndar með aðra kenningu. Einhvers staðar las ég að hormónarnir g(óðu) hafi áhrif á drauma það getur vel verið en ég held að þetta sé frekar til komið vegna þess að maður er að vakna oftar á nóttinni, þar með truflar maður REM hringinn og er líklegri til að muna draumana. Ég ætla að deila með ykkur nokkrum hápunktum

draum(ham)fara minna síðustu nætur. Mig dreymdi að ég var í bíó í útlöndum, ég var reyndar til skiptis að horfa á myndina og bisa við að finna mér gott sæti í bíóinu eða var sjálf í aðalhlutverki í myndinni. Þetta var söngleikur um mann sem var að byggja hús handa konunni sem hann elskaði og olli það einhverri togstreitu þeirra á milli en endaði vel þegar þau giftu sig óvænt á leirkersnámskeiði þar sem hún var stödd. Þessi draumur sannaði svo ekki fari milli mála að ég hef ekki hæfileika til tónsmíða þar sem að þetta var alveg hörmulegur söngleikur!!

Í nótt dreymdi mig fyrst að ég var að taka þátt í America´s next top model ásamt tadahhhh Liz Hurley. Liz fékk taugaáfall þegar ég vann til einhverra verðlauna en ég greyið var allan tíman að redda kaffi latte handa Tyru og Jay... Seinni draumurinn var svo hræðileg martröð sem má rekja til þess hérumbil stöðuga ótta sem maður lifir við þegar maður er bókstaflega með lífið í leginu og er að venjast því að elska einhvern sem maður hefur ekki hitt ennþá, en mig dreymdi að ég var hundelt af einhverjum manni í svartri skikkju (eins og í Scream) og hann vildi gera krílinu mínu eitthvað, en ég barðist hetjulega við hann með beittasta eldhúshnífnum og sagði við hann "hí á þig það fossblæðir úr þér." Ég vaknaði með andfælum og í eitt augnablik sá ég hann standa við rúmið, ógeðslegt!! Ég var næstum búin að vekja Óla til að láta hann hugga mig en hann svaf svo vært að ég hjúfraði mig bara upp að honum í staðinn og sofnaði aftur.

Já það er nóg að gera hjá mér á nóttinni :D

Smurfy Smurferson

2008-01-14T13:38:00.000Z

Merkilegur dagur!!

Strumparnir fimmtugir, haldiði að það sé!!
Elsku litlu bláu krúttin, þeir hafa sannarlega skemmt manni ófáar stundirnar. Hvort sem það voru teiknimyndasögurnar eða teiknimyndirnar með Ladda elskunni í aðalhlutverki. Þið sem lásuð strumpana munið kannski eftir því hvernig bækurnar voru til að byrja með...eiginlega næstum óskiljanlegar, Strumparnir voru alltaf að strumpa strump með strumpum og urðu alveg strumpandi strumpaðir á strumpinu...og ég þá rétt rúmlega 6 ára skyldi hvorki upp né niður í því sem var gerast í bókunum. Ekki leið á löngu þangað til að strumpa greyin urðu altalandi á mannamáli og maður þurfti ekki Strump/Íslenska orðabók til að skilja þá. Og þá var kátt í höllinni :þ

Annars er ferlega mikill mánudagur eitthvað í mér og verð að segja að ég get ekki beðið eftir því að klukkan verði 15:30 og við getum lokað og farið að gera upp.

Gold..you´re indestructable...

2008-01-12T19:16:00.000Z

Ahhh sweet weekend blizz...

Var vöknuð snemma í morgun og labbaði í Þrekhúsið og tók á því, það yndislegt og sérlega gaman að ég rakst á tvær fyrrverandi samstarfskonur mínar úr Mýrarhúsaskóla og fékk fréttir af stráknum sem ég var með í stuðning þegar ég var að vinna þar. Fékk líka enn eina staðfestinguna á því að Óli Örn þekkir alla í heiminum. Var ekki beinlínis það sem ég bjóst við að ein þessara kvenna spurði mig hvort ég væri konan hans Óla og þegar ég sagði já þá óskaði hún mér til hamingju með fjölgunina. En svona er þetta bara, hún hafði þá verið viðstödd í vinnunni hjá Óla þegar fréttist að við ættum von á okkur...ég veit ekki meir :D

Labbaði heim og þvoði stórþvott og er svo bara að slaka og bíða eftir strákunum sem eru búnir að eyða deginum á Skaganum. Ég er svo á leiðinni að hitta hana Möggu mína í smá kvöldkaffi. Rólegt kvöldkaffi ólíkt því sem við gerðum stundum þegar við vorum báðar í sumarfríi og það sem átti að vera rólegt kvöldkaffi, breyttist í "Eigum við að fá okkur smá Bailey's í kaffið" og endaði í kokteilum og okkur á kojufylleríi. Verður lítið um svoleiðis núna nema ég helli í hana...

Talandi um áfengi...eruð þið búin að sjá Superbad? Hún er ansi fyndin en í henni kemur fram drykkur sem heitir Goldslick vodka og á að vera vodki með gull flögum í, very pretty! Þessi drykkur er því miður ekki til í alvörunni...amk ekki ennþá en það er til Goldschlager snafs sem er Svissneskur kanill snafs með 24 karata gull flögum. Einhvern tímann í (post pregnant lífinu) ætla ég að kaupa svoleiðis, ekkert smá flottur!!

Tickled pink...

2008-01-11T14:29:00.000Z

Mikið er ég ánægð með lífið...
Fallegt veður úti, föstudagur og ekki nema klukkutími eftir af vinnunni og ég var að fá aðra 8 í einkunn :D
Agalega er ég eitthvað glöð með þetta!!!!
Til að halda upp á þennan glæsilega árangur ætla ég að kaupa mér sterkann brjóstsykur eftir vinnu...sem mig er búið að langa í síðan fyrir klukkan 8 í morgun.

OMG ég slefa næstum því af tilhlökkun...how sad am I :þ

The masterful miss Ulrich

2008-01-09T14:21:00.000Z

Mikið er þetta búið að vera skemmtilegur dagur. Við Óli byrjuðum daginn á að hitta ljósuna okkar og fengum að vita að ég er eins hraust og hægt er að vera með toppeinkunn í öllu :D
Fengum að heyra hjartsláttinn aftur sem er alltaf jafn yndislegt og fórum sæl og glöð út. Ég gerði smá heimatilraun á krílinu í fyrradag, en þar sem mér skilst að nú eigi það að geta heyrt þá ákvað ég að spila smá tónlist fyrir elskuna og fékk vegleg verðlaun fyrir. Josh Groban með sína silkirödd varð fyrir valinu ég setti heynatól á mallann og um leið og tónlistin byrjaði fann ég greinilegt pot frá elskunni. Þar með er ég enn sannfærðari um að ég sé með stelpukríli því að þetta voru greinileg kvenviðbrögð við röddinni í Josh :þ Nema þetta sé strákur og verði þá glæsi tenór eins og Josh og pabbi. Alla þá nótt dreymdi mig að baby var að rétta mér hendina og ég gat leitt það í gegnum húðina á maganum á mér, mér fannst þetta æðislegur draumur.
Svo enn meira skemmtilegt en í dag fékk ég loksins einkunn fyrir annan kúrsinn sem ég var í og það var 8 takk fyrir, þannig að meðaleinkunin mín í M.A náminu er 8...ekki leiðinlegt!
Klukkutími eftir að vinnudeginum og þá ætla ég út að labba í góða veðrinu.
Hafið það gott gullin mín!

And who may I say is calling?

2008-01-07T09:20:00.000Z

Ansi ljúf helgi...við frændaskottið skemmtum okkur vel í bæjarferð, fórum í strætó, gáfum öndunum og löbbuðum svo heim. Gærdeginum var eytt í ræktinni og svo í að rífa niður jólin á Eggertsgötu sem endaði með stórhreingerningu. Elska hreina íbúð :D

En það var eitt sem að eyðilagði aðeins þessa annars indælu helgi og það var símhringing kl 5:20 á sunnudagsmorgun, vitlaust númer takk fyrir!!

Af því tilefni finnst mér nauðsynlegt að setja fram hérna nokkrar reglur um hverjir mega og mega ekki hringja á nóttinni.

Mega hringja á nóttinni:

nr 1 Kærastinn/Kærastan-Eiginmaðurinn/Eiginkonan

Þessir aðilar mega alltaf hringja á nóttinni og vekja mann, hvort sem það er til að segja

eitthvað fallegt, biðja um að vera sótt/ur eða bara til að segja Hæ.

nr 2 Foreldrar og systkini

Þessir aðilar mega hringja á nóttinni en samt bara við tilteknar aðstæður, í neyðartilfellum, eða vegna þess að eitthvað kom uppá (t.d læst úti, eða ég er strandaglópur uppí Hafnarfirði og kemst ekki heim.

nr 3 Allra Bestu Vinir/Vinkonur

Þessir aðilar mega einnig hringja en aðeins í neyðartilfellum og aðeins ef þau hafa ekki möguleika á að leita til ofangreindra aðila sinna.

Mega ekki hringja á nóttinni:

Kunningjar og fyrrverandi kærastar/kærustur-eiginmenn/eiginkonur

Mega aldrei hringja á nóttinni:

Ókunnugir

Og þar með er það komið á hreint!

Feeling frisky?

2008-01-05T10:54:00.001Z

Skellti mér í ræktina í morgun og það var æði, fór að lyfta og tók bara vel á því...varlega en vel :D

Ótrúlega hressandi og gott, en það eina sem mér leiðist við þennan árstíma er hvað það er alltaf mikið að fólki, nýju krúttlegu fólki sem kann ekki á tækin. Ég er alltaf ánægð að sjá fleira fólk taka sig til og fara að hreyfa sig á nýju ári en margra ára reynsla af vinnu á líkamsræktarstöð hefur kennt mér að þetta endist sjaldnast. Flest þetta nýja fólk með blik í auga og staðráðið í að breyta lífi sínu verður horfið í seinasta lagi um miðjan febrúar. Þetta er þekkt fyrirbæri í bransanum og hefur ekki brugðist enn, um miðjan febrúar verða örfáir enn staðráðnir og þeir munu að öllum líkindum halda sínu striki en að mestu verða þetta sömu andlit og maður hefur séð á æfingu í mörg ár, reynsluboltar sem allir anda léttar þegar búningsklefar og salir eru ekki lengur troðnir af nýju fólki. En svona er þetta bara, flestir vilja skyndilausnir og eru einfaldlega ekki tilbúnir að leggja á sig vinnuna sem fylgir því að breyta lífstíl sínum og halda sér við efnið.

Er að fara svo núna í bæinn með frændaskottið mitt, ætlum að gefa öndunum og gera eitthvað skemmtilegt, það er alltof langt síðan við gerðum eitthvað saman og komin tími til að bæta úr því. Veðrið er líka yndislegt og fátt betra en að nota tækifærið og njóta blíðunar á meðan hún býðst.

KOMA SVO ...TÖKUM Á ÞVÍ JANE FONDA STYLE!!!

Oh my goodness...

2008-01-04T11:04:00.000Z

Pælið í því, ég er alveg búin að blogga 2 á nýja árinu en gleymi að blogga um aðalatriðið, sem sagt hvað við vorum að bralla síðustu helgi. Á laugardaginn fórum við nefnilega í mat til Röggu og Sævars og það var rosa stuð að venju, mest fannst mér auðvitað gaman að hnoðast með yngsta soninn, lítinn 5 bráðum 6 mánaða stubb. Hann er svo ljúfur og góður að ég bað hann að segja litla barninu inn í mér að taka sig til fyrirmyndar...ekki það að ég hafi áhyggjur af því að barnið okkar Óla verði annað er stillt og prútt svona miðað við hvað við vorum bæði þægileg kríli. Á sunnudaginn var svo komið að aðal aðal atriðinu fyrsta giggi stórhljómsveitarinnar Vinir Tomma, með elskuna mína sem söngvara. Það var algert æði, skemmtileg lög, flott spilað og auðvitað best sungið :D Það segir ansi mikið þegar upphitunarhljómsveitin er klöppuð upp og reynt að hafa hana sem lengst. Ekki það að Blúsboltarnir væru ekki fínir...mér fannst Vinir Tomma bara betri og er viss um að ég var ekki ein á þeirri skoðun. Það var alltof langt um liðið síðan ég hafði séð Óla á sviði og ég fann að ég hafði saknað þess.
Á Gamlársdag vorum við svo með hin árlega brunch á Eggertsgötunni sem er uppáhaldsleiðin mín til að enda árið. Ég hló mikið yfir kaldhæðni örlaganna, ég var alltaf að hneykslast á því á meðan ég var úti í Grikklandi hvernig litið var á stöðu kvenna. Að konur ættu helst bara að vera berfættar, óléttar í eldhúsinu...sem er nákvæmlega það sem ég var allan daginn á Gamlársdag.
Helga vinkona tók með sér flotta græju og eftir að gestirnir voru farnir fórum við Óli og Hlynur inn í herbergi og Helga notaði Dopplerinn til að leyfa okkur að heyra hjartsláttinn hjá krílinu. Baby var nú reyndar með einhverja óþekkt og færði sig alltaf undan þegar verið var að pota í það en við náðum samt öll að heyra hjartsláttinn hjá elskunni. Sem var mjög gaman :D Líka gaman fyrir stóra bróðir tilvonandi þar sem að börn undir 12 ára mega ekki koma með í neinar skoðanir þannig að hann fékk þarna aðeins að vera með, krúttið.
Núna er bara komin helgi aftur og verður henni eytt bara í eitthvað skemmtilegt...nema mér detti í hug að henda jólunum út enda þrettándinn á sunnudaginn minnir mig.
Góða Helgi!!

The dreadful duties of my life...

2008-01-03T09:27:00.000Z

Fyrsti alvöru vinnudagurinn eftir frí og mér finnst ég eiga frekar mikið bágt. Var sjúklega erfitt að vakna í morgun sem mátti klárlega sjá þegar vekjarinn vakti Óla áður en að ég rumskaði. Það var svo erfitt að fara á fætur og snoozaði ég til 08:10 í morgun, sem er ansi vel af sér vikið þegar maður á að mæta kl 08:30! Ekki gekk betur að ræsa strákana en hafðist að lokum og voru það úfnir og sætir strákar sem ég skildi eftir á Eggertsgötunni. Nú taka við að mínu mati úldnustu mánuðir ársins, engin birta, engin jólaljós, ekkert frí til að hlakka til, bara myrkur og kuldi. Janúar og febrúar eru sveittur handakriki ársins hjá mér, ekki spurning. Held að maður verði að skipuleggja svona eins og eina sumarbústaðaferð eða svo til hafa þessa mánuði af. Ég er enn að bíða eftir einkunnum og er orðin ansi spennt, en þær hljóta að fara að detta inn hvað á hverju. Styttist líka í að skólinn byrji og þess vegna ætla ég að njóta í botns að koma heim til mín eftir vinnu næstu daga og þurfa ekkert að gera nema leika mér. S.L.A.K.A!!!!!
Er eitthvað hálfmygluð, hafið það gott í dag :D

Happy tvo double o eight

2008-01-01T23:01:00.000Z

Gleðilegt nýtt ár elskurnar og takk fyrir það gamla :D
Mér finnst alltaf svo gaman að fagna nýju ári og fyllist alltaf bjartsýni og gleði fyrir nýju og fersku upphafi. Árið 2007 var annars gott ár og margt merkilegt búið að gerast hjá ungfrúnni Ulrich þá má auðvitað helst nefna, útskrift, þrítugsafmæli, yndislegar utanlandsferðir og aðalatriði auðvitað tilkoma erfingjans. Ansi mikilvægt ár 2007, eitthvað sem ég vissi á nýársdag fyrir ári síðan þegar ég tók á móti árinu vitandi að það væri eitt af þessum árum sem ég myndi aldrei gleyma og yrði fullt af mikilvægum atburðum.

2008 þarf því að fylla í ansi stóra og flotta skó en ég hef mikla trú á því, sérstaklega sumrinu...en ekki hvað!!!

Hér koma nokkrir hápunktar á árinu 2007!

Við Óli fórum í fyrstu utanlandsferð okkar saman og skemmtum okkur konunglega í Köben í febrúar.

Smáfjölskyldan eyddi viku í sólinni á Benidorm í apríl.

Ég útskrifaðist sem mannfræðingur í júní.

Óli og Atli stóðu sig eins og hetjur í Mýrarboltanum um Versló, nokkuð sem verður endurtekið og er nú þegar farið að skipuleggja næsta mót :D

4 allra mestu skvísur EVER urðu þrítugar frá 9. ágúst til 9.september

Við Óli fórum í flottasta fríið í lífinu (til þessa :D) í Karabíska hafið og USA í september/október

Við komum ekki ein heim og hérna má sjá fyrstu myndina af laumufarþeganum af Glory, 6vikna og 3daga pínu baun með bullandi hjartslátt.

Nýjasta myndin af elskunni, í chillinu og bíður eftir sumrinu ;)

Eins og sést merkilegt ár 2007 og ég kveð það sátt og hlakka til að sjá hvað bíður okkar árið 2008.

Don´t wanna be...

2007-12-28T19:50:00.000Z

All by myself...anymore :þ
Hringdi Óla áðan og sagðist vilja fá hann heim!! Brjálað að gera hjá elskunni í húsabyggingu og hljómsveitaræfingum og mér finnst ég vanrækt, og það gengur sko ekki þegar maður er prinsessa. Elska nýfundna orku mína, er eitthvað svo miklu hressari en ég er búin að vera og af því tilefni labbaði ég ásamt honum Helga góðvini mínum úr vinnunni niður í bæ þar sem Helgi heimtaði að bjóða mér upp á máltíð til að fagna barnsvoninni og skelltum við okkur á Sólon borðuðum góðan mat og spjölluðum. Helgi sjálfum sér líkur og sagðist endilega vilja fá að bjóða mér út að borða núna og ná mér snemma á meðgöngunni...áður en ég væri farin að borða eins og hross og panta 2 aðalrétti, mér fannst hann fyndinn ;D
Ég labbaði svo við í bókabúð og fjárfesti í einni bók mér til skemmtunar því að núna þegar námið er ekki að flækjast fyrir spæni ég í mig jólabækurnar og sá fram á að vera bókalaus um helgina. En svona er ég búin að vera síðan ég var 6 ára þannig að það ætti að vera hætt að koma mér á óvart hversu fljótt ein bók er lesin.
Síðasti vinnudagur ársins í dag, og ég þarf ekki mæta aftur fyrr en klukkan 12 á miðvikudaginn...ég gæti sko alveg vanist því að vinna bara svona einn til tvo daga í einu og taka þess á milli nokkra daga í frí. Not to shabby for Karen...
En núna ætla ég að kúra mig upp í sófa, með Book of the Dead hennar Patriciu Cornwell og virkilega sjúga í mig fríið og bíða eftir elskulegum strákunum mínum.
Hafið það æðislega gott...ég veit að ég ætla að gera það!

Miss Frostrich the snow-woman...

2007-12-27T09:52:00.000Z

Eruð þið að grínast með kuldann þarna úti????

Mér er kalt á kroppnum og á sálinni... Neyddist nefnilega til að sofa al al alein í nótt því að Óli skellti sér á ball á Skaganum sem maður getur ekki gert þegar maður þarf að mæta snemma í vinnu daginn eftir, ég amk lagði ekki í það og var því grasekkja í eina nótt...Hates it!!

Vaknaði í morgun Óla megin í rúminu búin að hnoða sængina hans í kuðl og var að knúsa hana, merkilegt hvað maður verður háður þessum elskum sínum!!

Ég heyrði líka leiðinlegt hljóð þegar ég vaknaði, gnauð í vindi sem mér leist lítið á þar sem að ég verð fótgangandi í dag. Og ég dúðaði mig eins og ég væri á leið á annan hvorn pólinn en allt kom fyrir ekki, mér varð ískalt og er eiginlega ennþá kalt. Nákvæmlega ekkert að gera í vinnunni enda varla bíll á götunni, eflaust margir sem tóku sér aukafrí þessa 2 daga. Ég veit að ég hefði verið til í það hefði það staðið til boða!!!

Hlakka til eftir vinnu, ætla að halda áfram alsherjar slökuninni síðan í gær, en ég er að verða búin með Terry Pratchett bókina frá Óla enda er hún svo æðislega skemmtileg að ég get ekki lagt hana frá mér. Gaman að lesa og vera alltaf flissandi og hlæjandi upphátt :D

Liggja, slaka og strjúka sístækkandi mallann er nokkuð til betra...

Hlynur kemur til okkar á morgun sem er bara gaman og Helga Ljósa vinkona ætlar að koma í heimsókn með Dopplertækið og leyfa stórabróður tilvonandi að heyra hjartsláttinn hjá krílinu, svo ætlum við bara að fjölskyldast eitthvað á laugardag, á sunnudaginn er matarboð á Skaganum og spilerí hjá Óla um kvöldið. Á gamlársdag verður svo hin árlegi Gamlársbrunch á Eggertsgötunni og svo aftur á Skagann í gamlársgleði og sprengingar. Já lífið er ansi ljúft!!

Happy Holidays...

2007-12-26T11:01:00.000Z

Gleðileg jól elskurnar mínar!!
Mikið eru þau líka búin að vera gleðileg hjá okkur, hvað er betra en að eyða tíma með sínum nánustu, borða góðan mat, skiptast á gjöfum, spila og skemmta sér. Það er ekki annað hægt en að gleðjast. Við Óli vorum að þessu sinni hjá mömmu minni á aðfangadag, það var yndislegt og var sérstaklega gaman að elsku Ágúst Smára sem var alveg í skýjunum yfir öllum pökkunum.
En ég fékk líka æðislega pakka, geggjaða leðurtösku, nýja diesel ilmvatnið og Terry Pratchett frá Óla, armband, náttkjól, aðra bók, sjal, við saman fengum pönnu, æðislegt rúmteppi og borðdúk svo dæmi séu tekin. Gærdeginum eyddum við svo í góðu yfirlæti hjá tengdamömmu á skaganum og var þar eins og alltaf æðislegur matur og skemmtilegur félagsskapur. Veðrið lék hins vegar ekki við okkur eins og þið flest tókuð eftir þá snjóaði endalaust í gær. Við keyrðum Hlyn svo á Hvanneyri þar sem við festum okkur í snjóskafli og ég held í alvörunni að ég hafi aldrei verið eins ánægð að sjá Reykjavík eins og í gær, eða eins og ég sagði við Óla " að nokkur láti sér detta það í hug að búa annars staðar er bara óskiljanlegt fyrir borgarbarnið mig."
Við Óli vöktum svo langt fram á nótt og ég þurfti að draga sjálfa mig á fætur í morgun því að ég þarf að mæta í vinnu í fyrramálið og verð því að geta farið að sofa á skikkanlegum tíma í kvöld.
En ég er bara rosa ánægð og glöð með jólin og hlakka til að vinna í 2 daga og fara svo í meira frí :D

All baked out...

2007-12-20T10:30:00.000Z

Mér líður eins og ég hafi farið í gegnum Kenwood chef hrærivélina hennar mömmu sem ég var með í láni í gær, ég er svo hrikalega syfjuð. Ég var nefnilega að jólabaka í gær...einar þrjár sortir takk fyrir!!! Og þar á meðal Sörur thank you very many :þ

Á meðan Óli barðist áfram í einhverju HTML verkefni fyrir skólann stífþeytti ég eggjahvítur, saxaði súkkulaði og grenjaði pínu smá. Það er soldið sérstakt að hafa enga stjórn á líkama sínum né tilfinningum og varð það til þess að ég fór bara að vola yfir bakstrinum í gær...útaf engu.

Það var ekki eins og kökurnar væru að misheppnast eða eitthvað slíkt sem getur kallað fram tár neihei þess í stað var elskan mín eitthvað að flissa yfir því hversu slándi lík Dolly Parton ég er að verða svona í kringum það svæði sem hún er hvað þekktust fyrir. Og eins og hendi væri veifað fóru tárin að streyma og ég átti fullt í fangi með að koma í veg fyrir að þau yrðu hluti af kökudeiginu. Mér finnst stundum erfitt að sætta mig við þessar stökkbreytingar sem eru að verða á kroppnum mínum, nóg til að væla aðeins undan því. En ég er fljót að jafna mig aftur þó að Óli eigi algerlega mína vorkunn þessa dagana...

Ég held samt að öll met hafi verið slegin við annað tilefni þegar ég fór að hágráta yfir bílaláns auglýsingu frá Lýsingu. Þið kannist eflaust við þessa auglýsingu, fjölskylda á ferðalagi í litlum bíl sem er troðinn af börnum og uppá þaki er farangurinn sem opnast og fötin þeirra fjúka um allt...tárin hrundu niður kinnarnar á mér á meðan ég sagði við Óla..."þau þurfa ekkert nýjan bíl sjáðu hvað þau eru hamingjusöm og nægjusöm" Já mér finnst stundum soldið erfitt að vera ég þessa dagana...en líka yndislegt og skemmtilegt :D

Count your blessings...

2007-12-19T09:09:00.001Z

Fékk áhugaverðan tölvupóst í gær, þar sem verið var að sýna fram á muninn á matarneyslu á einni viku eftir heimshlutum. Mér fannst þetta áhugavert og ætla að sýna ykkur nokkrar myndir

Þýsk fjölskylda 500$
Bandarísk fjölskylda...kemur á óvart!! 347$

Fjölskylda í Tingo...S-Ameríka 31.55$

Fjölskylda í Chad... Afríka 1.23$

Smá munur á viku matar og drykkjarneyslu, ég held að íslendingar séu einhvers staðar á milli þýsku og USA fjölskyldunnar svona nokkurn veginn.
Held að maður geti aldrei verið of þakklátur fyrir það sem maður fær og við sem fáum svo mikið ættum að minna okkur á það hversu blessuð við erum sem oftast...

En að öðru og öðruvísi hlutum þá talaði ég við nýorðinn 5 ára systurson minn elskulegan í síma í gær, hann var á Eiðistorgi með mömmu sinni og ömmu og spígsporaði um allt með gemsann á eyranu, ótrúlega flottur gaur. Við vorum að ræða það sem að heltekur öll lítil börn þessa dagana en það eru Sveinarnir 13 og hvað þeir gefa góðum börnum í skóinn. Lillinn sagði mér hvað Hurðaskellir hafði fært honum fallegt um nóttina og fullyrti að hann hafi sko aldrei fengið kartöflu í skóinn. Síðan spjölluðum við aðeins um hann Kertasníki en lillinn þóttist ekkert kannast við það að Kertasníkir borðaði kerti. Hljómaði einhvern veginn svona... " 'Oj borðar hann kerti, það er ógeðslegt. Og hann brennir sig í munninum því það er ógeðslega heitt sko, af því að það er kveikt á því" Ég þurfti að berjast við að láta hann ekki heyra mig flissa, meira krúttið :D Jólin eru þvílíkt búin að læðast upp að mér í ár þó að ég hafi verið farin að hugsa um þau einhvern tímann snemma í haust. 5 dagar eftir og ég á heilmikið enn ógert. Ætla að baka eftir vinnu og svo þarf að koma jólakortunum í póst, klára að þrífa og versla þessar síðustu jólagjafir sem enn eru ekki keyptar. En þetta hefst allt fyrir jól...eins og alltaf!
Jóla Jóla Jóla!!

What a difference a day made...

2007-12-18T09:10:00.000Z

24 little hours...

Brought the sun and the flowers, where there use to be rain.

Mikið líður mér vel í dag, þó að ég sé sybbin þá er ég ótrúlega hress. Sem er gaman kannski hefur það eitthvað með það að gera að ég er loksins komin í jólafrí frá skólanum, og kannski hefur það eitthvað með það að gera að ég hlustaði á skemmtileg jólalög á leið í vinnuna, kannski hefur það eitthvað með það að gera að Óli er líka að verða búin með sína verkefnavinnutörn þannig að við getum gert eitthvað notalegt saman í kvöld sem við höfum ekki getað síðan fyrir helgi, en kannski hefur það eitthvað með það að gera að eftir margar vikur af því að fá gæsahúðarviðbjóðshroll af tilhugsuninni um að fá mér mitt heittelskaða kaffi mætti ég í vinnuna í morgun og langaði í kaffi og fékk mér kaffi og drakk kaffi og fannst það GOTT ;D Nokkuð ljóst að hormónahryðjuverkin sem hefur verið að stjórna tilveru minni síðastliðna mánuði eru að verða búin og vil ég senda ljúfar ástarkveðjur til fylgjunnar sem á hvað mestu hlutdeild í minni batnandi líðan :þ

Ég veit ekki með ykkur en ég er samt orðin pínu leið á þessu endalausa myrkri hérna alla daga og er búin að setja inn pöntun fyrir snjókomu sem allra fyrst til að létta aðeins á þessu svartnætti. En ef þessi pöntun mín verður ekki uppfyllt sem kæmi mér ekki á óvart miðað við stormasamt samband mitt við verðurguðina þá ætla ég bara að setja allt á fullt heima í kertaljósum og jólafíling og Scrooge aka Óli verður bara að taka þátt eða sofa á svölunum hahaha.

Koma svo!!!

Let it snow...